|
|
| [1]ܘܲܥ̣ܒܲܕܼܘ ܒ̈ܢܲܝ ܝܼܣܪܵܝܹܠ ܕܒ̣ܝܼܫ ܩܕܼܵܡ ܡܵܪܝܵܐ: ܘܐܲܫܠܸܡ ܐܸܢܘܿܢ ܡܵܪܝܵܐ ܒܐܝܼܕܼܵܐ ܕܡܸܕܼܝܵܢܵܝܹ̈ܐ ܫܒܲܥ ܫܢ̈ܝܼܢ. |
[No book] |
| [2]ܘܥܸܫܢܲܬ̤ ܐܝܼܕܼܵܐ ܕܡܸܕܝܵܢܵܝܹ̈ܐ ܥܲܠ ܝܼܣܪܵܝܹܠ: ܘܲܥܪܲܩ̣ܘ ܡ̣ܢ ܩܕܼܵܡ ܡܸܕܝܵܢܵܝܹ̈ܐ: ܘܲܥ̣ܒܲܕܼܘ ܠܗܘܿܢ ܒ̈ܢܲܝ ܝܼܣܪܵܝܹܠ ܒܵܬܹ̈ܐ ܒܛܘܼܪܹ̈ܐ: ܘܲܡܥܲܪܹ̈ܐ ܘܲܛܝܵܪܹ̈ܐ. |
[No book] |
| [3]ܘܡܵܐ ܕܙܵܪܲܥ ܗ̄ܘ̣ܵܐ ܝܼܣܪܵܝܹܠ: ܣܵܠܩܝܼܢ ܗ̄ܘ̣ܵܘ ܡܸܕܝܵܢܵܝܹ̈ܐ: ܘܲܥܡܵܠܩܵܝܹ̈ܐ: ܘܲܒ̣̈ܢܲܝ ܪܩܸܡ: ܘܫܵܪܹܝܢ ܗ̄ܘ̣ܵܘ ܥܠܲܝܗܘܿܢ. |
[No book] |
| [4]ܘܲܡܚܲܒ̇ܠܝܼܢ ܗ̄ܘ̣ܵܘ ܟܠܵܗ̇ ܐܲܪܥܵܐ: ܥܕܲܡܵܐ ܠܡܲܥܠܵܢܵܐ ܕܥܵܐܙܵܐ: ܘܠܵܐ ܫܵܒ̣ܩܝܼܢ ܗ̄ܘ̣ܵܘ ܠܝܼܣܪܵܝܹܠ ܕܢܲܚܘܿܢ ܬܵܘܪܹ̈ܐ: ܘܐܸܡܪܹ̈ܐ: ܘܚܸܡܪ̈ܵܐ. |
[No book] |
| [5]ܡܸܛܠ ܕܗܸܢܘܿܢ: ܘܲܒ̣ܥܝܼܪܗܘܿܢ: ܘܡܲܫܟ̇ܢܲܝ̈ܗܘܿܢ: ܐܵܬܹ̇ܝܢ ܗ̄ܘ̣ܵܘ: ܐܲܝܟ̣ ܩܲܡܨܵܐ ܣܲܓ̇ܝܼܵܐܐ: ܘܲܠܗܘܿܢ ܘܲܠܓܲܡܠܲܝܗ̈ܘܿܢ ܠܲܝܬ̇ ܗ̄ܘ̣ܵܐ ܡܸܢܝܵܢ: ܘܥܲܠ̣ܘ ܠܐܲܪܥܵܐ ܠܲܡܚܲܒܵܠܘܼܬ̣ܵܗ̇. |
[No book] |
| [6]ܘܐܸܬ̇ܬ̇ܙܝܼܥ ܝܼܣܪܵܝܹܠ ܛܵܒ̣. ܡ̣ܢ ܩܕܼܵܡ ܡܸܕܼܝܵܢܵܝܹ̈ܐ. |
[No book] |
| [7]ܘܐܲܙܥܸܩܘ ܒ̈ܢܲܝ ܝܼܣܪܵܝܹܠ ܠܡܵܪܝܵܐ ܥܲܠ ܨܒ̣ܘܼܬ̣ܵܐ ܕܡܸܕܼܝܲܢ. |
