|
|
| [1]ܘܲܥ̣ܢܵܐ ܐܝܼܘܿܒ̣ ܘܐܸܡ̣ܲܪ. |
[No book] |
| [2]ܠܘܲܝ ܕܹܝܢ ܡܸܬ̇ܬ̇ܩܸܠ ܪܘܼܓ̣ܙܝ: ܘܡܸܕܹܿܡ ܕܲܗܘ̣ܵܢܝ ܒܡܲܣܲܐܬ̣ܵܐ ܐܲܟ݂ܚ̄ܕ݂ܵܐ. |
[No book] |
| [3]ܡܸܛܠ ܕܗܵܫܵܐ ܡ̣ܢ ܚܵܠܵܐ ܕܝܲܡܡܹ̈ܐ ܥ̣ܫܸܢ: ܡܸܛܠ ܗܵܢܵܐ ܦܸܬ̣ܓ̣ܵܡܲܝ̈ ܟܠܹܝܢ. |
[No book] |
| [4]ܡܸܛܠ ܕܓܹܐܪ̈ܵܘܗܝ ܕܚܲܣܝܼܢܵܐ ܒܒܸܣ̄ܪܝ. ܘܚܸܡܲܬ̣ܗܘܿܢ ܫܵܬ̣̇ܝܵܐ ܠܪܘܼܚܝ. ܘܲܒ̣ܥܸܬ̇ܬܹܗ ܕܐܲܠܵܗܵܐ ܣܲܕ̇ܕ݂ܬܲܢܝ. |
[No book] |
| [5]ܕܲܠܡܵܐ ܡܣܵܘܸܩ ܥܪܵܕ݂ܵܐ ܥܲܠ ܬܸܕ݂ܐܵܐ: ܐܵܘ ܓܵܥܹ̇ܐ ܬܵܘܪܵܐ ܚܲܡܝܼܡܵܐ. |
[No book] |
| [6]ܐܵܘ ܡܸܬ̣ܐ̱ܟ݂ܠ ܦܲܟ̇ܝܼܗܵܐ ܕܠܵܐ ܡܸܠܚܵܐ. ܐܵܘ ܐܝܼܬ̣ ܛܲܥܡܵܐ ܒܪܝܼܪܵܗ̇ ܕܲܚܠܲܡܬ̣ܵܐ. |
[No book] |
| [7]ܡܸܐܢܲܬ̤ ܢܲܦ̮ܫܝ ܒܡܲܟ݂ܬܵܫܵܗ̇: ܐܵܘ ܡܲܝܠܸܠ ܐܲܝܟ݂ ܪܵܘܝܵܐ ܩܪܵܒ̣ܝ. |
[No book] |
| [8]ܡܲܢ̣ܘܼ ܢܸܬܸ̇ܠ ܠܝܼ: ܕܬܹܐܬܹܐ ܫܸܐ̱ܠܲܬ̣ܝ. ܘܣܲܒ̣ܪܝ ܢܸܬܸ̇ܠ ܐܲܠܵܗܵܐ. |
[No book] |
| [9]ܘܢܸܬ̇ܛܦܝܼܣ ܐܲܠܵܗܵܐ ܘܲܢܕܲܟܹ̇ܝܢܝ. ܘܢܸܦܪܘܿܣ ܐܝܼܕܹܗ ܘܲܢܫܲܡܠܹܢܝ. |
[No book] |
| [10]ܘܢܸܗܘܹܐ ܬܘܼܒ̣ ܒܘܼܝܵܐܝ: ܘܐܸܫܬܲܡܠܹܐ ܬܘܼܒ̣ ܒܚܲܝܠܵܐ ܕܠܵܐ ܚܵܘܣܵܢ: ܡܸܛܠ ܕܠܵܐ ܕܲܓ̇ܠܹܿܬ̣ ܒܡܹܐܡܪܹܗ ܕܩܲܕ̇ܝܼܫܵܐ. |
[No book] |
| [11]ܘܲܟ݂ܡܵܐ ܗ̄ܘܼ ܚܲܝܠ̄ܝ ܕܐܹܣܲܝܒܲܪ. ܘܡܵܢܲܐ ܗ̄ܝܼ ܚܲܪܬ̣ܝ ܕܐܲܓܲܪ ܪܘ̣ܚܝ. |
[No book] |
| [12]ܐܸܠܘ̣ ܐܲܝܟ݂ ܚܲܝܠܵܐ ܗ̄ܘܼ ܕܟܹܐܦܹ̈ܐ ܚܲܝܠܝ: ܐܵܘ ܒܲܣܪܝ ܕܲܢܚܵܫܵܐ ܗ̄ܘ̣. |
[No book] |
| [13]ܗܵܐ ܠܲܝܬ̇ ܥܘܼܕ݂ܪܵܢܹܗ ܒܝܼ ܘܦܘܼܪܩܵܢܹܗ ܐܸܬ̣ܪܲܚܲܩ ܡܹܢܝ. |
[No book] |
| [14]ܕܟ݂ܵܠܹ̇ܐ ܫܠܵܡܵܐ ܚܲܒ̣ܪܹܗ: ܕܸܚ̱ܠܬܹܗ ܕܥܸܠܵܝܵܐ ܫܵܒܹܿܩ. |
[No book] |
| [15]ܐܲܚܲܝ̈ ܕܲܓ̣ܲܠܘ ܐܲܝܟ݂ ܦܨܝܼ̈ܕܹܐ: ܘܐܲܝܟ݂ ܪܸ̈ܓ̣ܠܵܬ̣ܵܐ ܕܥܵܝ̇ܒ̣ܪ̈ܵܢ. |
[No book] |
