➖ »
«
➖ ➕
Peshitta OT
PesOT
Peshitta OT
PesOT
←
Job
Job
38
→
[1]ܘܲܥ̣ܢܵܐ ܡܵܪܝܵܐ ܘܐܸܡ̣ܲܪ ܠܐܝܼܘܿܒ̣ ܡ̣ܢ ܥܲܠܥܵܠܵܐ. [1]ܘܲܥ̣ܢܵܐ ܡܵܪܝܵܐ ܘܐܸܡ̣ܲܪ ܠܐܝܼܘܿܒ̣ ܡ̣ܢ ܥܲܠܥܵܠܵܐ.
[2]ܡܲܢ̣ܘܼ ܗܵܢܵܐ ܕܡܸܬ̣ܪܲܥܸܐ ܬܲܪܥܝܼܬ̣ܵܐ ܒܡܸܠܹ̈ܐ ܕܠܵܐ ܝܼܕܲܥܬ̣ܵܐ. [2]ܡܲܢ̣ܘܼ ܗܵܢܵܐ ܕܡܸܬ̣ܪܲܥܸܐ ܬܲܪܥܝܼܬ̣ܵܐ ܒܡܸܠܹ̈ܐ ܕܠܵܐ ܝܼܕܲܥܬ̣ܵܐ.
[3]ܐܲܣܘܿܪܢܹܐ ܐܲܝܟ݂ ܓܲܢ̄ܒܵܪܵܐ ܚܲܨܲܝ̈ܟ. ܐܹܫܲܐܠܵܟ݂ ܐܵܘܕܲܥܲܝܢܝ. [3]ܐܲܣܘܿܪܢܹܐ ܐܲܝܟ݂ ܓܲܢ̄ܒܵܪܵܐ ܚܲܨܲܝ̈ܟ. ܐܹܫܲܐܠܵܟ݂ ܐܵܘܕܲܥܲܝܢܝ.
[4]ܐܲܝܟܵܐ ܗ̤ܘܲܝܬ̇ ܟܲܕ݂ ܡܲܬ̣ܩܸܢ ܗ̄ܘܹ̇ܝܬ̣ ܫܲܬ̣ܐ̱ܣܹ̈ܝܗ̇ ܕܐܲܪܥܵܐ. ܐܸܢ ܝܵܕܲܥ ܐܲܢ̄ܬ̇ ܒܘܼܝܵܢܵܐ. [4]ܐܲܝܟܵܐ ܗ̤ܘܲܝܬ̇ ܟܲܕ݂ ܡܲܬ̣ܩܸܢ ܗ̄ܘܹ̇ܝܬ̣ ܫܲܬ̣ܐ̱ܣܹ̈ܝܗ̇ ܕܐܲܪܥܵܐ. ܐܸܢ ܝܵܕܲܥ ܐܲܢ̄ܬ̇ ܒܘܼܝܵܢܵܐ.
[5]ܡܲܢܘܼ ܐܲܪܡܝܼ ܡܫܘܼܚܬ̣ܵܗ̇ ܐܸܢ ܝܵܕܲܥ ܐܲܢ̄ܬ̇. ܘܡܲܢܘܼ ܡܸܬܲܚ ܥܠܹܝܗ̇ ܚܘܼܛܵܐ. [5]ܡܲܢܘܼ ܐܲܪܡܝܼ ܡܫܘܼܚܬ̣ܵܗ̇ ܐܸܢ ܝܵܕܲܥ ܐܲܢ̄ܬ̇. ܘܡܲܢܘܼ ܡܸܬܲܚ ܥܠܹܝܗ̇ ܚܘܼܛܵܐ.
[6]ܥܲܠ ܡܵܢܵܐ ܩܵܡ̣ܘ ܥܸܒ̣ܪܹ̈ܝܗ̇. ܐܵܘ ܡܲܢ̣ܘܼ ܫܕ݂ܵܐ ܟܹܐܦܵܐ ܒܙܵܘ̈ܝܵܬ̣ܵܗ̇. [6]ܥܲܠ ܡܵܢܵܐ ܩܵܡ̣ܘ ܥܸܒ̣ܪܹ̈ܝܗ̇. ܐܵܘ ܡܲܢ̣ܘܼ ܫܕ݂ܵܐ ܟܹܐܦܵܐ ܒܙܵܘ̈ܝܵܬ̣ܵܗ̇.
