|
|
| [1]ܘܲܗܘ̤ܵܐ ܦܸܬ̣ܓ̣ܵܡܹܗ ܕܡܵܪܝܵܐ ܥܲܠ ܐܹܪܲܡܝܵܐ ܢܒ̣ܝܼܵܐ: ܕܢܸܬ̣ܢܲܒܸ̇ܐ ܥܲܠ ܥܲܡܡܹ̈ܐ. |
[1]אֲשֶׁר הָיָה דְבַר־יְהוָה אֶל־יִרְמְיָהוּ הַנָּבִיא עַל־הַגֹּויִם׃ |
| [2]ܘܥܲܠ ܡܸܨܪ̈ܵܝܹܐ: ܘܥܲܠ ܚܲܝܠܹܗ ܕܦܸܪܥܘܿܢ ܚܓ̣ܝܼܪܵܐ ܡܲܠܟܵܐ ܕܡܸܨܪܹܝܢ: ܕܫܪܸܐ ܗ̄ܘ̣ܵܐ ܥܲܠ ܢܲܗܪܵܐ ܦܪܵܬ̣ ܒܟܲܪܟ̇ܡܘܼܫ: ܕܲܩܛܲܥ̣ ܢܒ̣ܘܼܟܲܕ݂ܢܵܨܲܪ ܡܲܠܟܵܐ ܕܒ̣ܵܒܹܠ: ܒܫܲܢ̄ܬܵܐ ܪܒ̣ܝܼܥܵܝܬܵܐ ܕܝܘܿܝܵܩܝܼܡ ܒܲܪ ܝܘܿܫܝܼܵܐ ܡܲܠܟܵܐ ܕܲܝܗܘܼܕ݂ܵܐ ܠܡܹܐܡܲܪ. |
[2]לְמִצְרַיִם עַל־חֵיל פַּרְעֹה נְכֹו מֶלֶךְ מִצְרַיִם אֲשֶׁר־הָיָה עַל־נְהַר־פְּרָת בְּכַרְכְּמִשׁ אֲשֶׁר הִכָּה נְבוּכַדְרֶאצַּר מֶלֶךְ בָּבֶל בִּשְׁנַת הָרְבִיעִית לִיהֹויָקִים בֶּן־יֹאשִׁיָּהוּ מֶלֶךְ יְהוּדָה׃ |
| [3]ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ ܐܲܠܵܗܵܐ ܕܝܼܣܪܵܝܹܠ: ܫܩܘܿܠܘ ܙܲܝܢܵܐ ܘܣܲܟ̇ܪܹ̈ܐ: ܘܲܩܪܘܿܒ̣ܘ ܠܲܩܪܵܒ̣ܵܐ. |
[3]עִרְכוּ מָגֵן וְצִנָּה וּגְשׁוּ לַמִּלְחָמָה׃ |
| [4]ܦܲܓ̣ܕ݂ܘ ܪ̈ܲܟ݂ܫܵܐ: ܐܲܪܟܸ̇ܒ̣ܘ ܦܲܪ̈ܵܫܹܐ: ܣܝܼܡܘ ܣܲܢ̱ܘܪ̈ܵܬ̣ܵܐ: ܡܪܘܿܩܘ ܪ̈ܘܼܡܚܹܐ: ܠܒܲܫܘ ܫܸܪ̈ܝܵܢܹܐ. |
[4]אִסְרוּ הַסּוּסִים וַעֲלוּ הַפָּרָשִׁים וְהִתְיַצְּבוּ בְּכֹובָעִים מִרְקוּ הָרְמָחִים לִבְשׁוּ הַסִּרְיֹנֹת׃ |
