|
|
| [1]Respondens autem Job, dixit: |
[No book] |
| [2]Ergo vos estis soli homines, et vobiscum morietur sapientia? |
[No book] |
| [3]Et mihi est cor sicut et vobis, nec inferior vestri sum; quis enim hæc quæ nostis ignorat? |
[No book] |
| [4]Qui deridetur ab amico suo, sicut ego, invocabit Deum, et exaudiet eum; deridetur enim justi simplicitas. |
[No book] |
| [5]Lampas contempta apud cogitationes divitum, parata ad tempus statutum. |
[No book] |
| [6]Abundant tabernacula prædonum, et audacter provocant Deum, cum ipse dederit omnia in manus eorum. |
[No book] |
| [7]Nimirum interroga jumenta, et docebunt te; et volatilia cæli, et indicabunt tibi. |
[No book] |
| [8]Loquere terræ, et respondebit tibi; et narrabunt pisces maris. |
[No book] |
| [9]Quis ignorat quod omnia hæc manus Domini fecerit? |
[No book] |
| [10]In cujus manu anima omnis viventis, et spiritus universæ carnis hominis. |
[No book] |
| [11]Nonne auris verba dijudicat? Et fauces comedentis, saporem? |
[No book] |
| [12]In antiquis est sapientia, et in multo tempore prudentia. |
[No book] |
| [13]Apud ipsum est sapientia et fortitudo; ipse habet consilium et intelligentiam. |
[No book] |
| [14]Si destruxerit, nemo est qui ædificet; si incluserit hominem, nullus est qui aperiat. |
[No book] |
| [15]Si continuerit aquas, omnia siccabuntur; et si emiserit eas, subvertent terram. |
[No book] |
| [16]Apud ipsum est fortitudo et sapientia; ipse novit et decipientem, et eum qui decipitur. |
[No book] |
| [17]Adducit consiliarios in stultum finem, et judices in stuporem. |
[No book] |
| [18]Balteum regum dissolvit, et præcingit fune renes eorum. |
[No book] |
| [19]Ducit sacerdotes inglorios, et optimates supplantat; |
[No book] |
| [20]commutans labium veracium, et doctrinam senum auferens. |
[No book] |
| [21]Effundit despectionem super principes, eos qui oppressi fuerant relevans. |
[No book] |
| [22]Qui revelat profunda de tenebris, et producit in lucem umbram mortis. |
[No book] |
| [23]Qui multiplicat gentes, et perdit eas, et subversas in integrum restituit. |
[No book] |
| [24]Qui immutat cor principum populi terræ, et decipit eos ut frustra incedant per invium. |
[No book] |
| [25]Palpabunt quasi in tenebris, et non in luce, et errare eos faciet quasi ebrios. |
[No book] |