[7]ܒ̣ܪܵܐ ܐܲܟ݂ܚ̄ܕ݂ܵܐ ܟܵܘ̈ܟ̇ܒܲܝ ܫܲܦܪܵܐ. ܘܟ݂ܠܗܘܿܢ ܒܢܲܝ̈ ܡܲܠܲܐܟܹ̈ܐ ܝܲܒܸ̇ܒ̣ܘ. [7]ܒ̣ܪܵܐ ܐܲܟ݂ܚ̄ܕ݂ܵܐ ܟܵܘ̈ܟ̇ܒܲܝ ܫܲܦܪܵܐ. ܘܟ݂ܠܗܘܿܢ ܒܢܲܝ̈ ܡܲܠܲܐܟܹ̈ܐ ܝܲܒܸ̇ܒ̣ܘ.
[8]ܘܲܣ̣ܓܲܪ ܬܲܪ̈ܥܲܝ ܝܲܡܵܐ. ܘܐܲܓ̣ܝܼܚ ܡ̣ܢ ܡܲܪܒ̇ܥܵܐ: ܘܐܲܦܸܩ ܟܲܕ݂ ܣ̣ܵܡ. [8]ܘܲܣ̣ܓܲܪ ܬܲܪ̈ܥܲܝ ܝܲܡܵܐ. ܘܐܲܓ̣ܝܼܚ ܡ̣ܢ ܡܲܪܒ̇ܥܵܐ: ܘܐܲܦܸܩ ܟܲܕ݂ ܣ̣ܵܡ.
[9]ܥ̣ܒܲܕ݂ ܥܢܵܢܵܐ ܠܒ̣ܘܼܫܹܗ: ܘܥܲܪܦ̣ܠܵܐ ܟܪܵܟ݂ܬܹ̇ܗ. [9]ܥ̣ܒܲܕ݂ ܥܢܵܢܵܐ ܠܒ̣ܘܼܫܹܗ: ܘܥܲܪܦ̣ܠܵܐ ܟܪܵܟ݂ܬܹ̇ܗ.
[10]ܘܲܥ̣ܒܲܕ݂ ܠܹܗ ܩܝܵܡܵܐ. ܘܲܥ̣ܒܲܕ݂ ܬܲܪ̈ܥܹܐ ܘܣܘܼܟ̇ܪܹ̈ܐ. [10]ܘܲܥ̣ܒܲܕ݂ ܠܹܗ ܩܝܵܡܵܐ. ܘܲܥ̣ܒܲܕ݂ ܬܲܪ̈ܥܹܐ ܘܣܘܼܟ̇ܪܹ̈ܐ.
[11]ܘܐܸܡ̇ܪܹܬ̣ ܥܕܲܡܵܐ ܠܗܵܪܟܵܐ ܬܸܡܛܹܐ: ܘܠܵܐ ܬܵܘܣܸܦ. ܘܗܵܪܟܵܐ ܬܟܲܬܲܪ ܒܓܹ̇ܐܝܘܼܝ̣ܵܐ ܕܓܲܠܠܲܝ̈ܟ. [11]ܘܐܸܡ̇ܪܹܬ̣ ܥܕܲܡܵܐ ܠܗܵܪܟܵܐ ܬܸܡܛܹܐ: ܘܠܵܐ ܬܵܘܣܸܦ. ܘܗܵܪܟܵܐ ܬܟܲܬܲܪ ܒܓܹ̇ܐܝܘܼܝ̣ܵܐ ܕܓܲܠܠܲܝ̈ܟ.
