|
|
| [No book] |
[1]ܘܗܵܠܹܝܢ ܡܲܠܟܹ̈ܐ ܕܐܲܪܥܵܐ ܕܲܚܪܲܒ̣ܘ ܒ̈ܢܲܝ ܝܼܣܪܵܝܹܠ: ܘܝܼܪܸܬ̣ܘ ܐܲܬ̣ܪ̈ܵܘܵܬ̣ܗܘܿܢ: ܒܥܸܒ̣ܪܵܐ ܕܝܘܿܪܕܢܵܢ ܡ̣ܢ ܡܲܕ݂ܢܵܚܲܝ̈ ܫܸܡܫܵܐ: ܡ̣ܢ ܢܲܚܠܵܐ ܕܐܲܪܢܘܿܢ ܘܲܥܕܲܡܵܐ ܠܛܘܼܪܵܐ ܕܚܸܪܡܘܿܢ: ܘܟ݂ܠܵܗ̇ ܦܩܲܥܬ̣ܵܐ ܕܲܒ̣ܡܲܕ݂ܢ̱ܚܵܐ. |
| [No book] |
[2]ܣܝܼܚܘܿܢ ܡܲܠܟܵܐ ܕܐܵܡܘܿܪ̈ܵܝܹܐ ܕܝܵܬܹܒ̣ ܗ̄ܘ̣ܵܐ ܒܚܸܫܒ̇ܘܿܢ: ܘܫܲܠܝܼܛ ܗ̄ܘ̣ܵܐ ܡ̣ܢ ܥܲܕ݂ܘܵܥܝܼܪ ܕܥܲܠ ܣܸܦܬ̣ܵܐ ܕܢܲܚܠܵܐ ܕܐܲܪܢܘܿܢ: ܘܓ̣ܵܘܹܗ ܕܢܲܚܠܵܐ: ܘܦܸܠܓܵܗ̇ ܕܓܸܠܥܵܕ݂: ܘܲܥܕܲܡܵܐ ܠܐܵܦܵܩ ܢܲܚܠܵܐ ܕܲܬ̣ܚܘܼܡܵܐ ܕܲܒ̣̈ܢܲܝ ܥܲܡܘܿܢ. |
| [No book] |
[3]ܘܲܦܩܲܥܬ̣ܵܐ ܥܕܲܡܵܐ ܠܝܲܡܵܐ ܕܟܸܢܪܲܬ̣: ܡ̣ܢ ܡܲܕ݂ܢ̱ܚܵܐ: ܘܲܥܕܲܡܵܐ ܠܝܲܡܵܐ ܕܲܦܩܲܥܬ̣ܵܐ ܝܲܡܵܐ ܕܡܸܠܚܵܐ: ܕܲܒ̣ܡܲܕ݂ܢ̱ܚܵܐ ܕܐܘܼܪܚܵܐ ܕܒܹܝܬ̣ ܐܲܫܝܼܡܘܿܢ: ܘܡ̣ܢ ܬܲܝܡܲܢ ܕܲܬ̣ܚܹܝܬ̣ ܐܲܫܕ̇ܘܼܬ̣ ܪܵܡܬ̣ܵܐ. |
| [No book] |
[4]ܘܲܬ̣ܚܘܼܡܵܐ ܕܥܘܿܠ ܡܲܠܟܵܐ ܕܒܲܝܫܵܢ ܡ̣ܢ ܫܲܪܒ̇ܬ̣ܵܐ ܕܓܲܢ̄ܒܵܪܹ̈ܐ ܕܝܵܬܹܒ̣ ܗ̄ܘ̣ܵܐ ܒܥܸܣܬ̇ܪܘܲܬ̣: ܘܒܲܐܪܕ̇ܥܝܼ. |
| [No book] |
[5]ܘܫܲܠܝܼܛ ܗ̄ܘ̣ܵܐ ܒܛܘܼܪܵܐ ܕܐܲܫܝܼܡܘܿܢ: ܘܲܒܣܲܠܟܵܐ: ܘܲܒ̣ܟ݂ܠܵܗ̇ ܒܲܝܫܵܢ: ܥܕܲܡܵܐ ܠܲܬ̣ܚܘܼܡܵܐ ܕܥܝܼܢܕ̇ܘܿܪ ܘܲܕ݂ܡܲܥܟܲܬ̣: ܘܦܸܠܓܵܗ̇ ܕܓܸܠܥܵܕ݂: ܘܲܬ̣ܚܘܼܡܹܗ ܕܣܝܼܚܘܿܢ ܡܲܠܟܵܐ ܕܚܸܫܒ̇ܘܿܢ. |
| [No book] |
[6]ܕܩܲܛܠܹܗ ܡܘܼܫܹܐ ܥܲܒ̣ܕܹ̇ܗ ܕܡܵܪܝܵܐ: ܘܝܲܗ̄ܒܹ̇ܗ ܝܘܼܪܬܵܢܵܐ ܠܪܘܼܒܹܝܠ: ܘܲܠܓܵܕ݂: ܘܲܠܦܸܠܓܹܗ ܕܫܲܒ̣ܛܵܐ ܕܲܡܢܲܫܹܐ. |
| [No book] |
