|
|
| [1]ܗܵܟܲܢܵܐ ܗ̄ܘܼ ܐ̄ܢܵܫܵܐ ܝܼܠܝܼܕ݂ ܐܲܢ̄ܬ̇ܬ̣ܵܐ. ܘܲܙܥܘܿܪ ܝܵܘ̈ܡܝܼܢ ܗ̄ܘܼ: ܘܣܵܒܹ̇ܠ ܙܵܘܥܵܐ. |
[No book] |
| [2]ܘܐܲܝܟ݂ ܥܘܼܦܝܵܐ ܢܵܦܹ̇ܩ: ܘܝܵܒܹܫ ܘܚܵܡܹ̇ܐ. ܘܥܵܪܹܩ ܐܲܝܟ݂ ܛܸܠܵܠܵܐ: ܘܠܵܐ ܩܵܐܹܿܡ. |
[No book] |
| [3]ܐܵܦ ܥܲܠ ܗܵܢܵܐ ܦܬܲܚ̣ܬ̇ ܥܲܝܢܲܝ̈ܟ. ܘܠܹܗ ܬܲܥܸܠ ܒܕ݂ܝܼܢܵܐ ܥܲܡܵܟ݂. |
[No book] |
| [4]ܡܲܢ̣ܘܼ ܢܸܬܸ̇ܠ ܕܲܟ݂ܝܵܐ ܡ̣ܢ ܛܲܡܵܐܐ: ܐܵܦܠܵܐ ܚܲܕ݂. |
[No book] |
| [5]ܐܸܢ ܦܣܝܼܩܝܼܢ ܐܸܢܘܿܢ ܝܵܘܡܵܘ̈ܗܝ: ܘܡܸܢܝܵܢܵܐ ܕܝܲܪ̈ܚܵܘܗܝ ܓܙܝܼܪܝܼܢ. ܢܵܡ̇ܘܿܣܵܐ ܥ̣ܒܲܕ̇ܬ̇ ܕܠܵܐ ܢܸܥܒܲܪ ܡܸܢܹܗ. |
[No book] |
| [6]ܘܲܢܦܘܼܫ ܥܕܲܡܵܐ ܕܢܸܪܗܲܛ ܐܲܝܟ݂ ܐܲܓ̣ܝܼܪܵܐ ܝܵܘܡܵܘ̈ܗܝ. |
[No book] |
| [7]ܡܸܛܠ ܕܐܝܼܬ̣ ܠܩܲܝܣܵܐ ܣܲܒ̣ܪܵܐ. ܕܐܸܢ ܡܸܬ̣ܦܣܸܩ: ܬܘܼܒ̣ ܡܲܚܠܸܦ: ܘܲܥܢܵܩܵܘ̈ܗܝ ܠܵܐ ܥܵܢ̈ܕܵܢ. |
[No book] |
| [8]ܘܐܸܢ ܢܸܣܐܲܒ̣: ܒܐܲܪܥܵܐ ܥ̣ܩܵܪܹܗ: ܘܲܒ̣ܥܲܦܪܵܐ ܬܡܘܼܬ̣ ܡܵܘܥܝܼܬܹܗ. |
[No book] |
| [9]ܡ̣ܢ ܪܹܝܚܵܐ ܕܡܲـ̈ـܝܵܐ ܢܲܦܪܲܥ: ܘܢܸܥܒܸ̇ܕ݂ ܛܲܪ̈ܦܹܐ ܐܲܝܟ݂ ܢܨܝܼܒ̣ܵܐ. |
[No book] |
| [10]ܘܓܲܒ̣ܪܵܐ ܡܵܐܹ̇ܬ̣: ܘܒ̣ܵܠܹ̇ܐ ܘܣܵܐܹ̇ܦ ܒܲܪܢܵܫܵܐ: ܘܠܲܝܬܵܘܗܝ. |
[No book] |
| [11]ܥܵܢ̇ܕܝܼܢ ܡܲـ̈ـܝܵܐ ܡ̣ܢ ܝܲܡܵܐ: ܘܢܲܗܪܵܐ ܚܵܪܹܒ̣ ܘܝܵܒܸܫ. |
[No book] |
