|
|
| [1]ܘܐܸܡܲܪ ܠܝܼ ܡܵܪܝܵܐ: ܐܸܢ ܢܩܘܼܡ ܡܘܼܫܹܐ ܘܲܫܡܘܼܐܹܝܠ ܩܕ݂ܵܡܲܝ: ܠܵܐ ܨܵܒ̣ܝܵܐ ܢܲܦ̮ܫܝ ܒܥܲܡܵܐ ܗܵܢܵܐ: ܐܲܦܸܩ ܐܸܢܘܿܢ ܡ̣ܢ ܩܕ݂ܵܡ ܐܲܦܲܝ̈ ܘܢܸܦܩܘܼܢ. |
[No book] |
| [2]ܘܐܸܢ ܢܸܡܪܘܼܢ ܠܵܟ݂ ܠܐܲܝܟܵܐ ܢܸܦܘܿܩ: ܐܸܡܲܪ ܠܗܘܿܢ: ܗܵܟܲܢܵܐ ܐܵܡܲ݁ܪ ܡܵܪܝܵܐ: ܕܲܠܡܵܘܬܵܐ ܠܡܵܘܬܵܐ: ܘܕܲܠܚܲܪܒܵܐ ܠܚܲܪܒܵܐ: ܘܕܲܠܟܲܦܢܵܐ ܠܟܲܦܢܵܐ: ܘܕܲܠܫܸܒ̣ܝܵܐ ܠܫܸܒ̣ܝܵܐ. |
[No book] |
| [3]ܘܐܸܦܩܘܿܕ݂ ܥܠܲܝܗܘܿܢ ܐܲܪܒܲܥ ܡܲܚ̈ܘܵܢ ܐܵܡܲ݁ܪ ܡܵܪܝܵܐ: ܚܲܪܒܵܐ ܠܡܸܩܛܲܠ: ܘܟܲܠܒܹ̈ܐ ܠܡܸܓܲܪ: ܘܦܵܪܲܚܬ̣ܵܐ ܕܲܫܡܲܝܵܐ: ܘܚܝ̄ܘܼܬ̣ܵܐ ܕܐܲܪܥܵܐ ܠܡܹܐܟܲܠ ܘܠܲܡܚܲܒܵܠܘܼ. |
[No book] |
| [4]ܘܐܸܬܸ̇ܠ ܐܸܢܘܿܢ ܠܙܵܘܸܥܬ̣ܵܐ ܒܲܝܢܵܬ̣ ܟܠܗܹܝܢ ܡܲܠ̈ܟܘܵܬ̣ܵܐ ܕܐܲܪܥܵܐ: ܡܸܛܠ ܚܲܘ̈ܒܵܘܗܝ ܕܲܡܢܲܫܹܐ ܒܲܪ ܚܹܙܲܩܝܵܐ ܡܲܠܟܵܐ ܕܲܝܗܘܼܕ݂: ܥܲܠ ܟܠ ܡܸܕܸܡ ܕܲܥ̣ܒܲܕ݂ ܒܐܘܿܪܸܫܠܸܡ. |
[No book] |
| [5]ܡܲܢܘܼ ܢܚܘܼܣ ܥܠܲܝܟ̇ܝ ܐܘܿܪܸܫܠܸܡ: ܘܲܠܡܲܢ ܬܸܟ݂ܪܸܐ ܥܠܲܝܟ̇ܝ: ܘܡܲܢـ̣ܘܼ ܢܸܣܛܹܐ ܠܡܸܫܐܲܠ ܒܲܫܠܵܡܹܟ݂ܝ. |
[No book] |
| [6]ܐܲܢ̄ܬ̇ܝ ܫ̣ܒܲܩܬ̇ܝܼܢܝ ܐܵܡܲ݁ܪ ܡܵܪܝܵܐ: ܘܲܠܒܸܣܬ̇ܪܹܟ݂ܝ ܐܹܙܲܠ̣ܬ̇ܝ: ܘܐܲܪܝܼܡ ܐܝܼܕ݂ ܥܠܲܝܟ̇ܝ ܘܐܹܚܲܒ̇ܠܹܟ݂ܝ: ܘܬ̣ܘܼܒ̣ ܠܵܐ ܐܸܫܒ̇ܘܿܩ ܠܗܘܿܢ. |
[No book] |
| [7]ܘܐܸܕ݂ܪܸܐ ܐܸܢܘܿܢ ܒܡܲܕ݂ܪ̱ܝܵܐ ܒܩܘܼܖ̈ܝܵܗ̇ ܕܐܲܪܥܵܐ: ܓܲܙܝܼـ̇ܬ̣ ܘܐܵܘܒ̇ܕܹܬ̣ ܥܲܡܝ: ܡ̣ܢ ܐܘܼܖ̈ܚܵܬ̣ܗܘܿܢ ܠܵܐ ܬܵܒ̣ܘ. |
[No book] |