[No book] |
| [8]ܘܫܲܕܲܪ ܡܵܪܝܵܐ ܠܓܲܒ̣ܪܵܐ ܢܒ̣ܝܼܵܐ ܠܘܵܬ̣ ܒ̈ܢܲܝ ܝܼܣܪܵܝܹܠ: ܘܐܸܡܲܪ ܠܗܘܿܢ: ܗܵܟܲܢܵܐ ܐܵܡܲܪ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܐܸܢܵܐ ܐܲܣܸܩܬ̇ܟ̣ܘܿܢ ܡ̣ܢ ܐܲܪܥܵܐ ܕܡܸܨܪܹܝܢ. ܘܐܲܦܸܩܬ̇ܟ̣ܘܿܢ ܡ̣ܢ ܒܹܝܬ̣ ܥܲܒ̣ܕ̇ܘܼܬ̣ܵܐ. |
[No book] |
| [9]ܘܦܲܨܝܼܬ̇ܟ̣ܘܿܢ ܡ̣ܢ ܐܝܼܕܼܵܐ ܕܡܸܨܪ̈ܵܝܹܐ: ܘܡ̣ܢ ܐܝܼܕܼܵܐ ܕܟ̣ܠܗܘܿܢ ܐܲܠܘܿܨܲܝ̈ܟ̇ܘܿܢ: ܘܐܵܘܒ̇ܕܹܬ̣ ܐܸܢܘܿܢ ܡ̣ܢ ܩܕܼܵܡܲܝܟ̇ܘܿܢ: ܘܝܸܗ̄ܒܹ̇ܬ̣ ܠܟ̣ܘܿܢ ܐܲܪܥ̱ܗܘܿܢ. |
[No book] |
| [10]ܘܐܸܡ̇ܪܹܬ̣ ܠܟ̣ܘܿܢ ܕܐܸܢܵܐ ܐܢܵܐ ܡܵܪܝܵܐ ܐܲܠܵܗܟ̣ܘܿܢ: ܠܵܐ ܬܸܕܼܚ̄ܠܘܼܢ ܠܐܲܠܵܗܹ̈ܐ ܕܐܵܡܘܿܪ̈ܵܝܹܐ ܕܝܵܬ̣ܒܝܼܢ ܐ̄ܢܬ̇ܘܿܢ ܒܐܲܪܥ̱ܗܘܿܢ. ܘܠܵܐ ܫ̣ܡܲܥܬ̇ܘܿܢ ܒܩܵܠܝ. |
[No book] |
| [11]ܘܐܸܬ̣ܵܐ ܡܲܠܲܐܟܹܗ ܕܡܵܪܝܵܐ ܘܝܸܬܸܒ̣ ܬܚܹܝܬ̣ ܒܸܛ̱ܡܬ̣ܵܐ ܕܐܝܼܬ̣ ܒܥܘܼܦܪܵܐ: ܩܪܝܼܬ̣ܵܐ ܕܝܘܿܐܵܫ ܐܲܒ̣ܘܼܗܝ ܕܥܲܙܪܝܼ: ܘܓܸܕܼܥܘܿܢ ܒܪܹܗ ܚܵܒܹܛ ܗ̄ܘ̣ܵܐ ܚܸܛܹ̈ܐ ܒܓ̣ܵܬ̣: ܕܢܸܥܪܘܿܩ ܡ̣ܢ ܩܕܼܵܡ ܡܸܕܼܝܵܢܵܝܹ̈ܐ. |
[No book] |
| [12]ܘܐܸܬ̣ܚܙܝܼ ܠܹܗ ܡܲܠܲܐܟܹܗ ܕܡܵܪܝܵܐ: ܘܐܸܡܲܪ ܠܹܗ: ܡܵܪܝܵܐ ܓܲܢ̄ܒܵܪ ܚܲܝܠܵܐ ܥܲܡܵܟ̣. |
[No book] |
