|
|
| [1]ܒܪܲܡ ܕܹܝܢ ܫܡܲܥ ܐܝܼܘܿܒ̣ ܡܸܠܲܝ̈. ܘܟ݂ܠܗܘܿܢ ܦܸܬ̣ܓ̣ܵܡܲܝ̈ ܨܘܼܬ̣. |
[No book] |
| [2]ܗܵܐ ܦܸܬ̣ܚܹ̇ܬ̣ ܦܘܼܡܝ. ܘܲܒ̣ܦܘܼܡܝ ܡܡܲܠܸܠ ܠܸܫܵܢܝ. |
[No book] |
| [3]ܬܪܝܼܨ ܗ̄ܘܼ ܡܲܡܠܠܹܗ ܕܦܘܼܡܝ. ܘܲܓ̣ܒܸܐ ܗ̄ܘܼ ܡܹܐܡܪܵܐ ܕܣܸܦ̈ܘܵܬ̣ܝ. |
[No book] |
| [4]ܪܘܼܚܹܗ ܕܐܲܠܵܗܵܐ ܐܲܥܝܼܪܬܲܢܝ. ܘܲܢܫܲܡܬܹܗ ܕܐܲܠܵܗܵܐ ܐܲܚܝܵܬܲܢܝ. |
[No book] |
| [5]ܐܸܢ ܡܸܫܟܲܚ ܐܲܢ̄ܬ̇: ܐܲܬܝܲܒܲܝܢܝ ܦܸܬ̣ܓ̣ܵܡܵܐ. ܐܸܬ̇ܛܲܝܲܒ̣ ܘܩܘܼܡ ܩܕ݂ܵܡܲܝ. |
[No book] |
| [6]ܘܐܵܦ ܐܸܢܵܐ ܐܲܟ݂ܘܵܬ̣ܵܟ݂ ܐ̄ܢܵܐ ܠܘܵܬ̣ ܐܲܠܵܗܵܐ. ܘܐܵܦ ܐܸܢܵܐ ܡ̣ܢ ܛܝܼܢܵܐ ܐܸܬ̣ܓܲܒ̣ܠܹ̇ܬ̣. |
[No book] |
| [7]ܘܗܵܫܵܐ ܕܸܚܠܲܬ̣ܝ ܠܵܐ ܬܙܝܼܥܵܟ݂. ܘܐܘܼܟ݂ܦܵܢܝ ܥܠܲܝܟ ܠܵܐ ܢܹܐܩܲܪ. |
[No book] |
| [8]ܒܪܲܡ ܐܸܡ̣ܲܪܬ̇ ܒܐܸܕ݂ܢܲܝ̈. ܘܩܵܠ ܡܸܠܲܝ̈ܟ ܫܸܡܥܹ̇ܬ̣. |
[No book] |
| [9]ܕܐܸܡܲܪܬ̇: ܕܙܲܟܵܝ ܐ̄ܢܵܐ ܕܠܵܐ ܚܵܘ̈ܒ̇ܝܼܢ. ܘܙܲܕ̇ܝܼܩ ܐ̄ܢܵܐ: ܘܠܲܝܬ̇ ܒܝܼ ܚܛܵܗܹ̈ܐ. ܘܲܡܦܲܨܲܝ ܐ̄ܢܵܐ ܡ̣ܢ ܥܵܘܼܠܵܐ. |
[No book] |
| [10]ܕܗܵܐ ܥܸܠ̈ܠܵܬ̣ܵܐ ܥܠܲܝ ܡܸܫܟܲܚ. ܘܚܲܫܸܒܲܢܝ ܠܹܗ ܐܲܝܟ݂ ܒܥܸܠܕ̇ܒ̣ܵܒ̣ܵܐ. |
[No book] |
| [11]ܘܣܵܡ̣ ܒܣܲܕܵܐ ܪܸ̈ܓ̣ܠܲܝ ܘܲܢܛܲܪ ܟܠܗܹܝܢ ܐܘܼܪ̈ܚܵܬ̣ܝ. |
[No book] |
| [12]ܒܗܵܕܹܐ ܠܵܐ ܡܸܫܟܲܚ ܐܲܢ̄ܬ̇ ܠܡܸܙܟܵܐ. ܐܸܬܸ̇ܠ ܠܵܟ݂ ܦܸܬ̣ܓ̣ܵܡܵܐ: ܕܪܲܒ̇ ܗ̄ܘܼ ܐܲܠܵܗܵܐ ܡ̣ܢ ܐ̄ܢܵܫܵܐ. |
