|
|
| [1][[Verse missing from this copy]] |
[1]ܘܡ̣ܢ ܒܵܬܲܪܟܸ̇ܢ ܦ̣ܬܲܚ ܐܝܼܘܿܒ̣ ܦܘܼܡܹܗ: ܘܠܵܛ ܝܵܘܡܵܐ ܕܐܸܬ̣ܝܼܠܸܕ݂ ܒܹܗ. |
| [2][[Verse missing from this copy]] |
[2]ܥ̣ܢܵܐ ܐܝܼܘܿܒ̣ ܘܐܸܡ̣ܲܪ |
| [3][[Verse missing from this copy]] |
[3]ܢܹܐܒܲܕ ܝܵܘܡܵܐ ܕܐܸܬ̣ܝܲܠܕܹܿܬ̣ ܒܹܗ: ܘܠܸܠܝܵܐ ܘܐܸܬ̣ܐ̱ܡܲܪ ܒܹܗ ܕܐܸܬ̣ܒܿܛܸܢ ܓܲܒ̣ܪܵܐ. |
| [4][[Verse missing from this copy]] |
[4]ܝܵܘܡܵܐ ܗܵܘܿ ܢܸܗܘܹܐ ܚܸܫܘܿܟ݂. ܘܠܵܐ ܢܸܬ̣ܒ̇ܥܝܼܘܗܝ ܐܲܠܵܗܵܐ ܡ̣ܢ ܠܥܸܠ. ܘܠܵܐ ܢܸܕ݂ܢܲܚ ܥܠܵܘܗܝ ܢܘܼܗܪܵܐ. |
| [5][[Verse missing from this copy]] |
[5]ܢܟܲܣܹܝܘܗܝ ܚܸܫܘܿܟ݂ܵܐ ܘܛܲـ̈ـܠܠܲܝ ܡܵܘܬܵܐ. ܬܸܪܟܲܢ ܥܠܵܘܗܝ ܥܢܵܢܵܐ. ܢܸܒ̣ܥܬ̣ܘܼܢܹܗ ܡܲܪܝܼܪ̈ܲܝ ܝܵܘܡܵܐ. |
| [6][[Verse missing from this copy]] |
[6]ܠܸܠܝܵܐ ܗܵܘܿ ܢܟܲܣܹܝܘܗܝ ܥܲܡܛܵܢܵܐ. ܝܵܘܡܵܐ ܗܵܘ̇ ܠܵܐ ܢܸܬ̣ܚܫܸܒ̣ ܒܡܸܢܝܵܢܵܐ ܕܝܵܘ̈ܡܵܬ̣ܵܐ ܕܫܲܢ̄ܬܵܐ. ܘܲܒ̣ܡܸܢܝܵܢܵܐ ܕܝܲܪ̈ܚܹܐ ܠܵܐ ܢܸܥܘܿܠ. |
| [7][[Verse missing from this copy]] |
[7]ܠܸܠܝܵܐ ܗܵܘܿ ܢܸܗܘܹܐ ܡܓܲܙܲܝ: ܘܠܵܐ ܬܸܥܘ̇ܠ ܒܹܗ ܬܸܫܒ̇ܘ̇ܚܬܵܐ. |
| [8][[Verse missing from this copy]] |
[8]ܢܠܘܼܛܘܼܢܹܗ ܠܵܝ̇ܛܲܝ̈ ܝܵܘܡܵܐ: ܐܲܝܠܹܝܢ ܕܲܥܬ̣ܝܼܕ݂ܝܼܢ ܠܲܡܥܲܝܵܪܘܼܬܹܗ ܠܠܸܘܝܵܬ̣ܵܢ. |
| [9][[Verse missing from this copy]] |
[9]ܢܸܚ̄ܫܕܘܼܢ ܟܵܘ̈ܟ̇ܒܲܝ ܫܲܦܪܹܗ. ܢܣܲܟܿܘܿܢ ܠܢܘܼܗܪܵܐ: ܘܠܵܐ ܢܸܗܘܹܐ ܠܹܗ. ܘܠܵܐ ܢܸܚܙܹܐ ܒܙܲܠܝܼܩܲܝ̈ ܫܲܦܪܵܐ. |
| [10][[Verse missing from this copy]] |
[10]ܥܲܠ ܕܠܵܐ ܐܸܚܲܕ݂ ܬܲܪ̈ܥܲܝ ܡܲܪܒ̇ܥܵܗ̇ ܕܐܹܡܝ. ܘܣܲܬܲܪ ܥܲܡܠܵܐ ܡ̣ܢ ܥܲܝܢܲܝ̈. |
| [11][[Verse missing from this copy]] |
[11]ܠܡܵܢܵܐ ܠܵܐ ܡܝܼܬܹܿܬ̣ ܡ̣ܢ ܡܲܪܒ̇ܥܵܐ. ܘܡ̣ܢ ܒܲܛܢܵܐ ܠܡܵܢܵܐ ܢܸܦܩܹ̇ܬ̣: ܣܵܦܹ̇ܬ̣ ܕܹܝܢ. |
| [12][[Verse missing from this copy]] |
[12]ܠܡܵܢܵܐ ܪ̈ܲܒܿܝܵܢܝ ܒܘܼܪ̈ܟܹܿܐ. ܘܡ̣ܢ ܬ̈ܕܲܝܵܐ ܠܡܵܢܵܐ ܝܼܢܩܹܿܬ̣. |
| [13][[Verse missing from this copy]] |