[12]ܡ̣ܢ ܝܵܘ̈ܡܲܝܟ ܦ̣ܩܲܕ̇ܬ̇ ܠܨܲܦܪܵܐ. ܝܵܕܲܥ ܐܲܢ̄ܬ̇ ܐܲܝܕܵܐ ܗ̄ܝܼ ܕܘܼܟ̇ܬܹܗ ܕܫܲܦܪܵܐ. [12]ܡ̣ܢ ܝܵܘ̈ܡܲܝܟ ܦ̣ܩܲܕ̇ܬ̇ ܠܨܲܦܪܵܐ. ܝܵܕܲܥ ܐܲܢ̄ܬ̇ ܐܲܝܕܵܐ ܗ̄ܝܼ ܕܘܼܟ̇ܬܹܗ ܕܫܲܦܪܵܐ.
[13]ܠܡܹܐܚܲܕ݂ ܒܟ݂ܢ̈ܦܹܝܗ̇ ܕܐܲܪܥܵܐ. ܘܢܸܫܬ̇ܕ̇ܘܿܢ ܡܸܢܵܗ̇ ܪ̈ܲܫܝܼܥܹܐ. [13]ܠܡܹܐܚܲܕ݂ ܒܟ݂ܢ̈ܦܹܝܗ̇ ܕܐܲܪܥܵܐ. ܘܢܸܫܬ̇ܕ̇ܘܿܢ ܡܸܢܵܗ̇ ܪ̈ܲܫܝܼܥܹܐ.
[14]ܘܢܸܬ̣ܗ̱ܦܸܟ݂ ܐܲܝܟ݂ ܛܝܼܢܵܐ ܓܘܼܫ̱ܡܗܘܿܢ. ܘܲܢܩܘܼܡܘܼܢ ܐܲܝܟ݂ ܠܒ̣ܘܼܫܵܐ. [14]ܘܢܸܬ̣ܗ̱ܦܸܟ݂ ܐܲܝܟ݂ ܛܝܼܢܵܐ ܓܘܼܫ̱ܡܗܘܿܢ. ܘܲܢܩܘܼܡܘܼܢ ܐܲܝܟ݂ ܠܒ̣ܘܼܫܵܐ.
[15]ܢܸܬ̣ܟ̇ܠܹܐ ܡ̣ܢ ܚܲܛܵܝܹ̈ܐ ܢܘܼܗ̱ܪܗܘܿܢ. ܘܲܕ݂ܪܵܥܵܐ ܪܵܡܵܐ ܢܸܬ̇ܬ̇ܒܲܪ. [15]ܢܸܬ̣ܟ̇ܠܹܐ ܡ̣ܢ ܚܲܛܵܝܹ̈ܐ ܢܘܼܗ̱ܪܗܘܿܢ. ܘܲܕ݂ܪܵܥܵܐ ܪܵܡܵܐ ܢܸܬ̇ܬ̇ܒܲܪ.
[16]ܥܲܠ̣ܬ̇ ܠܥܘܼܡܩܵܘ̈ܗܝ ܕܝܲܡܵܐ. ܘܲܒ̣ܫܲܬ̣ܐ̱ܣܵܘ̈ܗܝ ܕܲܬ̣ܗܘܿܡܵܐ ܗܲܠܸܟ݂ܬ̇. [16]ܥܲܠ̣ܬ̇ ܠܥܘܼܡܩܵܘ̈ܗܝ ܕܝܲܡܵܐ. ܘܲܒ̣ܫܲܬ̣ܐ̱ܣܵܘ̈ܗܝ ܕܲܬ̣ܗܘܿܡܵܐ ܗܲܠܸܟ݂ܬ̇.
[17]ܐܸܬ̣ܓ̇ܠܝܼܘ ܠܵܟ݂ ܬܲܪ̈ܥܹܐ ܕܡܵܘܬܵܐ: ܘܬܲܪ̈ܥܹܐ ܕܛܸܠܵܠܲܝ̈ ܡܵܘܬܵܐ. [17]ܐܸܬ̣ܓ̇ܠܝܼܘ ܠܵܟ݂ ܬܲܪ̈ܥܹܐ ܕܡܵܘܬܵܐ: ܘܬܲܪ̈ܥܹܐ ܕܛܸܠܵܠܲܝ̈ ܡܵܘܬܵܐ.
