➖ »
«
➖ ➕
Peshitta OT
PesOT
The Gospel of Nicodemus
GspNic
←
Job
Job
17
→
[1]ܪܘܼܚܝ ܐܸܬ̇ܛܲܪܦܲܬ̤: ܘܝܵܘ̈ܡܲܝ ܐܸܬ̇ܕܲܥܲܟ݂ܘ ܛܲܝܸܒ̣ܘ ܠܝܼ ܩܲܒ̣ܪܵܐ. [No book]
[2]ܡܸܛܠ ܕܠܲܝܬ̇ ܫܘܼܩܪܵܐ ܠܘܵܬ̣ܝ. ܘܒܲܡܪܵܪܗܘܿܢ ܒܵܬܲܬ̤ ܪܘܼܚܝ. [No book]
[3]ܣܝܼܡ ܢܹܐ ܡܸܫܟܵܢܝ ܠܘܵܬ̣ܵܟ݂: ܡܲܢ̣ܘܼ ܗܵܢܵܐ ܡܲܫܠܸܡ ܐܝܼܕ݂ܝ. [No book]
[4]ܡܸܛܠ ܕܠܸܒ̇ܗܘܿܢ ܟܲܣܝܼܬ̇ ܡ̣ܢ ܣܘܼܟܵܠܵܐ. ܡܸܛܠ ܗܵܢܵܐ ܢܸܬ̇ܬ̇ܪܝܼܡܘܼܢ ܒܦܵܠܓ̇ܘܼܬ̣ܵܐ. [No book]
[5]ܘܢܸܬ̣ܪܵܘܪܲܒ̣ ܪܵܚܡܵܐ ܥܲܠ ܪܵܚܡܹܗ ܘܥܲܝܢܹ̈ܐ ܕܲܒ̣ܢܲܝ̈ܗܘܿܢ ܢܸܚܫ̈ܟ݂ܵܢ. [No book]
[6]ܘܐܲܩܝܼܡ ܫܘܼܠܛܵܢܵܐ ܕܥܲܡܡܹ̈ܐ. ܘܬܲܚܦܝܼܬ̣ܵܐ ܥܲܠ ܐܲܦܲܝ̈ܗܘܿܢ ܐܸܗܘܹܐ. [No book]
[7]ܟܹܐܒܲܬ̤ ܡ̣ܢ ܪܘܼܓ̣ܙܵܐ ܥܲܝ̈ܢܲܝ. ܘܬܲܪ̈ܥܝܵܬ̣ܝ ܟܠܗܹܝܢ ܐܲܝܟ݂ ܛܸܠܵܢ̈ܝܵܬ̣ܵܐ. [No book]
[8]ܢܸܬ̣ܡ̱ܗܘܼܢ ܬܪ̈ܝܼܨܵܐ ܥܲܠ ܗܵܕܹܐ. ܘܙܲܟܵܝܵܐ ܥܲܠ ܚܲܝܵܒ̣ܵܐ ܢܸܬ̣ܢܲܦܲܨ. [No book]
[9]ܢܹܐܚܘܿܕ݂ ܙܲܕܿܝܼܩܵܐ ܐܘܼܪܚܹܗ: ܘܲܢܚܲܡܣܝܼܢ: ܘܲܕܿܕܲܟ݂̈ܝܵܢ ܐܝܼܕ݂ܵܘ̈ܗܝ: ܢܵܘܣܸܦ ܥܲܠ ܚܲܝܠܵܐ. [No book]
[10]ܒܪܲܡ ܗܵܐ ܟܠܟ݂ܘܿܢ ܬܵܒ̣ܬ̇ܘܿܢ. ܘܲܗܦܲܟ݂ܬ̇ܘܿܢ ܘܐܸܬܲܝܼܬ̇ܘܿܢ ܠܘܵܬ̣ܝ. ܘܠܵܐ ܐܸܫܟ̇ܚܹ̇ܬ̣ ܒܟ݂ܘܿܢ ܕܚܲܟ̇ܝܼܡ. [No book]
[11]ܡܲܥܒ̇ܪ̈ܲܝ ܝܵܘ̈ܡܵܬ̣ܵܐ: ܡܒܲܛ̈ܠܲܝ ܡܲܚܫ̈ܒ̣ܵܬ̣ܵܐ ܡܵܘ̈ܒ̇ܕܲܝ ܠܠܸܒܵܘ̈ܬ̣ܵܐ ܕܥܲܡܡܹ̈ܐ. [No book]
[12]ܠܸܠܝܵܐ ܠܐܝܼܡܵܡܵܐ ܣܵܝ̇ܡܝܼܢ ܐܢ̄ܬ̇ܘܿܢ. ܘܢܲܗܝܼܪܵܐ ܡܩܲܪܒ̣ܝܼܢ ܐܢ̄ܬ̇ܘܿܢ ܡ̣ܢ ܩܕ݂ܵܡ ܚܸܫܘܿܟ݂ܵܐ. [No book]
[13]ܐܸܢ ܐܹܣܲܟܹܿܐ ܠܲܫܝܘܿܠ: ܒܲܝܬ̇ܝ ܗ̄ܘܼ. ܘܲܒ̣ܚܸܫܘܿܟ݂ܵܐ ܬܸܫܘܝܼܬ̣ܝ ܫܵܘܝܼܬ̣. [No book]
[14]ܠܲܚܒ̣ܵܠܵܐ ܩܪܹܝܿܬ̣ ܐܵܒ̣ܝ ܐܲܢ̄ܬ̇ ܘܐܹܡܝ ܘܚܵܬ̣ܝ ܠܪܸܡܬ̣ܵܐ. [No book]
[15]ܐܲܝܟܵܘ ܡܸܟܹ̇ܝܠ ܣܲܒ̣ܪܝ ܘܬ̣ܘܼܟ݂ܠܵܢܝ. ܘܲܠܣܲܒ݂ܪܝ ܡܵܢ̣ܘܼ ܢܸܫܟ̇ܚܝܼܘܗܝ. [No book]
[16]ܒܬ̣ܘܼܩܦܵܐ ܠܲܫܝܘܿܠ ܬܸܚܬ̣ܘܼܢ ܘܐܲܟ݂ܚ̄ܕ݂ܵܐ ܠܥܲܦܪܵܐ ܢܸܚܬ݂ܘܼܢ. [No book]
 
Top