[13]ܟܒܲܪ ܕܹܝܢ ܗܵܫܵܐ ܫܟ݂ܝܼܒ̣ ܗ̄ܘܹܿܝܬ̣. ܘܲܫܠܹܐ ܘܕܲܡܝܼܟ݂ ܗ̄ܘܹܿܝܬ̣ ܘܢܝܼܚ. |
| [14][[Verse missing from this copy]] |
[14]ܥܲܡ ܡܲܠ̈ܟܹܐ ܘܫܲܠܝܼܛܵܢܹ̈ܐ ܕܐܲܪܥܵܐ: ܕܒܲܢ̈ܝܵܢ ܠܗܘܿܢ ܚܪ̈ܒ̣ܵܬ݂ܵܐ. |
| [15][[Verse missing from this copy]] |
[15]ܐܵܘ ܥܲܡ ܫܲܠܝܼܛܵܢܹ̈ܐ: ܕܕܲܗܒ̣ܵܐ ܐܝܼܬ̣ ܠܗܘܿܢ: ܘܲܡܠܹܝܢ ܒܵܬܲܝ̈ܗܘܿܢ ܟ݂ܣܦܵܐ. |
| [16][[Verse missing from this copy]] |
[16]ܐܵܘ ܐܲܝܟ݂ ܚܲܝ̈ܛܹܐ ܛܡܝܼܪܹ̈ܐ ܐܲܝܟܵܘ ܠܵܐ ܗܘܹܿܝܬ̣: ܘܐܲܝܟ݂ ܥܘܸܠܹ̈ܐ ܕܠܵܐ ܚܙ̣ܵܘ ܢܘܼܗܪܵܐ. |
| [17][[Verse missing from this copy]] |
[17]ܕܬܲܡܵܢ ܥܵܘ̈ܠܹܐ ܫܠܝܼܘ ܡ̣ܢ ܕܲܠܡܲܪܓܵܙܘ ܘܬܲܡܵܢ ܡܸܬ̇ܬ̇ܢܝܼܚܝܼܢ ܐܲܝܠܹܝܢ ܕܲܠܐܹܝܢ ܒܚܲܝܲܝ̈ܗܘܿܢ. |
| [18][[Verse missing from this copy]] |
[18]ܘܐܲܟ݂ܚ̄ܕ݂ܵܐ ܐܲܣܝܼܪܹ̈ܐ ܫܠܹܝܢ: ܘܠܵܐ ܫܵܡ̇ܥܝܼܢ ܩܵܠܵܐ ܕܲܡܫܲܥܒ̇ܕ݂ܵܢܵܐ. |
| [19][[Verse missing from this copy]] |
[19]ܙܥܘܿܪܵܐ ܘܪܲܒܵܐ ܬܲܡܵܢ ܗ̄ܘܼ: ܘܥܲܒ̣ܕܵܐ ܕܡܸܬ̣ܚܲܪܲܪ ܡ̣ܢ ܡܵܪܹܗ. |
| [20][[Verse missing from this copy]] |
[20]ܠܡܵܢܵܐ ܡܸܬ̣ܝܼܗܸܒ̣ ܢܘܼܗܪܵܐ ܠܥܵܡ̈ܠܹܐ: ܘܚܲܝܹ̈ܐ ܠܡܲܪܝܼܪ̈ܲܝ ܢܲܦ̮ܫܵܐ. |
| [21][[Verse missing from this copy]] |
[21]ܕܲܡܣܲܟܹܿܝܢ ܠܡܵܘܬܵܐ ܘܠܲܝܬ̣̇: ܘܒ݂ܵܥܹܿܝܢ ܠܹܗ ܐܲܝܟ݂ ܕܲܠܣܝܼܡܬܵܐ. |
| [22][[Verse missing from this copy]] |
[22]ܕܚܵܕܹܿܝܢ ܘܡܸܬ̣ܟܲܢܫܝܼܢ ܘܕ݂ܵܝ̇ܨܝܼܢ: ܟܲܕ ܡܸܫܟ̇ܚܝܼܢ ܩܲܒ̣ܪܵܐ. |
| [23][[Verse missing from this copy]] |
[23]ܠܓܲܒ̣ܪܵܐ ܕܐܘܼܪܚܹܗ ܡܣܲܬ̇ܪܵܐ: ܘܡܲܓܸ̇ܢ ܐܲܠܵܗܵܐ ܥܠܵܘܗܝ. |
| [24][[Verse missing from this copy]] |
[24]ܡܸܛܠ ܕܡ̣ܢ ܩܕ݂ܵܡ ܠܲܚܡ̄ܝ ܬܸܢܚܲܬ̣ܝ ܥ̣ܠܲܬ̤. ܘܐܸܫܬܲܦܲܥ ܐܲܝܟ݂ ܡܲـ̈ـܝܵܐ ܢܸܗ̈ܡܵܬ̣ܝ. |
| [25][[Verse missing from this copy]] |
[25]ܡܸܛܠ ܕܕܸܚ̱ܠܬ̣ܵܐ ܕܕܸܚܠܹ̇ܬ̣: ܐܸܬ̣ܵܬ̤ ܥܠܲܝ. ܘܡ̣ܢ ܡܸܕܹܿܡ ܕܙܵܐܲܥ ܗ̄ܘܹܿܝܬ̣: ܡܲܛܝܲܢܝ. |
| [26][[Verse missing from this copy]] |
[26]ܘܠܵܐ ܫܠܹܝܬ̣ ܘܠܵܐ ܫ̣ܟ݂ܵܬܹ̇ܬ̣: ܘܠܵܐ ܢܵܚܹ̇ܬ̣: ܘܐܸܬ̣ܵܐ ܪܘ̣ܓ̣ܙܵܐ. |