| [5]ܡܸܛܠ ܕܲܚܙܹ̇ܝܬ̇ ܕܗܸܢܘܿܢ ܡܸܬ̇ܬܲܒ̣ܪܝܼܢ ܘܗܵܦܟ̇ܝܼܢ ܠܒܸܣܬܲܪܗܘܿܢ: ܘܓܲܢ̄ܒܵܪ̈ܲܝܗܘܿܢ ܐܸܬ̣ܡܲܚܝܼܘ ܘܲܥܪܲܩ̣ܘ: ܘܠܵܐ ܐܸܬ̣ܦ̄ܢܝܼܘ: ܡܸܛܠ ܕܲܟ݂ܪܝܼܟ݂ܝܼܢ ܗ̄ܘ̣ܵܘ ܠܗܘܿܢ ܡ̣ܢ ܚܕ݂ܵܪܲܝܗܘܿܢ: ܐܵܡܲܪ ܡܵܪܝܵܐ. |
[5]מַדּוּעַ רָאִיתִי הֵמָּה חַתִּים נְסֹגִים אָחֹור וְגִבֹּורֵיהֶם יֻכַּתּוּ וּמָנֹוס נָסוּ וְלֹא הִפְנוּ מָגֹור מִסָּבִיב נְאֻם־יְהוָה׃ |
| [6]ܠܵܐ ܢܸܥܪܘܿܩ ܐܲܝܢܵܐ ܕܩܲܠܝܼܠ: ܘܠܵܐ ܢܸܬ̣ܦܲܠܲܛ ܐܲܝܢܵܐ ܕܓܲܢ̄ܒܵܪ ܒܓܲܢ̄ܒܵܪܹ̈ܐ: ܥܲܠ ܝܲܕ݂ ܢܲܗܪܵܐ ܦܪܵܬ̣ ܐܸܬ̇ܬ̇ܩܸܠܘ ܘܲܢܦܲܠܘ ܟܠܗܘܿܢ. |
[6]אַל־יָנוּס הַקַּל וְאַל־יִמָּלֵט הַגִּבֹּור צָפֹונָה עַל־יַד נְהַר־פְּרָת כָּשְׁלוּ וְנָפָלוּ׃ |
| [7]ܡܲܢܘܼ ܗܵܢܵܐ ܕܐܲܝܟ݂ ܢܲܗܪܵܐ ܣܵܠܹ̇ܩ: ܘܐܲܝܟ݂ ܢܲܗܪ̈ܵܘܵܬ̣ܵܐ ܡܸܬ̣ܪܲܓ̣ܫܝܼܢ ܡܵܘ̈ܗܝ. |
[7]מִי־זֶה כַּיְאֹר יַעֲלֶה כַּנְּהָרֹות יִתְגָּעֲשׁוּ מֵימָיו׃ |
| [8]ܡܲܠܟܵܐ ܕܡܸܨܪܹܝܢ ܐܲܝܟ݂ ܢܲܗܪܵܐ ܣܵܠܹ̇ܩ: ܘܐܲܝܟ݂ ܢܲܗܪ̈ܵܘܵܬ̣ܵܐ ܡܸܬ̣ܪܲܓ̣ܫܝܼܢ ܡܵܘ̈ܗܝ: ܘܐܵܡܲܪ ܐܹܣܲܩ ܘܐܹܟܲܣܸܐ ܠܐܲܪܥܵܐ: ܘܐܵܘܒܸ̇ܕ݂ ܩܪܝܼܬ̣ܵܐ ܘܥܵܡܘܿܪܹ̈ܝܗ̇. |
[8]מִצְרַיִם כַּיְאֹר יַעֲלֶה וְכַנְּהָרֹות יִתְגֹּעֲשׁוּ מָיִם וַיֹּאמֶר אַעֲלֶה אֲכַסֶּה־אֶרֶץ אֹבִידָה עִיר וְיֹשְׁבֵי בָהּ׃ |
| [9]ܪܟܲܒ̣ܘ ܪ̈ܲܟ݂ܫܵܐ: ܐܸܫܬܲܒܲܚܘ ܒܡܲܪ̈ܟ̇ܒ̣ܵܬ̣ܵܐ: ܢܸܦܩܘܼܢ ܓܲܒ̣ܪܹ̈ܐ ܟܘܼ̈ܫܵܝܹܐ ܘܦܘܼܛܝܹ̈ܐ ܐܲܚܝܼܕܲܝ̈ ܣܲܟ̇ܪܹ̈ܐ: ܘܠܘܼ̈ܕܵܝܹܐ ܕܝܵܕ݂ܥܝܼܢ ܠܡܸܫܕܵܐ ܒܩܸܫܬܵܐ. |
