➖ »
«
➖ ➕
Aleppo Codex (~920)
Alep
The Second Book of Clement
2Clem
←
Job
Job
31
→
[1]ברית כרתי לעיני ומה אתבונן על־בתולה [No book]
[2]ומה חלק אלוה ממעל ונחלת שדי ממרמים [No book]
[3]הלא־איד לעול ונכר לפעלי און [No book]
[4]הלא־הוא יראה דרכי וכל־צעדי יספור [No book]
[5]אם־הלכתי עם־שוא ותחש על־מרמה רגלי [No book]
[6]ישקלני במאזני־צדק וידע אלוה תמתי [No book]
[7]אם תטה אשרי מני הדרך ואחר עיני הלך לבי ובכפי דבק מאום [No book]
[8]אזרעה ואחר יאכל וצאצאי ישרשו [No book]
[9]אם־נפתה לבי על־אשה ועל־פתח רעי ארבתי [No book]
[10]תטחן לאחר אשתי ועליה יכרעון אחרין [No book]
[11]כי־הוא [Q: היא] זמה והיא [Q: והוא] עון פלילים [No book]
[12]כי אש היא עד־אבדון תאכל ובכל־תבואתי תשרש [No book]
[13]אם־אמאס־משפט עבדי ואמתי ברבם עמדי [No book]
[14]ומה אעשה כי־יקום אל וכי־יפקד מה אשיבנו [No book]
[15]הלא־בבטן עשני עשהו ויכננו ברחם אחד [No book]
[16]אם־אמנע מחפץ דלים ועיני אלמנה אכלה [No book]
[17]ואכל פתי לבדי ולא־אכל יתום ממנה [No book]
[18]כי מנעורי גדלני כאב ומבטן אמי אנחנה [No book]
[19]אם־אראה אובד מבלי לבוש ואין כסות לאביון [No book]
[20]אם־לא ברכוני חלצו ומגז כבשי יתחמם [No book]
[21]אם־הניפותי על־יתום ידי כי־אראה בשער עזרתי [No book]
[22]כתפי משכמה תפול ואזרעי מקנה תשבר [No book]
[23]כי פחד אלי איד אל ומשאתו לא אוכל [No book]
[24]אם־שמתי זהב כסלי ולכתם אמרתי מבטחי [No book]
[25]אם־אשמח כי־רב חילי וכי־כביר מצאה ידי [No book]
[26]אם־אראה אור כי יהל וירח יקר הלך [No book]
[27]ויפת בסתר לבי ותשק ידי לפי [No book]
[28]גם־הוא עון פלילי כי־כחשתי לאל ממעל [No book]
[29]אם־אשמח בפיד משנאי והתעררתי כי־מצאו רע [No book]
[30]ולא־נתתי לחטא חכי לשאל באלה נפשו [No book]
[31]אם־לא אמרו מתי אהלי מי־יתן מבשרו לא נשבע [No book]
[32]בחוץ לא־ילין גר דלתי לארח אפתח [No book]
[33]אם־כסיתי כאדם פשעי לטמון בחבי עוני [No book]
[34]כי אערוץ המון רבה ובוז־משפחות יחתני ואדם לא־אצא פתח [No book]
[35]מי יתן־לי שמע לי הן־תוי שדי יענני וספר כתב איש ריבי [No book]
[36]אם־לא על־שכמי אשאנו אענדנו עטרות לי [No book]
[37]מספר צעדי אגידנו כמו־נגיד אקרבנו [No book]
[38]אם־עלי אדמתי תזעק ויחד תלמיה יבכיון [No book]
[39]אם־כחה אכלתי בלי־כסף ונפש בעליה הפחתי [No book]
[40]תחת חטה יצא חוח־ותחת־שערה באשה תמו דברי איוב [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top