| [12]ܘܓܲܒ̣ܪܵܐ ܕܫܵܟܹ̇ܒ̣: ܠܵܐ ܩܵܐܹ̇ܡ ܥܲܕ݂ ܒܵܠܹ̇ܝܢ ܫܡܲܝܵܐ: ܠܵܐ ܢܸܬ̇ܬ̇ܥܝܼܪܘܿܢ ܘܠܵܐ ܢܵܕ̇ܝܼܢ ܡ̣ܢ ܫܸܢܲܬ̣ܗܘܿܢ. |
[No book] |
| [13]ܡ̇ܢ ܕܹܝܢ ܥ̣ܒܲܕ݂ ܕܒܲܫܝܘܿܠ ܛܲܫܝܼܬܵܢܝ: ܘܣܲܬܲܪܬܵܢܝ ܥܕܲܡܵܐ ܕܢܸܥܒܲܪ ܪܘܼܓ̣ܙܵܟ݂ ܘܣܵܡܬ̇ ܠܝܼ ܕܹܝܢ ܩܝܵܡܵܐ ܘܐܸܬ̇ܕܲܟܲܪܬܵܢܝ. |
[No book] |
| [14]ܐܸܢ ܡܵܐܹ̇ܬ̣ ܓܲܒ̣ܪܵܐ: ܕܲܠܡܵܐ ܚܵܝܹ̈ܐ. ܘܟ݂ܠܗܘܿܢ ܝܵܘ̈ܡܵܬ̣ܵܐ ܕܲܥܠܲܝܡܘܼܬܹܗ ܡܣܲܟܹ̇ܐ: ܥܕܲܡܵܐ ܕܐܵܬ̣ܝܵܐ ܣܲܝܒܿܘܼܬܹܗ. |
[No book] |
| [15]ܐܸܢ ܬܸܩܪܹܝܢܝ: ܐܹܥܢܹܝܟ݂: ܘܥܲܠ ܥܒ̣ܵܕ݂ ܐܝܼܕܲܝܟ ܐܸܬ̣ܚܲܫܲܒ̣. |
[No book] |
| [16]ܡܸܛܠ ܗܲܠܟ݂ܵܬ݂̈ܝ ܕܗܵܫܵܐ ܠܵܐ ܬܸܡܢܹܐ ܘܠܵܐ ܬܸܛܲܪ ܥܲܠ ܚܛܵܗܲܝ݁. |
[No book] |
| [17]ܚܬ̣ܘܿܡ ܒܲܨܪܵܪܵܐ ܚܵܘ̈ܒܲܝ. ܘܐܲܦܪܸܩ ܡܹܢܝ ܚܛܵܗܲܝ̈. |
[No book] |
| [18]ܫܲܪܝܼܪܵܐܝܼܬ̣ ܛܘܼܪܵܐ ܥܲܫܝܼܢܵܐ ܢܵܦܹ̇ܠ: ܐܵܘ ܫܩܝܼܦܵܐ ܡܸܬ̇ܬ̇ܙܝܼܥ ܡ̣ܢ ܕܘܼܟ̇ܬܹܗ. |
[No book] |
| [19]ܟܹܐܦܵܐ ܫܵܚܩܵܐ ܡܲـ̈ـܝܵܐ: ܐܵܘ ܟܸܬܵܐ ܥܲܦܪܵܗ̇ ܕܐܲܪܥܵܐ. ܣܲܒ̣ܪܵܐ ܕܐ̄ܢܵܫܵܐ ܐܵܘܒܸܕܲܬ̇. |
[No book] |
| [20]ܬܲܥܫܢܝܼܘܗܝ ܠܥܵܠܲܡ ܘܲܢܗܲܠܸܟ݂ ܒܒܸܗܬ̇ܬ̣ܵܐ ܕܐܲܦܵܘ̈ܗܝ ܬܸܫܕܸ̇ܝܘܗܝ. |
[No book] |
| [21]ܐܸܢ ܢܸܣܓܘܿܢ ܒܢܵܘ̈ܗܝ: ܠܵܐ ܝܵܕܲܥ ܘܐܸܢ ܢܸܙܥܪܘܼܢ: ܠܵܐ ܡܸܫܬܵܘܕܲܥ ܠܗܘܿܢ. |
[No book] |
| [22]ܒܪܲܡ ܒܸܣܪܹܗ ܥܠܵܘܗܝ ܢܸܟ݂ܐܲܒ̣. ܘܢܲܦ̮ܫܹܗ ܥܠܵܘܗܝ ܬܸܬ̣ܐ̱ܒܸܠ. |
[No book] |