[9]עֲלוּ הַסּוּסִים וְהִתְהֹלְלוּ הָרֶכֶב וְיֵצְאוּ הַגִּבֹּורִים כּוּשׁ וּפוּט תֹּפְשֵׂי מָגֵן וְלוּדִים תֹּפְשֵׂי דֹּרְכֵי קָשֶׁת׃ |
| [10]ܘܢܸܗܘܹܐ ܝܵܘܡܵܐ ܗܵܘ̇ ܠܡܵܪܝܵܐ ܚܲܝܠܬ̣ܵܢܵܐ: ܝܵܘܡܵܐ ܕܦܘܼܪܥܵܢܵܐ ܕܦܵܪܲܥ ܠܲܒ̣ܥܸܠܕ̇ܒ̣ܵܒ̣ܵܘ̈ܗܝ: ܘܬܹܐܟ݂ܘܿܠ ܚܲܪܒܵܐ ܘܬܸܣܒܲܥ: ܘܬܸܪܘܸܐ ܡ̣ܢ ܕܸܡܗܘܿܢ: ܡܸܛܠ ܕܚܲܪܒܵܐ ܢܸܥܒܸ̇ܕ݂ ܡܵܪܝܵܐ ܚܲܝܠܬ̣ܵܢܵܐ ܒܐܲܪܥܵܐ ܕܓܲܪܒܝܵܐ ܥܲܠ ܢܲܗܪܵܐ ܦܪܵܬ̣. |
[10]וְהַיֹּום הַהוּא לַאדֹנָי יְהוִה צְבָאֹות יֹום נְקָמָה לְהִנָּקֵם מִצָּרָיו וְאָכְלָה חֶרֶב וְשָׂבְעָה וְרָוְתָה מִדָּםָם כִּי זֶבַח לַאדֹנָי יְהוִה צְבָאֹות בְּאֶרֶץ צָפֹון אֶל־נְהַר־פְּרָת׃ |
| [11]ܣܲܩܝ ܠܓܸܠܥܵܕ݂ ܘܣܲܒ̣ܝ ܪ̈ܗܸܛܢܹܐ ܒܬ̣ܘܼܠܬܵܐ ܒܲܪܬ̣ ܡܸܨܪܹܝܢ: ܐܝܼܩܹܐ ܐܲܣܓ̇ܝܼܬ̇ܝ ܐܵܣܝܘܼܬ̣ܵܐ: ܘܥܘܼܕ݂ܪܵܢܵܐ ܠܵܐ ܗܘ̤ܵܐ ܠܹܟ݂ܝ. |
[11]עֲלִי גִלְעָד וּקְחִי צֳרִי בְּתוּלַת בַּת־מִצְרָיִם לַשָּׁוְא הִרְבֵּיתִי [Q: הִרְבֵּית] רְפֻאֹות תְּעָלָה אֵין לָךְ׃ |
| [12]ܫܡܲܥܘ ܥܲܡܡܹ̈ܐ ܨܲܥܪܹܟ݂ܝ: ܘܝܼܠܠܬܹ̇ܟ݂ܝ ܐܸܬ̣ܡܲܠܝܲܬ̣ ܐܲܪܥܵܐ: ܡܸܛܠ ܕܓܲܒ̣ܪܵܐ ܒܓܲܒ̣ܪܵܐ ܐܸܬ̇ܛܪܝܼܘ: ܘܲܬ̣ܪ̈ܲܝܗܘܿܢ ܒܚܲܪܒܵܐ ܢܦܲܠܘ. |
[12]שָׁמְעוּ גֹויִם קְלֹונֵךְ וְצִוְחָתֵךְ מָלְאָה הָאָרֶץ כִּי־גִבֹּור בְּגִבֹּור כָּשָׁלוּ יַחְדָּיו נָפְלוּ שְׁנֵיהֶם׃ |
