|
|
| [1]Respondens autem Job, ait: |
[No book] |
| [2]Nunc quoque in amaritudine est sermo meus, et manus plagæ meæ aggravata est super gemitum meum. |
[No book] |
| [3]Quis mihi tribuat ut cognoscam et inveniam illum, et veniam usque ad solium ejus? |
[No book] |
| [4]Ponam coram eo judicium, et os meum replebo increpationibus: |
[No book] |
| [5]ut sciam verba quæ mihi respondeat, et intelligam quid loquatur mihi. |
[No book] |
| [6]Nolo multa fortitudine contendat mecum, nec magnitudinis suæ mole me premat. |
[No book] |
| [7]Proponat æquitatem contra me, et perveniat ad victoriam judicium meum. |
[No book] |
| [8]Si ad orientem iero, non apparet: si ad occidentem, non intelligam eum. |
[No book] |
| [9]Si ad sinistram, quid agam? non apprehendam eum: si me vertam ad dexteram, non videbo illum. |
[No book] |
| [10]Ipse vero scit viam meam, et probavit me quasi aurum quod per ignem transit. |
[No book] |
| [11]Vestigia ejus secutus est pes meus: viam ejus custodivi, et non declinavi ex ea. |
[No book] |
| [12]A mandatis labiorum ejus non recessi, et in sinu meo abscondi verba oris ejus. |
[No book] |
| [13]Ipse enim solus est, et nemo avertere potest cogitationem ejus, et anima ejus quodcumque voluit, hoc fecit. |
[No book] |
| [14]Cum expleverit in me voluntatem suam, et alia multa similia præsto sunt ei. |
[No book] |
| [15]Et idcirco a facie ejus turbatus sum, et considerans eum, timore sollicitor. |
[No book] |
| [16]Deus mollivit cor meum, et Omnipotens conturbavit me. |
[No book] |
| [17]Non enim perii propter imminentes tenebras, nec faciem meam operuit caligo. |
[No book] |