|
|
| [1]ܘܲܗܘ݀ܵܐ ܒܫܲܢ̄ܬܵܐ ܪܒ݂ܝܼܥܵܝܬܵܐ ܕܝܘܿܝܵܩܝܼܡ ܒܲܪ ܝܘܿܫܝܼܵܐ ܡܲܠܟܵܐ ܕܲܝܗ̄ܘܼܕܵܐ: ܗ݀ܘܵܐ ܦܸܬ݂ܓ݂ܵܡܵܐ ܗܵܢܵܐ ܥܲܠ ܐܹܪܲܡܝܵܐ ܡ̣ܢ ܩܕ݂ܵܡ ܡܵܪܝܵܐ ܠܡܹܐܡܲܪ. |
[No book] |
| [2]ܣܒ݂ ܠܟ݂ ܡܓܠܬܐ ܕܣܦܪܐ: ܘܟܬܘܒ ܥܠܝܗ ܟܠܗܘܢ ܦܬܓܡܐ ܕܐܡܪܬ ܠܟ݂: ܥܠ ܝܣܪܝܠ: ܘܗܠ ܝܗܘܕܐ: ܘܥܠ ܟܠܗܘܢ ܥܡܡܐ: ܡܢ ܝܘܡܐ ܕܐܡܪܬ ܠܟ݂: ܡܢ ܝܘܡܘܗܝ ܕܝܘܫܝܐ ܘܥܕܡܐ ܠܝܘܡܢܐ. |
[No book] |
| [3]ܛܟ݂ ܢܫܡܥܘܢ ܕܒܝܬ ܝܗܘܕܐ: ܟܠܗ ܒܝܫܬܐ ܕܡܬܚܫܒ ܐ̄ܢܐ ܠܡܥܒܕ ܠܗܘܢ: ܘܢܗܦܟܘܢ ܓܒܪ ܡܢ ܐܘܪܚܗ ܒܝܫܬܐ: ܘܐܫܒܘܩ ܠܚܘܒܝܗܘܢ ܘܠܚܛܗܝܗܘܢ. |
[No book] |
| [4]ܘܩܪܐ ܐܪܡܝܐ ܠܒܪܘܟ݂ ܒܪ ܢܪܝܐ: ܘܟܬܒ ܒܪܘܟ݂ ܡܢ ܦܘܡܗ ܕܐܪܡܝܐ: ܟܠܗܘܢ ܦܬܓܡܘܗܝ ܕܡܪܝܐ ܕܐܡܪ ܠܗ ܥܠ ܡܓܠܬܐ ܕܣܦܪܐ. |
[No book] |
| [5]ܘܦܩܕ ܐܪܡܝܐ ܠܒܪܘܟ݂ ܒܪ ܢܪܝܐ ܘܐܡܪ ܠܗ: ܐܢܐ ܟܠܐ ܐ̄ܢܐ: ܘܠܐ ܡܫܟܚ ܐ̄ܢܐ ܕܐܥܘܠ ܠܒܝܬܗ ܕܡܪܝܐ. |
[No book] |
| [6]ܥܘܠ ܐܢ̄ܬ ܘܩܪܝ ܒܡܓܠܬܐ ܕܟܬܒܬ ܡܢ ܦܘܡܝ: ܦܬܓܡܘܗܝ ܕܡܪܝܐ ܩܕܡ ܥܡܐ ܒܒܝܬܗ ܕܡܪܝܐ: ܒܝܘܡܐ ܕܨܘܡܐ: ܘܐܦ ܩܕܡ ܟܠܗ ܥܡܐ ܕܝܗܘܕܐ ܕܐܬܝܢ ܡܢ ܩܘܪܝܗܘܢ ܬܩܪܐ ܐܢܘܢ. |
[No book] |
| [7]ܛܟ݂ ܬܦܠ ܒܥܘܬܗܘܢ ܩܕܡ ܡܪܝܐ: ܘܢܗܦܟܘܢ ܓܒܪ ܡܢ ܐܘܪܚܗ ܒܝܫܬܐ: ܘܢܫܠܐ ܡܪܝܐ ܡܢ ܒܝܫܬܐ ܕܐܡܪ ܥܠܝܗܘܢ: ܡܛܠ ܕܪܒܘ ܪܘܓܙܐ ܘܚܡܬܐ ܕܡܠܠ ܡܪܝܐ ܥܠ ܥܡܐ ܗܢܐ. |
[No book] |
| [8]ܘܥܒܕ ܒܪܘܟ݂ ܒܪ ܢܪܝܐ ܟܠ ܕܦܩܕܗ ܐܪܡܝܐ ܢܒܝܐ: ܠܡܩܪܐ ܒܣܦܪܐ ܦܬܓܡܘܗܝ ܕܡܪܝܐ ܒܒܝܬܗ ܕܡܪܝܐ. |
