|
|
| [1]Respondens autem Job dixit: |
[No book] |
| [2]Cujus adjutor es? numquid imbecillis? et sustentas brachium ejus qui non est fortis? |
[No book] |
| [3]Cui dedisti consilium? forsitan illi qui non habet sapientiam, et prudentiam tuam ostendisti plurimam. |
[No book] |
| [4]Quem docere voluisti? nonne eum qui fecit spiramentum? |
[No book] |
| [5]Ecce gigantes gemunt sub aquis, et qui habitant cum eis. |
[No book] |
| [6]Nudus est infernus coram illo, et nullum est operimentum perditioni. |
[No book] |
| [7]Qui extendit aquilonem super vacuum, et appendit terram super nihilum. |
[No book] |
| [8]Qui ligat aquas in nubibus suis, ut non erumpant pariter deorsum. |
[No book] |
| [9]Qui tenet vultum solii sui, et expandit super illud nebulam suam. |
[No book] |
| [10]Terminum circumdedit aquis, usque dum finiantur lux et tenebræ. |
[No book] |
| [11]Columnæ cæli contremiscunt, et pavent ad nutum ejus. |
[No book] |
| [12]In fortitudine illius repente maria congregata sunt, et prudentia ejus percussit superbum. |
[No book] |
| [13]Spiritus ejus ornavit cælos, et obstetricante manu ejus, eductus est coluber tortuosus. |
[No book] |
| [14]Ecce hæc ex parte dicta sunt viarum ejus: et cum vix parvam stillam sermonis ejus audierimus, quis poterit tonitruum magnitudinis illius intueri? |
[No book] |