|
|
| [No book] |
[1]ܦܸܬ̣ܓ̣ܵܡܵܐ ܕܲܗܘ̤ܵܐ ܥܲܠ ܐܹܪܲܡܝܵܐ ܡ̣ܢ ܩܕ݂ܵܡ ܡܵܪܝܵܐ: ܘܲܢܒ̣ܘܼܟܲܕ݂ܢܵܨܲܪ ܡܲܠܟܵܐ ܕܒ̣ܵܒܹܠ: ܘܟ݂ܠܹܗ ܚܲܝܠܹܗ: ܘܟ݂ܠܗܹܝܢ ܡܲܠܟ̇ــ̈ܘܵܬ̣ܵܐ ܕܐܲܪܲܥ ܫܘܼܠܛܵܢ ܐܝܼܕܹܗ܆ܘܟ݂ܠܗܘܿܢ ܥܲܡܡܹ̈ܐ ܡܸܬ̣ܟܲܬ̇ܫܝܼܢ ܥܲܠ ܐܘܿܪܸܫܠܸܡ: ܘܥܲܠ ܟܠܗܹܝܢ ܩܘܼܖ̈ܝܵܗ̇. |
| [No book] |
[2]ܗܵܟܲܢܵܐ ܐܵܡܲ݁ܪ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܙܸܠ ܐܸܡܲܪ ܠܨܹܕܲܩܝܵܐ ܡܲܠܟܵܐ ܕܲܝܗܘܼܕ݂ܵܐ: ܗܵܟܲܢܵܐܐܵܡܲ݁ܪ ܡܵܪܝܵܐ: ܗܵܐ ܡܲܫܠܸܡ ܐ̄ܢܵܐ ܠܵܗ̇ ܠܲܩܪܝܼܬ̣ܵܐ ܗܵܕ܀ ܐ: ܒܐܝܼܕܹܗ ܕܡܲܠܟܵܐ ܕܒ̣ܵܒܹܠ: ܘܢܵܘܩ̄ܕ݂ܝܼܗ̇ ܒܢܘܼܪܵܐ. |
| [No book] |
[3]ܘܐܲܢ̄ܬ̇ ܠܵܐ ܬܸܬ̣ܦܲܠܲܛ ܡ̣ܢ ܐܝܼܕ݂ܵܘ̈ܗܝ: ܐܸܠܵܐ ܡܸܬ̇ܬ̇ܚܵܕ݂ܘܼ ܬܸܬ̇ܚܸܕ݂: ܘܒ̣ܐܝܼܕ݂ܵܘ̈ܗܝ ܬܸܫܬ̇ܠܸܡ. ܘܥܲܝܢܲܝ̈ܟ ܠܥܲܝܢܵܘ̈ܗܝ ܕܡܲܠܟܵܐ ܕܒ̣ܵܒܹܠ ܢܸܚܙ̈ܝܵܢ: ܘܦܘܼܡܵܟ݂ ܥܲܡ ܦܘܼܡܹܗ ܢܡܲܠܸܠ: ܘܲܠܒ̣ܵܒܹܠ ܬܹܐܙܲܠ. |
| [No book] |
[4]ܒܪܲܡ ܫܡܲܥ ܦܸܬ̣ܓ̣ܵܡܹܗ ܕܡܵܪܝܵܐ ܨܹܕܲܩܝܵܐ ܡܲܠܟܵܐ ܕܲܝܗܘܼܕ݂ܵܐ: ܗܵܟܲܢܵܐ ܐܵܡܲܪ ܡܵܪܝܵܐ ܥܠܲܝܟ: ܠܵܐ ܬܡܘܼܬ̣ ܒܚܲܪܒܵܐ: ܐܸܠܵܐ ܒܲܫܠܵܡܵܐ ܬܡܘܼܬ̣. |
| [No book] |
[5]ܘܐܲܝܟ݂ ܕܐܲܪܩܸܕ݂ܘ ܥܲܠ ܐܲܒ̣ܵܗܲܝ̈ܟ ܡܲܠ̈ܟܹܐ ܩܲܕ݂ܡܵܝܹ̈ܐ ܕܲܗܘ̤ܵܘ ܩܕ݂ܵܡܲܝܟ܆ܗܵܟܲܢܵܐ ܢܲܪܩ̄ܕ݂ܘܼܢ ܥܠܲܝܟ: ܘܵܝ ܡܵܪܵܐ ܢܲܪܩ̄ܕ݂ܘܼܢ ܥܠܲܝܟ: ܡܸܛܠ ܕܦܸܬ̣ܓ̣ܵܡܵܐ ܗܵܢܵܐ ܡܲܠـ̇ܠܹܬ̣ ܐܵܡܲ݁ܪ ܡܵܪܝܵܐ. |
