➖ »
«
➖ ➕
Peshitta OT
PesOT
Peshitta NT (Murdock, 1852)
PesNT(Mur)
←
Job
Job
21
→
[1]ܘܲܥ̣ܢܵܐ ܐܝܼܘܿܒ̣ ܘܐܸܡ̣ܲܪ. [No book]
[2]ܫܡܲܥܘ ܡܸܫܡܲܥ ܡܸܠܲـ̈ـܝ. ܘܢܸܗܘܹܐ ܒܟ݂ܘܿܢ ܒܘܼܝܵܢܵܐ. [No book]
[3]ܣܲܝܒ̇ܪܘܼܢܝ ܘܐܹܡܲܠܸܠ. ܘܒ̣ܵܬܲܪ ܦܸܬ̣ܓ̣ܵܡܲܝ̈ ܡܲܝܸܩܘ. [No book]
[4]ܐܹܡܲܪ ܠܒܲܪܢܵܫܵܐ ܡܸـ̈ـܠܲܝ: ܠܡܵܢܵܐ ܡܸܬ̇ܬ̇ܥܝܼܩܵܐ ܪܘܼܚܝ. [No book]
[5]ܐܸܬ̣ܦܢܵܘ ܠܘܵܬ̣ܝ ܘܲܬ̣ܡܲܗܘ. ܘܣܝܼܡܘ ܐܝܼܕܲܝ̈ܟ̇ܘܿܢ ܥܲܠ ܦܘܼܡܟ݂ܘܿܢ. [No book]
[6]ܕܐܸܢ ܐܸܬ̇ܕܲܟ݂ܪܹܬ̣: ܐܸܬ̇ܬ̇ܙܝܼܥܹ̇ܬ̣: ܘܐܸܚܸܕ݂ܘ ܠܒܸܣܪܝ ܨܵܘܪ̈ܵܢܹܐ. [No book]
[7]ܡܸܛܠ ܡܵܢܵܐ ܪ̈ܲܫܝܼܥܹܐ ܚܲܝܝܼܢ: ܘܡܲܥܬ̇ܩܝܼܢ ܓܲܢ̄ܒܵܪ̈ܲܝ ܚܲܝܠܵܐ. [No book]
[8]ܙܲܪܥ̱ܗܘܿܢ ܡܲܬ̣ܩܲܢ ܩܕ݂ܵܡܲܝܗܘܿܢ: ܘܲܒ̣ܢܲܝ̈ܗܘܿܢ ܠܥܹܝܢܲܝܗܘܿܢ. [No book]
[9]ܒܵܬܲܝ̈ܗܘܿܢ ܫܠܹܝܢ ܡ̣ܢ ܕܸܚ̱ܠܬ̣ܵܐ. ܘܠܲܝܬ̇ ܫܲܒ̣ܛܹܗ ܕܐܲܠܵܗܵܐ ܥܠܲܝܗܘܿܢ. [No book]
[10]ܬܵܘܪܹܗ ܥܵܒܲܪ ܘܠܵܐ ܓܵܥܹ̇ܐ. ܘܦܵܠܛܵܐ ܬܘܿܪܬܹ̇ܗ: ܘܠܵܐ ܡܚܲܒ̇ܠܵܐ. [No book]
[11]ܡܫܲܪܪܝܼܢ ܐܲܝܟ݂ ܥܵـ̈ـܢܵܐ ܒܢܲܝ̈ܗܘܿܢ: ܘܝܲܠܘܼܕܲܝ̈ܗܘܿܢ ܡܫܵܘܪܝܼܢ. [No book]
[12]ܫܩܲܠ̣ܘ ܦܠܲܓܹ̈ܐ ܘܟܸܢܵܪܹ̈ܐ. ܘܚܵܕܹܝܢ ܠܩܵܠܵܐ ܕܲܙܡܵܪܵܐ. [No book]
[13]ܡܓܲܡܪܝܼܢ ܒܛܵـ̈ـܒ̣ܵܬ̣ܵܐ ܝܵܘ̈ܡܲܝܗܘܿܢ ܘܒܲܥܓܲܠ ܠܲܫܝܘܿܠ ܢܵܚ̇ܬ̇ܝܼܢ. [No book]
