➖ »
«
➖ ➕
Peshitta OT
PesOT
Book of Jubilees (Charles, 1913)
Jub(Char)
←
Job
Job
26
→
[1]ܘܲܥ̣ܢܵܐ ܐܝܼܘܿܒ̣ ܘܐܸܡ̣ܲܪ. [No book]
[2]ܠܡܵܢܵܐ ܡܥܲܕܲܪ ܐܲܢ̄ܬ̇ ܕܠܵܐ ܚܹܝܠ. ܘܦܵܪܹܩ ܐܲܢ̄ܬ̇ ܕܪܵܥܵܐ ܕܠܵܐ ܒܥܘܼܫܢܵܐ. [No book]
[3]ܡܵܢܵܐ ܐܸܬ̣ܪܲܥܝܼ̣ܬ̇ ܕܠܵܐ ܚܸܟ݂ܡ̱ܬ̣ܵܐ. ܘܝܘܼܠܦܵܢܵܐ ܣܲܓ̇ܝܼܵܐܐ ܐܵܘܕܲܥ̣ܬ̇. [No book]
[4]ܠܡܲܢ ܚܵܘ̣ܝܼܬ̇ ܡܸܠܹ̈ܐ: ܘܲܢܫܲܡܬ̣ܵܐ ܕܡ̇ܢ ܢܸܦܩܲܬ̤ ܡܸܢܵܟ݂. [No book]
[5]ܗܵܐ ܓܲܢ̄ܒܵܪܹ̈ܐ ܢܸܬ̣ܩܲܛܠܘܼܢ: ܘܡ̣ܢ ܡܲـ̈ـܝܵܐ ܢܸܫܠܘܿܢ. [No book]
[6]ܥܲܪܛܸܠܵܝܵܐ ܗ̄ܝܼ ܫܝܘܠ ܩܕ݂ܵܡܵܘܗܝ. ܘܠܲܝܬ̇ ܬܲܟ݂ܣܝܼ ܠܐܲܒ̣ܕܵܢܵܐ. [No book]
[7]ܡ̣ܬܲܚ ܓܲܪܒ̇ܝܵܐ ܡ̣ܢ ܚܘܼܪܒܵܐ. ܘܲܬ̣ܠܵܐ ܐܲܪܥܵܐ ܥܲܠ ܠܵܐ ܡܸܕܹ̇ܡ. [No book]
[8]ܨܲܪ ܡܲـ̈ـܝܵܐ ܒܲܥܢܵܢܵܘ̈ܗܝ. ܘܠܵܐ ܐܸܬ̣ܒܲܙܥܲܬ̤ ܥܢܵܢܵܐ ܬܚܘܿܬܲܝܗܘܿܢ. [No book]
[9]ܐܸܚܲܕ݂ ܒܐܲܦܲܝ̈ ܬܲܟ݂ܣܝܼܬ̣ܵܐ. ܘܲܦܪܲܣ̣ ܠܥܸܠ ܡܸܢܵܗ̇ ܥܢܵܢܵܐ. [No book]
[10]ܪܫܹ̇ܡ ܚܘܼܓ̣ܬ̣ܵܐ ܥܲܠ ܐܲܦܲܝ̈ ܡܲـ̈ـܝܵܐ: ܥܕܲܡܵܐ ܕܲܫ̣ܠܸܡ ܢܘܼܗܪܵܐ ܥܲܡ ܚܸܫܘܿܟ݂ܵܐ. [No book]
[11]ܥܲܡܘܼ̈ܕܲܝ ܫܡܲܝܵܐ ܪܵܥ̇ܠܝܼܢ. ܘܢܸܬ̣ܡ̱ܗܘܿܢ ܡ̣ܢ ܟܐܵܬܹܗ. [No book]
[12]ܒ̇ܚܲܝܠܹܗ ܓܵܥܲܪ ܒܝܲܡܵܐ. ܘܲܒ̣ܚܸܟ݂ܡ̱ܬܹܗ ܡܲܚܸܐ ܣܲܓܝܼ̈ܐܹܐ. [No book]
[13]ܒܪܘܼܚܹܗ ܫܡܲܝܵܐ ܡܕܲܒܲܪ. ܘܩܸܛܠܲܬ̤ ܐܝܼܕܹܗ ܠܚܸܘܝܵܐ ܕܲܥܪܲܩ̣. [No book]
[14]ܗܵܐ ܗܵܠܹܝܢ ܟܠܗܹܝܢ ܡ̣ܢ ܩܸܨܲܬ̤ ܐܘܼܪ̈ܚܵܬܹܗ. ܘܐܲܝܢܵܐ ܦܸܬ̣ܓ̣ܵܡ ܒܝܼܫ ܐܸܫܬ̇ܡܲܥ ܥܠܵܘܗܝ. ܘܣܘܿܓ̣ܵܐܐ ܕܓܲܢ̄ܒܵܪܘܼܬܹܗ ܡܲܢ̣ܘܼ ܢܸܬ̣ܒܲܝܲܢ. [No book]
Author: Enoch the Prophet
Source: ccel.org
Top