|
|
| [1]Tunc cantavit canticum hoc Domino Judith, dicens: |
[No book] |
| [2]Incipite Domino in tympanis; cantate Domino in cymbalis; modulamini illi psalmum novum: exaltate, et invocate nomen ejus. |
[No book] |
| [3]Dominus conterens bella, Dominus nomen est illi. |
[No book] |
| [4]Qui posuit castra sua in medio populi sui, ut eriperet nos de manu omnium inimicorum nostrorum. |
[No book] |
| [5]Venit Assur ex montibus ab aquilone in multitudine fortitudinis suæ: cujus multitudo obturavit torrentes, et equi eorum cooperuerunt valles. |
[No book] |
| [6]Dixit se incensurum fines meos, et juvenes meos occisurum gladio; infantes meos dare in prædam, et virgines in captivitatem. |
[No book] |
| [7]Dominus autem omnipotens nocuit eum, et tradidit eum in manus feminæ, et confodit eum. |
[No book] |
| [8]Non enim cecidit potens eorum a juvenibus, nec filii Titan percusserunt eum, nec excelsi gigantes opposuerunt se illi: sed Judith filia Merari in specie faciei suæ dissolvit eum. |
[No book] |
| [9]Exuit enim se vestimento viduitatis, et induit se vestimento lætitiæ in exultatione filiorum Israël. |
[No book] |
| [10]Unxit faciem suam unguento, et colligavit cincinnos suos mitra; accepit stolam novem ad decipiendum illum. |
[No book] |
| [11]Sandalia ejus rapuerunt oculos ejus; pulchritudo ejus captivam fecit animam ejus: amputavit pugione cervicem ejus. |
[No book] |
| [12]Horruerunt Persæ constantiam ejus, et Medi audaciam ejus. |
[No book] |
| [13]Tunc ululaverunt castra Assyriorum, quando apparuerunt humiles mei, arescentes in siti. |
[No book] |
| [14]Filii puellarum compunxerunt eos, et sicut pueros fugientes occiderunt eos: perierunt in prælio a facie Domini Dei mei. |
[No book] |
| [15]Hymnum cantemus Domino; hymnum novum cantemus Deo nostro. |
[No book] |
| [16]Adonai Domine, magnus es tu, et præclarus in virtute tua: et quem superare nemo potest. |
[No book] |
| [17]Tibi serviat omnis creatura tua, quia dixisti, et facta sunt; misisti spiritum tuum, et creata sunt: et non est qui resistat voci tuæ. |
[No book] |
| [18]Montes a fundamentis movebuntur cum aquis: petræ, sicut cera, liquescent ante faciem tuam. |
[No book] |
| [19]Qui autem timent te, magni erunt apud te per omnia. |
[No book] |
| [20]Væ genti insurgenti super genus meum: Dominus enim omnipotens vindicabit in eis; in die judicii visitabit illos. |
[No book] |
| [21]Dabit enim ignem et vermes in carnes eorum, ut urantur et sentiant usque in sempiternum. |
[No book] |
| [22]Et factum est post hæc, omnis populus post victoriam venit in Jerusalem adorare Dominum: et mox ut purificati sunt, obtulerunt omnes holocausta, et vota, et repromissiones suas. |
[No book] |
| [23]Porro Judith universa vasa bellica Holofernis, quæ dedit illi populus, et conopeum, quod ipsa sustulerat de cubili ipsius, obtulit in anathema oblivionis. |
[No book] |
| [24]Erat autem populus jucundus secundum faciem sanctorum: et per tres menses gaudium hujus victoriæ celebratum est cum Judith. |
[No book] |
| [25]Post dies autem illos, unusquisque rediit in domum suam: et Judith magna facta est in Bethulia, et præclarior erat universæ terræ Israël. |
[No book] |
| [26]Erat enim virtuti castitas adjuncta, ita ut non cognosceret virum omnibus diebus vitæ suæ, ex quo defunctus est Manasses, vir ejus. |
[No book] |
| [27]Erat autem, diebus festis, procedens cum magna gloria. |
[No book] |
| [28]Mansit autem in domo viri sui annos centum quinque, et dimisit abram suam liberam, et defuncta est ac sepulta cum viro suo in Bethulia. |
[No book] |
| [29]Luxitque illam omnis populus diebus septem. |
[No book] |
| [30]In omni autem spatio vitæ ejus non fuit qui perturbaret Israël, et post mortem ejus annis multis. |
[No book] |
| [31]Dies autem victoriæ hujus festivitatis ab Hebræis in numero sanctorum dierum accipitur, et colitur a Judæis ex illo tempore usque in præsentem diem. |
[No book] |