«
Epistle to the Laodiceans (Latin)
Lao[LA]
Peshitta OT
PesOT
[No book] [1]ܗܵܐ ܗܵܠܹܝܢ ܟܠܗܹܝܢ ܚܙܵܬ̤ ܥܲܝܢ̄ܝ: ܘܫܡܥܲܬ̤ ܐܸܕ݂ܢܝܼ ܘܐܲܬ̣ܒܲܝ̇ܢܹܬ̣.
[No book] [2]ܐܲܝܟ݂ ܝܼܕܲܥܬ̣ܟ݂ܘܿܢ ܝܵܕܲܥ ܐ̄ܢܵܐ ܐܵܦ ܐܸܢܵܐ. ܘܠܵܐ ܗ̄ܘܹ̇ܝܬ̣ ܒܨܝܼܪ ܡܸܢܟ݂ܘܿܢ.
[No book] [3]ܒܪܲܡ ܕܹܝܢ ܐܸܢܵܐ ܠܘܵܬ̣ ܚܲܣܝܼܢܵܐ ܡܡܲܠܸܠ ܐ̄ܢܵܐ. ܘܡܲܟ̇ܣܵܢܘܼܬ̣ܝ ܠܘܵܬ̣ ܐܲܠܵܗܵܐ ܐܹܚܵܘܹܐ.
[No book] [4]ܒܪܲܡ ܐܲܢ̄ܬ̇ܘܿܢ ܡܡܲܠܠܲܝ̈ ܫܘܼܩܪܵܐ ܐܲܢ̄ܬ̇ܘܿܢ. ܘܡܲܐܣܝܲܝ̈ ܒܠܵܐ ܡܸܕܹ̇ܡ ܐܲܢ̄ܬ̇ܘܿܢ. ܘܡܲܐܣܝܲܝ̈ ܒܠܵܐ ܡܸܕܹ̇ܡ ܐܲܢ̄ܬ̇ܘܿܢ.
[No book] [5]ܡ̇ܢ ܕܹܝܢ ܥ̣ܒܲܕ݂ ܕܡܸܫܬ̇ܝܼܩܝܼܢ ܗ̄ܘܲܝܬ̇ܘܿܢ. ܘܲܗܘ̤ܵܬ̣ ܠܟ݂ܘܿܢ ܕܹܝܢ ܗܵܕܹܐ ܠܚܸܟ݂ܡܵܐ.
[No book] [6]ܫܡܲܥܘ ܗܵܟܹܝܠ ܡܲܟ̇ܣܵܢܘܼܬ̣ܝ. ܘܨܘܼܬ̣ܘ ܕܝܼܢܵܐ ܕܣܸܦ̈ܘܵܬ̣ܝ.
[No book] [7]ܥܲܠ ܐܲܠܵܗܵܐ ܡܡܲܠܠܝܼܢ ܐܲܢ̄ܬ̇ܘܿܢ ܥܵܘܼܠܵܐ. ܘܲܥܠܵܘܗܝ ܡܡܲܠܠܝܼܢ ܐܲܢ̄ܬ̇ܘܿܢ ܢܸܟ݂ܠܵܐ.
[No book] [8]ܒܐܲܦܲܘ̈ܗܝ ܢܵܣ̇ܒ̇ܝܼܢ ܐܲܢ̄ܬ̇ܘܿܢ ܐܵܘ ܥܲܡ ܐܲܠܵܗܵܐ ܕܵܝ̇ܢܝܼܢ ܐܲܢ̄ܬ̇ܘܿܢ.
[No book] [9]ܛܵܒ̣ ܠܟ݂ܘܿܢ ܕܒ̣ܵܨܹ̇ܐ ܠܟ݂ܘܿܢ ܐܵܘ ܐܲܝܟ݂ ܕܡܸܬ̇ܬ̇ܕ̇ܝܼܢ ܐܢ̄ܬ̇ܘ̇ܢ ܒܹܗ.
[No book] [10]ܡܲܟ̇ܣܘܼ ܢܲܟܸ̇ܣܟ݂ܘܿܢ. ܐܵܘ ܒܐܲܦܵܘ̈ܗܝ ܢܵܣ̇ܒ̇ܝܼܢ ܐܢ̄ܬ̇ܘܿܢ.
[No book] [11]ܕܸܚ̱ܠܬܹܗ ܬܲܒ̣ܥܸܬ̣ܟ݂ܘܿܢ ܘܙܵܘܼܥܬܹܗ ܬܸܦܸܠ ܥܠܲܝܟ̇ܘܿܢ.
[No book] [12]ܐܸܬ̇ܕܲܟ݂ܪܘ ܕܡ̣ܢ ܥܲܦܪܵܐ ܗ̄ܘܼ ܫܘܼܠܛܵܢܟ݂ܘܿܢ. ܘܥܲܠ ܓܸܢ̄ܒ̣ ܛܝܼܢܵܐ ܗ̄ܘܼ ܡܸܕ݂ܝܵܪܟ݂ܘܿܢ.
[No book] [13]ܫܬ̣ܘܿܩܘ ܡܹܢܝ: ܘܐܹܡܲܠܸܠ ܐܵܦ ܐܸܢܵܐ. ܘܐܹܡܲܪ ܟܠܡܸܕܹ̇ܡ ܕܲܥ̣ܒܲܪ ܥܠܲܝ.
