|
|
| [No book] |
[1]Verbum Domini, quod factum est ad Joël, filium Phatuel. |
| [No book] |
[2]Audite hoc, senes, et auribus percipite, omnes habitatores terræ: si factum est istud in diebus vestris, aut in diebus patrum vestrorum? |
| [No book] |
[3]Super hoc filiis vestris narrate, et filii vestri filiis suis, et filii eorum generationi alteræ. |
| [No book] |
[4]Residuum erucæ comedit locusta, et residuum locustæ comedit bruchus, et residuum bruchi comedit rubigo. |
| [No book] |
[5]Expergiscimini, ebrii, et flete et ululate, omnes qui bibitis vinum in dulcedine, quoniam periit ab ore vestro. |
| [No book] |
[6]Gens enim ascendit super terram meam, fortis et innumerabilis: dentes ejus ut dentes leonis, et molares ejus ut catuli leonis. |
| [No book] |
[7]Posuit vineam meam in desertum, et ficum meam decorticavit; nudans spoliavit eam, et projecit: albi facti sunt rami ejus. |
| [No book] |
[8]Plange quasi virgo accincta sacco super virum pubertatis suæ. |
| [No book] |
[9]Periit sacrificium et libatio de domo Domini; luxerunt sacerdotes, ministri Domini. |
| [No book] |
[10]Depopulata est regio, luxit humus, quoniam devastatum est triticum, confusum est vinum, elanguit oleum. |
| [No book] |
[11]Confusi sunt agricolæ, ululaverunt vinitores super frumento et hordeo, quia periit messis agri. |
| [No book] |
[12]Vinea confusa est, et ficus elanguit; malogranatum, et palma, et malum, et omnia ligna agri aruerunt, quia confusum est gaudium a filiis hominum. |
| [No book] |
[13]Accingite vos, et plangite, sacerdotes: ululate, ministri altaris; ingredimini, cubate in sacco, ministri Dei mei, quoniam interiit de domo Dei vestri sacrificium et libatio. |
| [No book] |
[14]Sanctificate jejunium, vocate cœtum, congregate senes, omnes habitatores terræ in domum Dei vestri, et clamate ad Dominum: |
| [No book] |
[15]A, a, a, diei ! quia prope est dies Domini, et quasi vastitas a potente veniet. |
| [No book] |
[16]Numquid non coram oculis vestris alimenta perierunt de domo Dei nostri, lætitia et exsultatio? |
| [No book] |
[17]Computruerunt jumenta in stercore suo, demolita sunt horrea, dissipatæ sunt apothecæ, quoniam confusum est triticum. |
| [No book] |
[18]Quid ingemuit animal, mugierunt greges armenti? quia non est pascua eis; sed et greges pecorum disperierunt. |
| [No book] |
[19]Ad te, Domine, clamabo, quia ignis comedit speciosa deserti, et flamma succendit omnia ligna regionis. |
| [No book] |
[20]Sed et bestiæ agri, quasi area sitiens imbrem, suspexerunt ad te, quoniam exsiccati sunt fontes aquarum, et ignis devoravit speciosa deserti. |