|
|
| [No book] |
[1]ܒܙܲܒ̣ܢܵܐ ܗ̇ܘ ܐܵܡܲ݁ܪ ܡܵܪܝܵܐ ܢܲܦܩܘܼܢ ܓܲܖ̈ܡܹܐ ܕܡܲܠܟܹ̈ܐ ܕܲܝܗܘܼܕ݂ܵܐ: ܘܓܲܖ̈ܡܹܐ ܕܪܵܘܖ̈ܒ̣ܵܢܲܝܗܘܿܢ: ܘܓܲܖ̈ܡܹܐ ܕܟ݂ܵܗܢܲܝ̈ܗܘܿܢ: ܘܓܲܖ̈ܡܹܐ ܕܲܢܒ̣ܝܲܝ̈ܗܘܿܢ: ܘܓܲܖ̈ܡܹܐ ܕܥܵܡܘܿܖܹ̈ܝܗ̇ ܕܐܘܿܪܸܫܠܸܡ ܡ̣ܢ ܩܲܒ̣ܖ̈ܲܝܗܘܿܢ. |
| [No book] |
[2]ܘܢܸܫܛܚܘܼܢ ܐܸܢܘܿܢ ܠܫܸܡܫܵܐ ܘܲܠܣܲܗܪܵܐ: ܘܲܠܟ݂ܠ ܚܲܝ̈ܠܵܘܵܬ̣ܵܐ ܕܲܫܡܲܝܵܐ: ܕܲܪܚܸܡ̣ܘ ܐܸܢܘܿܢ: ܘܲܦܠܲܚܘ ܐܸܢ̣ܘܿܢ: ܘܐܹܙܲܠ̣ܘ ܒܵܬܲܪܗܘܿܢ: ܘܲܫܐܸܠ̣ܘ ܒܗܘܿܢ: ܘܲܣܓܸܕ݂ ܠܗܘܿܢ: ܠܵܐ ܢܸܬ̣ܟܲܢܫܘܼܢ ܘܠܵܐ ܢܸܬ̣ܩܲܒ̣ܪܘܼܢ: ܐܸܠܵܐ ܐܲܝܟ݂ ܙܸܒ̣ܠܵܐ ܥܲܠ ܐܲܦܲܝ̈ ܐܲܪܥܵܐ ܢܸܗܘܘܿܢ. |
| [No book] |
[3]ܘܢܸܒ̇ܘܿܢ ܠܗܘܿܢ ܡܵܘܬܵܐ ܡ̣ܢ ܚܲܝܹ̈ܐ: ܟܠ ܫܲܪܟܵܐ ܕܐܸܫܬ̇ܚܲܪܘ ܡ̣ܢ ܫܲܪܒ̇ܬ̣ܵܐ ܗܵܕܹܐ ܒܝܼܫܬܵܐ: ܒܟ݂ܠ ܐܲܬ̣ܖ̈ܵܘܵܬ̣ܵܐ ܕܒܲـ̇ܕܪܹܬ̣ ܐܸܢܘܿܢ ܠܬܲܡܵܢ ܐܵܡܲ݁ܪ ܡܵܪܝܵܐ ܚܲܝܠܬ̣ܵܢܵܐ. |
| [No book] |
[4]ܘܬܹܐܡܲܪ ܠܗܘܿܢ: ܗܵܟܲܢܵܐ ܐܵܡܲ݁ܪ ܡܵܪܝܵܐ: ܢܸܦܠܘܼܢ ܘܠܵܐ ܢܩܘܼܡܘܼܢ: ܘܐܸܢ ܢܬ̣ܘܼܒ̣ܘܼܢ ܠܵܐ ܢܬ̣ܘܼܒ̣ܘܼܢ. |
| [No book] |
