➖ »
«
➖ ➕
Aleppo Codex (~920)
Alep
The Book of Jubilees
Jub(YWO)
←
Jeremiah
Jer
37
→
[1]וימלך מלך־צדקיהו בן יאשיהו תחת כניהו בן יהויקים אשר המליך נבוכדראצר מלך בבל בארץ יהודה [No book]
[2]ולא שמע הוא ועבדיו ועם הארץ אל דברי יהוה־אשר דבר ביד ירמיהו הנביא [No book]
[3]וישלח המלך צדקיהו את יהוכל בן שלמיה ואת צפניהו בן מעשיה הכהן אל ירמיהו הנביא לאמר התפלל נא בעדנו אל יהוה אלהינו [No book]
[4]וירמיהו בא ויצא בתוך העם ולא נתנו אתו בית הכליא [Q: הכלוא] [No book]
[5]וחיל פרעה יצא ממצרים וישמעו הכשדים הצרים על ירושלם את שמעם ויעלו מעל ירושלם [No book]
[6]ויהי דבר יהוה אל ירמיהו הנביא לאמר [No book]
[7]כה אמר יהוה אלהי ישראל כה תאמרו אל מלך יהודה השלח אתכם אלי לדרשני הנה חיל פרעה היצא לכם לעזרה שב לארצו מצרים [No book]
[8]ושבו הכשדים ונלחמו על העיר הזאת ולכדה ושרפה באש [No book]
[9]כה אמר יהוה אל תשאו נפשתיכם לאמר הלך ילכו מעלינו הכשדים כי לא ילכו [No book]
[10]כי אם הכיתם כל חיל כשדים הנלחמים אתכם ונשארו בם אנשים מדקרים־איש באהלו יקומו ושרפו את העיר הזאת באש [No book]
[11]והיה בהעלות חיל הכשדים מעל ירושלם־מפני חיל פרעה [No book]
[12]ויצא ירמיהו מירושלם ללכת ארץ בנימן לחלק משם בתוך העם [No book]
[13]ויהי הוא בשער בנימן ושם בעל פקדת ושמו יראייה בן שלמיה בן חנניה ויתפש את ירמיהו הנביא לאמר אל הכשדים אתה נפל [No book]
[14]ויאמר ירמיהו שקר אינני נפל על הכשדים־ולא שמע אליו ויתפש יראייה בירמיהו ויבאהו אל השרים [No book]
[15]ויקצפו השרים על ירמיהו והכו אתו ונתנו אותו בית האסור בית יהונתן הספר־כי אתו עשו לבית הכלא [No book]
[16]כי בא ירמיהו אל בית הבור ואל החניות וישב שם ירמיהו ימים רבים [No book]
[17]וישלח המלך צדקיהו ויקחהו וישאלהו המלך בביתו בסתר ויאמר היש דבר מאת יהוה ויאמר ירמיהו יש ויאמר ביד מלך בבל תנתן [No book]
[18]ויאמר ירמיהו אל המלך צדקיהו מה חטאתי לך ולעבדיך ולעם הזה כי נתתם אותי אל בית הכלא [No book]
[19]ואיו [Q: ואיה] נביאיכם אשר נבאו לכם לאמר לא יבא מלך בבל עליכם ועל הארץ הזאת [No book]
[20]ועתה שמע נא אדני המלך תפל נא תחנתי לפניך ואל תשבני בית יהונתן הספר ולא אמות שם [No book]
[21]ויצוה המלך צדקיהו ויפקדו את ירמיהו בחצר המטרה ונתן לו ככר לחם ליום מחוץ האפים עד תם כל הלחם מן העיר וישב ירמיהו בחצר המטרה [No book]
Source: unbound.biola.edu
 Author: Enoch the Prophet
Source: www.YahwehsWord.org
Top