[No book] |
| [9]ܘܗܘܐ ܒܫܢ̄ܬܐ ܚܡܝܫܝܬܐ ܕܝܘܝܩܝܡ ܒܪ ܝܘܫܝܐ ܡܠܟܐ ܕܝܗܘܕܐ: ܒܝܪܚܐ ܕܬܫܥܐ: ܓܙܪܘ ܨܘܡܐ ܩܕܡ ܡܪܝܐ ܟܠܗ ܥܡܐ ܕܒܐܘܪܫܠܡ: ܘܩܪܐ ܒܪܘܟ݂ ܩܕܡ ܟܠܗ ܥܡܐ ܕܐܬܝܢ ܡܢ ܩܘܪܝܐ ܕܝܗܘܕܐ ܠܐܘܪܫܠܡ. |
[No book] |
| [10]ܘܩܪܐ ܒܪܘܟ݂ ܣܦܪܐ: ܦܬܓܡܘܗܝ ܕܡܪܝܐ ܕܐܡܪ ܐܪܡܝܐ ܢܒܝܐ ܒܒܝܬܗ ܕܡܪܝܐ: ܒܚܢܘܬܗ ܕܓܡܪܝܐ ܒܪ ܫܦܢ ܣܦܪܐ ܒܕܪܬܐ ܥܠܝܬܐ: ܒܡܥܠܢܐ ܕܬܪܥܐ ܚܕܬܐ ܕܒܝܬܗ ܕܡܪܝܐ: ܩܕܡ ܟܠܗ ܥܡܐ. |
[No book] |
| [11]ܘܫܡܥ ܡܝܟܐ ܒܪ ܓܡܪܝܐ: ܒܪ ܫܦܢ: ܟܠܘܢ ܦܬܓܡܘܗܝ ܕܡܪܝܐ ܡܢ ܣܦܪܐ. |
[No book] |
| [12]ܘܢܚܬ ܡܢ ܒܝܬ ܡܠܟܐ ܠܚܢܘܬܗ ܕܣܦܪܐ: ܘܚܙܐ ܬܡܢ ܟܠܗܘܢ ܪܘܪܒܢܐ ܝܬܒܝܢ: ܐܠܝܫܡܥ ܣܦܪܐ: ܘܕܠܝܐ ܒܪ ܫܡܥܝܐ: ܘܐܠܝܬܢ ܒܪ ܥܒܟܘܪ: ܘܓܡܪܝܐ ܒܪ ܫܦܢ: ܘܨܕܩܝܐ ܒܪ ܚܢܢܝܐ: ܘܟܠܗܘܢ ܪܘܪܒܢܐ. |
[No book] |
| [13]ܘܚܘܝ ܐܢܘܢ ܡܝܟܐ ܟܠܗܘܢ ܦܬܓܡܐ ܕܫܡܥ: ܟܕ ܩܪܐ ܒܪܘܟ݂ ܣܦܪܐ ܒܐܕܢܘܗܝ ܕܥܡܐ. |
[No book] |
| [14]ܘܫܕܪܘ ܟܠܗܘܢ ܪܘܪܒܢܐ ܠܘܬ ܒܪܘܟ݂: ܠܝܗܘܕܝ ܒܪ ܢܬܢܝܐ: ܒܪ ܫܠܡܝܐ: ܒܪ ܟܘܫܝ: ܘܐܡܪܘ ܠܗ: ܡܓܠܬܐ ܕܩܪܝܬ ܒܗ ܩܕܡ ܥܡܐ: ܣܒܝܗ ܒܐܝܕܟ݂ ܘܬܐ: ܘܢܣܒ ܒܪܘܟ݂ ܒܪ ܢܪܝܐ ܡܓܠܬܐ ܒܐܝܕܗ: ܘܐܬܐ ܠܘܬܗܘܢ. |
[No book] |
| [15]ܘܐܡܪܘ ܠܗ ܪܘܪܒܢܐ: ܬܒ ܘܩܪܝܗ ܩܕܡܝܢ: ܘܩܪܗ ܒܪܘܟ݂ ܩܕܡܝܗܘܢ. |
[No book] |
| [16]ܘܟܕ ܫܡܥܘ ܦܬܓܡܘܗܝ ܬܘܗܘ ܓܒܪ ܥܠ ܚܒܪܗ: ܘܐܡܪܘ ܠܒܪܘܟ݂: ܡܚܘܝܢ ܚ̄ܢܢ ܠܡܠܟܐ ܟܠܗܘܢ ܦܬܓܡܐ ܗܠܝܢ. |