| [8]ܣܓ̣ܝܼ̈ ܐܲܖ̈ܡܠܵܬ̣ܗܘܿܢ ܡ̣ܢ ܚܵܠܵܐ ܕܝܲܡܵܐ: ܐܲܝܬ̇ܝܹ̇ܬ̣ ܥܠܲܝܗܘܿܢ ܥܲܠ ܐܸܡܵܐ ܘܥܲܠ ܥܠܲܝܡܹ̈ܐ ܒܵܙܘܿܙܹ̈ܐ ܒܛܲܗܪܵܐ: ܐܲܪܡ̇ܝܼܬ̣ ܥܠܲܝܗܘܿܢ ܡ̣ܢ ܫܸܠܝܵܐ ܕܠܘܼܚܝܵܐ ܘܲܪܬܲܝܬܵܐ̣. |
[No book] |
| [9]ܐܲܠܲܬ̤ ܝܵܠܕܲܬ̣ ܫܲܘܥܵܐ: ܢܸܦܚܲܬ̤ ܟܲܪܣܵܗ̇: ܥܸܪܒܲܬ̤ ܫܸܡܫܵܗ̇ ܒܦܸܠܓ̇ܘܼܬ̣ ܝܵܘ̈ܡܹܝܗ̇: ܒܸܗܬܲܬ̤ ܘܐܲܚܦܪܲܬ̤: ܘܫܲܪܟ̇ܗܘܿܢ ܠܚܲܪܒܵܐ ܐܲܫܠܸܡ ܩܕ݂ܵܡ ܒܥܸܠܕܒ̣ܵܒܲܝ̈ܗܘܿܢ ܐܵܡܲ݁ܪ ܡܵܪܝܵܐ. |
[No book] |
| [10]ܘܵܝ ܠܝܼ ܐܹܡܝ ܕܝܼܠܸܕܬ̇ܝܼܢܝ: ܓܒܲܪ ܕܲܝܵܢ: ܘܲܓ̣ܒܲܪ ܡܲܟ̇ܣܵܢ ܒܟ݂ܠܵܗ̇ ܐܲܪܥܵܐ: ܠܵܐ ܚܲܝܵܒ̣ ܐ̄ܢܵܐ ܘܠܵܐ ܚܲܝܵܒ̣ܝܼܢ ܠܝܼ: ܘܟ݂ܠܗܘܿܢ ܡܨܲܚܹܝܢ ܠܝܼ. |
[No book] |
| [11]ܐܵܡܲ݁ܪ ܡܵܪܝܵܐ ܠܵܐ ܐܹܫܒ̇ܩܵܟ݂ ܒܛܵܒ̣ܬ̣ܵܐ: ܐܸܠܵܐ ܐܲܦܓܲܥ ܒܵܟ݂ ܒܥܸܠܕ̇ܒ̣ܵܒ̣ܵܐ ܡ̣ܢ ܓܲܪܒܝܵܐ: ܒܙܲܒ̣ܢܵܐ ܕܐܘܼܠܨܵܢܵܐ: ܒܙܲܒ̣ܢܵܐ ܕܒ̣ܝܼܫܬܵܐ. |
[No book] |
| [12]ܕܲܩܫܸܐ ܐܲܝܟ݂ ܦܲܪܙܠܵܐ ܘܐܲܝܟ݂ ܢܚܵܫܵܐ: |
[No book] |
| [13]ܢܸܟ݂ܣܲܝ̈ܟ ܘܓܲܙܲܝ̈ܟ ܘܟ݂ܠܹܗ ܬܚܘܼܡܵܟ݂: ܠܒܹܙܬ̣ܵܐ ܐܸܬܸ̇ܠ ܡܸܛܠ ܚܛܵܗܲܝ̈ܟ. |
[No book] |
| [14]ܘܐܹܫܲܥܒ̇ܕ݂ܵܟ݂ ܠܲܒ̣ܥܸܠܕ̇ܒ̣ܵܒܲܝ̈ܟ ܒܐܲܪܥܵܐ ܕܠܵܐ ܝܵܕܲܥ̇ ܐܲܢ̄ܬ̇: ܡܸܛܠ ܕܢܘܼܪܵܐ ܩܸܕ݂ܚܲܬ̤ ܒܪܘܼܓ̣ܙܝ ܥܠܲܝܟ̇ܘܿܢ ܘܬܹܐܩܲܕ݂. |
[No book] |
| [15]ܐܲܢ̄ܬ̇ܝ ܡܵܪܝܵܐ ܝܵܕܲܥ̇ ܐܲܢ̄ܬ̇: ܐܸܕܲܟ݂ܪܲܝܢܝ ܘܲܦܪܘܿܩܲܝܢܝ: ܘܐܹܬ̣ܢܲܩܲܡ ܠܝܪ ܡ̣ܢ ܖ̈ܵܕ݂ܘܿܦܲܝ: ܠܵܐ ܒܢܲܓ̇ܝܼܪܘܼܬ̣ ܪܘܼܚܵܟ݂ ܬܕܲܒ̇ܪܲܢܝ. ܕܲܥ ܕܩܲܒܠܹܬ̣ ܥܲܠ ܐܲܦܲܝ̈ܟ ܚܸܣܕܵܐ. |