[18]ܚ̣ܙܲܝܬ̇ ܟܠܹܗ ܦܬ̣ܵܝܵܗ̇ ܕܐܲܪܥܵܐ. ܚܵܘܵܢܝ ܐܸܢ ܝܵܕܲܥ ܐܲܢ̄ܬ̇. [18]ܚ̣ܙܲܝܬ̇ ܟܠܹܗ ܦܬ̣ܵܝܵܗ̇ ܕܐܲܪܥܵܐ. ܚܵܘܵܢܝ ܐܸܢ ܝܵܕܲܥ ܐܲܢ̄ܬ̇.
[19]ܒܐܲܝܕܵܐ ܐܘܼܪܚܵܐ ܫܪܹܐ ܢܘܼܗܪܵܐ. ܘܕ݂ܘܼܟ̇ܬܹܗ ܕܚܸܫܘܿܟ݂ܵܐ ܐܲܝܟܵܐ ܗ̄ܝܼ. [19]ܒܐܲܝܕܵܐ ܐܘܼܪܚܵܐ ܫܪܹܐ ܢܘܼܗܪܵܐ. ܘܕ݂ܘܼܟ̇ܬܹܗ ܕܚܸܫܘܿܟ݂ܵܐ ܐܲܝܟܵܐ ܗ̄ܝܼ.
[20]ܐܸܢ ܝܵܕܲܥ ܐܲܢ̄ܬ̇ ܬܚܘܼܡܹܗ: ܘܲܫܒ̣ܝܼܠܵܐ ܕܒܲܝܬܹ̇ܗ. [20]ܐܸܢ ܝܵܕܲܥ ܐܲܢ̄ܬ̇ ܬܚܘܼܡܹܗ: ܘܲܫܒ̣ܝܼܠܵܐ ܕܒܲܝܬܹ̇ܗ.
[21]ܘܐܸܢ ܝܵܕܲܥ ܐܲܢ̄ܬ̇ ܐܸܡܲܬ̣ܝ ܐܸܬ̣̱ܝܼܠܸܕ̇ܬ̇: ܘܡܸܢܝܵܢܵܐ ܕܝܵܘܡܲܝ̈ܟ ܐܸܢ ܣܲܓ̇ܝܼܐܝܼܢ. [21]ܘܐܸܢ ܝܵܕܲܥ ܐܲܢ̄ܬ̇ ܐܸܡܲܬ̣ܝ ܐܸܬ̣̱ܝܼܠܸܕ̇ܬ̇: ܘܡܸܢܝܵܢܵܐ ܕܝܵܘܡܲܝ̈ܟ ܐܸܢ ܣܲܓ̇ܝܼܐܝܼܢ.
[22]ܥܲܠ̣ܬ̇ ܠܐܵܘܨܪܹ̈ܐ ܕܬܲܠܓܵܐ. ܘܐܵܘܨܪܹ̈ܐ ܕܒܲܪܕ݂ܵܐ ܚܙܹܝܢ ܠܵܟ݂. [22]ܥܲܠ̣ܬ̇ ܠܐܵܘܨܪܹ̈ܐ ܕܬܲܠܓܵܐ. ܘܐܵܘܨܪܹ̈ܐ ܕܒܲܪܕ݂ܵܐ ܚܙܹܝܢ ܠܵܟ݂.
[23]ܕܲܢܛܝܼܪܝܼܢ ܠܙܲܒ̣ܢܵܐ ܕܐܘܼܠܨܵܢܵܐ: ܘܲܠܝܵܘܡܵܐ ܕܬܸܟ݂ܬ̇ܘܼܫܵܐ ܕܲܩܪܵܒ̣ܵܐ. [23]ܕܲܢܛܝܼܪܝܼܢ ܠܙܲܒ̣ܢܵܐ ܕܐܘܼܠܨܵܢܵܐ: ܘܲܠܝܵܘܡܵܐ ܕܬܸܟ݂ܬ̇ܘܼܫܵܐ ܕܲܩܪܵܒ̣ܵܐ.
