➖ »
«
➖ ➕
Peshitta OT
PesOT
Nestle-Aland Greek NT (1993)
N/A GNT
←
Jeremiah
Jer
9
→
[1]ܡܲܢ ܕܸܝܢ ܝܲܗ̣̄ܒ̣ ܪܹܫܝ ܡܲܝ̈ܵܐ: ܘܥܲܝ̈ܢܲܝ ܡܲܒܘܼ̈ܥܹܐ ܕܕܸܡ̱ܥܬ̣ܵܐ: ܘܲܒ̣ܟܹ̇ܝܬ̣ ܕܸܝܢ ܒܐܝܼܡܵܡܵܐ ܘܲܒ̣ܠܸܠܝܵܐ ܥܲܠ ܩܛܝܼ̈ܠܹܐ ܕܒܲܪܬ̣ ܥܲܡܝ. [No book]
[2]ܡܲܢ ܕܸܝܢ ܫܲܒ̣ܩܲܢܝ ܒܡܲܕ݂ܒܪܵܐ ܒܹܝܬ̣ ܒܵܘܬܵܐ ܕܥܵܒ̣ܖ̈ܲܝ ܐܘܼܪܚܵܐ: ܘܫܸܒ̣ـ̇ܩܹܬ̣ ܠܥܲܡܝ ܘܐܸܙܹ̇ܠ̄ܬ̣ ܠܝܪ ܡ̣ܢ ܠܘܵܬ̣ܗܘܿܢ: ܡܸܛܠ ܕܟ݂ܠܗܘܿܢ ܓܲܝܵܪܝܼܢ: ܘܲܟ݂ܢܘܼܫܬܵܐ ܐܸܢܘܿܢ ܕܕܲܓܵܠܹ̈ܐ. [No book]
[3]ܘܲܫܕ݂ܵܘ ܠܸܫܵܢܗܘܿܢ ܐܲܝܟ݂ ܕܲܒ̣ܩܸܫܬ̇ܗܘܿܢ: ܒܫܘܼܩܪܵܐ ܘܠܵܐ ܒܗܲܝܡܵܢܘܼܬ̣ܵܐ ܥ̣ܫܸܢܘ ܒܐܲܪܥܵܐ: ܡܸܛܠ ܕܡ̣ܢ ܒܝܼܫܬܵܐ ܠܒ̣ܝܼܫܬܵܐ ܢܦܲܩ̣ܘ: ܘܠܝܼ ܠܵܐ ܝܼܕܲܥ̣ܘ ܐܵܡܲ݁ܪ ܡܵܪܝܵܐ. [No book]
[4]ܓܒܲܪ ܡ̣ܢ ܚܲܒ̣ܪܹܗ ܐܲܙܕܲܗ̄ܪܘ: ܘܥܲܠ ܟܠ ܐܵܚ ܠܵܐ ܬܸܬܲܟ݂ܠܘܼܢ: ܡܸܛܠ ܕܟ݂ܠ ܐܵܚ ܡܸܟܲܠ ܢܵܟܹ̇ܠ: ܘܟ݂ܠ ܪܵܚ̇ܡܵܐ ܒܢܸܟ݂ܠܵܐ ܡܗܲܠܸܟ݂. [No book]
[5]ܘܲܓ̣ܒܲܪ ܒܚܲܒ̣ܪܹܗ ܡܕܲܓ̇ܠܝܼܢ: ܘܩܘܼܫܬܵܐ ܠܵܐ ܡܡܲܠܠܝܼܢ: ܐܲܠܸܦ̣ܘ ܠܸܫܵܢܗܘܿܢ ܠܲܡܡܲܠܵܠܘܼ ܫܘܼܩܪܵܐ: ܘܐܸܬ̇ܛܲܪܲܦܘ ܘܲܠܐܝܼܘ. [No book]
[6]ܡܵܘܬ̇ܒ̣ܵܟ݂ ܒܓ̣ܵܘ ܢܸܟ݂ܠܵܐ: ܒܢܸܟ݂ܠܗܘܿܢ ܠܵܐ ܨܒ̣ܵܘ ܠܡܸܕܥܲܢܝ ܐܵܡܲ݁ܪ ܡܵܪܝܵܐ. [No book]
[7]ܡܸܛܠ ܗܵܢܵܐ ܗܵܟܲܢܵܐ ܐܵܡܲ݁ܪ ܡܵܪܝܵܐ ܚܲܝܠܬ̣ܵܢܵܐ: ܗܵܐ ܨܵܪܸܦ ܐ̄ܢܵܐ ܠܗܘܿܢ ܘܒ̣ܵܚܲܪ ܐ̄ܢܵܐ ܠܗܘܿܢ: ܡܸܛܠ ܕܐܲܝܟܲܢܵܐ ܐܸܥܒܸ̇ܕ݂ ܡ̣ܢ ܩܕ݂ܵܡ ܒܲܪܬ̣ ܥܲܡܝ. [No book]
