➕
←
John
Joh
21
   
[1]בתר הלינ חוי תוב נפשׁה ישׁוע לתלמידוהי על ימא דטיבריוס חוי דינ הכנא [2]איתיהונ הוו אכחדא שׁמעונ כאפא ותאומא דמתאמר תאמא ונתניאיל הו דמנ קטנא דגלילא ובני זבדי ותרינ אחרנינ מנ תלמידא [3]אמר להונ שׁמעונ כאפא אזל אנא אצוד נונא אמרינ לה אפ חננ אתיננ עמכ ונפקו וסלקו לספינתא ובהו לליא מדמ לא צדו [4]כד דינ הוא צפרא קמ ישׁוע על יד ימא ולא ידעו תלמידא דישׁוע הו [5]ואמר להונ ישׁוע טליא למא אית לכונ מדמ למלעס אמרינ לה לא [6]אמר להונ ארמו מצידתכונ מנ גבא דימינא דספינתא ומשׁכחינ אנתונ וארמיו ולא אשׁכחו למגדה למצידתא מנ סוגאא דנונא דאחדת [7]ואמר תלמידא הו דרחמ הוא לה ישׁוע לכאפא הנא מרנ הו שׁמעונ דינ כד שׁמע דמרנ הו נסב כותינה מחא בחצוהי מטל דערטליא הוא ושׁדא נפשׁה בימא דנאתא לות ישׁוע [8]אחרנא דינ תלמידא בספינתא אתו לא גיר רחיקינ הוו סגי מנ ארעא אלא איכ מאתינ אמינ ונגדינ הוו לה למצידתא הי דנונא [9]כד דינ סלקו לארעא חזו גומרא כד סימנ ונונא כד סימ עליהינ ולחמא [10]ואמר להונ ישׁוע איתו מנ הנונ נונא דצדתונ השׁא [11]וסלק שׁמעונ כאפא ונגדה למצידתא לארעא כד מליא נונא רורבא מאא וחמשׁינ ותלתא ובהנא כלה יוקרא לא אצטרית מצידתא הי [12]ואמר להונ ישׁוע תו אשׁתרו אנשׁ דינ מנ תלמידא לא ממרח הוא דנשׁאליוהי דמנו דידעינ הוו דמרנ הו [13]קרב דינ ישׁוע ושׁקל לחמא ונונא ויהב להונ [14]הדא דתלת זבנינ אתחזי ישׁוע לתלמידוהי כד קמ מנ בית מיתא [15]כד דינ אשׁתריו אמר ישׁוע לשׁמעונ כאפא שׁמעונ בר-יונא רחמ אנת לי יתיר מנ הלינ אמר לה אינ מרי אנת ידע אנת דרחמ אנא לכ אמר לה רעי לי אמרי [16]אמר לה תוב דתרתינ זבנינ שׁמעונ בר-יונא רחמ אנת לי אמר לה אינ מרי אנת ידע אנת דרחמ אנא לכ אמר לה ישׁוע רעי לי ערבי [17]אמר לה דתלת זבנינ שׁמעונ בר-יונא רחמ אנת לי וכרית לה לכאפא דאמר לה דתלת זבנינ דרחמ אנת לי ואמר לה מרי כל מדמ אנת חכמ אנת אנת ידע אנת דרחמ אנא לכ אמר לה ישׁוע רעי לי נקותי [18]אמינ אמינ אמר אנא לכ דכד טלא הוית אנת לנפשׁכ אסר הוית חציכ ומהלכ הוית לאיכא דצבא אנת מא דינ דסאבת תפשׁוט אידיכ ואחרינ נאסור לכ חציכ ונובלכ לאיכא דלא צבא אנת [19]הדא דינ אמר דנחוא באינא מותא עתיד דנשׁבח לאלהא וכד אמר הלינ אמר לה תא בתרי [20]ואתפני שׁמעונ כאפא וחזא לתלמידא הו דרחמ הוא ישׁוע דאתא בתרה הו דנפל הוא בחשׁמיתא על חדיה דישׁוע ואמר מרי מנו משׁלמ לכ [21]להנא כד חזא כאפא אמר לישׁוע מרי והנא מנא [22]אמר לה ישׁוע אנ צבא אנא דנקוא הנא עדמא דאתא אנא לכ מא לכ אנת תא בתרי [23]ונפקת הדא מלתא בית אחא דהו תלמידא לא מאת ישׁוע דינ לא הוא דלא מאת אמר אלא דאנ צבא אנא דנקוא הנא עדמא דאתא אנא לכ מא לכ [24]הנו תלמידא דאסהד על הלינ כלהינ ואפ כתב אנינ וידעינ חננ דשׁרירא הי סהדותה [25]אית דינ אפ אחרניתא סגיאתא דעבד ישׁוע אילינ דאלו חדא חדא מתכתבנ הוי אפ לא הו עלמא איכ דסבר אנא ספק הוא לכתבא דמתכתבינ הוו
 
Top