➖ »
«
➖ ➕
Peshitta OT
PesOT
Peshitta NT (1905)
PesNT(1905)
←
Jonah
Jon
4
   
[1]ܘܟܸܪܝܲܬ̤ ܠܝܵܘܢܵܢ ܟܲܪܝܘܼܬ̣ܵܐ ܪܲܒ̇ܬ̣ܵܐ: ܘܥܵܩܲܬ̤ ܠܹܗ ܛܵܒ̣. [No book]
[2]ܘܨܲܠܝܼ ܩܕ݂ܵܡ ܡܵܪܝܵܐ: ܘܐܸܡܲܪ: ܐܘܿܢ ܡܵܪܝܵܐ ܠܵܐ ܗܘ̤ܵܬ̣ ܗܵܕܹܐ ܡܸܠܲܬ̣ܝ ܟܲܕ݂ ܐܸܢܵܐ ܒܐܲܪܥܝ: ܘܡܸܛܠ ܗܵܢܵܐ ܩܲܕ̇ܡܹ̇ܬ̣ ܗ̄ܘܹ̇ܝܬ̣ ܥܸܪܩܹ̇ܬ̣ ܠܝܼ ܠܬܲܪܫܝܼܫ: ܝܵܕܲܥ ܗ̄ܘܹ̇ܝܬ̣ ܓܹܝܪ ܕܐܲܠܵܗܵܐ ܐܲܢ̄ܬ̇ ܡܪܲܚܡܵܢܵܐ ܘܲܡܪܲܚܦܵܢܵܐ: ܘܢܲܓ̇ܝܼܪܵܐ ܪܘܼܚܵܟ݂: ܘܣܲܓ̇ܝܼܵܐܐ ܛܲܝܒ̇ܘܼܬ̣ܵܟ݂: ܘܡܲܗܦܸܟ݂ ܐܲܢ̄ܬ̇ ܒܝܼܫܬܵܐ. [No book]
[3]ܡܸܟܹ̇ܝܠ ܡܵܪܝ ܣܲܒ̣ ܢܲܦ̮ܫܝ ܡܹܢܝ: ܡܸܛܠ ܕܦܲܩܵܚ ܠܝܼ ܠܲܡܡܵܬ̣ ܛܵܒ̣ ܡ̣ܢ ܕܲܠܡܸܚܵܐ. [No book]
[4]ܘܐܸܡܲܪ ܠܹܗ ܡܵܪܝܵܐ ܛܵܒ̣ ܟܸܪܝܲܬ̤ ܠܵܟ݂. [No book]
[5]ܘܲܢ̣ܦܲܩ ܝܵܘܢܵܢ ܠܒܲܪ ܡ̣ܢ ܡܕ݂ܝܼܢ̄ܬܵܐ: ܘܝܼܬܸܒ̣ ܠܹܗ ܒܡܲܕ݂ܢܚܵܝܵܗ̇ ܕܲܡܕ݂ܝܼܢ̄ܬܵܐ: ܘܲܥ̣ܒܲܕ݂ ܠܹܗ ܡܛܲܠܬ̣ܵܐ ܬܲܡܵܢ: ܘܝܼܬܸܒ̣ ܬܚܘܿܬܹܝܗ̇ ܒܛܸܠܵܠܵܐ: ܕܢܸܚܙܹܐ ܡܵܢܵܐ ܓܵܕܹ̇ܫ ܠܵܗ̇ ܠܲܡܕ݂ܝܼܢ̄ܬܵܐ. [No book]
[6]ܘܲܦ̣ܩܲܕ݂ ܡܵܪܝܵܐ ܐܲܠܵܗܵܐ ܠܲܫܪܘܿܪܵܐ ܕܩܲܪܐܵܐ: ܘܝܼܥ̣ܵܐ ܘܲܣܠܸܩ ܠܥܸܠ ܡ̣ܢ ܝܵܘܢܵܢ: ܘܲܗܘ̤ܵܘ ܛܸܠܵܠܵܐ ܥܲܠ ܪܹܫܹܗ: ܘܐܲܪܘܲܚ ܠܹܗ ܡ̣ܢ ܒܝܼܫܬܹ̇ܗ: ܘܲܚܕ݂ܝܼ ܝܵܘܢܵܢ ܒܹܗ ܒܲܫܪܘܿܪܵܐ ܕܩܲܪܐܵܐ ܚܲܕ݂ܘܼܬ̣ܵܐ ܪܲܒ̇ܬ̣ܵܐ. [No book]