[24]ܐܵܘ ܒܐܲܝܕܵܐ ܐܘܼܪܚܵܐ ܡܸ̣ܦܲܠܲܓ̣ ܢܘܼܗܪܵܐ. ܘܢܵܦ̇ܩܵܐ ܪܘܼܚܵܐ ܥܲܠ ܐܲܪܥܵܐ. [24]ܐܵܘ ܒܐܲܝܕܵܐ ܐܘܼܪܚܵܐ ܡܸ̣ܦܲܠܲܓ̣ ܢܘܼܗܪܵܐ. ܘܢܵܦ̇ܩܵܐ ܪܘܼܚܵܐ ܥܲܠ ܐܲܪܥܵܐ.
[25]ܘܗܵܘܹ̇ܐ ܚܸܙܘܵܐ ܘܩܵܠܵܐ. [25]ܘܗܵܘܹ̇ܐ ܚܸܙܘܵܐ ܘܩܵܠܵܐ.
[26]ܠܡܲܚܵܬ̣ܘܼ ܡܸܛܪܵܐ ܥܲܠ ܐܪܥܵܐ ܕܠܵܐ ܐ̄ܢܵܫ: ܘܲܒ̣ܡܲܕ݂ܒ̇ܪܵܐ ܕܠܲܝܬ̇ ܒܲܪ ܐ̄ܢܵܫ. [26]ܠܡܲܚܵܬ̣ܘܼ ܡܸܛܪܵܐ ܥܲܠ ܐܪܥܵܐ ܕܠܵܐ ܐ̄ܢܵܫ: ܘܲܒ̣ܡܲܕ݂ܒ̇ܪܵܐ ܕܠܲܝܬ̇ ܒܲܪ ܐ̄ܢܵܫ.
[27]ܠܲܡܣܲܒܵܥܘܼ ܟܠ ܝܲܠܕܵܐ: ܘܲܠܡܵܘܥܵܝܘܼ ܡܲܦܩܵܢܵܐ ܕܬܸܕ݂ܐܵܐ. [27]ܠܲܡܣܲܒܵܥܘܼ ܟܠ ܝܲܠܕܵܐ: ܘܲܠܡܵܘܥܵܝܘܼ ܡܲܦܩܵܢܵܐ ܕܬܸܕ݂ܐܵܐ.
[28]ܐܝܼܬ̣ ܐܲܒ̣ܵܐ ܠܡܸܛܪܵܐ. ܐܵܘ ܡܲܢ̣ܘܼ ܐܵܘܠܸܕ݂ ܢܘܼܛ̈ܦܵܬ̣ܵܐ. [28]ܐܝܼܬ̣ ܐܲܒ̣ܵܐ ܠܡܸܛܪܵܐ. ܐܵܘ ܡܲܢ̣ܘܼ ܐܵܘܠܸܕ݂ ܢܘܼܛ̈ܦܵܬ̣ܵܐ.
[29]ܘܛܲܠܵܐ ܘܲܓ̣ܠܝܼܕ݂ܵܐ ܡ̣ܢ ܟܲܪܣܵܐ ܕܡ̇ܢ ܢܦܲܩ̣ܘ ܘܩܲܣܕܵܐ ܕܲܫܡܲܝܵܐ ܡܲܢ̣ܘܼ ܐܵܘܠܸܕ݂. [29]ܘܛܲܠܵܐ ܘܲܓ̣ܠܝܼܕ݂ܵܐ ܡ̣ܢ ܟܲܪܣܵܐ ܕܡ̇ܢ ܢܦܲܩ̣ܘ ܘܩܲܣܕܵܐ ܕܲܫܡܲܝܵܐ ܡܲܢ̣ܘܼ ܐܵܘܠܸܕ݂.
[30]ܐܲܝܟ݂ ܟܹܐܦܹ̈ܐ ܡܸܬ̣ܩܲܫܹܝܢ ܡܲـ̈ـܝܵܐ. ܘܐܲܦܲܝ̈ ܬܗܘܿܡܹ̈ܐ ܐܵܚ̇ܕ̇ܝܼܢ. [30]ܐܲܝܟ݂ ܟܹܐܦܹ̈ܐ ܡܸܬ̣ܩܲܫܹܝܢ ܡܲـ̈ـܝܵܐ. ܘܐܲܦܲܝ̈ ܬܗܘܿܡܹ̈ܐ ܐܵܚ̇ܕ̇ܝܼܢ.