| [16]ܕܕ݂ܵܚ̇ܠܝܼܢ ܗ̄ܘܼܵܘ ܡ̣ܢ ܓܠܝܼܕ݂ܵܐ: ܥܠܲܝܗܘܿܢ ܣܓ̣ܝܼ ܬܲܠܓܵܐ. |
[No book] |
| [17]ܘܲܒ̣ܫܵܥܬ̣ܵܐ ܕܕ݂ܵܢܲܚ ܒܗܘܿܢ: ܦܵܫ̇ܪܝܼܢ. ܘܲܒ̣ܚܘܼܡܗܘܿܢ ܦܵܫ̇ܪܝܼܢ ܡ̣ܢ ܐܲܬ̣ܪ̱ܗܘܿܢ. |
[No book] |
| [18]ܢܸܬ̣ܥܲܪܩܠܘܼܢ ܫܒ̣ܝܼ̈ܠܹܐ ܕܐܘܼܪ̈ܚܵܬ̣ܗܘܿܢ: ܘܢܸܣܩܘܼܢ ܒܬ̣ܵܘܫܵܐ ܘܢܹܐܒ̣ܕ̇ܘܼܢ. |
[No book] |
| [19]ܕܚܵܪ̣ܘ ܠܐܘܼܪ̈ܚܵܬ̣ܵܐ ܕܬܲܝܡ̄ܢܵܐ: ܘܠܲܫܒ̣ܝܼ̈ܠܹܐ ܕܲܫܒ̣ܵܐ ܣܲܟ̇ܝܼܘ ܠܗܘܿܢ. |
[No book] |
| [20]ܒ̣ܗܸܬ̣ܘ ܒܡܸܕܹܿܡ ܕܐܲܬ̇ܬ̇ܟ݂ܠܘ ܡܛ̣ܵܘ ܠܘܵܬܹܗ ܘܐܲܚܦܲܪܘ. |
[No book] |
| [21]ܘܐܵܦ ܐܲܢ̄ܬܘܿܢ ܗ̤ܘܲܝܬ̇ܘܿܢ ܥܠܲܝ ܡܸܛܠ ܕܥܲܕ݂ܠܵܐ ܚ̣ܙܲܝܬ̇ܘܿܢ ܙܵܘܥܵܐ: ܕܚܸܠܬ̇ܘܿܢ. |
[No book] |
| [22]ܐܸܠܘܼ ܓܹܝܪ ܐܸܡ̇ܪܹܬ̣ ܠܟ݂ܘܿܢ ܗܲܒ̣ܘ ܠܝܼ: ܐܵܘ ܡ̣ܢ ܢܸܟ݂ܣܲܝ̈ܟ̇ܘܿܢ ܫܚܘܿܕ݂ܘ ܚܠܵܦܲܝ. |
[No book] |
| [23]ܘܦܲܠܛܘܼܢܝ ܡ̣ܢ ܐܝܼ̈ܕܲܝ ܡܥܝܼܩܵܢܝ ܐܵܘ ܡ̣ܢ ܐܝܼܕ݂ܵܐ ܕܚܲܣܝܼܢܵܐ ܦܲܨܐܵܘܼܢܝ. |
[No book] |
| [24]ܐܲܠܦܘܼܢܝ ܘܐܸܢܵܐ ܐܸܫܬ̇ܘܿܩ. ܘܡܵܢܵܐ ܛܥܹ̇ܝܬ̣: ܒܲܝܢܘܼܢܝ. |
[No book] |
| [25]ܠܡܵܢܵܐ ܕܵܚ̇ܩܝܼܢ ܐܲܢ̄ܬ̇ܘܿܢ ܡܹܐܡܲܪ ܩܘܼܫܬܵܐ. ܘܡ̇ܢ ܕܲܡܟ݂ܵܘܸܢ ܘܡܲܟܸ̇ܣ ܡܸܢܟ݂ܘܿܢ. |
[No book] |
| [26]ܗܵܐ ܠܲܡܟ݂ܵܘܵܢܘܼ ܡܸܠ̈ܝܼܢ ܬܸܬ̣ܚܲܫܒ̣ܘܼܢ ܘܥܲܠ ܪܘܼܚ ܡܸܠܲܬ̣ܝ ܬܸܬ̣ܒܲܝܢܘܼܢ. |
[No book] |
| [27]ܗܵܐ ܥܲܠ ܝܲܬ̣ܡܵܐ ܡܸܬ̣ܪܵܘ̱ܪܒ̣ܝܼܢ ܐܲܢ̄ܬ̇ܘܿܢ. ܘܡܲܟ݂ܪܹܝܢ ܐܲܢ̄ܬ̇ܘܿܢ ܠܪܵܚܡܟ݂ܘܿܢ. |
[No book] |
| [28]ܘܗܵܫܵܐ ܐܸܬ̇ܛܦܝܼܣܘ ܘܚܘܼܪܘ ܘܲܩܕ݂ܵܡܲܝܟ̇ܘܿܢ ܐܹܡܲܠܸܠ ܘܠܵܐ ܐܹܟܲܕܸ̇ܒ̣. |
[No book] |
| [29]ܬܘܼܒ̣ܘ ܢܹܐ ܗܵܫܵܐ. ܘܠܵܐ ܬܸܗܘܘܿܢ ܐܲܝܟ݂ ܥܵܘܠܹ̈ܐ ܬܘܼܒ̣ܘ ܗܵܟܹܝܠ: ܘܙܲܟܵܘ. |
[No book] |
| [30]ܕܲܠܡܵܐ ܐܝܼܬ̣ ܒܠܸܫܵܢܝ ܥܵܘܼܠܵܐ ܐܵܘ ܦܘܼܡܝ ܠܵܐ ܡܡܲܠܸܠ ܩܘܼܫܬܵܐ. |
[No book] |