[14]ܘܐܵܡ̇ܪܝܼܢ ܠܐܲܠܵܗܵܐ ܥܒܲܪ ܡܸܢܲܢ: ܘܲܠܡܸܕܲܥ ܐܘܼܪ̈ܚܵܬ̣ܵܟ݂ ܠܵܐ ܨܵܒܹܿܝܢ ܚ̄ܢܲܢ. [No book]
[15]ܘܐܵܡ̇ܪܝܼܢ: ܡܲܢ݂ܘܼ ܐܲܠܵܗܵܐ ܕܢܸܦ̱ܠܚܝܼܘܗܝ: ܐܵܘ ܡܵܢܐ ܝܵܬ̣ܪܝܼܢ ܚ̄ܢܲܢ ܕܢܸܒ̣ܥܹܐ ܡܸܢܹܗ. [No book]
[16]ܗܵܐ ܠܵܐ ܗ̄ܘܼܵܐ ܒܐܝܼܕܲܝ̈ܗܘܿܢ ܛܘܼܒ̣ܗܘܿܢ ܘܡܲܚܫܲܒ̣ܬ̣ܗܘܿܢ ܕܪ̈ܲܫܝܼܥܹܐ ܐܸܬ̣ܪܲܚܩܲܬ̤ ܡܹܢܝ. [No book]
[17]ܟܡܵܐ ܢܸܕ݂ܥܲܟ݂ ܫܪܵܓ̣ܗܘܿܢ ܕܪ̈ܲܫܝܼܥܹܐ: ܘܢܹܐܬܹܗ ܥܠܲܝܗܘܿܢ ܬܒ̣ܵܪܵܐ. ܘܲܚܒ̣ܵܠܵܐ ܢܦܲܠܸܓ̣ ܪܘܼܓ̣ܙܹܗ. [No book]
[18]ܘܢܸܗܘܘܿܢ ܐܲܝܟ݂ ܬܸܒ̣ܢܵܐ ܩܕ݂ܵܡ ܪܘܼܚܵܐ: ܘܐܲܝܟ݂ ܥܘܼܪܵܐ ܕܫܵܩ̇ܠܵܐ ܠܹܗ ܟ̇ܘܿܟ݂ܝܼܬ̣ܵܐ. [No book]
[19]ܐܲܠܵܗܵܐ ܢܸܛܲܪ ܥܵܘܼܠܹܗ ܠܲܒ̣ܢܵܘ̈ܗܝ. ܘܢܸܦ̱ܪܥܝܼܘܗܝ ܘܢܸܕܲܥ. [No book]
[20]ܘܢܸܚ̈ܙܝܵܢ ܥܲܝܢܵܘ̈ܗܝ ܐܲܒ̣ܕܵܢܹܗ ܘܡ̣ܢ ܚܸܡܬܹܗ ܕܐܲܠܵܗܵܐ ܢܸܫܬܹ̇ܐ. [No book]
[21]ܡܵܢ̈ܘ ܨܸܒ̣ܝܵܢܹܗ ܒܒܲܝܬܹ̇ܗ: ܡ̣ܢ ܒܵܬ̣ܪܹܗ ܘܡܸܢܝܵܢܵܐ ܕܝܲܪ̈ܚܵܘܗܝ ܢܸܬ̣ܢܲܛܪܘܼܢ ܠܲܒ̣ܢܵܘ̈ܗܝ. [No book]
[22]ܠܐܲܠܵܗܵܐ ܡܲܠܦܝܼܢ ܐܢ̄ܬܿܘܿܢ ܝܼܕܲܥܬ݂ܵܐ: ܘܗ̤ܘ ܠܪ̈ܵܡܹܐ ܢܕ݂ܘܼܢ. [No book]
[23]ܕܐܸܢ ܗܵܢܵܐ ܢܡܘܼܬ̣ ܒܥܘܼܫܢܵܐ ܕܫܲܠܡܘܼܬܹܗ: ܕܲܬ̣ܟ݂ܝܼܠ ܗ̄ܘܼܵܐ ܘܲܫܠܹܐ. [No book]
