|
|
| [1]ܦܸܬ̣ܓ̣ܵܡܹܗ ܕܡܵܪܝܵܐ ܕܲܗܘ̤ܵܐ ܥܲܠ ܝܘܼܐܹܝܠ ܒܲܪ ܒܬ̣ܘܼܐܹܝܠ. |
[No book] |
| [2]ܫܡܲܥܘ ܗܵܕܹܐ ܩܲܫܝܼܫܹ̈ܐ: ܘܨܘܼܬ̣ܘ ܟܠ ܥܵܡܘܿܪܹ̈ܝܗ̇ ܕܐܲܪܥܵܐ: ܐܸܢ ܗܘ̤ܵܬ̣ ܐܲܝܟ݂ ܗܵܕܹܐ ܒܝܵܘ̈ܡܲܝܟ̇ܘܿܢ: ܐܵܘ ܒܝܵܘܡܲܝ ܐܲܒ̣ܵܗܲܝ̈ܟ̇ܘܿܢ. |
[No book] |
| [3]ܐܸܫܬܲܥܵܘ ܥܠܹܝܗ̇ ܠܲܒ̣ܢܲܝ̈ܟ̇ܘܿܢ: ܘܲܒ̣ܢܲܝ̈ܟ̇ܘܿܢ ܠܲܒ̣ܢܲܝ̈ܗܘܿܢ: ܘܲܒ̣ܢܲܝ̈ܗܘܿܢ ܠܕ݂ܵܪܵܐ ܐ̄ܚܪܹܢܵܐ. |
[No book] |
| [4]ܕܡܸܕܸ̇ܡ ܕܐܵܘܬܲܪ ܡܵܫܘܿܛܵܐ: ܐܸܟܲܠ̣ ܩܲܡܨܵܐ ܦܵܪܚܵܐ: ܘܡܸܕܸ̇ܡ ܕܐܵܘܬܲܪ ܩܲܡܨܵܐ ܦܵܪܚܵܐ: ܐܲܟܲܠ̣ ܩܲܡܨܵܐ ܙܵܚܠܵܐ: ܘܡܸܕܸ̇ܡ ܕܐܵܘܬܲܪ ܙܵܚܠܵܐ: ܐܸܟܲܠ ܨܲܪܨܘܼܪܵܐ. |
[No book] |
| [5]ܐܸܬ̇ܬ̇ܥܝܼܪܘ ܪ̈ܘܲܝܵܐ ܘܲܒ̣ܟ݂ܵܘ: ܘܐܲܝܠܸܠܘ ܟܠ ܫܵܬ̣ܝܲܝ̈ ܚܲܡܪܵܐ: ܥܲܠ ܚܲܡܪܵܐ ܕܲܥ̣ܒܲܪ ܡ̣ܢ ܦܘܼܡܟ݂ܘܿܢ. |
[No book] |
| [6]ܡܸܛܠ ܕܥܲܡܵܐ ܣ̣ܠܸܩ ܠܐܲܪܥܝ: ܥܲܫܝܼܢ ܘܠܲܝܬ̇ ܠܹܗ ܡܸܢܝܵܢ: ܫܸܢܵܘ̈ܗܝ ܐܲܝܟ݂ ܫܸܢܹ̈ܐ ܕܐܲܪܝܵܐ: ܘܢܝܼܒ̣ܵܘ̈ܗܝ ܐܲܝܟ݂ ܢܝܼܒܹ̈ܐ ܕܓ̣ܘܼܪܝܵܐ ܕܐܪܝܵܐ. |
[No book] |
| [7]ܥ̣ܒܲܕ݂ ܓܦܸܬ̇ܝ ܠܚܘܼܪܒܵܐ: ܘܬܹܬ̇ܝ ܠܦܘܼܫܵܚܵܐ: ܦܲܫ̣ܚܵܗ̇ ܘܲܫܕ݂ܵܗ̇ ܘܚܵܘܲܪ ܣܵܘ̈ܟܹ̇ܝܗ̇. |
[No book] |
