|
|
| [No book] |
[1]Respondens autem Job Domino, dixit: |
| [No book] |
[2]Scio quia omnia potes, et nulla te latet cogitatio. |
| [No book] |
[3]Quis est iste qui celat consilium absque scientia? ideo insipienter locutus sum, et quæ ultra modum excederent scientiam meam. |
| [No book] |
[4]Audi, et ego loquar: interrogabo te, et responde mihi. |
| [No book] |
[5]Auditu auris audivi te: nunc autem oculus meus videt te. |
| [No book] |
[6]Idcirco ipse me reprehendo, et ago pœnitentiam in favilla et cinere. |
| [No book] |
[7]Postquam autem locutus est Dominus verba hæc ad Job, dixit ad Eliphaz Themanitem: Iratus est furor meus in te, et in duos amicos tuos, quoniam non estis locuti coram me rectum, sicut servus meus Job. |
| [No book] |
[8]Sumite ergo vobis septem tauros et septem arietes, et ite ad servum meum Job, et offerte holocaustum pro vobis: Job autem servus meum orabit pro vobis. Faciem ejus suscipiam, ut non vobis imputetur stultitia: neque enim locuti estis ad me recta, sicut servus meus Job. |
| [No book] |
[9]Abierunt ergo Eliphaz Themanites, et Baldad Suhites, et Sophar Naamathites, et fecerunt sicut locutus fuerat Dominus ad eos, et suscepit Dominus faciem Job. |
| [No book] |
[10]Dominus quoque conversus est ad pœnitentiam Job, cum oraret ille pro amicis suis: et addidit Dominus omnia quæcumque fuerant Job, duplicia. |
| [No book] |
[11]Venerunt autem ad eum omnes fratres sui, et universæ sorores suæ, et cuncti qui noverant eum prius, et comederunt cum eo panem in domo ejus: et moverunt super eum caput, et consolati sunt eum super omni malo quod intulerat Dominus super eum, et dederunt ei unusquisque ovem unam, et inaurem auream unam. |
| [No book] |
[12]Dominus autem benedixit novissimis Job magis quam principio ejus: et facta sunt ei quatuordecim millia ovium, et sex millia camelorum, et mille juga boum, et mille asinæ. |
| [No book] |
[13]Et fuerunt ei septem filii, et tres filiæ. |
| [No book] |
[14]Et vocavit nomen unius Diem, et nomen secundæ Cassiam, et nomen tertiæ Cornustibii. |
| [No book] |
[15]Non sunt autem inventæ mulieres speciosæ sicut filiæ Job in universa terra: deditque eis pater suus hæreditatem inter fratres earum. |
| [No book] |
[16]Vixit autem Job post hæc centum quadraginta annis, et vidit filios suos, et filios filiorum suorum usque ad quartam generationem: et mortuus est senex et plenus dierum. |