|
|
| [1]Respondens autem Baldad Suhites, dixit: |
[No book] |
| [2]Usque ad quem finem verba jactabitis? intelligite prius, et sic loquamur. |
[No book] |
| [3]Quare reputati sumus ut jumenta, et sorduimus coram vobis? |
[No book] |
| [4]Qui perdis animam tuam in furore tuo, numquid propter te derelinquetur terra, et transferentur rupes de loco suo? |
[No book] |
| [5]Nonne lux impii extinguetur, nec splendebit flamma ignis ejus? |
[No book] |
| [6]Lux obtenebrescet in tabernaculo illius: et lucerna quæ super eum est extinguetur. |
[No book] |
| [7]Arctabuntur gressus virtutis ejus, et præcipitabit eum consilium suum. |
[No book] |
| [8]Immisit enim in rete pedes suos, et in maculis ejus ambulat. |
[No book] |
| [9]Tenebitur planta illius laqueo, et exardescet contra eum sitis. |
[No book] |
| [10]Abscondita est in terra pedica ejus, et decipula illius super semitam. |
[No book] |
| [11]Undique terrebunt eum formidines, et involvent pedes ejus. |
[No book] |
| [12]Attenuetur fame robur ejus, et inedia invadat costas illius. |
[No book] |
| [13]Devoret pulchritudinem cutis ejus, consumat brachia illius primogenita mors. |
[No book] |
| [14]Avellatur de tabernaculo suo fiducia ejus: et calcet super eum, quasi rex, interitus. |
[No book] |
| [15]Habitent in tabernaculo illius socii ejus qui non est: aspergatur in tabernaculo ejus sulphur. |
[No book] |
| [16]Deorsum radices ejus siccentur: sursum autem atteratur messis ejus. |
[No book] |
| [17]Memoria illius pereat de terra, et non celebretur nomen ejus in plateis. |
[No book] |
| [18]Expellet eum de luce in tenebras, et de orbe transferet eum. |
[No book] |
| [19]Non erit semen ejus, neque progenies in populo suo, nec ullæ reliquiæ in regionibus ejus. |
[No book] |
| [20]In die ejus stupebunt novissimi, et primos invadet horror. |
[No book] |
| [21]Hæc sunt ergo tabernacula iniqui, et iste locus ejus qui ignorat Deum. |
[No book] |