| [13]ܦܸܬ̣ܓ̣ܵܡܵܐ ܕܐܸܡܲܪ ܡܵܪܝܵܐ ܠܐܹܪܲܡܝܵܐ ܢܒ̣ܝܼܵܐ: ܕܢܹܐܬܹܐ ܢܒ̣ܘܼܟܲܕ݂ܢܵܨܲܪ ܡܲܠܟܵܐ ܕܒ̣ܵܒܹܠ ܘܢܲܚ̱ܪܒ̣ܝܼܗ̇ ܠܐܲܪܥܵܐ ܕܡܸܨܪܹܝܢ. |
[13]הַדָּבָר אֲשֶׁר דִּבֶּר יְהוָה אֶל־יִרְמְיָהוּ הַנָּבִיא לָבֹוא נְבוּכַדְרֶאצַּר מֶלֶךְ בָּבֶל לְהַכֹּות אֶת־אֶרֶץ מִצְרָיִם׃ |
| [14]ܚܵܘܵܘ ܒܡܸܨܪܹܝܢ ܘܐܲܫܡܲܥܘ ܒܡܲܓ̣ܕ̇ܘܿܠ: ܘܐܲܫܡܲܥܘ ܒܡܲܦܲܣ: ܘܲܒ̣ܬܲܚܦܝܼܣ ܐܸܡܲܪܘ: ܐܸܬ̇ܛܲܝܲܒ̣ܘ ܘܐܸܬ̇ܬܲܩܲܢܘ: ܡܸܛܠ ܕܐܸܟ݂ܠܲܬ̤ ܚܲܪܒܵܐ ܚܕ݂ܵܪ̈ܲܝܟ̇ܝ. |
[14]הַגִּידוּ בְמִצְרַיִם וְהַשְׁמִיעוּ בְמִגְדֹּול וְהַשְׁמִיעוּ בְנֹף וּבְתַחְפַּנְחֵס אִמְרוּ הִתְיַצֵּב וְהָכֵן לָךְ כִּי־אָכְלָה חֶרֶב סְבִיבֶיךָ׃ |
| [15]ܡܸܛܠ ܡܵܢܵܐ ܐܸܣܬ̇ܚܸܦܘ ܥܲܫ̈ܝܼܢܲܝܟ̇ܝ ܘܲܢܦܲܠܘ ܘܠܵܐ ܩܵܡܘ: ܡܸܛܠ ܕܡܵܪܝܵܐ ܣܚܲܦ ܐܸܢܘܿܢ. |
[15]מַדּוּעַ נִסְחַף אַבִּירֶיךָ לֹא עָמַד כִּי יְהוָה הֲדָפֹו׃ |
| [16]ܣܘܿܓ̣ܐܗܘܿܢ ܐܸܣܬ̇ܚܸܦܘ: ܐܵܦ ܢܦܲܠܘ ܓܲܒ̣ܪܵܐ ܥܲܠ ܚܲܒ̣ܪܹܗ ܘܐܸܡܲܪܘ: ܩܘܼܡܘ ܢܸܗܦܘܿܟ݂ ܠܥܲܡܲܢ ܘܠܲܐܪܥܵܐ ܕܐܸܬ̣̱ܝܼܠܸܕ݂ܢ ܒܵܗ̇: ܡ̣ܢ ܩܕ݂ܵܡ ܚܲܪܒܵܐ ܕܡܲܕ݂ܘ̱ܝܵܐ. |
[16]הִרְבָּה כֹּושֵׁל גַּם־נָפַל אִישׁ אֶל־רֵעֵהוּ וַיֹּאמְרוּ קוּמָה וְנָשֻׁבָה אֶל־עַמֵּנוּ וְאֶל־אֶרֶץ מֹולַדְתֵּנוּ מִפְּנֵי חֶרֶב הַיֹּונָה׃ |
| [17]ܘܲܩܪܵܘ ܬܲܡܵܢ ܫܡܹܗ ܕܦܸܪܥܘܿܢ ܚܓ̣ܝܼܪܵܐ ܡܲܠܟܵܐ ܕܡܸܨܪܹܝܢ: ܕܵܠܘܿܚܵܐ ܘܡܲܥܒܲܪ ܙܲܒ̣ܢܹ̈ܐ. |