| [13]ܘܐܸܡܲܪ ܠܹܗ ܓܸܕܼܥܘܿܢ: ܒܵܥܹ̇ܐ ܐ̄ܢܵܐ ܡܸܢܵܟ̣ ܡܵܪܝ: ܐܸܢ ܐܝܼܬ̣ ܡܵܪܝܵܐ ܥܲܡܵܢ: ܠܡܵܢܵܐ ܓܕܲܫ̣ ܠܲܢ ܗܵܠܹܝܢ ܟܠܗܹܝܢ: ܘܐܲܝܟܲܢܵܐ ܐܸܢܹܝܢ ܟܠܗܹܝܢ ܬܸܕܼܡܪ̈ܵܬܹܗ ܕܐܸܫܬܲܥܝܼܘ ܠܲܢ ܐܲܒ̣ܵܗܲܝ̈ܢ: ܘܐܸܡܲܪܘ ܠܲܢ ܕܡ̣ܢ ܡܸܨܪܹܝܢ ܐܲܦܩܲܢ ܡܵܪܝܵܐ: ܘܗܵܫܵܐ ܫܲܒ̣ܩܲܢ ܡܵܪܝܵܐ: ܘܐܲܫ̱ܠܡܲܢ ܒܐܝܼܕܼܵܐ ܕܡܸܕܼܝܵܢܝܹ̈ܐ. |
[No book] |
| [14]ܘܐܸܬ̣ܦܢܝܼ ܥܠܵܘܗܝ ܡܵܪܝܵܐ: ܘܐܸܡܲܪ ܠܹܗ: ܒܚܲܝܠܵܟ̣ ܗܵܢܵܐ: ܡܸܛܠ ܕܐܲܢ̄ܬ̇ ܬܸܦܪܘܿܩ ܠܝܼܣܪܵܝܹܠ ܡ̣ܢ ܐܝܼܕܼܵܐ ܕܡܸܕܼܝܵܢܵܝܹ̈ܐ: ܗܵܐ ܫܲܕܲܪܬܵܟ̣. |
[No book] |
| [15]ܐܵܡܲܪ ܠܹܗ: ܒܵܥܹ̇ܐ ܐ̄ܢܵܐ ܡܸܢܵܟ̣ ܡܵܪܝ: ܒܡܵܢܵܐ ܐܸܦ̱ܪܩܝܼܘܗܝ ܠܝܼܣܪܵܝܹܠ: ܕܗܵܐ ܫܲܪܒܲܬ̣ܝ ܒܨܝܼܪܵܐ ܗ̄ܝ̣ ܒܲܡܢܲܫܹܐ: ܘܐܸܢܵܐ ܐ̄ܢܵܐ ܕܒܹܝܬ̣ ܐܲܒ̣ܝ. |
[No book] |
| [16]ܘܐܸܡܲܪ ܠܹܗ ܡܵܪܝܵܐ: ܐܸܢܵܐ ܐܸܗܘܹܐ ܥܲܡܵܟ̣: ܘܬܸܚܪܘܿܒ̣ ܠܡܸܕܼܝܵܢܵܝܹ̈ܐ ܐܲܝܟ̣ ܓܲܒ̣ܪܵܐ ܚܲܕܼ. |
[No book] |
| [17]ܘܐܸܡܲܪ ܠܹܗ: ܐܸܢ ܐܸܫܟ̇ܚܹ̇ܬ̣ ܪ̈ܲܚܡܹܐ ܒܥܲܝܢܲܝ̈ܟ: ܥܒܸܕܼ ܠܝܼ ܐܵܬ̤ܵܐ: ܘܐܸܕܲܥ ܕܐܲܢ̄ܬ̇ ܡܡܲܠܸܠ ܥܲܡܝ. |
[No book] |
| [18]ܠܵܐ ܬܸܦܪܘܿܩ ܡܸܟܵܐ: ܥܕܲܡܵܐ ܕܐܹܬܹܐ ܠܘܵܬ̣ܵܟ̣: ܘܐܲܦܲܩ̣ ܫܵܪܘܼܬ̣ܝ ܘܐܹܣܝܼܡ ܩܕܼܵܡܲܝܟ. ܘܐܸܡܲܪ ܠܹܗ: ܐܸܢܵܐ ܐܸܬܸ̇ܒ̣ ܥܕܲܡܵܐ ܕܬܹܐܬܹܐ. |
