|
|
| [1]Forsothe Eliphat Themanytes answeride, and seide, |
[No book] |
| [2]If we bigynnen to speke to thee, in hap thou schalt take it heuyli; but who may holde a word conseyued? |
[No book] |
| [3]Lo! thou hast tauyt ful many men, and thou hast strengthid hondis maad feynt. |
[No book] |
| [4]Thi wordis confermyden men doutynge, and thou coumfortidist knees tremblynge. |
[No book] |
| [5]But now a wounde is comun on thee, and thou hast failid; it touchide thee, and thou art disturblid. |
[No book] |
| [6]Where is thi drede, thi strengthe, and thi pacience, and the perfeccioun of thi weies? |
[No book] |
| [7]Y biseche thee, haue thou mynde, what innocent man perischide euere, ethir whanne riytful men weren doon awei? |
[No book] |
| [8]Certis rathir Y siy hem, that worchen wickidnesse, and sowen sorewis, |
[No book] |
| [9]and repen tho, to haue perischid bi God blowynge, and to be wastid bi the spirit of his ire. |
[No book] |
| [10]The roryng of a lioun, and the vois of a lionesse, and the teeth of `whelpis of liouns ben al to-brokun. |
[No book] |
| [11]Tigris perischide, for sche hadde not prey; and the whelpis of a lioun ben distried. |
[No book] |
| [12]Certis an hid word was seid to me, and myn eere took as theueli the veynes of priuy noise therof. |
[No book] |
| [13]In the hidousnesse of `nyytis siyt, whanne heuy sleep is wont to occupie men, |
[No book] |
| [14]drede and tremblyng helde me; and alle my boonys weren aferd. |
[No book] |
| [15]And whanne the spirit `yede in my presence, the heiris of `my fleisch hadden hidousnesse. |
[No book] |
| [16]Oon stood, whos chere Y knewe not, an ymage bifor myn iyen; and Y herde a vois as of softe wynd. |
[No book] |
| [17]Whether a man schal be maad iust in comparisoun of God? ethir whethir a man schal be clennere than his Makere? |
[No book] |
| [18]Lo! thei that seruen hym ben not stidefast; and he findith schrewidnesse in hise aungels. |
[No book] |
| [19]Hou myche more thei that dwellen in housis of cley, that han an ertheli foundement, schulen be wastyd as of a mouyte. |
[No book] |
| [20]Fro morewtid til to euentid thei schulen be kit doun; and for no man vndurstondith, thei schulen perische with outen ende. |
[No book] |
| [21]Sotheli thei, that ben residue, schulen be takun awei; thei schulen die, and not in wisdom. |
[No book] |