[5]ܡܸܛܠ ܡܵܢܵܐ ܬܵܒ̣ܘ ܥܲܡܵܐ ܗܵܢܵܐ ܕܐܘܿܪܸܫܠܸܡ ܬܝܵܒ̣ܘܼܬ̣ܵܐ ܚܲܨܝܼܦܬܵܐ: ܚܲܡܣ̣ܢܘ ܒܢܸܟ݂ܠܵܐ ܘܠܵܐ ܨܒ̣ܵܘ ܠܲܡܬܵܒ̣. |
| [No book] |
[6]ܐܲܨܬܹ̇ܬ̣ ܘܫܸܡ̇ܥܹܬ̣ ܘܠܵܐ ܗ̄ܘܵܐ ܟܹܐܢܵܐܝܼܬ̣ ܡܡܲܠܠܝܼܢ: ܠܲܝܬ̇ ܓܹܝܪ ܕܢܸܬ̇ܬ̇ܘܸܐ ܥܲܠ ܒܝܼܫܬܹ̇ܗ: ܘܢܹܐܡܲܪ ܡܵܢܵܐ ܥܸـ̇ܒ̣ܕܲܬ̣: ܟܠܗܘܿܢ ܡܗܲܠܟ݂ܝܼܢ ܒܨܸܒ̣ܝܵܢܗܘܿܢ: ܐܲܝܟ݂ ܣܘܼܣܝܵܐ ܕܢܵـ̇ܓܹܕ݂ ܒܲܩܪܵܒ̣ܵܐ. |
| [No book] |
[7]ܐܵܦ ܚܘܼܪܒ̣ܵܐ ܒܲܫܡܲܝܵܐ ܝܵܕ݂ܥܵܐ ܙܲܒ̣ܢܵܗ̇: ܘܫܘܿܦܢܝܼܢܵܐ ܘܟ݂ܘܼܪܟ̇ܝܵܐ ܘܲܣܢܘܿܢܝܼܬ̣ܵܐ: ܢܵܛ݁ܪܝܼܢ ܙܲܒ̣ܢܵܐ ܕܡܲܥܲܠܗܘܿܢ: ܘܥܲܡܝ ܠܵܐ ܝܼܕܲܥܘ ܕܝܼܢܹܗ ܕܡܵܪܝܵܐ. |
| [No book] |
[8]ܐܲܝܟܲܢܵܐ ܐܵܡ̇ܪܝܼܢ ܐ̄ܢܬ̇ܘܿܢ ܕܚܲܟ̇ܝܼܡܹ̈ܐ ܚܢܲܢ: ܘܢܵܡܘܿܣܹܗ ܕܡܵܪܝܵܐ ܥܲܡܲܢ: ܫܲܪܝܼܪܵܐܝܼܬ̣ ܠܕܲܓܵܠܘܼܬ̣ܵܐ ܥܒ̣ܝܼܕ݂ ܩܲܢܝܵܐ ܕܲܓܵܠܵܐ ܠܣܵܦܪܵܐ. |
| [No book] |
[9]ܒܗܸܬ̣ܘ ܚܲܟܝܼܡܹ̈ܐ ܘܐܸܬ̇ܬ̇ܒܲܪܘ ܘܐܸܬ̇ܬ̇ܚܸܕ݂ܘ: ܡܸܛܠ ܕܦܸܬ̣ܓ̣ܵܡܸܗ ܕܡܵܪܝܵܐ ܐܲܣܠܝܼܘ: ܘܚܸܟ݂ܡ̱ܬ̣ܵܐ ܠܵܐ ܗܘ̤ܵܬ̣ ܒܗܘܿܢ. |
| [No book] |
[10]ܡܸܛܠ ܗܵܢܵܐ ܐܸܬܸ̇ܠ ܢܸܫܲܝ̈ܗܘܿܢ ܠܐܲܚܖ̈ܵܢܹܐ: ܘܚܲܩ̈ܠܵܬ̣ܗܘܿܢ ܠܒܸܙܬ̣ܵܐ: ܡܸܟܠ ܕܡ̣ܢ ܙܥܘܿܪܗܘܿܢ ܘܲܥܕܲܡܵܐ ܠܪܲܒܗܘܿܢ: ܟܠܗܘܿܢ ܢܲܟ݂ܠܝܼܢ ܢܸܟ݂ܠܵܐ: ܘܡ̣ܢ ܢܒ̣ܝܹ̈ܐ ܕܲܓܵܠܹ̈ܐ ܘܲܥܕܲܡܵܐ ܠܟ݂ܵܗܢܹ̈ܐ: ܟܠܗܘܿܢ ܥܵܒ̣ܕܝܼܢ ܫܘܼܩܪܵܐ. |