[No book] |
| [19]ܘܓܸܕܼܥܘܿܢ ܥܲܠ ܥ̣ܒܲܪ ܓܲܕܼܝܵܐ ܕܥܸܙܹ̈ܐ: ܘܣܲܐܬ̣ܵܐ ܕܩܲܡܚܵܐ ܦܲܛܝܼܪܵܐ: ܘܒܸܣܪܵܐ ܣܵܡ̣ ܒܣܲܠܵܐ: ܘܲܡܨܲܠܠܵܐ ܐܲܪܡܝܼ ܒܩܸܣܛܵܐ: ܘܐܲܦܸܩ ܠܹܗ ܬܚܹܝܬ̣ ܒܸܛ̱ܡܬ̣ܵܐ: ܘܩܲܪܸܒ̣ ܠܹܗ. |
[No book] |
| [20]ܘܐܸܡܲܪ ܠܹܗ ܡܲܠܲܐܟܹ̇ܗ ܕܡܵܪܝܵܐ: ܣܲܒ̣ ܒܸܣܪܵܐ ܘܦܲܛܝܼܪܵܐ ܘܣܝܼܡ ܥܲܠ ܟܹܐܦܵܐ: ܘܲܡܨܲܠܠܵܐ ܐܲܫܘܿܕܼ ܥܠܹܝܗ̇. ܘܲܥܒܲܕܼ ܗܵܟܲܢܵܐ. |
[No book] |
| [21]ܘܐܵܘܫܸܛ ܡܲܠܲܐܟܹ̇ܗ ܕܡܵܪܝܵܐ ܒܪܹܫ ܚܘܼܛܪܵܐ ܕܒ̣ܐܝܼܕܹܗ: ܘܲܩ̣ܪܸܒ̣ ܠܒܸܣܪܵܐ ܘܲܠܦܛܝܼܪܵܐ: ܘܣܸܠܩܲܬ̤ ܢܘܼܪܵܐ ܡ̣ܢ ܟܹܐܦܵܐ ܘܐܸܟ̣ܠܲܬ̤ ܒܸܣܪܵܐ ܘܦܲܛܝܼܪܵܐ: ܘܡܲܠܲܐܟܹܗ ܕܡܵܪܝܵܐ ܐܸܬ̣ܓܸ̇ܠܙ ܡ̣ܢ ܨܹܐܕܼܵܘܗܝ. |
[No book] |
| [22]ܘܲܚܙ̣ܵܐ ܓܸܕܼܥܘܿܢ ܕܡܲܠܲܐܟܹܗ ܗ̄ܘ̣ ܕܡܵܪܝܵܐ: ܘܐܸܡܲܪ ܓܸܕܼܥܘܿܢ: ܐܘܿܢ ܡܵܪܝܵܐ ܐܲܠܵܗܵܐ: ܕܲܚܙܹܝܬ̣ ܡܲܠܲܐܟܹ̇ܗ ܕܡܵܪܝܵܐ ܐܲܦ̈ܝܼܢ ܒܐܲܦ̈ܝܼܢ. |
[No book] |
| [23]ܘܐܸܡܲܪ ܠܹܗ ܡܵܪܝܵܐ: ܫܠܵܡ ܠܵܟ̣: ܠܵܐ ܬܸܕܼܚܲܠ: ܠܵܐ ܡܵܐܹ̇ܬ̣ ܐܲܢ̄ܬ̇. |
[No book] |
| [24]ܘܲܒ̣ܢܵܐ ܬܲܡܵܢ ܓܸܕܼܥܘܿܢ ܡܲܕܼܒ̇ܚܵܐ ܠܡܵܪܝܵܐ: ܘܲܩܪܵܝܗܝ ܡܵܪܝܵܐ ܫܠܵܡܵܐ ܥܕܲܡܵܐ ܠܝܵܘܡܵܢܵܐ: ܘܲܥܕܼܵܟܹ̇ܝܠ ܒܥܘܼܦܪܵܐ ܗ̄ܘ̣ ܩܪܝܼܬ̣ܵܐ ܕܐܲܒ̣ܘܼܗܝ ܕܥܲܙܪܝܼ. |
