➖ »
«
➖ ➕
Peshitta OT
PesOT
The Acts of Thomas
ActThom
←
Job
Job
35
→
[1]ܘܲܥ̣ܢܵܐ ܐܹܠܝܼܗܘܿ ܘܐܸܡܲܪ. [No book]
[2]ܒܗܵܕܹܐ ܐܸܬ̣ܚܲܫܲܒ̣ܬ̇ ܒܕ݂ܝܼܢܵܐ: ܕܐܸܡܲܪܬ̇ ܐܸܙܕܲܕ̇ܩܹ̇ܬ̣ ܡ̣ܢ ܐܲܠܵܗܵܐ. [No book]
[3]ܐܸܢ ܐܸܡ̣ܪܬ̇ ܡܵܢܵܐ ܡܵܘܬܲܪ ܐܲܢ̄ܬ̇ ܥܲܠ ܢܲܦ̮ܫܵܟ݂: ܘܡܵܢܵܐ ܝܘܼܬ̣ܪܵܢܵܐ ܕܐܹܚܲܒ̣ܵܟ݂. [No book]
[4]ܐܸܢܵܐ ܐܲܬ̣ܝܼܒ̣ܵܟ݂ ܡܸܠܹ̈ܐ: ܘܐܵܦ ܠܪܵܚܡܲܝܟ ܥܲܡܵܟ݂. [No book]
[5]ܚܘܼܪ ܒܲܫܡܲܝܵܐ: ܘܐܸܬ̣ܒܲܩܵܐ ܒܲܥܢܵܢܹ̈ܐ ܕܪ̈ܵܡܵܢ ܡܸܢܵܟ݂. [No book]
[6]ܐܸܢ ܚܵܛܹ̇ܐ ܐܲܢ̄ܬ̇: ܡܵܢܵܐ ܥܵܒܹ̇ܕ݂ ܐܲܢ̄ܬ̇ ܠܹܗ. ܘܐܸܢ ܣܵܓܹ̇ܐ ܥܵܘܼܠܵܟ݂: ܡܵܢܵܐ ܬܸܥܒܸ̇ܕ݂ ܠܹܗ. [No book]
[7]ܘܐܸܢ ܗܵܘܹ̇ܐ ܐܲܢ̄ܬ̇ ܙܲܕ̇ܝܼܩ: ܡܵܢܵܐ ܡܵܘܬܲܪ ܐܲܢ̄ܬ̇ ܠܹܗ: ܐܵܘ ܡܵܢܵܐ ܢܵܣܹ̇ܒ̣ ܡܸܢܵܟ݂. [No book]
[8]ܠܢܲܦ̮ܫܵܟ݂ ܗ̄ܘܼ ܪܘܼܫܥܵܟ݂: ܘܲܠܢܲܦ̮ܫܵܟ݂ ܗ̄ܝܼ ܙܲܕ̇ܝܼܩܘܼܬ̣ܵܟ݂. [No book]
[9]ܡ̣ܢ ܣܘܿܓ̣ܵܐܐ ܕܲܛܠܘܼܡܝܵܐ ܡܲܝܠܠܝܼܢ: ܘܓܵܥܹ̇ܝܢ ܡ̣ܢ ܥܵܘܼܠܵܐ ܣܲܓܝܼ̈ܐܹܐ. [No book]
[10]ܘܠܵܐ ܐܸܡܲܪܘ ܐܲܝܟܵܘ ܐܲܠܵܗܵܐ ܕܥܲܒ̣ܕܲܝܢ: ܕܝܲܗ̄ܒ̣ ܡܲܚܫܲܒ̣ܬ̣ܵܐ ܒܠܸܠܝܵܐ. [No book]
[11]ܡ̣ܢ ܩܕ݂ܵܡ ܚܲܝ̄ܘܬ̣ܵܐ ܕܐܲܪܥܵܐ: ܘܡ̣ܢ ܦܵܪܲܚܬ̣ܵܐ ܕܲܫܡܲܝܵܐ ܚܲܟ̇ܡܲܢ. [No book]
[12]ܬܲܡܵܢ ܓܵܥܹ̇ܝܢ: ܘܠܵܐ ܥܵܢܹ̈ܐ ܠܗܘܿܢ. [No book]
[13]ܡܸܛܠ ܓܲܐܝܘܼܬ̣ܵܐ ܕܒ̣ܝܼܫܹ̈ܐ ܣܪܝܼܩܵܐܝܼܬ̣ ܠܵܐ ܫܵܡܲܥ ܐܲܠܵܗܵܐ. ܐܵܦܠܵܐ ܐܲܠܵܗܵܐ ܡܫܲܒܲܚ ܠܵܗ̇. [No book]
[14]ܘܐܵܦܸܢ ܐܸܡ̣ܲܪܬ̇ ܠܵܐ ܬܫܲܒ̇ܚܝܼܘܗܝ: ܕܘܼܢ ܩܕ݂ܵܡܵܘܗܝ ܘܐܸܬ̣ܟܲܫܲܦ ܠܹܗ. [No book]
[15]ܕܗܵܫܵܐ ܠܵܐ ܦܵܩܹ̇ܕ݂ ܪܘܼܓ̣ܙܹܗ: ܘܠܵܐ ܡܲܒ̣ܐܸܫ ܠܢܲܦ̮ܫܵܐ. [No book]
[16]ܘܐܝܼܘܿܒ̣ ܣܪܝܼܩܵܐܝܼܬ̣ ܦ̣ܬܲܚ ܦܘܼܡܹܗ: ܘܲܕ݂ܠܵܐ ܒܝܼܕܲܥܬ̣ܵܐ ܡܲܣܓܹ̇ܐ ܡܸܠܹ̈ܐ. [No book]
 
Top