➖ »
«
➖ ➕
Peshitta OT
PesOT
Book of Jasher (1840)
Jas(1840)
←
Job
Job
37
→
[1]ܘܐܵܦ ܥܲܠ ܗܵܕܹܐ ܢܸܬ̇ܬ̇ܙܝܼܥ ܠܸܒܹ̇ܗ: ܘܲܢܙܘܼܥ ܡ̣ܢ ܕܘܼܟ̇ܬܹܗ. [No book]
[2]ܫܡܲܥܘ ܡܸܫܡܲܥ ܩܵܠܹܗ ܒܪܘܼܓ̣ܙܵܐ: ܕܝܼܢܵܐ ܕܢܵܦܹ̇ܩ ܡ̣ܢ ܦܘܼܡܹܗ. [No book]
[3]ܬܚܹܝܬ̣ ܟܠܗܘܿܢ ܫܡܲܝܵܐ ܢܫܲܒ̇ܚܘܼܢܹܗ. ܘܢܘܼܗܪܹܗ ܥܲܠ ܟܸܢ̈ܦܹܝܗ̇ ܕܐܲܪܥܵܐ. [No book]
[4]ܒܵܬ̣ܪܹܗ ܢܸܪܥܲܡ ܒܩܵܠܵܐ ܕܓܲܐܝܘܼܬܹܗ. ܘܠܵܐ ܢܥܲܩܸܒ̣ ܐܸܢܘܿܢ. [No book]
[5]ܡܸܛܠ ܕܢܸܫ̱ܡܥܘܼܢ ܩܵܠܹܗ. ܘܢܸܪܥܲܡ ܐܲܠܵܗܵܐ ܒܩܵܠܹܗ. ܬܸܕ݂ܡܪ̈ܵܬ̣ܵܐ ܥܵܒܹ̇ܕ݂ ܘܪܵܘ̱ܪ̈ܒ̣ܵܬ̣ܵܐ: ܘܠܵܐ ܡܸܬ̣̱ܝܼܕܲܥ. [No book]
[6]ܡܸܛܠ ܕܲܠܬܲܠܓܵܐ ܐܸܡܲܪ ܗܸܘܲܝ̈ ܐܲܪܥܵܐ. ܘܡܸܛܪܵܐ ܘܲܪܒ̣ܝܼܥܵܐ ܪܲܒܵܐ ܒܝܲܕ݂ ܟܠ ܐ̄ܢܵܫ ܚ̣ܬܲܡ. [No book]
[7]ܕܢܵܘܕܲܥ ܠܟ݂ܠ ܐ̄ܢܵܫ ܥܒ̣ܵܕ݂ܵܘ̈ܗܝ. [No book]
[8]ܘܬܸܥܘܿܠ ܚܲܝ̄ܘܬ̣ܵܐ ܒܲܟ݂ܡܹܐܢܵܐ. ܘܬܸܫܪܸܐ ܒܡܲܪܒ̇ܘܼܥܝܼܬ̣ܵܗ̇. [No book]
[9]ܡ̣ܢ ܬܵܘܵܢܹ̈ܐ ܬܹܐܬܹܐ ܟܘܿܟ݂ܝܼܬ̣ܵܐ. ܘܡ̣ܢ ܙܵܪܝܼܦ̮ܬܵܐ ܩܘܼܪܫܵܐ. [No book]
[10]ܘܡ̣ܢ ܢܫܲܡܬܹܗ ܕܐܲܠܵܗܵܐ ܢܸܬ̣̱ܝܼܗܸܒ̣ ܓܠܝܼܕ݂ܵܐ. ܘܣܘܿܓ̣ܵܐܐ ܕܡܲـ̈ـܝܵܐ ܡܲܚܸܬ̣. [No book]
[11]ܘܪܲܟ̇ܝܼܟ݂ܵܐܝܼܬ̣ ܡܸܬ̣ܡܲܬ̣̈ܚܵܢ ܥܢܵܢܹ̈ܐ: ܘܦܵܪܹܣ ܥܢܵܢܹ̈ܐ ܕܢܘܼܗܪܹܗ. [No book]
[12]ܘܗ̤ܘ ܡܸܬ̣ܟ̇ܪܸܟ݂: ܘܡܸܬ̣ܗܲܦܲܟ݂ ܠܡܸܥܒܲܕ݂ ܡܲܚ̈ܫܒ̣ܵܢ. ܟܠ ܕܦܵܩܹ̇ܕ݂ ܠܗܘܿܢ ܥܲܠ ܐܲܦܲܝ̈ ܬܸܒܹܝܠ ܐܲܪܥܹܗ. [No book]
