➖ »
«
➖ ➕
Aleppo Codex (~920)
Alep
The Gospel of James
GspJam
←
Judges
Jdg
6
→
[1]ויעשו בני ישראל הרע בעיני יהוה ויתנם יהוה ביד מדין שבע שנים [No book]
[2]ותעז יד מדין על ישראל מפני מדין עשו להם בני ישראל את המנהרות אשר בהרים ואת המערות ואת המצדות [No book]
[3]והיה אם זרע ישראל־ועלה מדין ועמלק ובני קדם ועלו עליו [No book]
[4]ויחנו עליהם וישחיתו את יבול הארץ עד בואך עזה ולא ישאירו מחיה בישראל ושה ושור וחמור [No book]
[5]כי הם ומקניהם יעלו ואהליהם יבאו [Q: ובאו] כדי ארבה לרב ולהם ולגמליהם אין מספר ויבאו בארץ לשחתה [No book]
[6]וידל ישראל מאד מפני מדין ויזעקו בני ישראל אל יהוה [No book]
[7]ויהי כי זעקו בני ישראל אל יהוה על אדות מדין [No book]
[8]וישלח יהוה איש נביא אל בני ישראל ויאמר להם כה אמר יהוה אלהי ישראל אנכי העליתי אתכם ממצרים ואציא אתכם מבית עבדים [No book]
[9]ואצל אתכם מיד מצרים ומיד כל לחציכם ואגרש אותם מפניכם ואתנה לכם את ארצם [No book]
[10]ואמרה לכם אני יהוה אלהיכם־לא תיראו את אלהי האמרי אשר אתם יושבים בארצם ולא שמעתם בקולי [No book]
[11]ויבא מלאך יהוה וישב תחת האלה אשר בעפרה אשר ליואש אבי העזרי וגדעון בנו חבט חטים בגת להניס מפני מדין [No book]
[12]וירא אליו מלאך יהוה ויאמר אליו יהוה עמך גבור החיל [No book]
[13]ויאמר אליו גדעון בי אדני ויש יהוה עמנו ולמה מצאתנו כל זאת ואיה כל נפלאתיו אשר ספרו לנו אבותינו לאמר הלא ממצרים העלנו יהוה ועתה נטשנו יהוה ויתננו בכף מדין [No book]
[14]ויפן אליו יהוה ויאמר לך בכחך זה והושעת את ישראל מכף מדין הלא שלחתיך [No book]
[15]ויאמר אליו בי אדני במה אושיע את ישראל הנה אלפי הדל במנשה ואנכי הצעיר בבית אבי [No book]
[16]ויאמר אליו יהוה כי אהיה עמך והכית את מדין כאיש אחד [No book]
[17]ויאמר אליו אם נא מצאתי חן בעיניך ועשית לי אות שאתה מדבר עמי [No book]
[18]אל נא תמש מזה עד באי אליך והצאתי את מנחתי והנחתי לפניך ויאמר אנכי אשב עד שובך [No book]
[19]וגדעון בא ויעש גדי עזים ואיפת קמח מצות הבשר שם בסל והמרק שם בפרור ויוצא אליו אל תחת האלה ויגש [No book]
[20]ויאמר אליו מלאך האלהים קח את הבשר ואת המצות והנח אל הסלע הלז ואת המרק שפוך ויעש כן [No book]
[21]וישלח מלאך יהוה את קצה המשענת אשר בידו ויגע בבשר ובמצות ותעל האש מן הצור ותאכל את הבשר ואת המצות ומלאך יהוה הלך מעיניו [No book]
[22]וירא גדעון כי מלאך יהוה הוא ויאמר גדעון אהה אדני יהוה־כי על כן ראיתי מלאך יהוה פנים אל פנים [No book]
[23]ויאמר לו יהוה שלום לך אל תירא לא תמות [No book]
[24]ויבן שם גדעון מזבח ליהוה ויקרא לו יהוה שלום עד היום הזה־עודנו בעפרת אבי העזרי [No book]
[25]ויהי בלילה ההוא ויאמר לו יהוה קח את פר השור אשר לאביך ופר השני שבע שנים והרסת את מזבח הבעל אשר לאביך ואת האשרה אשר עליו תכרת [No book]
[26]ובנית מזבח ליהוה אלהיך על ראש המעוז הזה־במערכה ולקחת את הפר השני והעלית עולה בעצי האשרה אשר תכרת [No book]
[27]ויקח גדעון עשרה אנשים מעבדיו ויעש כאשר דבר אליו יהוה ויהי כאשר ירא את בית אביו ואת אנשי העיר מעשות יומם־ויעש לילה [No book]
[28]וישכימו אנשי העיר בבקר והנה נתץ מזבח הבעל והאשרה אשר עליו כרתה ואת הפר השני העלה על המזבח הבנוי [No book]
[29]ויאמרו איש אל רעהו מי עשה הדבר הזה וידרשו ויבקשו־ויאמרו גדעון בן יואש עשה הדבר הזה [No book]
[30]ויאמרו אנשי העיר אל יואש הוצא את בנך וימת כי נתץ את מזבח הבעל וכי כרת האשרה אשר עליו [No book]
[31]ויאמר יואש לכל אשר עמדו עליו האתם תריבון לבעל אם אתם תושיעון אותו אשר יריב לו יומת עד הבקר אם אלהים הוא ירב לו כי נתץ את מזבחו [No book]
[32]ויקרא לו ביום ההוא ירבעל לאמר ירב בו הבעל כי נתץ את מזבחו [No book]
[33]וכל מדין ועמלק ובני קדם נאספו יחדו ויעברו ויחנו בעמק יזרעאל [No book]
[34]ורוח יהוה לבשה את גדעון ויתקע בשופר ויזעק אביעזר אחריו [No book]
[35]ומלאכים שלח בכל מנשה ויזעק גם הוא אחריו ומלאכים שלח באשר ובזבלון ובנפתלי ויעלו לקראתם [No book]
[36]ויאמר גדעון אל האלהים אם ישך מושיע בידי את ישראל־כאשר דברת [No book]
[37]הנה אנכי מציג את גזת הצמר־בגרן אם טל יהיה על הגזה לבדה ועל כל הארץ חרב־וידעתי כי תושיע בידי את ישראל כאשר דברת [No book]
[38]ויהי כן־וישכם ממחרת ויזר את הגזה וימץ טל מן הגזה מלוא הספל מים [No book]
[39]ויאמר גדעון אל האלהים אל יחר אפך בי ואדברה אך הפעם אנסה נא רק הפעם בגזה־יהי נא חרב אל הגזה לבדה ועל כל הארץ יהיה טל [No book]
[40]ויעש אלהים כן בלילה ההוא ויהי חרב אל הגזה לבדה ועל כל הארץ היה טל [No book]
Source: unbound.biola.edu
 Translation: M.R. James (1924)
Source: www.earlychristianwritings.com
Top