[8]ܐܲܝܟ݂ ܓܹܐܪܵܐ ܫܢܝܼܢܵܐ ܠܸܫܵܢܗܘܿܢ: ܘܢܸܟ݂ܠܵܐ ܡܡܲܠܸܠ: ܒܦܘܼܡܹܗ ܫܠܵܡܵܐ ܓܒܲܪ ܥܲܡ ܚܲܒ̣ܪܹܗ ܡܡܲܠܸܠ: ܘܲܒ̣ܓܵܘܹܗ ܟܡܝܼܢ ܟܡܹܐܢܵܐ. [No book]
[9]ܥܲܠ ܗܵܠܹܝܢ ܠܵܐ ܐܸܦܩܘܿܕ݂ ܐܵܡܲ݁ܪ ܡܵܪܝܵܐ: ܘܲܒ̣ܥܲܡܵܐ ܕܗܵܟܲܢܵܐ ܠܵܐ ܬܸܬ̣ܢܲܩܲܡ ܢܲܦ̮ܫܝ. [No book]
[10]ܥܲܠ ܛܘܼܖܹ̈ܐ ܫܩܘܿܠܘ ܒܟ݂ܵܬ̣ܵܐ ܘܐܘܿܠܝܼܬܵܐ: ܘܥܲܠ ܕܲܝܖܹ̈ܐ ܕܡܲܕ݂ܒܪܵܐ ܐܘܿܠܝܼܬ̣ܵܐ: ܕܲܨܕܲܝ̈ ܡ̣ܢ ܒܠܲܝ ܐ̄ܢܵܫ ܕܥܵـ̇ܒܲܪ: ܘܠܵܐ ܫܡܲܥܘ ܩܵܠܵܐ ܕܩܸܢܝܵܢܵܐ. ܡ̣ܢ ܦܵܪܲܚܬ̣ܵܐ ܕܲܫܡܲܝܵܐ ܘܲܥܕܲܡܵܐ ܠܲܒ̣ܥܝܼܪܵܐ ܐܸܬ̣ܒܲܕܲܪܘ ܘܐܸܙܲܠܘ. [No book]
[11]ܘܐܸܥܒ̇ܕ݂ܝܼܗ̇ ܠܐܘܿܪܸܫܠܸܡ ܚܲܪܒܬ̣ܵܐ ܡܲܥܡܪܵܐ ܠܝܵܪܘܖܹ̈ܐ: ܘܩܘܼܖ̈ܝܵܐ ܕܲܝܗܘܼܕ݂ܵܐ ܐܸܬܸ̇ܠ ܠܚܘܼܪܒܵܐ ܡ̣ܢ ܒܠܲܝ ܕܝܵܬܹ̇ܒ̣. [No book]
[12]ܡܲܢܘܼ ܓܲܒ̣ܪܵܐ ܕܚܲܟ̇ܝܼܡ ܢܸܣܬܲܟܲܠ ܗܵܕܹܐ: ܘܲܕ݂ܡܸܠܲܬ̣ ܦܘܼܡܹܗ ܕܡܵܪܝܵܐ ܥܠܵܘܗܝ ܢܚܵܘܹܝܗ̇: ܥܲܠ ܡܵܢܵܐ ܐܸܒ̣ܕܲܬ̤ ܐܲܪܥܵܐ: ܘܲܨܕ݂ܵܬ̤ ܐܲܝܟ݂ ܡܲܕ݂ܒܪܵܐ ܡ̣ܢ ܒܠܲܝ ܕܥܵܒܲܪ. [No book]
[13]ܘܐܸܡܲܪ ܡܵܪܝܵܐ: ܥܲܠ ܕܲܫܒܲܩ̣ܘ ܢܵܡܘܿܣܝ ܕܝܸܗ̄ܒܹ̇ܬ̣ ܠܗܘܿܢ ܘܠܲܐܒ̣ܵܗܲܝ̈ܗܘܿܢ: ܘܠܵܐ ܫ̣ܡܲܥܘ ܒܩܵܠܝ ܘܠܵܐ ܗܲܠܸܟ݂ܘ ܒܹܗ. [No book]
[14]ܘܐܸܙܲܠ̣ܘ ܒܵܬܲܪ ܨܸܒ̣ܝܵܢܲܝ̈ ܠܸܒܗܘܿܢ ܒܝܼܫܵܐ: ܘܒ̣ܵܬܲܪ ܦܬܲܟ݂ܖܹ̈ܐ ܕܐܲܠܸܦ̣ܘ ܐܸܢܘܿܢ ܐܲܒ̣ܵܗܲܝ̈ܗܘܿܢ. [No book]
