➖ »
«
➖ ➕
Peshitta OT
PesOT
The Fragments of Papias
Papias
←
Job
Job
15
→
[1]ܘܲܥܢ̣ܵܐ ܐܹܠܝܼܦܵܙ ܬܲܝܡ̄ܢܵܝܵܐ ܘܐܹܡ̣ܲܪ. [No book]
[2]ܚܲܟ̇ܝܼܡ ܪܘܼܚܵܐ ܢܸܥܢܹܐ ܒܝܼܕܲܥܬ̣ܵܐ: ܘܢܸܡܠܹܐ ܚܸܡܬ̣ܵܐ ܟܲܪܣܹܗ. [No book]
[3]ܠܡܲܟܵܣܘܼ ܡܸܠ̈ܝܼܢ ܕܠܵܐ ܟܵܫܪܵܢ: ܘܲܒ̣ܡܸܠܹ̈ܐ ܕܠܲܝܬ̇ ܒܗܹܝܢ ܝܘܼܬ̣ܪܵܢ. [No book]
[4]ܐܵܦ ܐܲܢ̄ܬ̇ ܡܒܲܛܸܠ ܐܲܢ̄ܬ̇ ܕܸܚ̱ܠܬ̣ܵܐ. ܘܡܲܣܓܹ̇ܐ ܐܲܢ̄ܬ̇ ܡܡܲܠܸܠ ܩܕ݂ܵܡ ܐܲܠܵܗܵܐ. [No book]
[5]ܡܸܛܠ ܕܢܹܐܠܲܦ ܦܘܼܡܵܟ݂ ܚܛܵܗܹ̈ܐ. ܘܨܵܒܹ̇ܐ ܐܲܢ̄ܬ̇ ܕܢܸܟ݂ܠܵܐ. [No book]
[6]ܢܚܲܒ̣ܵܟ݂ ܦܘܼܡܵܟ݂ ܘܠܵܐ ܐܸܢܵܐ. ܘܣܸܦ̈ܘܵܬ̣ܵܟ݂ ܢܲܣ̱ܗ̈ܕ݂ܵܢ ܒܵܟ݂ ܩܕ݂ܵܡܲܝ. [No book]
[7]ܕܲܠܡܵܐ ܩܕ݂ܵܡ ܐ̄ܢܵܫܵܐ ܐܸܬ̣ܝܼܠܸܕ̇ܬ̇. ܐܵܘ ܡ̣ܢ ܩܕ݂ܵܡ ܪ̈ܵܡܵܬ̣ܵܐ ܐܸܬ̣ܒ̇ܛ̣ܢܬ̇. [No book]
[8]ܒܐ̄ܪܵܙܹܗ ܕܡܵܪܝܵܐ ܫܡܲܥ̣ܬ̇: ܘܐܸܬ̣ܓܲܠܝܲܬ̤ ܠܵܟ݂ ܚܸܟ݂ܡܬ̣ܵܐ. [No book]
[9]ܡܵܢܵܐ ܝܵܕܲܥ ܐܲܢ̄ܬ̇ ܕܲܚܢܲܢ ܠܵܐ ܝܵܕ݂ܥܝܼܢ ܚ̄ܢܵܢ. ܐܵܘ ܡܵܢܵܐ ܡܸܬ̣ܒܲܝܲܢ ܐܲܢ̄ܬ̇ ܕܠܵܐ ܗ̄ܘܼܵܐ ܠܘܵܬ̣ܵܢ. [No book]
[10]ܗܵܐ ܐܝܼܬ̣ ܒܲܢ ܕܣܵܒ̣: ܐܵܦ ܐܝܼܬ̣ ܒܲܢ ܕܩܲܫܝܼܫ: ܘܲܕ݂ܥܲܬ̇ܝܼܩ ܐܵܦ ܡ̣ܢ ܐܲܒ̣ܘܼܟ݂ ܒܝܵܘ̈ܡܵܬ̣ܵܐ. [No book]
[11]ܐܲܙܥܲܪ ܡܸܢܵܟ݂ ܠܘܼܚܵܡܵܘ̈ܗܝ ܕܐܲܠܵܗܵܐ. ܘܡܲܠܸܠ ܒܲܢܝܵܚ ܠܘܵܬ̣ ܢܲܦ̮ܫܵܟ݂. [No book]
[12]ܠܡܵܢܵܐ ܐܸܬ̇ܬ̇ܪܝܼܡ ܠܸܒܵܟ݂. ܘܡܵܢܵܐ ܡܪ̈ܲܡܙܵܢ ܥܲܝܢܲܝ̈ܟ. [No book]
