➖ »
«
➖ ➕
Peshitta OT
PesOT
Epistle to the Laodiceans (Latin)
Lao[LA]
←
Job
Job
5
→
[1]ܩܪܝܼ ܢܹܐ ܐܸܢ ܐܝܼܬ̣ ܕܥܵܢܹ̇ܐ ܠܵܟ݂. ܘܲܠܘܵܬ̣ ܡ̇ܢ ܡ̣ܢ ܩܲܕ̇ܝܼܫܹ̈ܐ ܬܸܬ̣ܦܢܹܐ. [No book]
[2]ܡܸܛܠ ܕܲܠܣܲܟ݂ܠܵܐ ܩܵܛܹܿܠ ܪܘܼܓ̣ܙܵܐ: ܘܲܠܣܲܟ݂ܠܵܐ ܩܵܛ̇ܠܵܐ ܩܸܢ̱ܐܬ̣ܵܐ. [No book]
[3]ܐܸܢܵܐ ܚܙܹ̇ܝܬ̣ ܪܲܫܝܼܥܵܐ ܕܡܲܨܠܲܚ: ܘܐܵܒ̣ܕܵܐ ܕܲܝܪܹܗ ܡ̣ܢ ܫܹܠܝ. [No book]
[4]ܢܸܬ̣ܪܲܚܩܘܼܢ ܒܢܵܘ̈ܗܝ ܡ̣ܢ ܦܘܼܪܩܵܢܵܐ. ܢܸܬ̣ܡܲܟ̇ܟ݂ܘܼܢ ܒܬܲܪܥܵܐ: ܘܠܲܝܬ̇ ܕܦܵܪܹܩ ܠܗܘܿܢ. [No book]
[5]ܕܚܵܨܹ̇ܕ݂ ܟܲܦܢܵܐ ܢܹܐܟ݂ܘܿܠ. ܘܲܠܨܲܗܝܵܐ ܢܸܬ̣ܢܲܣܟ̇ܘܼܢ. ܘܲܢܓܲܪܸܣ ܨܲܗܝܵܐ ܩܸܢܝܵܢܗܘܿܢ. [No book]
[6]ܡܸܛܠ ܕܠܵܐ ܢܵܦܹ̇ܩ ܡ̣ܢ ܥܲܦܪܵܐ ܫܘܼܩܪܵܐ: ܐܵܦܠܵܐ ܡ̣ܢ ܐܲܕ݂ܡ̱ܬ̣ܵܐ ܨܵܡ̇ܲܚ ܥܵܘܼܠܵܐ. [No book]
[7]ܡܸܛܠ ܕܒܲܪܢܵܫܵܐ ܠܥܲܡܠܵܐ ܗ̄ܘܼ ܐܸܬ̣̱ܝܼܠܸܕ݂. ܘܲܒ̣̈ܢܲܝ ܥܵܘܦܵܐ ܢܪܝܼܡܘܼܢ ܓ̣ܦܵܐ. [No book]
[8]ܒܪܲܡ ܐܸܢܵܐ ܐܹܥܲܩܸܒ̣ ܥܲܠ ܐܲܠܵܗܵܐ. ܘܲܠܘܵܬ̣ ܐܲܠܵܗܵܐ ܐܹܣܝܼܡ ܡܸܠܲܬ̣ܝ. [No book]
[9]ܕܲܥ̣ܒܲܕ݂ ܪܵܘ̱ܪ̈ܒ̣ܵܬ̣ܵܐ ܕܠܵܐ ܣܵܟ݂: ܘܬܸܕ݂ܡܪ̈ܵܬ̣ܵܐ ܕܠܵܐ ܡܸܢܝܵܢ. [No book]
[10]ܕܝܵܗܹܒ̣ ܡ̣ܛܪܵܐ ܥܲܠ ܐܲܦܲܝ̈ ܐܲܪܥܵܐ. ܘܲܡܫܲܕܲܪ ܡܲـ̈ـܝܵܐ ܥܲܠ ܐܲܦܲܝ̈ ܫܘܼ̈ܩܹܐ. [No book]
[11]ܠܲܡܣܵܡ ܫܲܦ̈ܠܹܐ ܒܪܵܘܡܵܐ: ܘܡܲܟ̇ܝܼ̈ܟܹܐ ܢܸܬ̣ܥܲܫܢܘܼܢ ܒܦܘܼܪܩܵܢܵܐ. [No book]
[12]ܡܒܲܛܸܠ ܡܲܚܫ̈ܒ̣ܵܬ̣ܵܐ ܕܚܲܟܿܝܼ̈ܡܹܐ: ܕܠܵܐ ܢܸܥ̈ܒ̇ܕ݂ܵܢ ܐܝܼܕܲܝ̈ܗܘܿܢ ܠܚܸܟ݂ܡܵܐ. [No book]
[13]ܐܵܚܹܿܕ݂ ܚܲܟ̇ܝܼܡܹ̈ܐ ܒܚܸܟ݂ܡܲܬ̣ܗܘܿܢ. ܘܬܲܪܥܝܼܬ̣ܵܐ ܕܨܲܢܘܼܥ̈ܬ̣ܵܢܹܐ ܡܒܲܛܸܠ. [No book]