[No book] |
| [16]ܘܢܸـ̇ܛܪܹܬ̣ ܦܘܼܩ̈ܕܵܢܲܝܟ ܘܥܸـ̇ܒ̣ܕܹܬ̣ ܐܸܢܘܿܢ: ܘܲܗܘ̤ܵܐ ܠܝܼ ܦܸܬ̣ܓ̣ܵܡܵܟ݂ ܠܒ̣ܘܼܣܵܡܵܐ ܘܲܠܚܲܕ݂ܘܼܬܹܗ ܕܠܹܒ̇ܝ: ܡܸܛܠ ܕܐܸܬ̣ܩܪܝܼ ܫܡܵܟ݂ ܥܠܲܝ. |
[No book] |
| [17]ܡܵܪܝܵܐ ܐܲܠܵܗܵܐ ܚܲܝܠܬ̣ܵܢܵܐ: ܠܵܐ ܝܸܬ̣ܒܹ݁ܬ̣ ܒܲܟ݂ܢܘܼܫܬܵܐ ܕܲܡܒܲܙܚܵܢܹ̈ܐ: ܐܸܠܵܐ ܕܸܚـ̇ܠܹܬ̣ ܡ̣ܢ ܩܕ݂ܵܡ ܐܝܼܕ݂ܵܟ݂ ܘܒܲܠܚܘܿܕܲܝ ܝܸܬ̣ܒܹ݁ܬ̣: ܡܸܛܠ ܕܪܘܼܓ̣ܙܵܐ ܡܠܲܝܬܵܢܝ. |
[No book] |
| [18]ܠܡܵܢܵܐ ܗ̤ܘܵܐ ܟܹܐܒ̣ܝ ܥܲܫܝܼܢ: ܘܲܡܚܘܿܬ̣ܝ ܚܲܣܝܼܢܵܐ ܘܠܵܐ ܨܵܒ̣݁ܝܵܐ ܠܡܸܬ̣ܐܲܣܵܝܘܼ: ܘܲܗܘܹ̇ܝܬ̣ ܠܝܼ ܐܲܝܟ݂ ܡܲـ̈ܝܵܐ ܟܲܕܵܒܹ̈ܐ ܕܠܵܐ ܡܸܬ̣ܗܲܝܡܢܝܼܢ. |
[No book] |
| [19]ܡܸܛܠ ܗܵܢܵܐ ܗܵܟܲܢܵܐ ܐܵܡܲ݁ܪ ܡܵܪܝܵܐ: ܐܸܢ ܬܬ̣ܘܼܒ̣ ܐܲܦܢܹܝܟ݂ ܘܲܩܕ݂ܵܡܲܝ ܬܩܘܼܡ. ܘܐܸܢ ܬܲܦܸܩ ܝܲܩܝܪܵܐ ܡ̣ܢ ܙܲܠܝܼܠܵܐ: ܐܲܝܟ݂ ܦܘܼܡܝ ܬܸܗܘܸܐ ܐܵܡܲ݁ܪ ܡܵܪܝܵܐ: ܘܢܸܬ̣ܦ̄ܢܘܿܢ ܗܸܢܘܿܢ ܠܘܵܬ̣ܵܟ݂: ܘܐܲܢ̄ܬ̇ ܠܵܐ ܬܸܬ̣ܦ̄ܢܸܐ ܠܘܵܬ̣ܗܘܿܢ. |
[No book] |
| [20]ܝܲܗ̄ܒܹ̇ܬܵܟ݂ ܠܥܲܡܵܐ ܗܵܢܵܐ: ܐܲܝܟ݂ ܫܘܼܪܵܐ ܥܲܫܝܼܢܵܐ ܕܲܢܚܵܫܵܐ: ܘܢܸܬ̣ܟܲܬܫܘܼܢ ܥܲܡܵܟ݂ ܘܠܵܐ ܢܸܙܟ̇ܘܼܢܵܟ݂: ܡܸܛܠ ܕܥܲܡܵܟ݂ ܐ̄ܢܵܐ: ܠܡܸܦ̱ܪܩܵܟ݂ ܘܠܲܡܦܲܨܵܝܘܼܬ̣ܵܟ݂ ܐܵܡܲ݁ܪ ܡܵܪܝܵܐ. |
[No book] |
| [21]ܘܐܹܦܲܨܹܝܟ݂ ܡ̣ܢ ܐܝܼܕ݂ܵܐ ܕܒ̣ܝܼ̈ܫܹܐ: ܘܐܸܦܸܪܩܵܟ݂ ܡ̣ܢ ܐܝܼܕ݂ܵܐ ܕܥܲܫܝܼ̈ܢܹܐ. |
[No book] |