[No book] |
| [25]ܘܲܗܘ̤ܵܐ ܒܝܵܘܡܵܐ ܗܵܘ̇: ܘܐܸܡܲܪ ܠܹܗ ܡܵܪܝܵܐ: ܣܲܒ̣ ܬܵܘܪܵܐ ܕܐܲܒ̣ܘܼܟ̣: ܘܬ̣ܵܘܪܵܐ ܐ̄ܚܪܹܢܵܐ ܒܲܪ ܫܒܲܥ ܫܢ̈ܝܼܢ: ܘܲܣܚܘܿܦ ܡܲܕܼܒ̇ܚܹܗ ܕܒܲܥܠܵܐ ܦܬܲܟ̣ܪܹܗ ܕܐܲܒ̣ܘܼܟ̣: ܘܐܸܣܬ̇ܪܵܐ ܕܩܵܝ̇ܡܵܐ ܥܠܵܘܗܝ ܦܲܣܸܩ. |
[No book] |
| [26]ܘܲܒ̣ܢܝܼ ܡܲܕܼܒ̇ܚܵܐ ܠܡܵܪܝܵܐ ܐܲܠܵܗܵܟ̣ ܥܲܠ ܪܹܫ ܬܘܼܩܦܵܐ ܗܵܢܵܐ: ܒܣܸܕܼܪܵܐ. ܘܣܲܒ̣ ܬܵܘܪܵܐ ܐ̄ܚܪܹܢܵܐ: ܘܐܲܣܸܩ ܥܠܵܘܗܝ ܥܠܵܬ̣ܵܐ: ܘܩܲܝܣܹ̈ܐ ܒܩܲܝܣܹ̈ܐ ܕܐܸܣܬ̇ܪܵܐ ܕܲܡܦܲܣܸܩ ܐܲܢ̄ܬ̇. |
[No book] |
| [27]ܘܲܕܼܒܲܪ ܓܸܕܼܥܘܿܢ ܥܸܣܪܵܐ ܓܲܒ̣ܪ̈ܝܼܢ ܡ̣ܢ ܥܲܒ̣ܕܵܘ̈ܗܝ: ܘܲܥ̣ܒܲܕܼ ܐܲܝܟ̣ ܕܐܸܡܲܪ ܠܹܗ ܡܵܪܝܵܐ ܘܡܸܛܠ ܕܕܼܵܚܹ̇ܠ ܗ̄ܘ̣ܵܐ ܡ̣ܢ ܒܹܝܬ̣ ܐܲܒ̣ܘܼܗܝ ܘܡ̣ܢ ܐ̄ܢܵܫܲܝ̈ ܩܪܝܼܬ̣ܵܐ ܕܢܸܥܒܸ̇ܕܼ ܒܐܝܼܡܵܡܵܐ: ܥܒܲܕܼ ܒܠܸܠܝܵܐ. |
[No book] |
| [28]ܘܩܲܕܸ̇ܡ̣ܘ ܐ̄ܢܵܫܲܝ̈ ܩܪܝܼܬ̣ܵܐ ܒܨܲܦܪܵܐ: ܘܲܚ̣ܙܵܘ ܕܲܥܩܝܼܪ ܡܲܕܼܒ̇ܚܵܐ ܕܒܲܥܠܵܐ: ܘܐܸܣܬ̇ܪܵܐ ܕܲܥܠܵܘܗܝ ܡܦܲܣܩܵܐ: ܘܬ̣ܵܘܪܵܐ ܐ̄ܚܪܹܢܵܐ ܡܲܣܲܩ ܥܲܠ ܡܲܕܼܒ̇ܚܵܐ ܐ̄ܚܪܹܢܵܐ ܕܲܒ̣ܢܸܐ. |
[No book] |