| [No book] |
[6]ܘܐܸܡ݂ܲܪ ܐܹܪܲܡܝܵܐ ܠܨܹܕܲܩܝܵܐ ܡܲܠܟܵܐ ܕܲܝܗܘܼܕ݂ܵܐ: ܟܠܗܘܿܢ ܦܸܬ̣ܓ̣ܵܡܹ̈ܐ ܗܵܠܹܝܢ ܒܐܘܿܪܸܫܠܸܡ. |
| [No book] |
[7]ܘܚܲܝܠܵܐ ܕܡܲܠܟܵܐ ܕܒ̣ܵܒܹܠ ܡܸܬ̣ܟܲܬ̇ܫܝܪܢ ܥܲܠ ܐܘܿܪܸܫܠܸܡ: ܘܥܲܠ ܟܠܗܹܝܢ ܩܘܼܖ̈ܝܵܐ ܕܲܝܗܘܼܕ݂ܵܐ ܕܐܸܫܬ̇ܚܲܪ: ܥܲܠ ܠܟ݂ܝܼܫ: ܘܥܲܠ ܥܲܙܩܵܐ. ܡܸܛܠ ܕܗܸܢܹܝܢ ܐܸܫܬ̇ܚܲܪ ܒܩܘܼܖ̈ܝܵܐ ܕܲܝܗܘܼܕ݂ܵܐ ܩܘܼܖ̈ܝܵܐ ܥܲܫܝܼ̈ܢܵܬ̣ܵܐ. |
| [No book] |
[8]ܦܸܬ̣ܓ̣ܵܡܵܐ ܕܲܗܘ̤ܵܐ ܥܲܠ ܐܹܪܲܡܝܵܐ ܡ̣ܢ ܩܕ݂ܵܡ ܡܵܪܝܵܐ ܠܡܹܐܡܲܪ: ܡ̣ܢ ܒܵܬܲܪ ܕܐܲܩܝܼܡ ܡܲܠܟܵܐ ܨܹܕܲܩܝܵܐ ܩܝܵܡܵܐ ܥܲܡ ܟܠܹܗ ܥܲܡܵܐ ܕܒ̣ܐܘܿܪܸܫܠܸܡ: ܕܢܸܬ̣ܩܪܘܿܢ ܡܚܲܪܖܹ̈ܐ. |
| [No book] |
[9]ܕܢܸܫܒ̇ܘܿܩ ܓܒܲܪ ܥܲܒ̣ܕܹܗ: ܘܲܓ̣ܒܲܪ ܐܲܡܬܹܗ ܥܸܒ̣ܪܵܝܵܐ ܘܥܸܒ̣ܪܵܝܬܵܐ ܒܢܲܝ̈ ܚܹܐܖܹ̈ܐ: ܕܠܵܐ ܢܫܲܥܒ̇ܕ݂ܘܼܢ ܓܒܲܪ ܠܐܲܚܘܼܗܝ ܝܗ̄ܘܕ݂ܵܝܵܐ. |
| [No book] |
[10]ܘܲܫ̣ܡܲܥܘ ܟܠܗܘܿܢ ܪܵܘܖ̈ܒ̣ܵܢܹܐ ܘܟ݂ܠܹܗ ܥܲܡܵܐ: ܘܩܲܒܸ̇ܠ̣ܘ ܥܠܲܝܗܘܿܢ ܕܢܸܫܒ̇ܘܿܩ ܓܒܲܪ ܥܲܒ̣ܕܹܗ: ܘܲܓ̣ܒܲܪ ܐܲܡܬܹܗ ܒܢܲܝ̈ ܚܹܐܖܹ̈ܐ: ܕܠܵܐ ܢܸܦ̱ܠܚܘܼܢ ܐܸܢܘܿܢ ܬܘܼܒ̣. ܘܚܲܪܲܪܘ ܐܸܢܘܿܢ. |
| [No book] |
[11]ܘܲܗܦܲܟ݂ܘ ܡ̣ܢ ܒܵܬܲܪܟܸ̇ܢ: ܘܫܲܥܒܸ̇ܕ݂ܘ ܐܸܢܘܿܢ ܠܲܡܚܲܪܖܹ̈ܐ ܘܲܥ̣ܒܲܕ݂ܘ ܐܸܢܘܿܢ ܥܲܒ̣̈ܕܹܐ. |
| [No book] |
[12]ܘܲܗܘ̤ܵܐ ܦܸܬ̣ܓ̣ܵܡܹܗ ܕܡܵܪܝܵܐ ܥܲܠ ܐܹܪܲܡܝܵܐ ܠܡܹܐܡܲܪ. |
| [No book] |