[15]ܡܸܛܠ ܗܵܢܵܐ ܗܵܟܲܢܵܐ ܐܵܡܲ݁ܪ ܡܵܪܝܵܐ ܚܲܝܠܬ̣ܵܢܵܐ ܐܲܠܵܗܵܐ ܕܝܼܣܪܵܝܹܠ: ܗܵܐ ܡܵܘܟܸ̇ܠ ܐ̄ܢܵܐ ܠܗܘܿܢ ܠܥܲܡܵܐ ܗܵܢܵܐ ܡܪܵܖܹ̈ܐ: ܘܐܲܫܩܸܐ ܐܸܢܘܿܢ ܡܲܝ̈ܵܐ ܡܲܪܝܼܖܹ̈ܐ. [No book]
[16]ܘܐܹܒܲܕܲܪ ܐܸܢܘܿܢ ܒܥܲܡܡܸ̈ܐ ܕܠܵܐ ܝܼܕܲܥ̣ܘ ܐܸܢܘܿܢ ܗܸܢ̣ܘܿܢ ܘܐܲܒ̣ܵܗܲܝ̈ܗܘܿܢ: ܘܐܹܫܲܕܲܪ ܒܵܬ̣ܪܗܘܿܢ ܚܲܪܒܵܐ ܥܕܲܡܵܐ ܕܐܹܓܲܡܲܪ ܐܸܢܘܿܢ. [No book]
[17]ܗܵܟܲܢܵܐ ܐܵܡܲ݁ܪ ܡܵܪܝܵܐ ܚܲܝܠܬ̣ܵܢܵܐ: ܩܪܵܘ ܠܐܲܠܵܝ̈ܵܬ̣ܵܐ: ܘܢܹܐܬ̣̈ܝܵܢ: ܘܥܲܠ ܚܲܟ̇ܝܼ̈ܡܵܬ̣ܵܐ ܫܲܕܲܪܘ: ܘܢܹܐܬ̣̈ܝܵܢ. [No book]
[18]ܘܢܸܣܬܲܖ̈ܗܒ̣ܵܢ ܘܢܸܫܩ̈ܠܵܢ ܥܠܲܝܢ ܐܘܿܠ̈ܝܵܬ̣ܵܐ: ܘܢܲܚ̈ܬ̣ܵܢ ܥܲܝ̈ܢܲܝܢ ܕܸܡ̈ܥܹܐ: ܘܒ̣ܵــ̈ܒ̣ܵܬܲܢ ܢܲܖ̈ܕܝܵܢ ܡܲܝ̈ܵܐ. [No book]
[19]ܡܸܛܠ ܩܵܠܵܐ ܕܐܘܿܠܝܼܬ̣ܵܐ ܐܸܫܬ̇ܡܲܥ ܡ̣ܢ ܨܸܗܝܘܿܢ: ܕܐܵܡܲ݁ܪ ܐܲܝܟܲܢܵܐ ܐܸܬ̣ܒܵܙܸܙܢ: ܒܗܸܬ̣ܢ ܛܵܒ̣ ܛܵܒ̣: ܕܲܫ̣ܒܲܩܢ ܐܲܪܥܵܐ ܘܲܢܦܲܠ̣ܘ ܡܲܫ̈ܟ̇ܢܲܝܢ. [No book]
[20]ܡܸܛܠ ܗܵܢܵܐ ܫܡܲܥܹܝ̈ܢ ܢܸܫܹ̈ܐ ܦܸܬ̣ܓ̣ܵܡܹܗ ܕܡܵܪܝܵܐ: ܘܲܢܩܲܒ̈ܠܵܢ ܐܸܕ݂ܢܲܝ̈ܟܹ̇ܝܢ ܡܸܠܲܬ̣ ܦܘܼܡܹܗ: ܘܐܲܠܸܦܹܝ̈ܢ ܒܢܵܬ̣̈ܟܹܝܢ ܐܘܿܠ̈ܝܵܬ̣ܵܐ: ܘܐܲܢ̄ܬ̇ܬ̣ܵܐ ܠܲܚܒܲܪܬ̣ܵܗ̇ ܩܝܼܢܬܵܐ. [No book]
[21]ܡܸܛܠ ܕܲܣܠܸܩ̣ ܡܵܘܬܵܐ ܠܟܵܘܲܝ̈ܢ܆ܘܥܲܠ̣ ܒܣܵܚܖ̈ܵܬܲܢ: ܠܡܵܘܒܵܕ݂ܘܼ ܛܠܵܝܹ̈ܐ ܡ̣ܢ ܫܘܼ̈ܩܹܐ: ܘܲܥܠܲܝܡܹ̈ܐ ܡ̣ܢ ܦܠܵܛܵـ̈ܘܵܬ̣ܵܐ. [No book]