[31]ܐܵܚܹܕ݂ ܐܲܢ̄ܬ̇ ܒܐܲܦܲܝ̈ ܟܝܼܡܵܐ. ܐܵܘ ܫܒ݂ܝܼܠ ܓܲܢ̄ܒܵܪܵܐ ܚ̣ܙܲܝܬ̇. [31]ܐܵܚܹܕ݂ ܐܲܢ̄ܬ̇ ܒܐܲܦܲܝ̈ ܟܝܼܡܵܐ. ܐܵܘ ܫܒ݂ܝܼܠ ܓܲܢ̄ܒܵܪܵܐ ܚ̣ܙܲܝܬ̇.
[32]ܗܵܐ ܬܲܦܸܩ ܥܲܓ̣ܠܬ̣ܵܐ ܒܥܸܕܵܢܵܗ̇. ܐܵܘ ܩܵܐܹ̇ܡ ܐܲܢ̄ܬ̇ ܒܐܲܦܲܝ̈ ܥܝܼܘܿܬ̣ܵܐ. [32]ܗܵܐ ܬܲܦܸܩ ܥܲܓ̣ܠܬ̣ܵܐ ܒܥܸܕܵܢܵܗ̇. ܐܵܘ ܩܵܐܹ̇ܡ ܐܲܢ̄ܬ̇ ܒܐܲܦܲܝ̈ ܥܝܼܘܿܬ̣ܵܐ.
[33]ܝܵܕܲܥ ܐܲܢ̄ܬ̇ ܢܵܡܘܿܣܵܐ ܕܲܫܡܲܝܵܐ: ܐܵܘ ܣܵܐܹ̇ܡ ܐܲܢ̄ܬ̇ ܢܵܡܘܿܣܵܐ ܒܐܲܪܥܵܐ. [33]ܝܵܕܲܥ ܐܲܢ̄ܬ̇ ܢܵܡܘܿܣܵܐ ܕܲܫܡܲܝܵܐ: ܐܵܘ ܣܵܐܹ̇ܡ ܐܲܢ̄ܬ̇ ܢܵܡܘܿܣܵܐ ܒܐܲܪܥܵܐ.
[34]ܡܪܝܼܡ ܐܲܢ̄ܬ̇ ܥܲܠ ܥܢܵܢܹ̈ܐ ܩܵܠܵܟ݂. ܘܲܡܟܲܣܹܐ ܐܲܢ̄ܬ̇ ܠܗܹܝܢ ܒܣܘܿܓ̣ܵܐܐ ܕܡܲـ̈ـܝܵܐ. [34]ܡܪܝܼܡ ܐܲܢ̄ܬ̇ ܥܲܠ ܥܢܵܢܹ̈ܐ ܩܵܠܵܟ݂. ܘܲܡܟܲܣܹܐ ܐܲܢ̄ܬ̇ ܠܗܹܝܢ ܒܣܘܿܓ̣ܵܐܐ ܕܡܲـ̈ـܝܵܐ.
[35]ܡܫܲܕܲܪ ܐܲܢ̄ܬ̇ ܒܲܪ̈ܩܹܐ ܘܐܵܙܠ̄ܝܼܢ. ܘܐܵܡ̇ܪܝܼܢ ܠܵܟ݂ ܕܗܵܐ ܩܵܝ̇ܡܝܼܢ ܚ̄ܢܲܢ. [35]ܡܫܲܕܲܪ ܐܲܢ̄ܬ̇ ܒܲܪ̈ܩܹܐ ܘܐܵܙܠ̄ܝܼܢ. ܘܐܵܡ̇ܪܝܼܢ ܠܵܟ݂ ܕܗܵܐ ܩܵܝ̇ܡܝܼܢ ܚ̄ܢܲܢ.
[36]ܡܲܢ̣ܘܼ ܣܵܡ̣ ܚܸܟ݂ܡ̱ܬܑ̣ܵܐ ܒܟܸܣܝܵܐ. ܐܵܘ ܡܲܢ̣ܘܼ ܝܲܗ̄ܒ̣ ܚܸܙܘܵܐ ܠܒ̣ܘܼܝܵܢܵܐ. [36]ܡܲܢ̣ܘܼ ܣܵܡ̣ ܚܸܟ݂ܡ̱ܬܑ̣ܵܐ ܒܟܸܣܝܵܐ. ܐܵܘ ܡܲܢ̣ܘܼ ܝܲܗ̄ܒ̣ ܚܸܙܘܵܐ ܠܒ̣ܘܼܝܵܢܵܐ.