[13]ܗܵܟܲܢܵܐ ܐܵܡܲ݁ܪ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܐܸܢܵܐ ܐܲܩܝܼܡܹ̇ܬ̣ ܩܝܵܡܵܐ ܥܲܡ ܐܲܒ̣ܵܗܲܝ̈ܟ̇ܘܿܢ: ܒܝܵܘܡܵܐ ܕܐܲܦـ̇ܩܹܬ̣ ܐܸܢܘܿܢ ܡ̣ܢ ܐܲܪܥܵܐ ܕܡܸܨܪܹܝܢ ܡ̣ܢ ܒܹܝܬ̣ ܥܲܒ̣ܕܘܼܬ̣ܵܐ ܠܡܹܐܡܲܪ. |
| [No book] |
[14]ܡ̣ܢ ܒܵܬܲܪ ܫܒܲܥ ܫܢܝܼ̈ܢ: ܬܸܫܒ̇ܩܘܼܢ ܓܒܲܪ ܠܐܲܚܘܼܗܝ ܥܸܒ̣ܪܵܝܵܐ ܕܢܸܙܕܲܒܲܢ ܠܵܟ݂: ܘܢܸܦ̱ܠܚܵܟ݂ ܫܸܬ̣ ܫܢܝܼ̈ܢ: ܘܬܸܫܒ̇ܩܝܼܘܗܝ ܒܲܪ ܚܹܐܖܹ̈ܐ ܡ̣ܢ ܠܘܵܬ̣ܵܟ݂: ܘܠܵܐ ܫܲܡ̣ܥܘܼܢܝ ܐܲܒ̣ܵܗܲܝ̈ܟ̇ܘܿܢ: ܘܠܵܐ ܨܠܵܘ ܐܸܕ݂ܢܗܘܿܢ ܠܘܵܬ̣ܝ. |
| [No book] |
[15]ܘܲܗܦܲܟ݂ܬ̇ܘܿܢ ܐܲܢ̄ܬ̇ܘܿܢ ܝܵܘܡܵܢܵܐ: ܘܲܥ̣ܒܲܕ̇ܬ̇ܘܿܢ ܡܸܕܸܡ ܕܫܲܦܝܼܪ ܒܥܲܝ̈ܢܲܝ: ܠܡܸܩܪܵܐ ܚܹܐܪܘܼܬ̣ܵܐ ܓܒܲܪ ܠܚܲܒ̣ܪܹܗ: ܘܐܲܩܝܼܡܬ̇ܘܿܢ ܩܝܵܡܵܐ ܩܕ݂ܵܡܲܝ ܒܒܲܝܬܵܐ ܕܐܸܬ̣ܩܪܝܼ ܫܹܡܝ ܥܠܵܘܗܝ. |
| [No book] |
[16]ܘܲܗܦܲܟ݂ܬ̇ܘܿܢ ܘܛܵܘܸܫܬ̇ܘܿܢ ܫܹܡܝ: ܘܐܲܗܦܸܟ݂ܬ̇ܘܿܢ ܓܒܲܪ ܥܲܒ̣ܕܹܗ ܘܲܓ̣ܒܲܪ ܐܲܡܬܹܗ ܕܲܫـ̣ܒܲܩܬ̇ܘܿܢ ܒܢܲܝ̈ ܚܹܐܖܹ̈ܐ ܠܢܲܦ̮ܫܗܘܿܢ: ܘܟܲܒܸ̇ܫܬ̇ܘܿܢ ܐܸܢܘܿܢ ܕܢܸܗܘܘܿܢ ܠܟ݂ܘܿܢ ܥܲܒ̈ܕܹܐ ܘܐܲܡ̈ܗܵܬ̣ܵܐ. |
| [No book] |
[17]ܡܸܛܠ ܗܵܢܵܐ ܗܵܟܲܢܵܐ ܐܵܡܲ݁ܪ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܐܲܢ̄ܬ̇ܘܿܢ ܠܵܐ ܫܡܲܥܬ̇ܘܿܢܵܢܝ ܠܡܸܩܪܵܐ ܚܹܐܪܘܼܬ̣ܵܐ ܓܒܲܪ ܠܚܲܒ̣ܪܹܗ܆ܗܵܐ ܩܵـ̇ܪܹܐ ܐ̄ܢܵܐ ܠܟ݂ܘܿܢ ܚܹܐܪܘܼܬ̣ܵܐ ܠܚܲܪܒܵܐ: ܘܲܠܟܲܦܢܵܐ: ܘܲܠܡܵܘܬܵܢܵܐ: ܐܵܡܲ݁ܪ ܡܵܪܝܵܐ: ܘܐܸܬܸ̇ܠܟ݂ܘܿܢ ܠܙܵܘܸܥܬ̣ܵܐ ܠܟ݂ܠܗܹܝܢ ܡܲܠܟ̇ــ̈ܘܵܬ̣ܵܐ ܕܐܲܪܥܵܐ. |