[No book] |
| [13]ܡܸܛܠ ܡܵܢܵܐ ܕܵܢ̣ܬ̇ ܥܲܡܹܗ: ܘܲܒ̣ܟ݂ܠܗܘܿܢ ܦܸܬ̣ܓ̣ܵܡܵܘ̈ܗܝ ܠܵܐ ܥ̣ܢܵܐ. |
[No book] |
| [14]ܡܸܛܠ ܕܒܲܚܕ݂ܵܐ ܗ̄ܘܼ ܡܡܲܠܸܠ ܐܲܠܵܗܵܐ: ܘܲܒ̣ܬܲܪܬܹ̇ܝܢ ܠܵܐ ܡܵܘܣܸܦ. |
[No book] |
| [15]ܘܲܒ̣ܣܸܦ̈ܘܵܬ̣ܵܐ ܠܵܐ ܡܸܣܬܲܟܲܠ: ܒܚܸܠܡܵܐ ܘܲܒ̣ܚܸܙܘܵܐ ܕܠܸܠܝܵܐ: ܟܲܕ݂ ܢܵܦ̇ܠܵܐ ܫܸܢܬ̣ܵܐ ܥܲܠ ܐ̄ܢܵܫܵܐ ܒܢܵܘܡܬ̣ܵܐ ܥܲܠ ܡܲܫܟ̇ܒ̣ܵܐ. |
[No book] |
| [16]ܗܵܝܕܹ̇ܝܢ ܓܵܠܹ̇ܐ ܐܸܕ݂ܢܹܗ ܕܐ̄ܢܵܫܵܐ: ܘܲܒ̣ܡܵܪܘܿܕ݂ܘܼܬ̣ܗܘܿܢ ܢܡܲܟܸ̇ܟ݂ ܐܸܢܘܿܢ. |
[No book] |
| [17]ܠܡܲܥܒܵܪܘܼ ܐ̄ܢܵܫܵܐ ܡ̣ܢ ܥܒ̣ܵܕ݂ܵܘ̈ܗܝ. ܘܓ̣ܘܼܫܡܹܗ ܕܓܲܒ̣ܪܵܐ ܡܟܲܣܹܐ. |
[No book] |
| [18]ܢܸܚܣܘܿܟ݂ ܢܲܦ̮ܫܹܗ ܡ̣ܢ ܚܒ̣ܵܠܵܐ: ܘܚܲܝܵܘ̈ܗܝ ܡ̣ܢ ܐܲܒ̣ܕܵܢܵܐ. |
[No book] |
| [19]ܘܲܢܟܲܣܸܐ ܒܟܹܐܒ̣ܵܐ ܥܲܠ ܡܲܫܟ̇ܒܹܗ. ܘܣܘܿܓ̣ܐܐ ܕܓܲܪ̈ܡܵܘܗܝ ܢܲܥܫܸܢ. |
[No book] |
| [20]ܢܸܓ̣ܡܲܪ ܒܸܣܪܹܗ ܡ̣ܢ ܕܸܚ̱ܠܬܹܗ. ܘܢܲܦ̮ܫܹܗ ܠܵܐ ܢܣܲܒܲܥ ܠܲܚܡܵܐ: ܘܢܲܦ̮ܫܹܗ ܡܹܐܟ݂ܘܼܠܬܵܐ ܬ̣ܪܲܓ̣. |
[No book] |
| [21]ܢܹܐܟ݂ܘܿܠ ܒܸܣܪܹܗ ܡ̣ܢ ܕܸܚ̱ܠܬܹܗ. ܘܣܘܿܓ̣ܵܐܐ ܕܓܲܪ̈ܡܵܘܗܝ ܠܵܐ ܢܸܚܙܹܐ. |
[No book] |
| [22]ܘܬܸܩܪܘܿܒ̣ ܠܲܚܒ̣ܵܠܵܐ ܢܲܦ̮ܫܹܗ: ܘܚܲܝܵܘ̈ܗܝ ܠܡܵܘܬܵܐ. |
[No book] |
