|
|
| [1]Igitur Eliu hæc rursum locutus est: |
[No book] |
| [2]Numquid æqua tibi videtur tua cogitatio, ut diceres: Justior sum Deo? |
[No book] |
| [3]Dixisti enim: Non tibi placet quod rectum est: vel quid tibi proderit, si ego peccavero? |
[No book] |
| [4]Itaque ego respondebo sermonibus tuis, et amicis tuis tecum. |
[No book] |
| [5]Suspice cælum, et intuere: et contemplare æthera quod altior te sit. |
[No book] |
| [6]Si peccaveris, quid ei nocebis? et si multiplicatæ fuerint iniquitates tuæ, quid facies contra eum? |
[No book] |
| [7]Porro si juste egeris, quid donabis ei? aut quid de manu tua accipiet? |
[No book] |
| [8]Homini qui similis tui est, nocebit impietas tua: et filium hominis adjuvabit justitia tua. |
[No book] |
| [9]Propter multitudinem calumniatorum clamabunt, et ejulabunt propter vim brachii tyrannorum. |
[No book] |
| [10]Et non dixit: Ubi est Deus qui fecit me, qui dedit carmina in nocte, |
[No book] |
| [11]qui docet nos super jumenta terræ, et super volucres cæli erudit nos? |
[No book] |
| [12]Ibi clamabunt, et non exaudiet propter superbiam malorum. |
[No book] |
| [13]Non ergo frustra audiet Deus, et Omnipotens causas singulorum intuebitur. |
[No book] |
| [14]Etiam cum dixeris: Non considerat: judicare coram illo, et expecta eum. |
[No book] |
| [15]Nunc enim non infert furorem suum, nec ulciscitur scelus valde. |
[No book] |
| [16]Ergo Job frustra aperit os suum, et absque scientia verba multiplicat. |
[No book] |