| [29]ܘܐܵܡ̇ܪܝܼܢ ܓܒܲܪ ܠܚܲܒ̣ܪܹܗ: ܡܲܢܘܼ ܥܒܲܕܼ ܥܒ̣ܝܼܕ̇ܬܵܐ ܗܵܕܹܐ. ܘܫܲܐܸܠ̣ܘ ܘܥܲܩܸܒ̣ܘ: ܘܐܵܡ̇ܪܝܼܢ ܓܸܕܼܥܘܿܢ ܒܲܪ ܝܘܿܐܵܫ ܥܒܲܕܼ ܥܒ̣ܝܼܕܼܵܬ̣ܵܐ ܗܵܕܹܐ. |
[No book] |
| [30]ܘܐܸܡܲܪܘ ܐ̄ܢܵܫܲܝ̈ ܩܪܝܼܬ̣ܵܐ ܠܝܘܿܐܵܫ: ܐܲܦܸܩ ܒܪܵܟ̣ ܢܡܘܼܬ̣: ܕܲܥܩܲܪ ܡܲܕܼܒ̇ܚܹܗ ܕܒܲܥܠܵܐ: ܘܦܲܣܸܩ ܐܸܣܬ̇ܪܵܐ ܕܲܥܠܵܘܗܝ. |
[No book] |
| [31]ܘܐܸܡܲܪ ܝܘܿܐܵܫ ܠܟ̣ܠ ܕܩܵܡ̣ܘ ܥܠܵܘܗܝ: ܐܲܢ̄ܬ̇ܘܿܢ ܕܵܝܢܝܼܢ ܐ̄ܢܬ̇ܘܿܢ ܥܲܠ ܐܲܦܲܝ̈ ܒܲܥܠܵܐ: ܐܵܘ ܐܲܢ̄ܬ̇ܘܿܢ ܡܦܲܨܹܝܢ ܐ̄ܢܬ̇ܘܿܢ ܠܹܗ. ܡܲܢܘܼ ܕܕܼܵܐܹ̇ܢ ܥܲܠ ܐܲܦܵܘ̈ܗܝ ܥܕܲܡܵܐ ܠܨܲܦܪܵܐ ܢܡܘܼܬ̣: ܐܸܢ ܐܲܠܵܗܵܐ ܗ̄ܘ̣ ܢܕܼܘܼܢ ܥܲܠ ܐܲܦܲܝ̈ ܢܲܦ̮ܫܹܗ ܥܲܠ ܕܲܥܒܲܪ ܡܲܕܼܒ̇ܚܹܗ. |
[No book] |
| [32]ܘܲܩܪܵܝܗܝ ܒܝܵܘܡܵܐ ܗܵܘ̇ ܢܕܼܘܼܒ̣ܥܹܝܠ: ܘܐܸܡܲܪ ܢܕܼܘܼܢܝܼܘܗܝ ܒܲܥܠܵܐ ܥܲܠ ܕܲܥܩܲܪ ܡܲܕܼܒ̇ܚܹܗ. |
[No book] |
| [33]ܘܟ̣ܠܗܘܿܢ ܡܸܕܼܝܵܢܵܝܹ̈ܐ: ܘܲܥܡܵܠܩܵܝܹ̈ܐ: ܘܲܒ̣̈ܢܲܝ ܪܩܸܡ: ܐܸܬ̣ܟܲܢܲܫ̣ܘ ܐܲܟ̣ܚ̄ܕܼܵܐ: ܘܲܥܒܲܪܘ ܘܲܫܪܵܘ ܒܥܘܼܡܩܵܐ ܕܐܝܼܙܲܪܥܹܝܠ. |
[No book] |
| [34]ܘܪܘܼܚܹܗ ܕܡܵܪܝܵܐ ܠܸܒ̣ܫܲܬ̣ ܠܓܸܕܼܥܘܿܢ: ܘܲܩ̣ܪܵܐ ܒܫܝܼܦܘܿܪܵܐ: ܘܲܩܥܵܐ ܐܝܼܙܲܪܥܹܝܠ ܒܵܬ̣ܪܹܗ. ܘܐܝܼܙܓܲܕܵܘ̈ܗܝ ܫܲܕܲܪ ܒܟ̣ܠܹܗ ܡܢܲܫܹܐ: ܘܲܩܥܵܘ ܐܵܦ ܗܸܢܘܿܢ ܒܵܬ̣ܪܹܗ. |
[No book] |
