|
|
| [1]Numquid nosti tempus partus ibicum in petris? vel parturientes cervas observasti? |
[No book] |
| [2]Dinumerasti menses conceptus earum, et scisti tempus partus earum? |
[No book] |
| [3]Incurvantur ad fœtum, et pariunt, et rugitus emittunt. |
[No book] |
| [4]Separantur filii earum, et pergunt ad pastum: egrediuntur, et non revertuntur ad eas. |
[No book] |
| [5]Quis dimisit onagrum liberum, et vincula ejus quis solvit? |
[No book] |
| [6]cui dedi in solitudine domum, et tabernacula ejus in terra salsuginis. |
[No book] |
| [7]Contemnit multitudinem civitatis: clamorem exactoris non audit. |
[No book] |
| [8]Circumspicit montes pascuæ suæ, et virentia quæque perquirit. |
[No book] |
| [9]Numquid volet rhinoceros servire tibi, aut morabitur ad præsepe tuum? |
[No book] |
| [10]Numquid alligabis rhinocerota ad arandum loro tuo, aut confringet glebas vallium post te? |
[No book] |
| [11]Numquid fiduciam habebis in magna fortitudine ejus, et derelinques ei labores tuos? |
[No book] |
| [12]Numquid credes illi quod sementem reddat tibi, et aream tuam congreget? |
[No book] |
| [13]Penna struthionis similis est pennis herodii et accipitris. |
[No book] |
| [14]Quando derelinquit ova sua in terra, tu forsitan in pulvere calefacies ea? |
[No book] |
| [15]Obliviscitur quod pes conculcet ea, aut bestia agri conterat. |
[No book] |
| [16]Duratur ad filios suos, quasi non sint sui: frustra laboravit, nullo timore cogente. |
[No book] |
| [17]Privavit enim eam Deus sapientia, nec dedit illi intelligentiam. |
[No book] |
| [18]Cum tempus fuerit, in altum alas erigit: deridet equum et ascensorem ejus. |
[No book] |
| [19]Numquid præbebis equo fortitudinem, aut circumdabis collo ejus hinnitum? |
[No book] |
| [20]Numquid suscitabis eum quasi locustas? gloria narium ejus terror. |
[No book] |
| [21]Terram ungula fodit, exultat audacter: in occursum pergit armatis. |
[No book] |
| [22]Contemnit pavorem, nec cedit gladio. |
[No book] |
| [23]Super ipsum sonabit pharetra: vibrabit hasta et clypeus: |
[No book] |
| [24]fervens et fremens sorbet terram, nec reputat tubæ sonare clangorem. |
[No book] |
| [25]Ubi audierit buccinam, dicit: Vah ! procul odoratur bellum, exhortationem ducum, et ululatum exercitus. |
[No book] |
| [26]Numquid per sapientiam tuam plumescit accipiter, expandens alas suas ad austrum? |
[No book] |
| [27]Numquid ad præceptum tuum elevabitur aquila, et in arduis ponet nidum suum? |
[No book] |
| [28]In petris manet, et in præruptis silicibus commoratur atque inaccessis rupibus. |
[No book] |
| [29]Inde contemplatur escam, et de longe oculi ejus prospiciunt. |
[No book] |
| [30]Pulli ejus lambent sanguinem: et ubicumque cadaver fuerit, statim adest. |
[No book] |
| [31]Et adjecit Dominus, et locutus est ad Job: |
[No book] |
| [32]Numquid qui contendit cum Deo, tam facile conquiescit? utique qui arguit Deum, debet respondere ei. |
[No book] |
| [33]Respondens autem Job Domino, dixit: |
[No book] |
| [34]Qui leviter locutus sum, respondere quid possum? manum meam ponam super os meum. |
[No book] |
| [35]Unum locutus sum, quod utinam non dixissem: et alterum, quibus ultra non addam. |
[No book] |