| [No book] |
[11]ܘܡܲܐܣܹܝܢ ܬܐܒ̣ܵܪܵܗ̇ ܕܒܲܪܬ̣ ܥܲܡܝ ܒܒܸܙܚܵܐ: ܘܐܵܡ̇ܪܝܼܢ: ܫܠܵܡܵܐ: ܫܠܵܡܵܐ: ܘܠܲܝܬ̇ ܫܠܵܡܵܐ. |
| [No book] |
[12]ܒܗܸܬ̣ܘ ܡܸܛܠ ܕܛܲܢܦܘܼܬ̣ܵܐ ܥܒܲܕ݂ܘ: ܘܒܲܗܝܼ̈ܬܹܐ ܠܵܐ ܒܗ̇ܬ̇ܝܼܢ: ܘܲܠܡܸܬ̇ܬ̇ܟ݂ܵܣܘܼ ܠܵܐ ܝܵـ݁ܕ݂ܥܝܼܢ: ܡܸܛܠ ܗܵܢܵܐ ܢܸܦܠܘܼܢ ܥܲܡ ܢܵܦ̈ܠܹܐ: ܘܲܒ̣ܙܲܒ̣ܢܵܐ ܕܡܸܬ̣ܦܲܩܕܝܼܢ ܢܸܣܬ̇ܚܦܘܼܢ ܐܵܡܲ݁ܪ ܡܵܪܝܵܐ: ܡܣܵܦܘܼ ܐܣܝܼܦ ܐܸܢܘܿܢ ܐܵܡܲ݁ܪ ܡܵܪܝܵܐ. |
| [No book] |
[13]ܠܲܝܬ̇ ܥܸܢ̈ܒܹܐ ܒܲܓ̣ܦܸܬܵܐ: ܘܠܲܝܬ̇ ܬܹܐܢܹ̈ܐ ܒܬܹܝܬܵܐ: ܘܛܲܖ̈ܦܹܐ ܢܬܲܪܘ: ܘܝܸܗ̄ܒܹܬ̣ ܠܗܘܿܢ ܘܲܥ̣ܒܲܪܘ ܐܸܢܘܿܢ. |
| [No book] |
[14]ܘܢܹܐܡܪܘܼܢ ܥܲܠ ܡܵܢܵܐ ܝܵـ̇ܬ̣ܒܝܼܢܲܢ: ܐܸܬ̣ܟܲܢܲܫܘ ܘܢܸܥܘܿܠ ܠܩܘܼܖ̈ܝܵܐ ܥܲܫ̈ܝܼܢܵܬ̣ܵܐ ܘܢܸܫܬ̇ܘܿܩ ܬܲܡܵܢ: ܡܸܛܠ ܕܡܵܪܝܵܐ ܐܲܠܵܗܲܢ ܫܲܬ̇ܩܲܢ: ܘܐܲܫܩܝܲܢ ܡܲܝ̈ܵܐ ܡܲܪܝܼܖܹ̈ܐ ܥܲܠ ܕܲܚܛܲܝܢ ܠܡܵܪܝܵܐ. |
| [No book] |
[15]ܣܲܟܝܼܢ ܠܲܫܠܵܡܵܐ ܘܠܲܝܬ̇ ܛܵܒ̣ܬ̣ܵܐ: ܘܲܠܙܲܒ̣ܢܵܐ ܕܐܲܣܝܘܼܬ̣ܵܐ ܘܲܗܘ̤ܵܬ̣ ܠܲܢ ܥܵܩܬ̣ܵܐ. |