| [35]ܘܐܝܼܙܓܲܕܵܘ̈ܗܝ ܫܲܕܲܪ ܐܵܦ ܥܲܠ ܐܵܫܹܝܪ: ܘܥܲܠ ܙܒ̣ܘܿܠܘܿܢ: ܘܥܲܠ ܢܲܦ̮ܬܵܠܝܼ: ܘܲܣܠܸܩ̣ܘ ܠܐܘܼܪ̱ܥܗܘܿܢ. |
[No book] |
| [36]ܘܐܸܡܲܪ ܓܸܕܼܥܘܿܢ ܠܡܵܪܝܵܐ: ܐܸܢܗ̤ܘ ܕܦܵܪܹܩ ܐܲܢ̄ܬ̇ ܒܐܝܼܕܲܝ̈ ܠܝܼܣܪܵܝܹܠ ܐܲܝܟܲܢܵܐ ܕܐܸܡܲܪܬ̇. |
[No book] |
| [37]ܗܵܐ ܣܵܐܹ̇ܡ ܐ̄ܢܵܐ ܓܸܙܬ̣ܵܐ ܕܥܲܡܪܵܐ ܒܐܸܕ̇ܪܵܐ. ܐܸܢ ܢܸܗܘܹܐ ܛܲܠܵܐ ܥܲܠ ܓܸܙܬ̣ܵܐ ܒܲܠܚܘܿܕܹܝܗ̇: ܘܥܲܠ ܟܠܵܗ̇ ܐܲܪܥܵܐ ܝܲܒ̣ܫܵܐ: ܝܵܕܲܥ ܐ̄ܢܵܐ ܕܦܵܪܹܩ ܐܲܢ̄ܬ̇ ܒܐܝܼܕܲܝ̈ ܠܝܼܣܪܵܝܹܠ ܐܲܝܟܲܢܵܐ ܕܐܸܡܲܪܬ̇. |
[No book] |
| [38]ܘܲܗܘ̤ܵܐ ܗܵܟܲܢܵܐ: ܘܩܲܕܸ̇ܡ ܒܵܬܲܪ ܝܵܘܡܵܐ ܘܥܲܨܪܵܗ̇ ܠܓܸܙܬ̣ܵܐ: ܘܐܲܡܨܝܼ ܛܲܠܵܐ ܡ̣ܢ ܓܸܙܬ̣ܵܐ ܡܠܸܐ ܠܲܩܢܵܐ ܡܲـ̈ـܝܵܐ. |
[No book] |
| [39]ܘܐܸܡܲܪ ܓܸܕܼܥܘܿܢ ܠܐܲܠܵܗܵܐ: ܠܵܐ ܢܸܬ̣ܚܲܡܲܬ̣ ܪܘܼܓ̣ܙܵܟ̣ ܥܠܲܝ: ܘܐܹܡܲܠܸܠ ܗܵܕܹܐ ܙܒܲܢ̄ܬܵܐ ܒܲܠܚܘܿܕܼ: ܐܹܢܲܣܹܐ ܬܘܼܒ̣ ܙܒܲܢ̄ܬܵܐ ܗܵܕܹܐ ܒܓܸܙܬ̣ܵܐ: ܢܸܗܘܹܐ ܝܲܒ̣ܫܵܐ ܥܲܠ ܓܸܙܬ̣ܵܐ ܒܲܠܚܘܿܕܹܝܗ̇: ܘܥܲܠ ܟܠܵܗ̇ ܐܲܪܥܵܐ ܢܸܗܘܹܐ ܛܲܠܵܐ. |
[No book] |
| [40]ܘܲܥܒܲܕܼ ܐܲܠܵܗܵܐ ܒܠܸܠܝܵܐ ܗܵܘ̇ ܗܵܟܲܢܵܐ: ܘܲܗܘ̤ܵܐ ܝܲܒ̣ܫܵܐ ܥܲܠ ܓܸܙܬ̣ܵܐ ܒܲܠܚܘܿܕܹܝܗ̇: ܘܥܲܠ ܟܠܵܗ̇ ܐܲܪܥܵܐ ܗܘ̤ܵܐ ܛܲܠܵܐ. |
[No book] |