[7]ܘܲܠܝܵܘܡܵܐ ܐ̄ܚܪܹܢܵܐ: ܦ̣ܩܲܕ݂ ܡܵܪܝܵܐ ܐܲܠܵܗܵܐ ܠܬ̣ܵܘܠܥܵܐ ܒܡܲܣܵܩܲܝ̈ ܫܲܦܪܵܐ: ܘܲܡܚܵܬܹܗ ܠܲܫܪܘܿܪܵܐ ܕܩܲܪܐܵܐ ܘܲܩܛܲܡܬܹܗ. [No book]
[8]ܘܟܲܕ݂ ܕܸܢܚܲܬ̤ ܫܸܡܫܵܐ: ܦ̣ܩܲܕ݂ ܡܵܪܝܵܐ ܐܲܠܵܗܵܐ ܠܪܘܼܚܵܐ ܕܫܵܘܒܵܐ ܘܐܵܘܒܸ̇ܫܬܹܗ ܠܩܲܪܐܵܐ: ܘܨܸܚܲܬ̤ ܫܸܡܫܵܐ ܒܪܹܫܹܗ ܕܝܵܘܢܵܢ: ܘܐܸܬ̇ܛܲܪܲܦ: ܘܲܫ̣ܐܸܠ ܡܵܘܬܵܐ ܠܢܲܦ̮ܫܹܗ: ܘܐܸܡܲܪ: ܡܵܛܹ̇ܐ ܒܐܝܼܕܲܝ̈ܟ ܡܵܪܝܵܐ ܠܡܸܣܲܒ̣ ܢܲܦ̮ܫܝ ܡܹܢܝ: ܡܸܛܠ ܕܠܵܐ ܗܘܹ̇ܝܬ̣ ܛܵܒ̣ ܐ̄ܢܵܐ ܡ̣ܢ ܐܲܒ̣ܵܗܲܝ̈. [No book]
[9]ܘܐܸܡܲܪ ܡܵܪܝܵܐ ܐܲܠܵܗܵܐ ܠܝܵܘܢܵܢ ܛܵܒ̣ ܟܸܪܝܲܬ̤ ܠܵܟ݂ ܥܲܠ ܫܪܘܿܪܵܐ ܕܩܲܪܐܵܐ: ܘܐܸܡܲܪ ܝܵܘܢܵܢ ܛܵܒ̣ ܟܸܪܝܲܬ̤ ܠܝܼ ܥܕܲܡܵܐ ܠܡܵܘܬܵܐ. [No book]
[10]ܐܸܡ̣ܲܪ ܠܹܗ ܡܵܪܝܵܐ: ܐܲܢ̄ܬ̇ ܚܵܣ̣ܬ̇ ܥܲܠ ܫܪܘܿܪܵܐ ܕܩܲܪܐܵܐ: ܕܠܵܐ ܠܐܝܼܬ̇ ܒܹܗ ܘܠܵܐ ܪܲܒ̇ܝܼܬܵܝܗܝ: ܕܒܲܪ ܠܸܠܝܹܗ ܝܑܼܥ̣ܵܐ ܘܒܲܪ ܠܸܠܝܹܗ ܝܑܼܒܸܥ̣. [No book]
[11]ܐܸܢܵܐ ܕܹܝܢ ܠܵܐ ܐܹܚܘܿܣ ܥܲܠ ܢܝܼܢܘܹܐ ܡܕ݂ܝܼܢ̄ܬܵܐ ܪܲܒ̇ܬ̣ܵܐ: ܕܐܝܼܬ̣ ܒܵܗ̇ ܝܲܬ̇ܝܼܪ ܡ̣ܢ ܬܲܪܬܲܥܸܣܪܹ̈ܐ ܪܸ̈ܒ̇ܘܵܢ ܒܢܲܝ̈ܢܵܫܵܐ: ܕܠܵܐ ܝܵܕ݂ܥܝܼܢ ܒܹܝܬ̣ ܝܲܡܝܼܢܗܘܿܢ ܠܣܸܡܵܠܗܘܿܢ: ܘܣܘܿܓ̣ܵܐܐ ܕܲܒ̣ܥܝܼܪܵܐ. [No book]
 
Top