| [No book] |
[16]ܡ̣ܢ ܕܵܢ ܐܸܫܬ̇ܡܲܥ ܨܲܗܠܵܐ ܕܖ̈ܲܟ݂ܫܹܗ: ܡ̣ܢ ܩܵܠܵܐ ܕܡܲܡܠܠܵܐ ܕܓܲܢ̄ܒܵܖ̈ܵܘܗܝ: ܙܵܥܲܬ̤ ܟܠܵܗ̇ ܐܲܪܥܵܐ: ܘܐܸܬ̣ܵܐ ܘܐܸܟܲܠ̣ܘ ܐܵܘ̇ܥܵܐ ܘܲܡܠܹܐܵܗ̇: ܩܪܝܼܬ̣ܵܐ ܘܥܵܡܘܿܖܹ̈ܝܗ̇. |
| [No book] |
[17]ܡܸܛܠ ܕܗܵܐ ܡܫܲܕܲܪ ܐ̄ܢܵܐ ܥܠܲܝܟܘܿܢ ܚ̈ܘܵܘܵܬ̣ܵܐ ܚܲܖ̈ܡܵܢܹܐ ܕܠܵܐ ܡܩܲܒ̇ܠܝܼܢ ܠܘܼܚ̈ܫܵܬ̣ܵܐ: ܘܲܢܢܲܟܬ̣ܘܼܢܵܟ݂ܘܿܢ ܐܵܡܲ݁ܪ ܡܵܪܝܵܐ. |
| [No book] |
[18]ܒـ̇ܠܝܼܬ̣ ܒܥܵܩܲܬ̣ܝ: ܘܠܹܒܝ ܕܘ̤ܵܐ ܥܠܲܝ. |
| [No book] |
[19]ܗܵܐ ܩܵܠ ܓܥܵܬ̣ܵܗ̇ ܕܒܲܪܬ̣ ܥܲܡܝ ܡ̣ܢ ܐܲܪܥܵܐ ܪܲܚܝܼܩܬܵܐ: ܕܐܵܡ̇ܪܝܼܢ ܡܵܪܝܵܐ ܠܲܝܬ̇ ܒܨܸܗܝܘܿܢ: ܐܵܘ ܡܲܠܟܵܗ̇ ܠܲܝܬ̇ ܒܵܗ̇: ܡܸܛܠ ܕܐܲܪܓ̇ܙܘܼܢܝ ܒܲܓ̣ܠܝܼܦܲܝ̈ܗܘܿܢ ܘܲܒ̣ܕܸܚ̈ܠܵܬ̣ܵܐ ܢܘܼܟ݂ܖ̈ܵܝܵܬ̣ܵܐ. |
| [No book] |
[20]ܥ̣ܒܲܪ ܚܨܵܕ݂ܵܐ ܘܲܓ̣ܡܲܪ ܩܛܵܦܵܐ: ܘܲܚܢܲܢ ܠܵܐ ܐܸܬ̣ܦܪܸܩܢ. |
| [No book] |
[21]ܥܲܠ ܬܒ̣ܵܪܵܗ̇ ܕܒܲܪܬ̣ ܥܲܡܝ ܐܸܬ̣ܟܲܡܪܹܬ̣ ܘܬܸܡܗܵܐ ܐܲܚܕܲܢܝ. |
| [No book] |
[22]ܫܥܘܿܬ̣ܵܐ ܠܲܝܬ̇ ܒܓܸܠܥܵܕ݂: ܐܵܘ ܐܵܣܝܵܐ ܠܲܝܬ̇ ܬܲܡܵܢ: ܡܸܛܠ ܡܵܢܵܐ ܠܵܐ ܣܸܠܩܲܬ̤ ܐܵܣܝܘܼܬ̣ܵܗ̇ ܕܒܲܪܬ̣ ܥܲܡܝ. |