| [8]ܐܲܠܵܝ ܐܲܝܟ݂ ܒܬ̣ܘܼܠܬܵܐ ܕܲܟ݂ܒ̣ܝܼܢܵܐ ܣܲܩܵܐ ܥܲܠ ܒܥܸܠ ܛܲܠܝܘܼܬ̣ܵܗ̇. |
[No book] |
| [9]ܥ̣ܒܲܪ ܣܡܝܼܕ݂ܵܐ ܘܢܘܼܩܵܝܵܐ ܡ̣ܢ ܒܲܝܬܹ̇ܗ ܕܡܵܪܝܵܐ: ܝܑܼܬܸܒ̣ܘ ܡܲܠ̈ܟܹ̇ܐ ܒ̣ܐܸܒ̣ܠܵܐ: ܘܟ݂ܵܗܢܹ̈ܐ ܕܲܡܫܲܡܫܝܼܢ ܠܡܵܪܝܵܐ. |
[No book] |
| [10]ܐܸܬ̣ܒܲܙܙܲܬ̤ ܚܲܩܠܵܐ: ܘܝܸܬ̣ܒܲܬ̤ ܒܐܸܒ̣ܠܵܐ ܐܲܪܥܵܐ: ܡܸܛܠ ܕܐܸܬ̣ܒ̇ܙܸܙ ܥܒ̣ܘܼܪܵܐ: ܘܝܼܒܸܫ̣ ܚܲܡܪܵܐ: ܘܲܚܪܸܒ̣ܘ ܙܲܝ̈ܬܹ̇ܐ. |
[No book] |
| [11]ܒ̣ܗܸܬ̣ܘ ܐܲܟܵܪܹ̈ܐ: ܘܐܲܝܠܸܠ̣ܘ ܟܵܪ̈ܡܹܐ: ܥܲܠ ܚܸܛܹ̈ܐ ܘܥܲܠ ܣܥܵܪܹ̈ܐ: ܕܲܥ̣ܒܲܪ ܚܨܵܕ݂ܵܐ ܕܚܲܩܠܵܐ. |
[No book] |
| [12]ܓܦܸܬܵܐ ܝܸܒ̣ܫܲܬ̤: ܘܬܹܐܬܵܐ ܚܸܪܒܲܬ̤: ܘܪ̈ܘܼܡܵܢܹܐ ܘܲܕ݂ܩ̈ܠܹܐ ܘܚܲܙܘܼܪܹ̈ܐ: ܘܟ݂ܠܗܘܿܢ ܐܝܼܠܵܢܹ̈ܐ ܕܚܲܩܠܵܐ ܝܑܼܒܸܫ̣ܘ: ܡܸܛܠ ܕܒܸܛܠܲܬ̤ ܚܲܕ݂ܘܼܬ̣ܵܐ ܡ̣ܢ ܒܢܲܝ̈ܢܵܫܵܐ. |
[No book] |
| [13]ܟܵܗ̈ܢܹܐ ܐܸܬ̣ܟܲܒ̣̄ܢܘ ܣܲܩܹ̈ܐ: ܘܐܲܪܩܸܕ݂ܘ ܘܐܲܝܠܸܠܘ ܡܫܲܡܫܵܢܲܝ̈ ܡܲܕ݂ܒ̇ܚܵܐ: ܥܘܿܠܘ ܒܘܼܬ̣ܘ ܒܣܲܩܹ̈ܐ ܡܫܲܡܫܵܢܵܘ̈ܗܝ ܕܐܲܠܗܝ: ܡܸܛܠ ܕܐܸܬ̣ܟ̇ܠܝܼ ܡ̣ܢ ܒܲܝܬܹ̇ܗ ܕܐܲܠܵܗܟ݂ܘܿܢ ܣܡܝܼܕ݂ܵܐ ܘܢܘܼܩܵܝܵܐ. |
[No book] |
