➖ »
«
➖ ➕
Peshitta OT
PesOT
The Second Book of Clement
2Clem
←
Jeremiah
Jer
21
→
[1]ܦܸܬ̣ܓ̣ܵܡܵܐ ܕܲܗܘ̤ܵܐ ܥܲܠ ܐܹܪܲܡܝܵܐ ܡ̣ܢ ܩܕ݂ܵܡ ܡܵܪܝܵܐ: ܟܲܕ݂ ܫܲܕܲܪ ܠܘܵܬܹܗ ܨܹܕܲܩܝܵܐ ܡܲܠܟܵܐ: ܠܦܸܫܚܘܿܪ ܒܲܪ ܡܠܲܟ݂ܝܵܐ: ܘܠܲܨܦܲܢܝܵܐ ܒܲܪ ܡܥܲܝܣܵܐ ܟܵܗܢܹ̈ܐ: ܠܡܹܐܡܲܪ. [No book]
[2]ܒܥܝܼ ܥܠܲܝܢ ܡ̣ܢ ܩܕ݂ܵܡ ܡܵܪܝܵܐ: ܡܸܛܠ ܕܲܢܒ̣ܘܼܟܲܕ݂ܢܵܨܲܪ ܡܲܠܟܵܐ ܕܒ̣ܵܒܹܠ ܡܸܬ̣ܟܲܬܲܫ ܥܲܡܲܢ: ܛܵܟ݂ ܢܸܥܒܸ̇ܕ݂ ܥܲܡܲܢ ܡܵܪܝܵܐ ܐܲܝܟ݂ ܟܠܗܹܝܢ ܬܸܕܪܡܖ̈ܵܬܹܗ: ܘܢܸܦ̱ܪܩܝܼܘܗܝ ܡܸܢܲܢ. [No book]
[3]ܘܐܸܡ݂ܲܪ ܠܗܘܿܢ ܐܹܪܲܡܝܵܐ: ܗܵܟܲܢܵܐ ܬܹܐܡܪܘܼܢ ܠܨܹܕܲܩܝܵܐ ܡܲܠܟܵܐ. [No book]
[4]ܗܵܟܲܢܵܐ ܐܵܡܲ݁ܪ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܗܵܐ ܡܲܗܦܸـܟ݂ ܐ̄ܢܵܐ ܡܵܐܢܲܝ̈ ܩܪܵܒ̣ܵܐ ܕܒ̣ܐܝܼܕܲܝ̈ܟ̇ܘܿܢ ܕܡܸܬ̣ܟܲܬ̇ܫܝܼܢ ܐ̄ܢܬ̇ܘܿܢ ܒܗܘܿܢ ܥܲܡ ܡܲܠܟܵܐ ܕܒ̣ܵܒܹܠ: ܘܥܲܡ ܟܲܠܕܵܝܹ̈ܐ ܕܲܟ݂ܪܝܼܟ݂ܝܼܢ ܠܟ݂ܘܿܢ ܠܒܲܪ ܡ̣ܢ ܩܪܝܼܬ̣ܵܐ: ܘܐܹܟܲܢܸܫ ܐܸܢܘܿܢ ܠܓ̣ܵܘ ܩܪܝܼܬ̣ܵܐ ܗܵܕܹܐ. [No book]
[5]ܘܐܸܬ̣ܟܲܬܲܫ ܐܸܢܵܐ ܥܲܡܟ݂ܘܿܢ: ܒܐܝܼܕ݂ܵܐ ܬܲܩܝܼܦܬܵܐ ܘܒܲܕ݂ܪܵܥܵܐ ܪܵܡܵܐ: ܒܪܘܼܓ̣ܙܵܐ ܘܲܒ̣ܚܸܡܬ̣ܵܐ. [No book]
[6]ܘܲܒ̣ܪܘܼܓ̣ܙܵܐ ܪܲܒܵܐ ܐܸܡܚܸܐ ܠܝܵܬ̣ܒܲܝ̈ ܩܪܝܼܬ̣ܵܐ ܗܵܕܹܐ: ܒܢܲܝ̈ܢܵܫܵܐ ܘܒ̣ܥܝܼܪܵܐ ܒܡܵܘܬܵܐ ܪܲܒܵܐ ܢܡܘܼܬ̣ܘܼܢ. [No book]
[7]ܘܒ̣ܵܬ̣ܪܟܸ̇ܢ ܐܵܡܲ݁ܪ ܡܵܪܝܵܐ: ܐܲܫ̱ܠܡܝܼܘܗܝ ܠܨܹܕܲܩܝܵܐ ܡܲܠܟܵܐ ܕܲܝܗܘܼܕ݂ܵܐ ܘܲܠܥܲܒ̣ܕܵܘ̈ܗܝ: ܘܲܠܥܲܡܵܐ ܕܐܸܫܬ̇ܚܲܪ ܒܲܩܪܝܼܬ̣ܵܐ ܗܵܕܹܐ: ܡ̣ܢ ܚܲܪܒܵܐ: ܘܡ̣ܢ ܟܲܦܢܵܐ: ܘܡ̣ܢ ܡܵܘܬܵܢܵܐ: ܐܲܫܠܸܡ ܒܐܝܼܕ݂ܵܐ ܕܲܢܒ̣ܘܼܟܲܕ݂ܢܵܨܲܪ ܡܲܠܟܵܐ ܕܒ̣ܵܒܹܠ: ܘܒ̣ܐܝܼܕ݂ܵܐ ܕܐܲܝܠܹܝܢ ܕܒ̣ܵــ̇ܥܝܹܢ ܢܲܦ̮ܫܗܘܿܢ: ܘܢܸܡܚܸܐ ܐܸܢܘܿܢ ܒܦܘܼܡܵܐ ܕܚܲܪܒܵܐ: ܘܠܵܐ ܢܚܘܼܣ ܥܠܲܝܗܘܿܢ: ܘܠܵܐ ܢܪܲܚܸܦ ܘܠܵܐ ܢܪܲܚܸܡ ܥܠܲܝܗܘܿܢ. [No book]