[17]קָרְאוּ שָׁם פַּרְעֹה מֶלֶךְ־מִצְרַיִם שָׁאֹון הֶעֱבִיר הַמֹּועֵד׃ |
| [18]ܚܲܝ ܐ̄ܢܵܐ ܐܵܡܲܪ ܡܵܪܝܵܐ ܡܲܠܟܵܐ ܨܒ̣ܐܘܼܬ̣ ܫܡܹܗ: ܐܸܠܵܐ ܢܸܦܸܠ ܦܸܪܥܘܿܢ ܐܲܝܟ݂ ܬܒ̣ܵܪܵܐ ܕܛܘܼܪܵܐ: ܘܐܲܝܟ݂ ܟܲܪܡ̄ܠܵܐ ܒܓ̣ܵܘ ܝܲܡܵܐ. |
[18]חַי־אָנִי נְאֻם־הַמֶּלֶךְ יְהוָה צְבָאֹות שְׁמֹו כִּי כְּתָבֹור בֶּהָרִים וּכְכַרְמֶל בַּיָּם יָבֹוא׃ |
| [19]ܡܵܐܢܹ̈ܐ ܕܲܫܒ̣ܝܼܬ̣ܵܐ ܥܒܸܕ݂ܝ ܠܹܟ݂ܝ ܒܬ̣ܘܼܠܬܵܐ ܒܲܪܬ̣ ܡܸܨܪܹܝܢ: ܡܸܛܠ ܕܡܲܦܲܣ ܬܸܗܘܹܐ ܠܚܘܼܪܒܵܐ: ܘܬܸܨܕܹ̇ܐ ܡ̣ܢ ܒܠܲܝ ܕܝܵܬܹ̇ܒ̣. |
[19]כְּלֵי גֹולָה עֲשִׂי לָךְ יֹושֶׁבֶת בַּת־מִצְרָיִם כִּי־נֹף לְשַׁמָּה תִהְיֶה וְנִצְּתָה מֵאֵין יֹושֵׁב׃ |
| [20]ܡܸܨܪܹܝܢ ܥܓܸܠܬܵܐ ܫܲܦܝܼܪܬܵܐ ܡܨܲܝܲܪܬܵܐ: ܚܲܝܠܵܐ ܡ̣ܢ ܓܲܪܒ̇ܝܵܐ ܐܸܬ̣ܵܐ ܥܠܹܝܗ̇. |
[20]עֶגְלָה יְפֵה־פִיָּה מִצְרָיִם קֶרֶץ מִצָּפֹון בָּא בָא׃ |
| [21]ܐܲܓ̣ܝܼܪܹ̈ܝܗ̇ ܒܓ̣ܵܘܵܗ̇ ܐܲܝܟ݂ ܥܸܓ̣̈ܠܹܐ ܕܦܸܛܡܵܐ: ܘܐܵܦ ܗܸܢܘܿܢ ܐܸܬ̣ܦ̄ܢܝܼܘ: ܘܲܥܪܲܩ̣ܘ ܐܲܟ݂ܚ̄ܕ݂ܵܐ ܘܠܵܐ ܩܵܡ̣ܘ: ܡܸܛܠ ܕܝܵܘܡܵܐ ܕܲܬ̣ܒ̣ܵܪܗܘܿܢ ܐܸܬ̣ܵܐ ܥܠܲܝܗܘܿܢ ܙܲܒ̣ܢܵܐ ܕܦܘܼܩܕܵܢܗܘܿܢ. |
[21]גַּם־שְׂכִרֶיהָ בְקִרְבָּהּ כְּעֶגְלֵי מַרְבֵּק כִּי־גַם־הֵמָּה הִפְנוּ נָסוּ יַחְדָּיו לֹא עָמָדוּ כִּי יֹום אֵידָם בָּא עֲלֵיהֶם עֵת פְּקֻדָּתָם׃ |