[13]ܐܸܢ ܠܫܲܠܝܼܛܵܢܹ̈ܐ ܘܐܸܢ ܠܐܲܪܥܵܐ: ܘܐܸܢ ܠܲܚܣܝܼܕ݂ܵܐ ܕܡܸܫܬ̇ܟܲܚ ܒܵܗ̇. [No book]
[14]ܨܘܼܬ̣ ܗܵܕܹܐ ܐܝܼܘܿܒ̣ ܘܲܫܡܲܥ. ܘܐܸܬ̣ܒܲܝܲܢ ܬܸܕ݂ܡܪ̈ܵܬܹܗ ܕܐܲܠܵܗܵܐ. [No book]
[15]ܗܵܐ ܝܵܕܲܥ ܐܲܢ̄ܬ̇ ܡܸܕܹ̇ܡ ܕܣܵܡ̣ ܐܲܠܵܗܵܐ ܥܠܲܝܗܘܿܢ: ܘܲܓ̣ܠܵܐ ܢܘܼܗܪܵܐ ܕܲܥܢܵܢܵܘ̈ܗܝ. [No book]
[16]ܝܵܕܲܥ ܐܲܢ̄ܬ̇ ܡܲܦܩܵܐ ܕܲܥܢܵܢܹ̈ܐ: ܘܬܸܕ݂ܡܪ̈ܵܬ̣ܵܐ ܕܲܕ݂ܠܵܐ ܡܘܼܡ ܒܝܼܕܲܥܬ̣ܵܐ. [No book]
[17]ܠܒ̣ܘܼܫܲܝ̈ܟ ܢܸܚܡܘܿܢ. ܘܲܬ̣ܫܸ̇ܢܹܐ ܐܲܪܥܵܐ ܡ̣ܢ ܬܲܝܡܢܵܐ. [No book]
[18]ܘܬܸܪܩܘܿܠ ܥܲܡܹܗ ܠܲܪܩܝܼܥܵܐ ܬܲܩܝܼܦܵܐ: ܠܲܡܣܲܡܵܟ݂ܘܼ ܐܲܟ݂ܚ̄ܕ݂ܵܐ. [No book]
[19]ܐܵܘܕܲܥܲܝܢܝ ܡܵܢܵܐ ܐܹܡܲܪ ܠܹܗ: ܘܠܵܐ ܢܸܣܬܲܬܲܪ ܡ̣ܢ ܩܕ݂ܵܡ ܚܸܫܘܿܟ݂ܵܐ. [No book]
[20]ܘܐܸܫܬܲܥܵܐ ܠܹܗ ܡܸܕܹ̇ܡ ܕܐܸܡܲܪ. ܘܐܸܢ ܢܹܐܡܲܪ ܓܲܒ̣ܪܵܐ: ܢܸܬ̣ܒ̇ܠܲܥ. [No book]
[21]ܘܗܵܫܵܐ ܠܵܐ ܚܙ̣ܵܘ ܢܘܼܗܪܵܐ. ܢܲܗܝܼܪ ܗ̄ܘܼ ܒܲܪܩܝܼܥܵܐ ܕܲܫܡܲܝܵܐ. ܘܪܘܼܚܵܐ ܬܸܥܒܲܪ ܘܲܬ̇ܕܲܟܹ̇ܐ ܐܸܢܘܿܢ. [No book]
[22]ܡ̣ܢ ܓܲܪܒ̇ܝܵܐ ܕܲܗܒ̣ܵܐ ܢܹܐܬܹܐ: ܘܡ̣ܢ ܐܲܠܵܗܵܐ ܢܘܼܗܪܵܐ. [No book]
[23]ܚܲܣܝܼܢܵܐ: ܣܲܓ̇ܝܼ ܚܲܝܠܵܐ ܘܕ݂ܝܼܢܵܐ. ܘܪܲܒ̇ ܙܲܟܵܝ̈ܝܼܢ ܠܵܐ ܢܸܥܢܹܐ. [No book]
[24]ܡܸܛܠ ܗܵܢܵܐ ܢܸܕ݂ܚ̄ܠܘܼܢ ܐ̄ܢܵܫ̈ܝܼܢ. ܘܲܢܙܘܼܥܘܼܢ ܡܸܢܹܗ ܟܠ ܚܲܟ̇ܝܼ̈ܡܲܝ ܠܸܒܵܐ. [No book]
See information...
Top