➖ »
«
➖ ➕
Aleppo Codex (~920)
Alep
Peshitta NT (1905)
PesNT(1905)
←
Jeremiah
Jer
10
→
[1]שמעו את הדבר אשר דבר יהוה עליכם־בית ישראל [No book]
[2]כה אמר יהוה אל דרך הגוים אל תלמדו ומאתות השמים אל תחתו כי יחתו הגוים מהמה [No book]
[3]כי חקות העמים הבל הוא כי עץ מיער כרתו מעשה ידי חרש במעצד [No book]
[4]בכסף ובזהב ייפהו במסמרות ובמקבות יחזקום ולוא יפיק [No book]
[5]כתמר מקשה המה ולא ידברו נשוא ינשוא כי לא יצעדו אל תיראו מהם כי לא ירעו וגם היטיב אין אותם [No book]
[6]מאין כמוך יהוה גדול אתה וגדול שמך בגבורה [No book]
[7]מי לא יראך מלך הגוים כי לך יאתה כי בכל חכמי הגוים ובכל מלכותם מאין כמוך [No book]
[8]ובאחת יבערו ויכסלו מוסר הבלים עץ הוא [No book]
[9]כסף מרקע מתרשיש יובא וזהב מאופז־מעשה חרש וידי צורף תכלת וארגמן לבושם מעשה חכמים כלם [No book]
[10]ויהוה אלהים אמת הוא אלהים חיים ומלך עולם מקצפו תרעש הארץ ולא יכלו גוים זעמו [No book]
[11]כדנה תאמרון להום אלהיא די שמיא וארקא לא עבדו יאבדו מארעא ומן תחות שמיא אלה [No book]
[12]עשה ארץ בכחו מכין תבל בחכמתו ובתבונתו נטה שמים [No book]
[13]לקול תתו המון מים בשמים ויעלה נשאים מקצה ארץ [Q: הארץ] ברקים למטר עשה ויוצא רוח מאצרתיו [No book]
[14]נבער כל אדם מדעת הביש כל צורף מפסל כי שקר נסכו ולא רוח בם [No book]
[15]הבל המה מעשה תעתעים בעת פקדתם יאבדו [No book]
[16]לא כאלה חלק יעקב כי יוצר הכל הוא וישראל שבט נחלתו יהוה צבאות שמו [No book]
[17]אספי מארץ כנעתך־ישבתי [Q: ישבת] במצור [No book]
[18]כי כה אמר יהוה הנני קולע את יושבי הארץ בפעם הזאת והצרתי להם למען ימצאו [No book]
[19]אוי לי על שברי נחלה מכתי ואני אמרתי אך זה חלי ואשאנו [No book]
[20]אהלי שדד וכל מיתרי נתקו בני יצאני ואינם־אין נטה עוד אהלי ומקים יריעותי [No book]
[21]כי נבערו הרעים ואת יהוה לא דרשו על כן לא השכילו וכל מרעיתם נפוצה [No book]
[22]קול שמועה הנה באה ורעש גדול מארץ צפון לשום את ערי יהודה שממה־מעון תנים [No book]
[23]ידעתי יהוה כי לא לאדם דרכו לא לאיש הלך והכין את צעדו [No book]
[24]יסרני יהוה אך במשפט אל באפך פן תמעטני [No book]
[25]שפך חמתך על הגוים אשר לא ידעוך ועל משפחות אשר בשמך לא קראו כי אכלו את יעקב ואכלהו ויכלהו ואת נוהו השמו [No book]
Source: unbound.biola.edu
Top