[24]ܘܓܲܒܵܘ̈ܗܝ ܡܠܹܝܢ ܬܲܪܒܵܐ: ܘܓܲܪ̈ܡܵܘܗܝ ܡܠܹܝܢ ܡܘܼܚܵܐ. [No book]
[25]ܗܵܢܵܐ ܢܡܘܼܬ̣ ܒܲܢܦܸܫ ܡܲܪܝܼܪܵܐ. ܘܠܵܐ ܐܸܟܲܠ̣ ܒܛܵܒ̣ܬ̣ܵܐ. [No book]
[26]ܐܲܟ݂ܚ̄ܕ݂ܵܐ ܥܲܠ ܐܲܪܥܵܐ ܫܵܟ݂ܒܵܝܼܢ ܘܪܸܡܬ̣ܵܐ ܬܟܲܣܹܐ ܐܸܢܘܿܢ. [No book]
[27]ܗܵܐ ܝܵܕܲܥ ܐ̄ܢܵܐ ܡܲܚܫ̈ܒ̣ܵܬ̣ܟ݂ܘܿܢ: ܘܡܸܠܟܵܐ ܕܲܥܠܲܝ ܡܸܬ̣ܚܲܫܒ̣ܝܼܢ ܐܢ̄ܬ̇ܘܿܢ. [No book]
[28]ܡܸܛܠ ܕܐܸܡܲܪܬ̇ܘܿܢ ܕܐܲܝܟܵܘ ܒܲܝܬܹ̇ܗ ܕܙܲܕܝܼܩܵܐ: ܘܐܲܢܵܘ ܡܲܫ̱ܪܝܵܐ ܕܡܲܫܟ̇ܢܵܐ ܕܪ̈ܲܫܝܼܥܹܐ. [No book]
[29]ܠܵܐ ܓܹܝܪ ܫܲܐܸܠܬ̇ܘܿܢ ܠܥܵܒ̣ܪ̈ܲܝ ܐܘܼܪܚܵܐ. ܘܐܵܬ̣ܘܵܬ̣̈ܗܘܿܢ ܠܵܐ ܐܸܫܬܵܘܕܲܥܬ̇ܘܿܢ. [No book]
[30]ܡܸܛܠ ܕܲܠܝܵܘܡܵܐ ܕܲܬ̣ܒ̣ܵܪܵܐ ܡܸܬ̣ܢܛܲܪ ܒܝܼܫܵܐ. ܘܲܠܝܵܘܡܵܐ ܕܪܘܼܓ̣ܙܵܐ ܡܸܬ̇ܕܲܟܲܪ. [No book]
[31]ܡܲܢ̣ܘ ܡܚܵܘܹܐ ܠܹܗ ܐܘܼܪܚܵܐ ܘܗܵܘܿ ܡܸܕܸ̇ܡ ܕܲܥܒܲܕ݂: ܡܲܢ̣ܘܼ ܦܵܪܲܥ ܠܹܗ. [No book]
[32]ܗ̤ܘ ܕܹܝܢ ܐܵܙܹ̇ܠ ܠܩܲܒ̣ܪܵܐ: ܘܲܠܓ̣ܕ݂ܫܵܐ ܡܸܬ̣̱ܢܛܲܪ. [No book]
[33]ܒܵܠ̇ܥܝܼܢ ܠܹܗ ܓܦܝܼ̈ܦܲܝ ܢܲܚܠܵܐ ܘܒ̣ܵܬ̣ܪܹܗ ܟܠܢܵܫ ܡܸܬ̣ܢ̱ܓ̣ܕ݂ ܘܲܩܕ݂ܵܡܵܘܗܝ ܠܲܝܬ̇ ܡܸܢܝܵܢ. [No book]
[34]ܘܐܲܝܟܵܐ ܬܠܲܒ̇ܒ̣ܘܼܢܵܢܝ. ܗܸܒ̣ܠܵܐ ܘܲܬ̣ܝܵܒ̣ܬ̣ܵܐ ܕܦܸܬ̣ܓ̣ܵܡܵܘ̈ܗܝ ܝܲܬܲܪܘ ܩܕ݂ܵܡܲܝ. [No book]
Translation: James Murdock, D. D. (1852)
Source: aramaicnewtestament.org
Top