➖ »
«
➖ ➕
Aleppo Codex (~920)
Alep
Epistle to the Laodiceans (Latin)
Lao[LA]
←
Job
Job
9
→
[1]ויען איוב ויאמר [No book]
[2]אמנם ידעתי כי־כן ומה־יצדק אנוש עם־אל [No book]
[3]אם־יחפץ לריב עמו לא־יעננו אחת מני־אלף [No book]
[4]חכם לבב ואמיץ כח מי־הקשה אליו וישלם [No book]
[5]המעתיק הרים ולא ידעו אשר הפכם באפו [No book]
[6]המרגיז ארץ ממקומה ועמודיה יתפלצון [No book]
[7]האמר לחרס ולא יזרח ובעד כוכבים יחתם [No book]
[8]נטה שמים לבדו ודורך על־במתי ים [No book]
[9]עשה־עש כסיל וכימה וחדרי תמן [No book]
[10]עשה גדלות עד־אין חקר ונפלאות עד־אין מספר [No book]
[11]הן יעבר עלי ולא אראה ויחלף ולא־אבין לו [No book]
[12]הן יחתף מי ישיבנו מי־יאמר אליו מה־תעשה [No book]
[13]אלוה לא־ישיב אפו תחתו שחחו עזרי רהב [No book]
[14]אף כי־אנכי אעננו אבחרה דברי עמו [No book]
[15]אשר אם־צדקתי לא אענה למשפטי אתחנן [No book]
[16]אם־קראתי ויענני לא־אאמין כי־יאזין קולי [No book]
[17]אשר־בשערה ישופני והרבה פצעי חנם [No book]
[18]לא־יתנני השב רוחי כי ישבעני ממררים [No book]
[19]אם־לכח אמיץ הנה ואם־למשפט מי יועידני [No book]
[20]אם־אצדק פי ירשיעני תם־אני ויעקשני [No book]
[21]תם־אני לא־אדע נפשי אמאס חיי [No book]
[22]אחת היא על־כן אמרתי־תם ורשע הוא מכלה [No book]
[23]אם־שוט ימית פתאם למסת נקים ילעג [No book]
[24]ארץ נתנה ביד־רשע פני־שפטיה יכסה אם־לא אפוא מי־הוא [No book]
[25]וימי קלו מני־רץ ברחו לא־ראו טובה [No book]
[26]חלפו עם־אניות אבה כנשר יטוש עלי־אכל [No book]
[27]אם־אמרי אשכחה שיחי אעזבה פני ואבליגה [No book]
[28]יגרתי כל־עצבתי ידעתי כי־לא תנקני [No book]
[29]אנכי ארשע למה־זה הבל איגע [No book]
[30]אם־התרחצתי במו [Q: במי־] שלג והזכותי בבר כפי [No book]
[31]אז בשחת תטבלני ותעבוני שלמותי [No book]
[32]כי־לא־איש כמוני אעננו נבוא יחדו במשפט [No book]
[33]לא יש־בינינו מוכיח ישת ידו על־שנינו [No book]
[34]יסר מעלי שבטו ואמתו אל־תבעתני [No book]
[35]אדברה ולא איראנו כי לא־כן אנכי עמדי [No book]
Source: unbound.biola.edu
Top