[14]ܒܐܝܼܡܵܡܵܐ ܢܓܲܫܓ̇ܫܘܼܢ ܐܲܝܟ݂ ܕܲܒ̣ܚܸܫܘ̇ܟ݂ܵܐ. ܘܐܲܝܟ݂ ܕܲܒ̣ܠܠܝܵܐ ܢܡܘܼܫܘܼܢ ܒܛܲܗܪܵܐ. [No book]
[15]ܦܵܪܹܩ ܡ̣ܢ ܚܲܪܒܵܐ ܦܘܼܡܗܘܿܢ: ܘܡ̣ܢ ܐܝܼܕ݂ܵܐ ܕܥܲܫܝܼܢܵܐ ܠܡܸܣܟܹ̇ܢܵܐ. [No book]
[16]ܘܢܸܗܘܹܐ ܠܡܸܣܟܹ̇ܢܵܐ ܣܲܒ̣ܪܵܐ. ܘܥܵܘܿܠܵܐ ܢܸܣܟ̇ܘܿܪ ܦܘܼܡܹܗ. [No book]
[17]ܛܘܼܒ̣ܵܘܗܝ ܠܓܲܒ̣ܪܵܐ ܕܢܲܟ̇ܣܝܼܘܗܝ ܐܲܠܵܗܵܐ. ܘܡܲܪܕ̇ܘܼܬܹܗ ܕܚܲܣܝܼܢܵܐ ܠܵܐ ܢܲܣܠܹܐ. [No book]
[18]ܡܸܛܠ ܕܗ̤ܘ ܬܵܒܲܪ ܘܥܵܨܹܿܒ̣: ܘܡܵܚܹ̇ܐ ܘܐܝܼܕ݂ܵܘ̈ܗܝ ܡܲܐܣ̈ܝܵܢ. [No book]
[19]ܒܫܹܬ̣ ܥܵـ̈ـܩܵܢ ܢܸܦ̱ܪܩܵܟ݂. ܘܲܒ̣ܕܲܫܒܲܥ ܠܵܐ ܢܸܩܪܘܿܒ̣ ܠܵܟ݂ ܒܝܼܫܵܐ. [No book]
[20]ܒܟܲܦܢܵܐ ܢܸܦ̱ܪܩܵܟ݂ ܡ̣ܢ ܡܵܘܬܵܐ: ܘܒܲܩܪܵܒ̣ܵܐ ܡ̣ܢ ܐܝܼ̈ܕܲܝ ܚܲܪܒܵܐ. [No book]
[21]ܘܡ̣ܢ ܫܲܒ̣ܛܵܐ ܕܠܸܫܵܢܵܐ ܬܸܣܬܲܬܲܪ: ܘܠܵܐ ܬܸܕ݂ܚܲܠ ܡ̣ܢ ܬܒ̣ܵܪܵܐ ܟܲܕ݂ ܢܹܐܬܹܐ. [No book]
[22]ܥܲܠ ܒܸܙܬ̣ܵܐ ܘܥܲܠ ܟܲܦܢܵܐ ܬܸܓ̣ܚܲܟ. ܘܡ̣ܢ ܚܲܝ̄ܘܬ̣ܵܐ ܕܒܲܪܵܐ ܠܵܐ ܬܸܕ݂ܚܲܠ. [No book]
[23]ܡܸܛܠ ܕܥܵܡ ܟܹܐܦܹ̈ܐ ܕܕܲܒ݂ܪܵܐ ܩܝܵܡܵܟ݂. ܘܚܲܝ̄ܘܬ̣ܵܐ ܕܒܲܪܵܐ ܐܸܫܬܲܠܡܲܬ̤ ܠܵܟ݂. [No book]
[24]ܘܬܸܕܲܥ ܕܲܫܠܵܡ ܗ̄ܘܼ ܡܲܫܟ̇ܢܵܟ݂. ܘܬܸܗܦܘܿܟ݂ ܠܕܲܝܪܵܟ݂: ܘܠܵܐ ܬܸܚܛܹܐ. [No book]
[25]ܘܬܸܕܲܥ ܕܲܣܓ̣ܝܼ ܙܲܪܥܵܟ݂: ܘܝܲܠܕܵܟ݂ ܐܲܝܟ݂ ܥܸܣܒܵܐ ܕܐܲܪܥܵܐ. [No book]
[26]ܘܬܸܥܘܿܠ ܢܝܼܚܵܐܝܼܬ̣ ܠܩܲܒ̣ܪܵܐ: ܐܲܝܟ݂ ܡܲܣܲܩ ܓܕ݂ܝܼܫܵܐ ܒܙܲܒ̣ܢܹܗ. [No book]
[27]ܗܵܕܹܐ ܒܨܲܝܢ: ܘܗܵܟܲܢܵܐ ܗ̄ܘܼ ܫ̣ܡܲܥܢܵܗ̇. ܘܐܲܢ̄ܬ̇ ܕܲܥ ܠܵܟ݂. [No book]
 
Top