[22]ܡܸܛܠ ܕܗܵܟܲܢܵܐ ܐܵܡܲ݁ܪ ܡܵܪܝܵܐ: ܢܸܦ̈ܠܵܢ ܫܠܲܕܲܝ̈ܗܘܿܢ ܕܲܒ̣ܢܲܝ̈ܢܵܫܵܐ ܐܲܝܟ݂ ܙܸܒܠܵܐ ܥܲܠ ܐܲܦܲܝ̈ ܚܲܩܠܵܐ: ܘܐܲܝܟ݂ ܥܡܝܼܪܵܐ ܒܵܬܲܪ ܚܵܨܘܿܕ݂ܵܐ: ܘܠܲܝܬ̇ ܡܟܲܢܫܵܢܵܐ. [No book]
[23]ܗܵܟܲܢܵܐ ܐܵܡܲ݁ܪ ܡܵܪܝܵܐ: ܠܵܐ ܢܸܫܬܲܒ̣ܗܲܪ ܚܲܟ̇ܝܼܡܵܐ ܒܚܸܟ݂ܡ̱ܬܹܗ: ܘܠܵܐ ܢܸܫܬܲܒ̣ܗܲܪ ܓܲܢ̄ܒܵܪܵܐ ܒܓܲܢ̄ܒܵܪܘܼܬܹܗ: ܘܠܵܐ ܢܸܫܬܲܒ̣ܗܲܪ ܥܲܬ̇ܝܼܪܵܐ ܒܥܘܼܬ̣ܪܹܗ. [No book]
[24]ܐܸܠܵܐ ܒܗܵܕܹܐ ܢܸܫܬܲܒ̣ܗܲܪ ܡܲܢ ܕܡܸܫܬܲܒ̣ܗܲܪ: ܡܲܢ ܕܡܸܣܬܲܟܲܠ ܘܝܵܕܲܥ̇ ܠܝܼ ܕܐܸܢܵܐ ܐ̄ܢܵܐ ܡܵܪܝܵܐ: ܥܵܒܹ̇ܕ݂ ܛܲܝܒܘܼܬ̣ܵܐ ܘܕ݂ܝܼܢܵܐ ܘܙܲܕܝܼܩܘܼܬ̣ܵܐ ܒܐܲܪܥܵܐ: ܘܲܒ̣ܗܵܠܹܝܢ ܨܒܹ̇ܝܬ̣ ܐܵܡ݁ܲܪ ܡܵܪܝܵܐ. [No book]
[25]ܗܵܐ ܝܵܘ̈ܡܵܬ̣ܵܐ ܐܵܬܹ̇ܝܢ ܐܵܡܲ݁ܪ ܡܵܪܝܵܐ: ܘܐܸܦܩܘܿܕ݂ ܥܲܠ ܟܠ ܕܓ̣ܵܙܲܪ ܒܥܘܼܪܠܘܼܬ̣ܵܐ. [No book]
[26]ܥܲܠ ܡܸܨܖ̈ܵܝܹܐ: ܘܥܲܠ ܝܗ̄ܘܼ̈ܕܵܝܹܐ: ܘܥܲܠ ܐܲܕ݂ܘܿܡ ܘܥܲܠ ܒܢܲܝ̈ ܥܲܡܘܿܢ: ܘܥܲܠ ܡܘܼܐܵܒ̣ ܘܥܲܠ ܟܠ ܩܨܝܼܨܲܝ̈ ܦܐܲܬ̣ܵܐ ܕܝܵـ̇ܬ̣ܒ̇ܝܼܢ ܒܡܲܕ݂ܒܪܵܐ: ܡܸܛܠ ܕܟ݂ܠܗܘܿܢ ܥܲܡܡܹ̈ܐ ܥܘܼܪܠܝܼܢ ܒܒܸܣ̱ܪܗܘܿܢ: ܘܟ݂ܠܗܘܿܢ ܕܒܹܝܬ̣ ܝܼܣܪܵܝܹܠ ܥܘܼܪܠܝܼܢ ܒܠܸܒܗܘܿܢ. [No book]
Author: Eberhard Nestle (1851–1913), Kurt Aland (1915–1994), Barbara Aland (b. 1937), et al.
Source: sacred-texts.org

See information...
Top