[8]ܘܲܠܥܲܡܵܐ ܗܵܢܵܐ ܐܸܡܲܪ: ܗܲܟܲܢܵܐ ܐܵܡܲ݁ܪ ܡܵܪܝܵܐ: ܗܵܐ ܝܵـ̇ܗܹܒ̣ ܐ̄ܢܵܐ ܩܕ݂ܵܡܲܝܟ̇ܘܿܢ ܐܘܼܪܚܵܐ ܕܚܲܝܹ̈ܐ ܘܐܘܼܪܚܵܐ ܕܡܵܘܬܵܐ. [No book]
[9]ܡܲܢ ܕܝܵܬ݁ܒ̣ ܒܲܩܪܝܼܬ̣ܵܐ ܗܵܕܹܐ: ܢܡܘܼܬ̣ ܒܚܲܪܒܵܐ: ܘܲܒ̣ܟܲܦܢܵܐ: ܘܲܒ̣ܡܵܘܬܵܢܵܐ: ܘܡܲܢ ܕܢܵـ̇ܦܹܩ ܠܘܵܬ̣ ܟܲܠܕܵܝܹ̈ܐ ܕܲܟ݂ܪܝܼܟ݂ܝܼܢ ܠܟ݂ܘܿܢ: ܚܵـ̇ܝܹܐ ܘܲܡܫܵܒ̣ܙܸܒ̣ ܢܲܦ̮ܫܹܗ. [No book]
[10]ܡܸܛܠ ܕܣܵـ̇ܡܹܬ̣ ܐܲܦܲܝ̈ ܒܲܩܪܝܼܬ̣ܵܐ ܗܵܕܹܐ ܠܒ̣ܝܼܫܬܵܐ ܘܠܵܐ ܠܛܵܒ̣ܬ̣ܵܐ ܐܵܡܲ݁ܪ ܡܵܪܝܵܐ: ܘܒ̣ܐܝܼܕܹܗ ܕܡܲܠܟܵܐ ܕܒ̣ܵܒܹܠ ܬܸܫܬ̇ܠܸܡ: ܘܢܵܘܩ̄ܕ݂ܝܼܗ̇ ܒܢܘܼܪܵܐ. [No book]
[11]ܘܲܠܒܹܝܬ̣ ܡܲܠܟܵܐ ܕܲܝܗܘܼܕ݂ܵܐ: ܫܡܲܥܘ ܦܸܬ̣ܓ̣ܵܡܹܗ ܕܡܵܪܝܵܐ ܕܒܹܝܬ̣ ܕܵܘܝܼܕ݂: ܗܵܟܲܢܵܐ ܐܵܡܲ݁ܪ ܡܵܪܝܵܐ. [No book]
[12]ܕܘܼܢܘ ܒܨܲܦܪܵܐ ܕܝܼܢܵܐ: ܘܦܲܨܵܘ ܠܲܛܠܝܼܡܵܐ ܡ̣ܢ ܡܲܢ ܕܛܵܠܹ̇ܡ ܠܹܗ: ܕܲܠܡܵܐ ܬܸܦܘܿܩ ܐܲܝܟ݂ ܢܘܼܪܵܐ ܚܸܡܬ̣ܝ: ܘܬ̣ܵܘܩܸܕ݂ ܘܠܲܝܬ̇ ܕܲܡܕܲܥܸـܟ݂: ܡܸܛܠ ܒܝܼܫܘܼܬ̣ܵܐ ܕܲܥܒ̣ܵܕܲܝ̈ܟ̇ܘܿܢ. [No book]
[13]ܗܵܐ ܐܸܢܵܐ ܥܠܲܝܟ̇ܝ ܝܵـ̇ܬ̣ܒܲܬ̣ ܒܥܘܼܡܩܵܐ: ܥܲܡܝܼܩܲܬ̣ ܦܩܲܥܬ̣ܵܐ ܐܵܡܲ݁ܪ ܡܵܪܝܵܐ: ܕܐܵܡ̇ܪܝܼܢ ܡܲܢ ܢܹܐܬܸܐ ܥܠܲܝܢ. ܘܡܲܢ̣ܘܼ ܢܸܥܘܿܠ ܠܡܲܥܡܪܲܢ. [No book]
[14]ܐܸܦܩܘܿܕ݂ ܥܠܲܝܟ̇ܘܿܢ ܐܲܝܟ݂ ܦܹܐܖ̈ܲܝ ܥܒ̣ܵܕܲܝ̈ܟ̇ܘܿܢ ܐܵܡܲ݁ܪ ܡܵܪܝܵܐ: ܘܐܸܫܒܘܿܩ ܢܘܼܪܵܐ ܒܩܘܼܖ̈ܝܵܗ̇: ܘܬܸܐܟ݂ܘܿܠ ܟܠܗܘܿܢ ܚܕܵܖܹ̈ܝܗ̇. [No book]
Translation: Charles H. Hoole (1885)
Source: www.earlychristianwritings.com
Top