[No book] [14]ܥܲܠ ܡܵܢܵܐ ܫܩܝܼܠ ܐ̄ܢܵܐ ܒܸܣܪܝ ܒܫܸܢܲܝ̈. ܘܢܲܦ̮ܫܝ ܣܝܼܡܵܐ ܒܐܝܼ̈ܕܲܝ.
[No book] [15]ܐܸܢ ܢܸܩܛܠܲܝ: ܠܹܗ ܗ̄ܘܼ ܡܣܲܟܹ̇ܐ ܐ̄ܢܵܐ ܒܲܠܚܘܿܕ݂. ܡܸܛܠ ܕܐܘܼܪ̈ܚܵܬ̣ܝ ܩܕ݂ܵܡܵܘܗܝ ܐܸܢܹܝܢ.
[No book] [16]ܘܐܵܦ ܗ̤ܘ ܢܸܗܘܹܐ ܠܝܼ ܦܵܪܘܿܩܵܐ ܡܸܛܠ ܕܠܵܐ ܥܵܐܹ̇ܠ ܩܕ݂ܵܡܵܘܗܝ ܚܲܠܦܵܐ.
[No book] [17]ܫܡܲܥܘ ܡܸܫܡܲܥ ܡܸـ̈ـܠܲܝ. ܘܬܲܚܘܝܼܬ̣ܝ ܐܹܡܲܪ ܩܕ݂ܵܡܲܝܟ̇ܘܿܢ.
[No book] [18]ܗܵܐ ܐܵܦ ܐܸܢܵܐ ܡܲܝܬܹ̇ܐ ܐܢܵܐ ܕܝܼܢܝ. ܘܝܵܕܲܥ ܐ̄ܢܵܐ ܕܐܸܢܵܐ ܗ̄ܘܼ ܙܲܟܵܝ.
[No book] [19]ܡܲܢ̣ܘܼ ܟ݂ܵܐܹ̇ܢ ܥܲܡܝ: ܕܗܵܫܵܐ ܐܸܫܬ̇ܘ̇ܩ ܘܐܸܬ̇ܬ̇ܢܝܼܚ.
[No book] [20]ܒܪܲܡ ܬܲܪܬܹܿܝܢ ܠܵܐ ܬܲܥܒܲܪ ܡܹܢܝ. ܘܗܵܝܕܹܿܝܢ ܡ̣ܢ ܩܕ݂ܵܡܲܝܟ ܠܵܐ ܐܸܬ̇ܛܥܸܐ.
[No book] [21]ܐܝܼܕ݂ܵܟ݂ ܠܵܐ ܬܲܦܪܸܩ ܡܹܢܝ. ܘܕܸܚ̱ܠܬ̣ܵܟ݂ ܠܵܐ ܬܙܝܼܥܲܢܝ.
[No book] [22]ܘܲܩܪܝܼܢܝ ܘܐܸܢܵܐ ܐܹܥܢܹܐ: ܐܘ ܐܹܡܲܠܸܠ ܘܐܲܬ̣ܝܼܒܲܢܝ ܦܸܬ̣ܓ̣ܵܡܵܐ.
[No book] [23]ܟܡܵܐ ܠܝܼ ܚܵܘ̈ܒܹ̇ܐ ܘܲܚܛܵܗܹ̈ܐ. ܚܵܘ̈ܒܲܝ ܘܲܚܛܵܗܲܝ̈ ܐܵܘܕܲܥܲܝܢܝ.
[No book] [24]ܠܡܵܢܵܐ ܡܲܗܦܸܟ݂ ܐܲܢ̄ܬ̇ ܐܲܦܲܝ̈ܟ ܡܹܢܝ. ܘܲܚ̣ܫܲܒ̣ܬܵܢܝ ܠܵܟ݂ ܐܲܝܟ݂ ܒܥܸܠܕܵܒ̣ܵܒ̣ܵܐ.
[No book] [25]ܠܛܲܪܦܵܐ ܝܲܒ̇ܝܼܫܵܐ ܕܢܵܬܲܪ: ܕܵܐܹ̇ܫ ܐܲܢ̄ܬ̇ ܘܲܠܓܸܠܵܐ ܝܲܒ̇ܝܼܫܵܐ ܪܵܕܹܦ ܐܲܢ̄ܬ̇.
[No book] [26]ܕܲܟ݂ܬܲܒ̣ܬ̇ ܥܠܲܝ ܡܲܪܕ̇ܘܼܬ̣ܵܐ ܘܡܲܕ݂ܟܲܪ ܐܲܢ̄ܬ̇ ܥܠܲܝ ܚܵܘ̈ܒܹ̇ܐ ܕܛܵܠܝܘܼܬ̣ܝ.
[No book] [27]ܘܣ̣ܵܡܬ̇ ܪܸ̈ܓ̣ܠܲܝ ܒܣܲܕܵܐ ܘܲܢ̣ܛܵܪܬ̇ ܟܠܗܹܝܢ ܐܘܼܪ̈ܚܵܬ̣ܝ. ܘܥܲܠ ܬܘܼܩܦܵܐ ܕܪܸ̈ܓ̣ܠܲܝ ܬܸܚܙܹܐ.
[No book] [28]ܘܗ̤ܘ ܐܲܝܟ݂ ܪܲܩܒ̣ܵܐ ܕܒ̣ܵܠܹ̇ܐ: ܘܐܲܝܟ݂ ܠܒ̣ܘܼܫܵܐ ܕܐܵܟܹܿܠ ܠܹܗ ܣܵܣܵܐ.
 
Top