| [22]ܩܵܠܹܗ ܕܚܲܝܠܵܐ ܕܐܲܝܟ݂ ܚܸܘܝܵܐ ܕܪܵܫܹ̇ܦ: ܡܸܛܠ ܕܥܲܠ ܚܲܝܠܵܐ ܢܹܐܙܠ̄ܘܼܢ: ܘܲܒ̣ܟ݂ܘܼܠ̈ܒܹܐ ܢܹܐܬ̣ܘܿܢ ܥܠܹܝܗ̇ ܐܲܝܟ݂ ܦܵܣܩܲܝ̈ ܩܲܝ̈ܣܹܐ. |
[22]קֹולָהּ כַּנָּחָשׁ יֵלֵךְ כִּי־בְחַיִל יֵלֵכוּ וּבְקַרְדֻּמֹּות בָּאוּ לָהּ כְּחֹטְבֵי עֵצִים׃ |
| [23]ܦܣܘܿܩܘ ܥܵܒܹܝ̈ܗ̇ ܐܵܡܲܪ ܡܵܪܝܵܐ: ܡܸܛܠ ܕܣܵܟ݂ܵܐ ܠܲܝܬ̇ ܠܗܘܿܢ: ܡܸܛܠ ܕܣܲܓ̇ܝܼܐܝܼܢ ܡ̣ܢ ܩܲܡܨܵܐ ܘܠܲܝܬ̇ ܠܗܘܿܢ ܡܸܢܝܵܢ. |
[23]כָּרְתוּ יַעְרָהּ נְאֻם־יְהוָה כִּי לֹא יֵחָקֵר כִּי רַבּוּ מֵאַרְבֶּה וְאֵין לָהֶם מִסְפָּר׃ |
| [24]ܒܸܗܬܲܬ̤ ܒܲܪܬ̣ ܡܸܨܪܹܝܢ: ܘܐܸܫܬܲܠܡܲܬ̤ ܒܝܲܕ݂ ܥܲܡܵܐ ܕܓܲܪܒ̇ܝܵܐ. |
[24]הֹבִישָׁה בַּת־מִצְרָיִם נִתְּנָה בְּיַד עַם־צָפֹון׃ |
| [25]ܐܵܡܲܪ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܗܵܐ ܐܸܢܵܐ ܦܵܩܹ̇ܕ݂ ܐ̄ܢܵܐ ܥܲܠ ܐܲܡܘܿܢ ܕܡܲـ̈ـܝܵܐ: ܘܥܲܠ ܦܸܪܥܘܿܢ: ܘܥܲܠ ܡܸܨܪܹܝܢ: ܘܥܲܠ ܐܲܠܵܗܹܝ̈ܗ̇: ܘܥܲܠ ܚܲܝܠܵܗ̇: ܘܥܲܠ ܡܲܠܟ̇ܝ̈ܗ̇: ܘܥܲܠ ܦܸܪܥܘܿܢ ܘܥܲܠ ܟܠ ܕܲܬ̣ܟ݂ܝܼܠܝܼܢ ܥܠܵܘܗܝ. |
[25]אָמַר יְהוָה צְבָאֹות אֱלֹהֵי יִשְׂרָאֵל הִנְנִי פֹוקֵד אֶל־אָמֹון מִנֹּא וְעַל־פַּרְעֹה וְעַל־מִצְרַיִם וְעַל־אֱלֹהֶיהָ וְעַל־מְלָכֶיהָ וְעַל־פַּרְעֹה וְעַל הַבֹּטְחִים בֹּו׃ |
| [26]ܘܐܲܫܠܸܡ ܐܸܢܘܿܢ ܒܐܝܼܕ݂ܵܐ ܕܲܒ̣ܥܸܠܕ̇ܒ̣ܵܒܲܝ̈ܗܘܿܢ: ܘܒ̣ܐܝܼܕ݂ܵܐ ܕܐܲܝܠܹܝܢ ܕܒ̣ܵܥܹܝܢ ܢܲܦ̮ܫܗܘܿܢ: ܘܒ̣ܐܝܼܕ݂ܵܐ ܕܲܢܒ̣ܘܼܟܲܕ݂ܢܵܨܲܪ ܡܲܠܟܵܐ ܕܒ̣ܵܒܹܠ: ܘܒ̣ܐܝܼܕ݂ܵܐ ܕܥܵܒ̣ܕܵܘ̈ܗܝ: ܘܒ̣ܵܬܲܪܟܸ̇ܢ ܬܸܫܪܸܐ ܐܲܝܟ݂ ܝܵܘ̈ܡܵܬ̣ܵܐ ܕܡ̣ܢ ܩܕ݂ܝܼܡ: ܐܵܡܲܪ ܡܵܪܝܵܐ. |
