➖ »
«
➖ ➕
Aleppo Codex (~920)
Alep
The Acts of Thomas
ActThom
←
Jeremiah
Jer
26
→
[1]בראשית ממלכות יהויקים בן יאשיהו־מלך יהודה היה הדבר הזה מאת יהוה לאמר [No book]
[2]כה אמר יהוה עמד בחצר בית יהוה ודברת על כל ערי יהודה הבאים להשתחות בית יהוה את כל הדברים אשר צויתיך לדבר אליהם אל תגרע דבר [No book]
[3]אולי ישמעו־וישבו איש מדרכו הרעה ונחמתי אל הרעה אשר אנכי חשב לעשות להם מפני רע מעלליהם [No book]
[4]ואמרת אליהם כה אמר יהוה אם לא תשמעו אלי ללכת בתורתי אשר נתתי לפניכם [No book]
[5]לשמע על דברי עבדי הנבאים אשר אנכי שלח אליכם והשכם ושלח ולא שמעתם [No book]
[6]ונתתי את הבית הזה כשלה ואת העיר הזאתה [Q: הזאת] אתן לקללה לכל גוי הארץ [No book]
[7]וישמעו הכהנים והנבאים וכל העם את ירמיהו מדבר את הדברים האלה בבית יהוה [No book]
[8]ויהי ככלות ירמיהו לדבר את כל אשר צוה יהוה לדבר אל כל העם ויתפשו אתו הכהנים והנביאים וכל העם לאמר־מות תמות [No book]
[9]מדוע נבית בשם יהוה לאמר כשלו יהיה הבית הזה והעיר הזאת תחרב מאין יושב ויקהל כל העם אל ירמיהו בבית יהוה [No book]
[10]וישמעו שרי יהודה את הדברים האלה ויעלו מבית המלך בית יהוה וישבו בפתח שער יהוה החדש [No book]
[11]ויאמרו הכהנים והנבאים אל השרים ואל כל העם לאמר משפט מות לאיש הזה כי נבא אל העיר הזאת כאשר שמעתם באזניכם [No book]
[12]ויאמר ירמיהו אל כל השרים ואל כל העם לאמר יהוה שלחני להנבא אל הבית הזה ואל העיר הזאת את כל הדברים אשר שמעתם [No book]
[13]ועתה היטיבו דרכיכם ומעלליכם ושמעו בקול יהוה אלהיכם וינחם יהוה־אל הרעה אשר דבר עליכם [No book]
[14]ואני הנני בידכם עשו לי כטוב וכישר בעיניכם [No book]
[15]אך ידע תדעו כי אם ממתים אתם אתי־כי דם נקי אתם נתנים עליכם ואל העיר הזאת ואל ישביה כי באמת שלחני יהוה עליכם לדבר באזניכם את כל הדברים האלה [No book]
[16]ויאמרו השרים וכל העם אל הכהנים ואל הנביאים אין לאיש הזה משפט מות כי בשם יהוה אלהינו דבר אלינו [No book]
[17]ויקמו אנשים מזקני הארץ ויאמרו אל כל קהל העם לאמר [No book]
[18]מיכיה [Q: מיכה] המורשתי היה נבא בימי חזקיהו מלך יהודה ויאמר אל כל עם יהודה לאמר כה אמר יהוה צבאות ציון שדה תחרש וירושלים עיים תהיה והר הבית לבמות יער [No book]
[19]ההמת המתהו חזקיהו מלך יהודה וכל יהודה הלא ירא את יהוה־ויחל את פני יהוה וינחם יהוה אל הרעה אשר דבר עליהם ואנחנו עשים רעה גדולה־על נפשותינו [No book]
[20]וגם איש היה מתנבא בשם יהוה אוריהו בן שמעיהו מקרית היערים וינבא על העיר הזאת ועל הארץ הזאת ככל דברי ירמיהו [No book]
[21]וישמע המלך יהויקים וכל גבוריו וכל השרים את דבריו ויבקש המלך המיתו וישמע אוריהו וירא ויברח ויבא מצרים [No book]
[22]וישלח המלך יהויקים אנשים־מצרים את אלנתן בן עכבור ואנשים אתו אל מצרים [No book]
[23]ויוציאו את אוריהו ממצרים ויבאהו אל המלך יהויקים ויכהו בחרב וישלך את נבלתו אל קברי בני העם [No book]
[24]אך יד אחיקם בן שפן היתה את ירמיהו־לבלתי תת אתו ביד העם להמיתו [No book]
Source: unbound.biola.edu
Top