|
|
| [1]ܘܐܵܘܣܸܦ ܐܝܼܘܿܒ̣: ܠܡܸܡܬܲܠ ܡܲܬ̣ܠܹܗ: ܘܐܸܡܲܪ. |
[No book] |
| [2]ܚܲܝ ܗ̄ܘܼ ܐܲܠܵܗܵܐ ܕܥܲܪܩܸܠ ܕܝܼܢܝ. ܘܚܲܣܝܼܢܵܐ ܕܐܵܡܲܪ ܠܢܲܦ̮ܫܝ ܘܟ݂ܠܵܗ̇ ܒܝܼ. |
[No book] |
| [3]ܘܪܘܼܚܹܗ ܕܐܲܠܵܗܵܐ ܒܲܢܚܝܼܪ̈ܲܝ. |
[No book] |
| [4]ܐܸܢ ܢܡܲܠ̈ܠܵܢ ܣܸܦ̈ܘܵܬ̣ܝ ܥܵܘܼܠܵܐ: ܘܠܸܫܵܢܝ ܐܸܢ ܢܡܲܠܸܠ ܢܸܟ݂ܠܵܐ. |
[No book] |
| [5]ܚܵܣ ܠܝܼ: ܥܕܲܡܵܐ ܕܐܹܡܘܼܬ̣: ܠܵܐ ܬܸܥܒܲܪ ܬܲܡܝܼܡܘܼܬ̣ܝ ܡܹܢܝ. |
[No book] |
| [6]ܘܲܒ̣ܙܲܕ̇ܝܼܩܘܼܬ̣ܝ ܐܹܚܲܡܣܸܢ ܘܠܵܐ ܐܹܪܲܦܹܐ: ܘܠܵܐ ܨܪܲܦ̣ ܠܝܼ ܠܹܒ̇ܝ ܡ̣ܢ ܝܵܘ̈ܡܲܝ. |
[No book] |
| [7]ܘܢܸܗܘܹܐ ܐܲܝܟ݂ ܪܲܫܝܼܥܵܐ ܒܥܸܠܕ̇ܒ̣ܵܒ̣ܝ: ܘܣܵܢܐܝ ܐܲܝܟ݂ ܥܵܘܿܠܵܐ. |
[No book] |
| [8]ܡܵܢܵܘ ܣܲܒ̣ܪܹܗ ܕܚܲܢܦܵܐ ܕܲܩܢܹܐ ܢܸܟ݂ܣܹ̈ܐ: ܒܥܸܕܵܢܵܐ ܕܫܵܩܹ̇ܠ ܠܵܗ̇ ܐܲܠܵܗܵܐ ܠܢܲܦ̮ܫܹܗ. |
[No book] |
| [9]ܡܸܛܠ ܕܠܵܐ ܫܡܲܥ ܐܲܠܵܗܵܐ ܩܵܠ ܨܠܘܿܬܹܗ: ܟܲܕ݂ ܬܹܐܬܹܐ ܥܠܵܘܗܝ ܒܝܼܫܬܵܐ. |
[No book] |
| [10]ܐܸܢ ܕܹܝܢ ܥܲܠ ܚܲܣܝܼܢܵܐ ܢܸܬ̇ܬ̇ܟܸܠ: ܘܢܸܩܪܹܐ ܠܐܲܠܵܗܵܐ ܒܟ݂ܠ ܥܸܕܵܢ: ܢܸܥܢܹܝܘܗܝ ܐܲܠܵܗܵܐ ܘܢܸܫ̱ܡܥܝܼܘܗܝ. |
[No book] |
| [11]ܠܟ݂ܘܿܢ ܕܹܝܢ ܡܲܫܠܸܡ ܐ̄ܢܵܐ ܠܟ݂ܘܿܢ ܒܝܲܕ݂ ܐܲܠܵܗܵܐ. ܕܲܥܒ̣ܵܕܲܝ̈ܟܘܿܢ ܡܸܢܹܗ ܠܵܐ ܡܸܬ̣ܟܲܣܹܝܢ. |
[No book] |
| [12]ܗܵܐ ܐܲܢ̄ܬ̇ܘܿܢ ܟܠܟ݂ܘܿܢ ܚ̣ܙܲܝܬ̇ܘܿܢ ܘܲܠܡܵܢܵܐ ܡܸܬ̣ܪܵܘ̱ܪܒ̣ܝܼܢ ܐܢ̄ܬ̇ܘܿܢ ܣܪܝܼܩܵܐܝܼܬ̣. |