| [14]ܩܲܕܸ̇ܫܘ ܨܵܘܡܵܐ: ܩܪܵܘ ܟܢܘܼܫܝܵܐ: ܐܸܬ̣ܟܲܢܲܫܘ ܩܲܫܝܼܫܹ̈ܐ: ܘܟ݂ܠܗܘܿܢ ܥܵܡܘܿܪܹ̈ܝܗ̇ ܕܐܲܪܥܵܐ: ܠܒܲܝܬܹ̇ܗ ܕܡܵܪܝܵܐ ܐܵܠܵܗܟ݂ܘܿܢ: ܓܥܵܘ ܠܘܵܬ̣ ܡܵܪܝܵܐ ܐܲܠܵܗܟ݂ܘܿܢ: ܘܐܸܡܲܪܘ. |
[No book] |
| [15]ܐܘܿܗ: ܐܘܿܗ: ܠܝܵܘܡܵܐ ܕܩܲܪܝܼܒ̣ ܗ̄ܘܼ ܝܵܘܡܹܗ ܕܡܵܪܝܵܐ: ܘܒܸܙܬ̣ܵܐ ܡ̣ܢ ܐܲܠܵܗܵܐ ܬܹܐܬܹܐ. |
[No book] |
| [16]ܘܗܵܐ ܠܘܼܩܒܲܠ ܥܲܝܢܲܝ̈ܢ ܥ̣ܒܲܪ ܡܹܐܟ݂̈ܠܵܬ̣ܵܐ ܡ̣ܢ ܒܲܝܬܹ̇ܗ ܕܐܲܠܵܗܲܢ: ܘܚܲܕ݂ܘܼܬ̣ܵܐ ܘܲܕ݂ܝܵܨܵܐ. |
[No book] |
| [17]ܘܲܛܘܲܝ̈ ܡܘܼܫܚܹ̈ܐ ܥܲܠ ܐܘܿܪ̈ܵܘܵܬ̣ܗܹܝܢ: ܚ̣ܪܸܒ̣ܘ ܐܵܘܨܪܹ̈ܐ: ܘܐܸܣܬ̇ܚܸܦ ܡܲܥܨܪ̈ܵܬ̣ܵܐ: ܘܝܼܒܸܫ̣ ܥܒ̣ܘܼܪܵܐ. |
[No book] |
| [18]ܠܡܵܢܵܐ ܡܸܬ̇ܬܲܢܚܵܐ ܒܥܝܼܪܵܐ ܘܒ̣ܵܟ݂̈ܝܵܢ ܒܲܩܪܹ̈ܐ ܕܬ̣ܵܘܪܹ̈ܐ: ܕܠܲܝܬ̇ ܠܗܹܝܢ ܪܸܥܝܵܐ: ܐܵܦ ܓܙܵܪܹ̈ܐ ܕܥܵـ̈ـܢܵܐ ܣܵܦ̣ܘ. |
[No book] |
| [19]ܠܘܵܬ̣ܵܟ݂ ܡܵܪܝܵܐ ܐܸܩܪܸܐ: ܡܸܛܠ ܕܐܹܟ݂ܠܲܬ̤ ܢܘܼܪܵܐ ܠܕܲܝܪܹ̈ܐ ܕܡܲܕ݂ܒ̇ܪܵܐ: ܘܫܲܠܗܹܒ̣ܝܼܬ̣ܵܐ ܐܵܘܩܕܲܬ̤ ܠܟ݂ܠܗܘܿܢ ܐܝܼܠܵܢܹ̈ܐ ܕܕܲܒ̣ܪܵܐ. |
[No book] |
| [20]ܐܵܦ ܚ̣ܝܘܼܬ̣ܵܐ ܕܕܲܒ̣ܪܵܐ ܓܵܥ̇ܝܵܐ ܠܘܵܬ̣ܵܟ݂: ܡܸܛܠ ܕܝܼܒܸܫ̣ܘ ܦܨܝܼ̈ܕܹܐ ܕܡܲـ̈ـܝܵܐ: ܘܐܸܟ݂ܠܲܬ̤ ܢܘܼܪܵܐ ܠܕܲܝܪܹ̈ܐ ܕܡܲܕ݂ܒ̇ܪܵܐ. |
[No book] |