[13]ܕܲܡܪܝܼܡ ܐܲܢ̄ܬ̇ ܠܘܵܬ̣ ܐܲܠܵܗܵܐ ܪܘܼܚܵܟ݂: ܘܡܲܦܸܩ ܐܲܢ̄ܬ̇ ܡ̣ܢ ܦܘܼܡܵܟ݂ ܡܸܠܹ̈ܐ. [No book]
[14]ܡܲܢ̣ܘܼ ܐ̄ܢܵܫܵܐ ܕܢܸܙܟܸ̇ܐ: ܐܵܘ ܡܲܢܘܼ ܢܸܙܕܲܕܲܩ ܝܼܠܝܼܕ݂ ܐܲܢ̄ܬܬ̣ܵܐ. [No book]
[15]ܗܵܐ ܒܩܲܕ̇ܝܼܫܵܘ̈ܗܝ ܠܵܐ ܡܗܲܝܡܸܢ ܘܲܫܡܲܝܵܐ ܠܵܐ ܕܟܹܝܢ ܩܕ݂ܵܡܵܘܗܝ. [No book]
[16]ܐܵܦ ܐܸܢ ܡܸܣܬ̇ܠܹܐ ܘܡܸܬ̇ܛܲܪܹܦ ܓܲܒ̣ܪܵܐ: ܢܸܫܬܹ̇ܐ ܥܵܘܼܠܵܐ ܐܲܝܟ݂ ܡܲـ̈ـܝܵܐ. [No book]
[17]ܐܹܚܵܘܹܝܟ݂: ܫܡܲܥܲܝܢܝ ܘܡܸܕܹ̇ܡ ܕܲܚܙܹ̇ܝܬ̣ ܐܹܬܲܢܹܐ. [No book]
[18]ܕܚܲܟ̇ܝܼܡܹ̈ܐ ܚܵܘܝܼܘ: ܘܠܵܐ ܟܲܣ̣ܝܼܘ ܡ̣ܢ ܐܲܒ̣ܵܗܲܝ̈ܗܘܿܢ. [No book]
[19]ܠܗܘܿܢ ܒܲܠܚܘܿܕܲܝܗܘܿܢ ܐܸܬ̣ܝܲܗ̄ܒܲܬ̤ ܐܲܪܥܵܐ. ܘܠܵܐ ܥ̣ܒܲܪ ܢܘܼܟ݂ܪܵܝܵܐ ܒܲܝܢܵܬ̣ܗܘܿܢ. [No book]
[20]ܟܠ ܝܵܘܡܵܘ̈ܗܝ ܕܪܲܫܝܼܥܵܐ ܡܸܬ̣ܪܵܘܪܲܒ̣. ܘܡܸܢܝܵܢ ܫ̣ܢܵܘ̈ܗܝ ܢܸܬ̣ܢ̱ܛܲܪ ܠܚܲܣܝܼܢܵܐ. [No book]
[21]ܩܵܠ ܙܵܘܼܥܬ̣ܵܐ ܒܐܸܕ݂ܢܵܘ̈ܗܝ. ܘܒܲܫܠܵܡܵܐ ܒܵܙ̇ܘܿܙܵܐ ܢܹܐܬܹܐ ܥܠܵܘܗܝ. [No book]
[22]ܠܵܐ ܡܗܲܝܡܸܢ ܕܗܵܦܹ̇ܟ݂ ܡ̣ܢ ܚܸܫܘܿܟ݂ܵܐ. ܚܵܙܹ̇ܐ ܚܲܪܒܵܐ. [No book]
[23]ܥܵܪܹܩ ܗ̄ܘܼܵܐ ܠܠܘܼܚܵܡܵܐ ܕܕ݂ܝܼܢܵܐ. ܘܐܲܝܟܵܐ ܕܗ̤ܘ ܝܵܕܲܥ ܕܲܡܛܲܝܲܒ̣ ܗ̄ܘܼ ܒܐܝܼܕܹܗ ܝܵܘܡܵܐ ܕܚܸܫܘܿܟ݂ܵܐ. [No book]
[24]ܢܸܒ̣ܥ̱ܬ̣ܝܼܘܗܝ ܐܘܼܠܨܵܢܵܐ. ܘܥܵܩ̇ܬ̣ܵܐ ܬܲܕ݂ܪ̱ܟ݂ܝܼܘܗܝ: ܐܲܝܟ݂ ܡܲܠܟܵܐ ܕܲܡܛܲܝܲܒ̣ ܠܲܩܪܵܒ̣ܵܐ. [No book]