[No book] |
| [13]ܗܵܐ ܗܵܕܹ̇ܐ ܗ̄ܝܼ ܡܢܵܬܹܗ ܕܒܲܪܢܵܫܵܐ ܪܲܫܝܼܥܵܐ ܡ̣ܢ ܠܘܵܬ̣ ܐܲܠܵܗܵܐ. ܘܝܵܪܬ̇ܘܼܬ̣ܵܐ ܕܡܲܒ̣ܐ̱ܫܵܢܹ̈ܐ ܕܡ̣ܢ ܚܲܣܝܼܢܵܐ ܢܩܲܒܿܠܘܼܢ. |
[No book] |
| [14]ܐܸܢ ܢܸܣܓ̇ܘܿܢ ܒܢܲܝ̈ܗܘܿܢ ܠܚܲܪܒܵܐ: ܘܝܲܠܘܼܕܲܝ̈ܗܘܿܢ ܠܵܐ ܢܸܣܒ̇ܥܘܼܢ ܠܲܚܡܵܐ. |
[No book] |
| [15]ܫܲܪܟ̇ܗܘܿܢ ܒܡܵܘܬܵܐ ܢܸܬ̣ܩܲܒ̣ܪܘܼܢ. ܘܐܲܪ̈ܡܠܵܬ̣ܗܘܿܢ ܠܵܐ ܢܸܬ̣ܒܲܟ̇ـ̈ـܝܵܢ. |
[No book] |
| [16]ܐܸܢ ܢܟܲܢܫܘܼܢ ܟܸܣܦܵܐ ܐܲܝܟ݂ ܥܲܦܪܵܐ. ܘܐܲܝܟ݂ ܛܝܼܢܵܐ ܢܸܬ̣ܩܢܘܼܢ ܠܒ̣ܘܼܫܹ̈ܐ. |
[No book] |
| [17]ܗܸܢܘܿܢ ܢܲܬ̣ܩܢܘܼܢ: ܘܙܲܕ̇ܝܼܩܵܐ ܢܸܠܒܲܫ ܘܟܸܣܦܗܘܿܢ ܢܦܲܠܸܓ̣. |
[No book] |
| [18]ܒܢ̣ܵܐ ܓܹܝܪ ܐܲܝܟ݂ ܓܘܵܓܲܝ ܒܲܝܬܹ̇ܗ. ܘܐܲܝܟ݂ ܡܛܲܠܬ̣ܵܐ ܥ̣ܒܲܕ݂ ܡܲܛܠܠܹܗ. |
[No book] |
| [19]ܡܸܛܠ ܕܥܲܬ̇ܝܼܪܵܐ ܢܸܫܟܲܒ̣: ܘܠܵܐ ܡܵܘܣܸܦ ܠܲܡܩܵܡ. ܥܲܝܢܵܘ̈ܗܝ ܦܵܬܲܚ: ܘܠܲܝܬܵܘܗܝ. |
[No book] |
| [20]ܢܲܕ݂ܪ̱ܟ݂ܝܼܘܗܝ ܕܠܘܼܚܝܵܐ ܐܲܝܟ݂ ܡܲـ̈ـܝܵܐ: ܘܐܲܝܟ݂ ܟܘܿܟ݂ܝܼܬ̣ܵܐ ܕܦܵܪܚܵܐ. |
[No book] |
| [21]ܬܸܫܩܠܝܼܘܗܝ ܪܘܼܚܵܐ ܒܠܸܠܝܵܐ. ܘܢܹܐܙܲܠ: ܘܢܸܕܚܩܘܼܢܹܗ ܡ̣ܢ ܐܲܬ̣ܪܹܗ. |
[No book] |
| [22]ܘܬܸܫܕܹ̇ܝܘܗܝ ܕܠܵܐ ܚܵܘܣܵܢ. ܘܡ̣ܢ ܐܝܼܕܹܗ ܡܸܥܪܲܩ ܢܸܥܪܘܿܩ. |
[No book] |
| [23]ܢܛܲܪܸܦ ܥܠܲܝܗܘܿܢ ܐܝܼܕܹܗ. ܘܢܲܫܪܸܩ ܥܠܲܝܗܘܿܢ ܡ̣ܢ ܐܲܬ̣ܪܹܗ. |
[No book] |