|
|
| [1]כי הנה בימים ההמה־ובעת ההיא אשר אשוב [Q: אשיב] את שבות יהודה וירושלם |
[No book] |
| [2]וקבצתי את כל הגוים והורדתים אל עמק יהושפט ונשפטתי עמם שם על עמי ונחלתי ישראל אשר פזרו בגוים ואת ארצי חלקו |
[No book] |
| [3]ואל עמי ידו גורל ויתנו הילד בזונה והילדה מכרו ביין וישתו |
[No book] |
| [4]וגם מה אתם לי צר וצידון וכל גלילות פלשת הגמול אתם משלמים עלי ואם גמלים אתם עלי קל מהרה אשיב גמלכם בראשכם |
[No book] |
| [5]אשר כספי וזהבי לקחתם ומחמדי הטבים הבאתם להיכליכם |
[No book] |
| [6]ובני יהודה ובני ירושלם מכרתם לבני היונים למען הרחיקם מעל גבולם |
[No book] |
| [7]הנני מעירם־מן המקום אשר מכרתם אתם שמה והשבתי גמלכם בראשכם |
[No book] |
| [8]ומכרתי את בניכם ואת בנותיכם ביד בני יהודה ומכרום לשבאים אל גוי רחוק כי יהוה דבר |
[No book] |
| [9]קראו זאת בגוים קדשו מלחמה העירו הגבורים־יגשו יעלו כל אנשי המלחמה |
[No book] |
| [10]כתו אתיכם לחרבות ומזמרתיכם לרמחים החלש יאמר גבור אני |
[No book] |
| [11]עושו ובאו כל הגוים מסביב ונקבצו שמה הנחת יהוה גבוריך |
[No book] |
| [12]יעורו ויעלו הגוים אל עמק יהושפט כי שם אשב לשפט את כל הגוים־מסביב |
[No book] |
| [13]שלחו מגל כי בשל קציר באו רדו כי מלאה גת־השיקו היקבים כי רבה רעתם |
[No book] |
| [14]המונים המונים בעמק החרוץ כי קרוב יום יהוה בעמק החרוץ |
[No book] |
| [15]שמש וירח קדרו וכוכבים אספו נגהם |
[No book] |
| [16]ויהוה מציון ישאג ומירושלם יתן קולו ורעשו שמים וארץ ויהוה מחסה לעמו ומעוז לבני ישראל |
[No book] |
| [17]וידעתם כי אני יהוה אלהיכם שכן בציון הר קדשי והיתה ירושלם קדש וזרים לא יעברו בה עוד |
[No book] |
| [18]והיה ביום ההוא יטפו ההרים עסיס והגבעות תלכנה חלב וכל אפיקי יהודה ילכו מים ומעין מבית יהוה יצא והשקה את נחל השטים |
[No book] |
| [19]מצרים לשממה תהיה ואדום למדבר שממה תהיה מחמס בני יהודה אשר שפכו דם נקיא בארצם |
[No book] |
| [20]ויהודה לעולם תשב וירושלם לדור ודור |
[No book] |
| [21]ונקיתי דמם לא נקיתי ויהוה שכן בציון |
[No book] |