|
|
| [1]Forsothe the Lord answeride to Joob fro the whirlewynd, |
[No book] |
| [2]and seide, Girde thou as a man thi leendis, and Y schal axe thee, and schewe thou to me. |
[No book] |
| [3]Whether thou schalt make voide my doom, and schalt condempne me, that thou be maad iust? |
[No book] |
| [4]And if thou hast an arm, as God hath, and if thou thundrist with lijk vois, `take thou fairnesse aboute thee, |
[No book] |
| [5]and be thou reisid an hiy, and be thou gloriouse, and be thou clothid `in faire clothis. |
[No book] |
| [6]Distrie thou proude men in thi woodnesse, and biholde thou, and make lowe ech bostere. |
[No book] |
| [7]Biholde thou alle proude men, and schende thou hem; and al to-breke thou wickid men in her place. |
[No book] |
| [8]Hide thou hem in dust togidere, and drenche doun her faces in to a diche. |
[No book] |
| [9]And Y schal knowleche, that thi riyt hond may saue thee. |
[No book] |
| [10]Lo! behemot, whom Y made with thee, schal as an oxe ete hey. |
[No book] |
| [11]His strengthe is in hise leendis, and his vertu is in the nawle of his wombe. |
[No book] |
| [12]He streyneth his tail as a cedre; the senewis of his `stones of gendrure ben foldid togidere. |
[No book] |
| [13]Hise boonys ben as the pipis of bras; the gristil of hym is as platis of yrun. |
[No book] |
| [14]He is the bigynnyng of the weies of God; he, that made hym, schal sette his swerd to hym. |
[No book] |
| [15]Hillis beren eerbis to this behemot; alle the beestis of the feeld pleien there. |
[No book] |
| [16]He slepith vndur schadewe, in the pryuete of rehed, in moiste places. |
[No book] |
| [17]Schadewis hilen his schadewe; the salewis of the ryuer cumpassen hym. |
[No book] |
| [18]He schal soupe vp the flood, and he schal not wondre; he hath trist, that Jordan schal flowe in to his mouth. |
[No book] |
| [19]He schal take hem bi `the iyen of hym, as bi an hook; and bi scharpe schaftis he schal perse hise nosethirlis. |
[No book] |
| [20]Whether thou schalt mowe drawe out leuyathan with an hook, and schalt bynde with a roop his tunge? |
[No book] |
| [21]Whethir thou schalt putte a ryng in hise nosethirlis, ethir schalt perse hyse cheke with `an hook? |
[No book] |
| [22]Whether he schal multiplie preieris to thee, ether schal speke softe thingis to thee? |
[No book] |
| [23]Whether he schal make couenaunt with thee, and `thou schalt take him a seruaunt euerlastinge? |
[No book] |
| [24]Whether thou schalt scorne hym as a brid, ethir schalt bynde hym to thin handmaidis? |
[No book] |