[No book] |
| [17]ܘܠܒܪܘܟ݂ ܫܐܠܘܗܝ ܘܐܡܪܘ ܠܗ: ܚܘܢ ܐܝܟܢܐ ܟܬܒܬ ܟܠܗܘܢ ܦܬܓܡܐ ܗܠܝܢ ܡܢ ܦܘܡܗ. |
[No book] |
| [18]ܘܐܡܪ ܠܗܘܢ ܒܪܘܟ݂: ܡܢ ܦܘܡܗ ܐܡܪ ܗ̄ܘܐ ܠܝ ܐܪܡܝܐ ܟܠܗܘܢ ܦܬܓܡܐ ܗܠܝܢ: ܘܐܢܐ ܟܬܒ ܗܘܝܬ ܥܠ ܣܦܪܐ ܒܕܝܘܬܐ. |
[No book] |
| [19]ܘܐܡܪܘ ܪܘܪܒܢܐ ܠܒܪܘܟ݂: ܙܠ ܘܐܬܛܫܐ ܐܢ̄ܬ ܘܐܪܡܝܐ: ܘܐ̄ܢܫ ܠܐ ܢܕܥ ܐܝܟܐ ܐܢ̄ܬܘܢ. |
[No book] |
| [20]ܘܐܬܘ ܠܘܬ ܡܠܟܐ ܠܕܪܬܐ: ܘܡܓܠܬܐ ܣܡܘܗ ܒܚܢܘܬܗ ܕܐܠܝܫܡܥ ܣܦܪܐ: ܘܚܘܝܘ ܩܕܡ ܡܠܟܐ ܟܠܗܘܢ ܦܬܓܡܐ ܗܠܝܢ. |
[No book] |
| [21]ܘܫܕܪ ܡܠܟܐ ܠܝܗܘܕܝ ܕܢܝܬܝܗ ܠܡܓܠܬܐ: ܘܢܣܒܗ ܡܢ ܚܢܘܬܗ ܕܐܠܝܫܡܥ ܣܦܪܐ: ܘܩܪܗ ܝܗܘܕܝ ܩܕܡ ܡܠܟܐ: ܘܩܕܡ ܟܠܗܘܢ ܪܘܪܒܢܐ ܕܩܝܡܝܢ ܩܕܡ ܡܠܟܐ. |
[No book] |
| [22]ܘܡܠܟܐ ܝܬܒ ܗ̄ܘܐ ܒܝܬ ܣܬܘܐ ܒܝܪܚܐ ܕܬܫܥܐ: ܘܢܘܪܐ ܣܝܡܝܢ ܗ̄ܘܘ ܩܕܡܘܗܝ. |
[No book] |
| [23]ܘܟܕ ܩܪܐ ܝܗܘܕܝ ܬܠܬ ܦܨܝܢ ܘܐܪܒܥ: ܨܪܗ ܒܙܡܠܝܐ ܕܣܦܪܐ: ܘܫܕܗ ܒܓܘܡܪܐ ܕܢܘܪܐ: ܘܝܩܕܬ ܟܠܗ ܡܓܠܬܐ ܒܢܘܪܐ ܕܥܠ ܩܡܝܢܐ. |
[No book] |
| [24]ܘܠܐ ܕܚܠܘ ܘܠܐ ܨܪܝܘ ܠܒܘܫܝܗܘܢ ܡܠܟܐ ܘܟܠܗܘܢ ܥܒܕܘܗܝ: ܟܕ ܫܡܥܘ ܟܠܗܘܢ ܦܬܓܡܐ ܗܠܝܢ. |
[No book] |
| [25]ܘܐܦ ܐܠܝܬܢ: ܘܓܡܪܝܐ: ܘܕܠܝܐ: ܒܥܘ ܡܢ ܡܠܟܐ ܕܠܐ ܢܘܩܕܝܗ ܠܡܓܠܬܐ ܒܢܘܪܐ ܘܠܐ ܫܡܥ ܐܢܘܢ. |
[No book] |