[37]ܡܲܢ̣ܘܼ ܡܢ̣ܵܐ ܥܢܵܢܹ̈ܐ ܒܚܸܟ݂ܡ̱ܬܹܗ. ܘܥܲܡ̈ܘܼܕܲܝ ܫܡܲܝܵܐ ܡܲܢ̣ܘܼ ܐܲܩܝܼܡ. [37]ܡܲܢ̣ܘܼ ܡܢ̣ܵܐ ܥܢܵܢܹ̈ܐ ܒܚܸܟ݂ܡ̱ܬܹܗ. ܘܥܲܡ̈ܘܼܕܲܝ ܫܡܲܝܵܐ ܡܲܢ̣ܘܼ ܐܲܩܝܼܡ.
[38]ܡܲܢ̣ܘܼ ܢܸܣܲܟ݂ ܥܲܦܵܪܵܐ ܥܲܠ ܐܲܪܥܵܐ. ܘܲܫܩܝܼܦܹ̈ܐ ܡܲܢ̣ܘܼ ܬܲܩܸܢ. [38]ܡܲܢ̣ܘܼ ܢܸܣܲܟ݂ ܥܲܦܵܪܵܐ ܥܲܠ ܐܲܪܥܵܐ. ܘܲܫܩܝܼܦܹ̈ܐ ܡܲܢ̣ܘܼ ܬܲܩܸܢ.
[39]ܡܲܢ̣ܘܼ ܝܲܗ̄ܒ݂ ܠܐܲܪܝܵܐ ܡܹܐܟ݂ܘܼܠܬܵܐ. ܘܢܲܦ̮ܫܵܐ ܕܐܲܪ̈ܝܵܘܵܬ̣ܵܐ ܣܲـ̣ـܒܲܥ. [39]ܡܲܢ̣ܘܼ ܝܲܗ̄ܒ݂ ܠܐܲܪܝܵܐ ܡܹܐܟ݂ܘܼܠܬܵܐ. ܘܢܲܦ̮ܫܵܐ ܕܐܲܪ̈ܝܵܘܵܬ̣ܵܐ ܣܲـ̣ـܒܲܥ.
[40]ܡܲܢ̣ܘܼ ܐܲܣܓ̇ܝܼ ܚܲܝ̄ܘܬ̣ܵܐ ܒܕܲܒ̣ܪܵܐ. [40]ܡܲܢ̣ܘܼ ܐܲܣܓ̇ܝܼ ܚܲܝ̄ܘܬ̣ܵܐ ܒܕܲܒ̣ܪܵܐ.
[41]ܘܡܲܢ̣ܘܼ ܝܵܗܹ̇ܒ̣ ܠܥܘܼܪܒ̣ܵܐ ܡܹܐܟ݂ܘܼܠܬܹ̇ܗ. ܡܸܛܠ ܕܲܒ̣ܢܵܘ̈ܗܝ ܠܘܵܬ̣ ܐܲܠܵܗܵܐ ܓܵܥܹ̇ܝܢ. ܘܥܲܝܼܝܼܦܝܼܢ ܡ̣ܢ ܒܠܲܝ ܡܹܐܟ݂ܘܼܠܬܵܐ. [41]ܘܡܲܢ̣ܘܼ ܝܵܗܹ̇ܒ̣ ܠܥܘܼܪܒ̣ܵܐ ܡܹܐܟ݂ܘܼܠܬܹ̇ܗ. ܡܸܛܠ ܕܲܒ̣ܢܵܘ̈ܗܝ ܠܘܵܬ̣ ܐܲܠܵܗܵܐ ܓܵܥܹ̇ܝܢ. ܘܥܲܝܼܝܼܦܝܼܢ ܡ̣ܢ ܒܠܲܝ ܡܹܐܟ݂ܘܼܠܬܵܐ.
 
Top