| [23]ܐܸܢ ܐܝܼܬ̣ ܠܹܗ ܡܲܠܲܐܟ݂ܵܐ ܕܫܵܡ̇ܲܥ ܠܹܗ ܚܕ݂ܵܐ ܡ̣ܢ ܐܵܠܹܦ: ܢܚܵܘܹܐ ܠܐ̄ܢܵܫܵܐ ܬܪܝܼܨܘܼܬܹܗ. |
[No book] |
| [24]ܘܲܢܪܲܚܸܡ ܥܠܵܘܗܝ: ܘܢܹܐܡܲܪ ܦܪܘܿܩܲܝܗܝ ܕܠܵܐ ܢܸܚܘܿܬ̣ ܠܲܚܒ̣ܵܠܵܐ. ܘܠܹܗ ܢܸܫܟܲܚ ܦܘܼܪܩܵܢܵܐ. |
[No book] |
| [25]ܢܸܬ̣ܚܲܠܲܦ ܒܸܣܪܹܗ ܐܲܝܟ݂ ܕܲܒ̣ܛܲܠܝܘܼܬܹܗ. ܘܢܸܗܦܘܿܟ݂ ܠܝܵܘ̈ܡܲܝ ܥܠܲܝܡܘܼܬܹܗ. |
[No book] |
| [26]ܘܲܢܨܲܠܹܐ ܩܕ݂ܵܡ ܐܲܠܵܗܵܐ: ܘܢܸܫ̱ܡܥܝܼܘܗܝ: ܘܢܸܨܛܒܸܐ ܒܹܗ: ܘܢܸܬ̣ܚܙܹܐ ܩܕ݂ܵܡܵܘܗܝ ܒܫܘܼܒ̣ܚܵܐ: ܘܢܸܦܪܘܿܥ ܠܒܲܪܢܵܫܵܐ ܙܲܕ̇ܝܼܩܘܼܬܹܗ. |
[No book] |
| [27]ܘܲܬ̣ܪܝܼܨܘܼܬ̣ܵܐ ܥܲܠ ܐ̄ܢܵܫܵܐ ܢܹܐܡܲܪ. ܘܢܹܐܡܲܪ ܚܛܹ̇ܝܬ̣: ܘܫܲܪܝܼܪܵܐܝܼܬ̣ ܐܲܣܟ̇ܠܹ̇ܬ̣: ܘܠܵܐ ܐܲܗܢ̇ܝܼܬ̣ ܢܲܦ̮ܫܝ. |
[No book] |
| [28]ܦܪܘܿܩ ܢܲܦ̮ܫܝ ܡ̣ܢ ܐܲܒ̣ܕܵܢܵܐ ܕܲܚܒ̣ܵܠܵܐ. ܘܢܲܦ̮ܫܝ ܬܸܚܙܹܐ ܢܘܼܗܪܵܐ. |
[No book] |
| [29]ܗܵܠܹܝܢ ܟܠܗܹܝܢ ܥܵܒܹ̇ܕ݂ ܐܲܠܵܗܵܐ ܬܠܵܬ̣ ܙܲܒ̣ܢ̈ܝܼܢ ܥܲܡ ܓܲܒ̣ܪܵܐ. |
[No book] |
| [30]ܡܲܗܦܸܟ݂ ܢܲܦ̮ܫܹܗ ܡ̣ܢ ܚܒ̣ܵܠܵܐ ܠܡܸܚܙܵܐ ܢܘܼܗܪܵܐ ܕܚܲܝܹ̈ܐ. |
[No book] |
| [31]ܨܘܼܬ̣ ܐܝܼܘܿܒ̣ ܘܲܫܡܲܥ. ܘܲܫܬ̣ܘܿܩ: ܘܐܸܢܵܐ ܐܹܡܲܠܸܠ. |
[No book] |
| [32]ܐܸܢ ܐܝܼܬ̣ ܠܵܟ݂ ܡܸܠܹ̈ܐ: ܐܲܬ̣ܝܼܒܲܝܢܝ. ܡܸܛܠ ܕܨܵܒܹ̇ܐ ܐ̄ܢܵܐ ܗ̄ܘܼ ܕܬܸܙܟܹ̇ܐ. |
[No book] |
| [33]ܘܐܸܢ ܠܵܐ ܫܵܡܲܥ ܐܲܢ̄ܬ̇ ܠܝܼ: ܫܬ̣ܘܿܩ: ܘܐܲܠܦܵܟ݂ ܚܸܟ݂ܡ̱ܬ̣ܵܐ. |
[No book] |