| [26]ܘܦܩܕ ܡܠܟܐ ܠܝܪܚܡܐܝܠ ܒܪ ܡܠܟܐ: ܘܠܫܪܝܐ ܒܪ ܥܙܪܐܝܠ: ܘܠܫܠܡܝܐ ܒܪ ܥܒܕܐܝܠ: ܠܡܐܚܕ ܠܐܪܡܝܐ ܢܒܝܐ ܘܠܒܪܘܟ݂ ܣܦܪܐ: ܘܛܫܝ ܐܢܘܢ ܡܪܝܐ. |
[No book] |
| [27]ܘܗܘܐ ܦܬܓܡܗ ܕܡܪܝܐ ܥܠ ܐܪܡܝܐ ܢܒܝܐ: ܡܢ ܒܬܪ ܕܐܘܩܕ ܡܠܟܐ ܡܓܠܬܐ: ܘܦܬܓܡܐ ܕܟܬܝ ܒܪܘܟ݂ ܡܢ ܦܘܡܗ ܕܐܪܡܝܐ ܠܡܐܡܪ. |
[No book] |
| [28]ܗܦܘܟ݂ ܣܒ ܠܟ݂ ܡܓܠܬܐ ܐ̄ܚܪܬܐ: ܘܟܬܘܒ ܥܠܝܗ ܟܠܗܘܢ ܦܬܓܡܐ ܩܕܡܝܐ: ܕܐܝܬ ܗ̄ܘܘ ܥܠ ܡܓܠܬܐ ܕܐܘܩܕ ܝܘܝܩܝܡ ܡܠܟܐ ܕܝܗܘܕܐ ܒܢܘܪܐ. |
[No book] |
| [29]ܘܠܝܘܝܩܝܡ ܡܠܟܐ ܕܝܗܘܕܐ ܬܐܡܪ: ܗܟܢܐ ܐܡܪ ܡܪܝܐ: ܐܢ̄ܬ ܐܘܩܕܬ ܡܓܠܬܐ ܗܕܐ: ܘܐܡܪܬ: ܡܛܠ ܡܢܐ ܟܬܒܬ ܥܠܝܗ: ܕܢܐܬܐ ܡܠܟܐ ܕܒܒܠ ܘܢܚܪܒܝܗ ܠܐܪܥܐ ܗܕܐ: ܘܢܒܛܠ ܡܢܗ ܒܢܝܢܫܐ ܘܒܥܝܪܐ. |
[No book] |
| [30]ܡܛܠ ܗܢܐ ܗܟܢܐ ܐܡܪ ܡܪܝܐ ܥܠ ܝܘܝܩܝܡ ܡܠܟܐ ܕܝܗܘܕܐ: ܠܐ ܢܗܘܐ ܠܗ ܓܒܪܐ ܕܝܬܒ ܥܠ ܟܘܪܣܝܗ ܕܕܘܝܕ: ܘܫܠܕܗ ܬܗܘܐ ܪܡܝܐ ܒܫܘܒܐ ܒܐܝܡܡܐ: ܘܒܓܠܝܕܐ ܒܠܠܝܐ. |
[No book] |
| [31]ܘܐܦܩܘܕ ܥܠܘܗܝ: ܘܥܠ ܙܪܥܗ: ܘܥܠ ܥܒܕܘܗܝ ܥܘܠܗܘܢ: ܘܐܝܬܐ ܥܠܝܗܘܢ ܘܥܠ ܟܠܗܘܢ ܥܡܘܪܝܗ ܕܐܘܪܫܠܡ: ܘܥܠ ܐ̄ܢܫܐ ܕܝܗܘܕܐ: ܟܠܗ ܒܝܫܬܐ ܕܐܡܪܬ ܥܠܝܗܘܢ: ܥܠ ܕܠܐ ܫܡܥܘ ܒܩܠܝ. |
[No book] |
| [32]ܘܐܪܡܝܐ ܢܣܒ ܡܓܠܬܐ ܐ̄ܚܪܬܐ: ܘܝܗ̄ܒܗ ܠܒܪܘܟ݂ ܒܪ ܢܪܝܐ ܣܦܪܐ: ܘܟܬܒ ܥܠܝܗ ܡܢ ܦܘܡܗ ܕܐܪܡܝܐ: ܟܠܗܘܢ ܦܬܓܡܐ ܕܟܬܝܒܝܢ ܗ̄ܘܘ ܒܣܦܪܐ: ܕܐܘܩܕ ܝܘܝܩܝܡ ܡܠܟܐ ܕܝܗܘܕܐ ܒܢܘܪܐ: ܘܬܘܒ ܐܘܣܦ ܥܠܝܗܘܢ ܦܬܓܡܐ ܕܣܓܝܐܝܢ ܐܟܘܬܗܘܢ. |
[No book] |