|
|
| [1]Myn herte dredde of this thing, and is moued out of his place. |
[No book] |
| [2]It schal here an heryng in the feerdfulnesse of his vois, and a sown comynge forth of his mouth. |
[No book] |
| [3]He biholdith ouere alle heuenes; and his liyt is ouere the termes of erthe. |
[No book] |
| [4]Sown schal rore aftir hym, he schal thundre with the vois of his greetnesse; and it schal not be souyt out, whanne his vois is herd. |
[No book] |
| [5]God schal thundre in his vois wondurfulli, that makith grete thingis and that moun not be souyt out. |
[No book] |
| [6]Which comaundith to the snow to come doun on erthe, and to the reynes of wijntir, and to the reynes of his strengthe. |
[No book] |
| [7]Which markith in the hond of alle men, that alle men knowe her werkis. |
[No book] |
| [8]An vnresonable beeste schal go in to his denne, and schal dwelle in his caue, `ethir derke place. |
[No book] |
| [9]Tempestis schulen go out fro the ynnere thingis, and coold fro Arturus. |
[No book] |
| [10]Whanne God makith blowyng, frost wexith togidere; and eft ful brood watris ben sched out. |
[No book] |
| [11]Whete desirith cloudis, and cloudis spreeden abrood her liyt. |
[No book] |
| [12]Whiche cloudes cumpassen alle thingis bi cumpas, whidur euere the wil of the gouernour ledith tho, to al thing which he comaundith `to tho on the face of the world; |
[No book] |
| [13]whether in o lynage, ethir in his lond, ether in what euer place of his merci he comaundith tho to be foundun. |
[No book] |
| [14]Joob, herkene thou these thingis; stonde thou, and biholde the meruels of God. |
[No book] |
| [15]Whethir thou woost, whanne God comaundide to the reynes, that tho schulen schewe the liyt of hise cloudis? |
[No book] |
| [16]Whether thou knowist the grete weies of cloudis, and perfit kunnyngis? |
[No book] |
| [17]Whether thi cloothis ben not hoote, whanne the erthe is blowun with the south? |
[No book] |
| [18]In hap thou madist with hym heuenes, which moost sad ben foundid, as of bras. |
[No book] |
| [19]Schewe thou to vs, what we schulen seie to hym; for we ben wlappid in derknessis. |
[No book] |
| [20]Who schal telle to hym, what thingis Y speke? yhe, if he spekith, a man schal be deuourid. |
[No book] |
| [21]And now men seen not liyt; the eir schal be maad thicke sudenli in to cloudis, and wynd passynge schal dryue awei tho. |
[No book] |
| [22]Gold schal come fro the north, and ferdful preisyng of God. |
[No book] |
| [23]For we moun not fynde him worthili; he is greet in strengthe, and in doom, and in riytfulnesse, and may not be teld out. |
[No book] |
| [24]Therfor men schulen drede hym; and alle men, that semen to hem silf to be wise, schulen not be hardi to biholde. |
[No book] |