|
|
| [No book] |
[1]Pepigi fœdus cum oculis meis, ut ne cogitarem quidem de virgine. |
| [No book] |
[2]Quam enim partem haberet in me Deus desuper, et hæreditatem Omnipotens de excelsis? |
| [No book] |
[3]Numquid non perditio est iniquo, et alienatio operantibus injustitiam? |
| [No book] |
[4]Nonne ipse considerat vias meas, et cunctos gressus meos dinumerat? |
| [No book] |
[5]Si ambulavi in vanitate, et festinavit in dolo pes meus, |
| [No book] |
[6]appendat me in statera justa, et sciat Deus simplicitatem meam. |
| [No book] |
[7]Si declinavit gressus meus de via, et si secutum est oculos meos cor meum, et si manibus meis adhæsit macula, |
| [No book] |
[8]seram, et alium comedat, et progenies mea eradicetur. |
| [No book] |
[9]Si deceptum est cor meum super muliere, et si ad ostium amici mei insidiatus sum, |
| [No book] |
[10]scortum alterius sit uxor mea, et super illam incurventur alii. |
| [No book] |
[11]Hoc enim nefas est, et iniquitas maxima. |
| [No book] |
[12]Ignis est usque ad perditionem devorans, et omnia eradicans genimina. |
| [No book] |
[13]Si contempsi subire judicium cum servo meo et ancilla mea, cum disceptarent adversum me: |
| [No book] |
[14]quid enim faciam cum surrexerit ad judicandum Deus? et cum quæsierit, quid respondebo illi? |
| [No book] |
[15]Numquid non in utero fecit me, qui et illum operatus est? et formavit me in vulva unus? |
| [No book] |
[16]Si negavi quod volebant pauperibus, et oculos viduæ expectare feci: |
| [No book] |
[17]si comedi buccellam meam solus, et non comedit pupillus ex ea |
| [No book] |
[18](quia ab infantia mea crevit mecum miseratio, et de utero matris meæ egressa est mecum): |
| [No book] |
[19]si despexi pereuntem, eo quod non habuerit indumentum, et absque operimento pauperem: |
| [No book] |
[20]si non benedixerunt mihi latera ejus, et de velleribus ovium mearum calefactus est: |
| [No book] |
[21]si levavi super pupillum manum meam, etiam cum viderem me in porta superiorem, |
| [No book] |
[22]humerus meus a junctura sua cadat, et brachium meum cum suis ossibus confringatur. |
| [No book] |
[23]Semper enim quasi tumentes super me fluctus timui Deum, et pondus ejus ferre non potui. |
| [No book] |
[24]Si putavi aurum robur meum, et obrizo dixi: Fiducia mea: |
| [No book] |
[25]si lætatus sum super multis divitiis meis, et quia plurima reperit manus mea: |
| [No book] |
[26]si vidi solem cum fulgeret, et lunam incedentem clare, |
| [No book] |
[27]et lætatum est in abscondito cor meum, et osculatus sum manum meam ore meo: |
| [No book] |
[28]quæ est iniquitas maxima, et negatio contra Deum altissimum. |
| [No book] |
[29]Si gavisus sum ad ruinam ejus qui me oderat, et exsultavi quod invenisset eum malum: |
| [No book] |
[30]non enim dedi ad peccandum guttur meum, ut expeterem maledicens animam ejus. |
| [No book] |
[31]Si non dixerunt viri tabernaculi mei: Quis det de carnibus ejus, ut saturemur? |
| [No book] |
[32]Foris non mansit peregrinus: ostium meum viatori patuit. |
| [No book] |
[33]Si abscondi quasi homo peccatum meum, et celavi in sinu meo iniquitatem meam: |
| [No book] |
[34]si expavi ad multitudinem nimiam, et despectio propinquorum terruit me: et non magis tacui, nec egressus sum ostium. |
| [No book] |
[35]Quis mihi tribuat auditorem, ut desiderium meum audiat Omnipotens, et librum scribat ipse qui judicat, |
| [No book] |
[36]ut in humero meo portem illum, et circumdem illum quasi coronam mihi? |
| [No book] |
[37]Per singulos gradus meos pronuntiabo illum, et quasi principi offeram eum. |
| [No book] |
[38]Si adversum me terra mea clamat, et cum ipsa sulci ejus deflent: |
| [No book] |
[39]si fructus ejus comedi absque pecunia, et animam agricolarum ejus afflixi: |
| [No book] |
[40]pro frumento oriatur mihi tribulus, et pro hordeo spina. Finita sunt verba Job. |