|
|
| [1]In principio erat Verbum, et Verbum erat apud Deum, et Deus erat Verbum. |
[No book] |
| [2]Hoc erat in principio apud Deum. |
[No book] |
| [3]Omnia per ipsum facta sunt: et sine ipso factum est nihil, quod factum est. |
[No book] |
| [4]In ipso vita erat, et vita erat lux hominum: |
[No book] |
| [5]et lux in tenebris lucet, et tenebræ eam non comprehenderunt. |
[No book] |
| [6]Fuit homo missus a Deo, cui nomen erat Joannes. |
[No book] |
| [7]Hic venit in testimonium ut testimonium perhiberet de lumine, ut omnes crederent per illum. |
[No book] |
| [8]Non erat ille lux, sed ut testimonium perhiberet de lumine. |
[No book] |
| [9]Erat lux vera, quæ illuminat omnem hominem venientem in hunc mundum. |
[No book] |
| [10]In mundo erat, et mundus per ipsum factus est, et mundus eum non cognovit. |
[No book] |
| [11]In propria venit, et sui eum non receperunt. |
[No book] |
| [12]Quotquot autem receperunt eum, dedit eis potestatem filios Dei fieri, his qui credunt in nomine ejus: |
[No book] |
| [13]qui non ex sanguinibus, neque ex voluntate carnis, neque ex voluntate viri, sed ex Deo nati sunt. |
[No book] |
| [14]Et Verbum caro factum est, et habitavit in nobis: et vidimus gloriam ejus, gloriam quasi unigeniti a Patre plenum gratiæ et veritatis. |
[No book] |
| [15]Joannes testimonium perhibet de ipso, et clamat dicens: Hic erat quem dixi: Qui post me venturus est, ante me factus est: quia prior me erat. |
[No book] |
| [16]Et de plenitudine ejus nos omnes accepimus, et gratiam pro gratia: |
[No book] |
| [17]quia lex per Moysen data est, gratia et veritas per Jesum Christum facta est. |
[No book] |
| [18]Deum nemo vidit umquam: unigenitus Filius, qui est in sinu Patris, ipse enarravit. |
[No book] |
| [19]Et hoc est testimonium Joannis, quando miserunt Judæi ab Jerosolymis sacerdotes et Levitas ad eum ut interrogarent eum: Tu quis es? |
[No book] |
| [20]Et confessus est, et non negavit, et confessus est: Quia non sum ego Christus. |
[No book] |
| [21]Et interrogaverunt eum: Quid ergo? Elias es tu? Et dixit: Non sum. Propheta es tu? Et respondit: Non. |
[No book] |
| [22]Dixerunt ergo ei: Quis es ut responsum demus his qui miserunt nos? quid dicis de teipso? |
[No book] |
| [23]Ait: Ego vox clamantis in deserto: Dirigite viam Domini, sicut dixit Isaias propheta. |
[No book] |
| [24]Et qui missi fuerant, erant ex pharisæis. |
[No book] |
| [25]Et interrogaverunt eum, et dixerunt ei: Quid ergo baptizas, si tu non es Christus, neque Elias, neque propheta? |
[No book] |
| [26]Respondit eis Joannes, dicens: Ego baptizo in aqua: medius autem vestrum stetit, quem vos nescitis. |
[No book] |
| [27]Ipse est qui post me venturus est, qui ante me factus est: cujus ego non sum dignus ut solvam ejus corrigiam calceamenti. |
[No book] |
| [28]Hæc in Bethania facta sunt trans Jordanem, ubi erat Joannes baptizans. |
[No book] |
| [29]Altera die vidit Joannes Jesum venientem ad se, et ait: Ecce agnus Dei, ecce qui tollit peccatum mundi. |
[No book] |
| [30]Hic est de quo dixi: Post me venit vir qui ante me factus est: quia prior me erat: |
[No book] |
| [31]et ego nesciebam eum, sed ut manifestetur in Israël, propterea veni ego in aqua baptizans. |
[No book] |
| [32]Et testimonium perhibuit Joannes, dicens: Quia vidi Spiritum descendentem quasi columbam de cælo, et mansit super eum. |
[No book] |
| [33]Et ego nesciebam eum: sed qui misit me baptizare in aqua, ille mihi dixit: Super quem videris Spiritum descendentem, et manentem super eum, hic est qui baptizat in Spiritu Sancto. |
[No book] |
| [34]Et ego vidi: et testimonium perhibui quia hic est Filius Dei. |
[No book] |
| [35]Altera die iterum stabat Joannes, et ex discipulis ejus duo. |
[No book] |
| [36]Et respiciens Jesum ambulantem, dicit: Ecce agnus Dei. |
[No book] |
| [37]Et audierunt eum duo discipuli loquentem, et secuti sunt Jesum. |
[No book] |
| [38]Conversus autem Jesus, et videns eos sequentes se, dicit eis: Quid quæritis? Qui dixerunt ei: Rabbi (quod dicitur interpretatum Magister), ubi habitas? |
[No book] |
| [39]Dicit eis: Venite et videte. Venerunt, et viderunt ubi maneret, et apud eum manserunt die illo: hora autem erat quasi decima. |
[No book] |
| [40]Erat autem Andreas, frater Simonis Petri, unus ex duobus qui audierant a Joanne, et secuti fuerant eum. |
[No book] |
| [41]Invenit hic primum fratrem suum Simonem, et dicit ei: Invenimus Messiam (quod est interpretatum Christus). |
[No book] |
| [42]Et adduxit eum ad Jesum. Intuitus autem eum Jesus, dixit: Tu es Simon, filius Jona; tu vocaberis Cephas, quod interpretatur Petrus. |
[No book] |
| [43]In crastinam voluit exire in Galilæam, et invenit Philippum. Et dicit ei Jesus: Sequere me. |
[No book] |
| [44]Erat autem Philippus a Bethsaida, civitate Andreæ et Petri. |
[No book] |
| [45]Invenit Philippus Nathanaël, et dicit ei: Quem scripsit Moyses in lege, et prophetæ, invenimus Jesum filium Joseph a Nazareth. |
[No book] |
| [46]Et dixit ei Nathanaël: A Nazareth potest aliquid boni esse? Dicit ei Philippus: Veni et vide. |
[No book] |
| [47]Vidit Jesus Nathanaël venientem ad se, et dicit de eo: Ecce vere Israëlita, in quo dolus non est. |
[No book] |
| [48]Dicit ei Nathanaël: Unde me nosti? Respondit Jesus, et dixit ei: Priusquam te Philippus vocavit, cum esses sub ficu, vidi te. |
[No book] |
| [49]Respondit ei Nathanaël, et ait: Rabbi, tu es Filius Dei, tu es rex Israël. |
[No book] |
| [50]Respondit Jesus, et dixit ei: Quia dixi tibi: Vidi te sub ficu, credis; majus his videbis. |
[No book] |
| [51]Et dicit ei: Amen, amen dico vobis, videbitis cælum apertum, et angelos Dei ascendentes, et descendentes supra Filium hominis. |
[No book] |