➖ »
«
➖ ➕
Aleppo Codex (~920)
Alep
The Sonnini Manuscript: The Lost Chapter 29 of Acts
Acts29
←
Jonah
Jon
3
→
[1]ויהי דבר יהוה אל יונה שנית לאמר [No book]
[2]קום לך אל נינוה העיר הגדולה וקרא אליה את הקריאה אשר אנכי דבר אליך [No book]
[3]ויקם יונה וילך אל נינוה־כדבר יהוה ונינוה היתה עיר גדולה לאלהים־מהלך שלשת ימים [No book]
[4]ויחל יונה לבוא בעיר מהלך יום אחד ויקרא ויאמר עוד ארבעים יום ונינוה נהפכת [No book]
[5]ויאמינו אנשי נינוה באלהים ויקראו צום וילבשו שקים מגדולם ועד קטנם [No book]
[6]ויגע הדבר אל מלך נינוה ויקם מכסאו ויעבר אדרתו מעליו ויכס שק וישב על האפר [No book]
[7]ויזעק ויאמר בנינוה מטעם המלך וגדליו לאמר האדם והבהמה הבקר והצאן אל יטעמו מאומה־אל ירעו ומים אל ישתו [No book]
[8]ויתכסו שקים האדם והבהמה ויקראו אל אלהים בחזקה וישבו איש מדרכו הרעה ומן החמס אשר בכפיהם [No book]
[9]מי יודע ישוב ונחם האלהים ושב מחרון אפו ולא נאבד [No book]
[10]וירא האלהים את מעשיהם כי שבו מדרכם הרעה וינחם האלהים על הרעה אשר דבר לעשות להם־ולא עשה [No book]
Source: unbound.biola.edu
Top