| [No book] |
[18]ܘܐܸܬܸ̇ܠ ܠܓܲܒ̣ܖܹ̈ܐ ܕܲܥ̣ܒܲܪܘ ܥܲܠ ܩܝܵܡܝ: ܕܠܵܐ ܐܲܫܲܪܘ ܦܸܬ̣ܓ̣ܵܡܲܝ̈ ܩܝܵܡܵܐ ܕܐܲܩܝܼܡܘ ܩܕ݂ܵܡܲܝ: ܥܸܓ̣ܠܵܐ ܕܲܦ̣ܣܲܩܘ ܠܲܬ̣ܪܹܝܢ ܘܲܥ̣ܒܲܪܘ ܒܹܝܬ̣ ܦܸܠܓܵܘ̈ܗܝ. |
| [No book] |
[19]ܪܵܘܖ̈ܒ̣ܵܢܹܐ ܕܲܝܗܘܼܕ݂ܵܐ ܘܲܕܐܘܿܪܸܫܠܸܡ: ܘܲܡܗܲܝܡܢܹ̈ܐ ܘܟ݂ܵܗܢܹ̈ܐ: ܘܟ݂ܠܹܗ ܥܲܡܵܐ ܕܐܲܪܥܵܐ: ܕܲܥ̣ܒܲܪܘ ܒܹܝܬ̣ ܦܸܠܓܵܘ̈ܗܝ ܕܥܸܓ̣ܠܵܐ. |
| [No book] |
[20]ܘܐܲܫܠܸܡ ܐܸܢܘܿܢ ܒܐܝܼܕ݂ܵܐ ܕܲܒ̣ܥܸܠܕܒ̣ܵܒܲܝ̈ܗܘܿܢ: ܘܒ̣ܐܝܼܕ݂ܵܐ ܕܐܲܝܠܹܝܢ ܕܒ̣ܵܥܹ̇ܝܢ ܢܲܦ̮ܫܗܘܿܢ: ܘܢܸܗܘ̈ܝܵܢ ܫܠܲܕܲܝ̈ܗܘܿܢ ܡܹܐܟ݂ܘܼܠܬܵܐ ܠܦܵܪܲܚܬ̣ܵܐ ܕܲܫܡܲܝܵܐ: ܘܲܠܚܲܝ̄ܘܬ̣ܵܐ ܕܐܲܪܥܵܐ. |
| [No book] |
[21]ܘܲܠܨܹܕܲܩܝܵܐ ܡܲܠܟܵܐ ܕܲܝܗܘܼܕ݂ܵܐ ܘܲܠܪܵܘܖ̈ܒ̣ܵܢܵܘܗܝ: ܐܲܫܠܸܡ ܐܸܢܘܿܢ ܒܐܝܼܕ݂ܵܐ ܕܲܒ̣ܥܸܠܕܒ̣ܵܒܲܝ̈ܗܘܿܢ: ܘܒ̣ܐܝܼܕ݂ܵܐ ܕܐܲܝܠܹܝܢ ܕܒ̣ܵܥܹ̇ܝܢ ܢܲܦ̮ܫܗܘܿܢ: ܘܲܒ̣ܝܲܕ݂ ܚܲܝ̈ܠܹܐ ܕܡܲܠܟܵܐ ܕܒܵܒܹܠ ܕܣܵܠ̇ܩܝܼܢ ܥܠܲܝܗܘܿܢ. |
| [No book] |
[22]ܗܵܐ ܐܸܢܵܐ ܦܵܩܹ̇ܕ݂ ܐ̄ܢܵܐ ܐܵܡܲ݁ܪ ܡܵܪܝܵܐ: ܘܐܲܥܦܸـܟ݂ ܐܸܢܘܿܢ ܠܲܩܪܝܼܬ̣ܵܐ ܗܵܕܹܐ: ܘܢܸܬ̣ܟܲܬ̇ܫܘܼܢ ܥܠܹܝܗ̇ ܘܢܸܟ݂ܒ̇ܫܘܼܢܵܗ̇ ܘܢܵܘܩ̄ܕ݂ܘܼܢܵܗ̇ ܒܢܘܼܪܵܐ: ܘܲܠܩܘܼܖ̈ܝܵܐ ܕܲܝܗܘܼܕ݂ܵܐ: ܐܸܬܸ̇ܠ ܠܚܘܼܪܒܵܐ ܡ̣ܢ ܒܠܲܝ ܕܝܵـ̇ܬܹܒ̣. |