[26]וּנְתַתִּים בְּיַד מְבַקְשֵׁי נַפְשָׁם וּבְיַד נְבוּכַדְרֶאצַּר מֶלֶךְ־בָּבֶל וּבְיַד־עֲבָדָיו וְאַחֲרֵי־כֵן תִּשְׁכֹּן כִּימֵי־קֶדֶם נְאֻם־יְהוָה׃ |
| [27]ܘܐܲܢ̄ܬ̇ ܠܵܐ ܬܸܕ݂ܚܲܠ ܥܲܒ̣ܕܲܝ ܝܲܥܩܘܿܒ̣ ܐܵܡܲܪ ܡܵܪܝܵܐ: ܘܠܵܐ ܬܸܬ̇ܒܲܪ ܝܼܣܪܵܝܹܠ: ܕܗܵܐ ܦܵܪܹܩ ܐ̄ܢܵܐ ܠܵܟ݂ ܡ̣ܢ ܪܘܼܚܩܵܐ: ܘܲܠܙܲܪܥܵܟ݂ ܡ̣ܢ ܐܲܪܥܵܐ ܕܲܫܒ̣ܝܼܬ̣ܗܘܿܢ: ܘܢܸܬܸ̇ܒ̣ ܝܲܥܩܘܿܒ̣ ܘܢܸܫܠܸܐ: ܘܢܸܫܟܲܬ̣ ܘܢܸܬ̇ܬ̇ܢܝܼܚ ܡܲܢ ܕܡܲܗܲܪ ܠܹܗ. |
[27]וְאַתָּה אַל־תִּירָא עַבְדִּי יַעֲקֹב וְאַל־תֵּחַת יִשְׂרָאֵל כִּי הִנְנִי מֹושִׁעֲךָ מֵרָחֹוק וְאֶת־זַרְעֲךָ מֵאֶרֶץ שִׁבְיָם וְשָׁב יַעֲקֹוב וְשָׁקַט וְשַׁאֲןַן וְאֵין מַחֲרִיד׃ |
| [28]ܘܐܲܢ̄ܬ̇ ܠܵܐ ܬܸܕ݂ܚܲܠ ܥܲܒ̣ܕܲܝ ܝܲܥܩܘܿܒ̣ ܐܵܡܲܪ ܡܵܪܝܵܐ: ܡܸܛܠ ܕܥܲܡܵܟ݂ ܐ̄ܢܵܐ: ܡܸܛܠ ܕܐܸܥܒܸ̇ܕ݂ ܣܵܘܦܵܢܵܐ ܒܟ݂ܠܗܘܿܢ ܥܲܡܡܹ̈ܐ ܕܒܲܕܲܪܬܵܟ݂ ܬܲܡܵܢ: ܘܠܵܟ݂ ܠܵܐ ܐܲܣܝܼܦ: ܘܐܸܪܕܸ̇ܝܟ݂ ܒܕ݂ܝܼܢܵܐ: ܘܲܡܙܲܟܵܝܘܼ ܠܵܐ ܐܹܙܲܟܹ̇ܝܟ݂. |
[28]אַתָּה אַל־תִּירָא עַבְדִּי יַעֲקֹב נְאֻם־יְהוָה כִּי אִתְּךָ אָנִי כִּי אֶעֱשֶׂה כָלָה בְּכָל־הַגֹּויִם אֲשֶׁר הִדַּחְתִּיךָ שָׁמָּה וְאֹתְךָ לֹא־אֶעֱשֶׂה כָלָה וְיִסַּרְתִּיךָ לַמִּשְׁפָּט וְנַקֵּה לֹא אֲנַקֶּךָּ׃ |