[25]ܡܸܛܠ ܕܐܲܪܝܼܡ ܥܲܠ ܐܲܠܵܗܵܐ ܐܝܼܕܹܗ ܘܥܲܠ ܚܲܣܝܼܢܵܐ ܐܸܬ̣ܓܲܢ̄ܒܲܪ. [No book]
[26]ܘܲܪܗܸܛ̣ ܥܠܵܘܗܝ ܒܨܵܘܪܵܐ ܪܵܡܵܐ ܘܲܒ̣ܩܵܦܝܵܐ ܕܲܩܕ݂ܵܠܹܗ: ܒܣܘܿܓܲܐܬ̣ ܣܸܕ݂ܪܹ̈ܐ ܕܣܲܟ̇ܪܹ̈ܐ. [No book]
[27]ܘܟܲܣܝܼ ܐܲܦܵܘ̈ܗܝ ܒܬܲܪܒܹ̇ܗ ܘܲܥ̣ܒܲܕ݂ ܟܝܼܡܵܐ ܠܥܸܠ ܡ̣ܢ ܥܝܼܘܿܬ̣ܵܐ. [No book]
[28]ܘܐܵܘܬܸ̇ܒ̣ ܩܘܼܪ̈ܝܵܐ ܚܲܪ̈ܒ̣ܵܬ̣ܵܐ ܕܠܵܐ ܝܵܬ̣̈ܒܵܢ. ܘܐܸܬ̇ܛܲܝܲܒ̣ ܠܲܩܪܵܒ̣ܵܐ. [No book]
[29]ܠܵܐ ܢܟܲܬܲܪ ܘܠܵܐ ܢܩܘܼܡ ܚܲܝܠܹܗ. ܘܠܵܐ ܢܲܪܡܹܐ ܡܸܠܹ̈ܐ ܥܲܠ ܐܲܪܥܵܐ. [No book]
[30]ܘܠܵܐ ܢܸܥ̱ܢܕ݂ܘܼܢ ܡ̣ܢ ܚܸܫܘܿܟ݂ܵܐ ܘܲܥܢܵܩܵܘ̈ܗܝ ܬܝܲܒܸ̇ܫ ܫܲܠܗܹܒ̣ܝܼܬ̣ܵܐ. ܢܸܫܛܹܐ ܒܪܘܼܚܵܐ ܕܦܘܼܡܹܗ. [No book]
[31]ܘܠܵܐ ܢܗܲܝܡܸܢ ܠܕܲܓܵܠܘܼܬ̣ܵܐ ܡܲܛܥ̱ܝܵܢܝܼܬ̣ܵܐ: ܡܸܛܠ ܕܐܝܼܩܹܐ ܗܘ̤ܵܬ̣ ܡܵܘܥܝܼܬܹܗ. [No book]
[32]ܘܲܕ݂ܠܵܐ ܒܝܵܘ̈ܡܵܘܗܝ ܝܑܼܒ̣ܫ. ܘܐܝܼܕ݂ܵܘ̈ܗܝ ܠܵܐ ܢܸܫ̈ܟ̇ܚܵܢ. [No book]
[33]ܢܸܥܩܘܿܪ ܐܲܝܟ݂ ܓܦܸܬܵܐ ܒܸܣܪ̈ܵܘܗܝ. ܘܢܸܫܕܹ̇ܐ ܐܲܝܟ݂ ܙܲܝܬܵܐ ܡܵܘܥܝܼܬܹܗ. [No book]
[34]ܡܸܛܠ ܕܲܟ݂ܢܘܼܫܬܵܐ ܕܚܲܢܦܹ̈ܐ ܬܸܗܘܹܐ ܠܚܘܼܪܒܵܐ ܘܲܠܨܹܕ݂ܝܵܐ ܘܢܘܼܪܵܐ ܬܹܐܟ݂ܘܿܠ ܠܡܲܫ̈ܟ̇ܢܹܐ ܕܥܵܘܿܠܹ̈ܐ. [No book]
[35]ܒܸܛ̣ܢܘ ܥܵܘܼܠܵܐ: ܘܝܑܼܠܸܕ݂ܘܥ̣ܬܵܐ. ܘܟܲܪ̈ܣܵܬ̣ܗܘܿܢ ܡܲܠ̈ܝܵܢ ܢܸܟ݂ܠܵܐ. [No book]
Source: www.earlychristianwritings.com
Top