[7]ܘܗܵܠܹܝܢ ܡܲܠܟܹ̈ܐ ܕܐܲܪܥܵܐ ܕܲܚܪܲܒ̣ ܝܼܫܘܿܥ ܘܲܒ̣̈ܢܲܝ ܝܼܣܪܵܝܹܠ ܕܝܘܿܪܕ̇ܢܵܢ: ܡ̣ܢ ܥܵܪܵܒܵܐ: ܘܡ̣ܢ ܓܲܠܓܵܠܵܐ ܕܲܦܩܲܥܬ̣ܵܐ ܕܠܸܒܢܵܢ: ܘܲܥܕܲܡܵܐ ܠܛܘܼܪܵܐ ܕܦܵܠܹܓ̣ ܘܣܵܠܹܩ ܠܣܵܥܝܼܪ. ܘܝܲܗ̄ܒܹ̇ܗ ܝܼܫܘܿܥ ܠܫܲܒ̣̈ܛܹܐ ܕܝܼܣܪܵܝܹܠ ܠܝܘܼܪܬܵܢܵܐ ܒܦܵܠ̈ܓܘܵܬ̣ܗܘܿܢ. |
| [No book] |
[8]ܒܛܘܼܪܹ̈ܐ ܘܲܒ̣ܦܲܩ̈ܥܵܬ̣ܵܐ: ܘܲܒ̣ܥܵܪܵܒ̣ܵܐ: ܘܒܲܐܫܕ̇ܘܼܕ݂: ܘܲܒ̣ܡܲܕ݂ܒ̇ܪܵܐ: ܘܲܒ̣ܬܲܝܡܢܵܐ: ܘܚܹܝ̈ܬ̣ܵܝܹܐ: ܘܐܵܡܘܿܪ̈ܵܝܹܐ: ܘܲܟ݂ܢܲܥܢܵܝܹ̈ܐ: ܘܦܲܪ̈ܵܙܵܝܹܐ: ܘܚܵܘܵܝܹ̈ܐ: ܘܝܵܒ̣ܘܿܣܵܝܹ̈ܐ. |
| [No book] |
[9]ܘܗܵܠܹܝܢ ܡܲܠܟܹ̈ܐ ܕܐܲܪܥܵܐ ܕܲܚܪܲܒ̣ ܝܼܫܘܿܥ: ܡܲܠܟܵܐ ܚܲܕ݂ ܕܐܝܼܪܝܼܚܘܿ: ܡܲܠܟܵܐ ܚܲܕ݂ ܕܥܵܝ: ܕܥܲܠ ܓܹܢ̄ܒ̣ ܒܹܝܬ̣ ܐܹܝܠ. |
| [No book] |
[10]ܡܲܠܟܵܐ ܚܲܕ݂ ܕܐܘܿܪܸܫܠܸܡ: ܡܲܠܟܵܐ ܚܲܕ݂ ܕܚܸܒ̣ܪܘܿܢ. |
| [No book] |
[11]ܡܲܠܟܵܐ ܚܲܕ݂ ܕܝܲܪܡܘܼܬ̣: ܡܲܠܟܵܐ ܚܲܕ݂ ܕܲܠܟ݂ܝܼܫ. |
| [No book] |
[12]ܡܲܠܟܵܐ ܚܲܕ݂ ܕܥܸܓ̣ܠܘܿܢ: ܡܲܠܟܵܐ ܚܲܕ݂ ܕܓ̣ܵܙܵܪ. |
| [No book] |
[13]ܡܲܠܟܵܐ ܚܲܕ݂ ܕܕ݂ܵܒ̣ܝܼܪ: ܡܲܠܟܵܐ ܚܲܕ݂ ܕܓ̣ܵܕ݂ܵܪ. |
| [No book] |
[14]ܡܲܠܟܵܐ ܚܲܕ݂ ܕܚܸܪܡܵܐ: ܡܲܠܟܵܐ ܚܲܕ݂ ܕܥܵܕ݂ܵܪ. |
| [No book] |
[15]ܡܲܠܟܵܐ ܚܲܕ݂ ܕܠܸܒ̣ܢܵܐ: ܡܲܠܟܵܐ ܚܲܕ݂ ܕܥܲܪܠܵܡ. |
| [No book] |
[16]ܡܲܠܟܵܐ ܚܲܕ݂ ܕܡܵܩܵܪ: ܡܲܠܟܵܐ ܚܲܕ݂ ܕܒܹܝܬ̣ ܐܹܝܠ. |
| [No book] |
[17]ܡܲܠܟܵܐ ܚܲܕ݂ ܕܬܲܦܘܿܚ: ܡܲܠܟܵܐ ܚܲܕ݂ ܕܚܵܦܵܪ. |
| [No book] |
[18]ܡܲܠܟܵܐ ܚܲܕ݂ ܕܐܵܦܵܩ: ܡܲܠܟܵܐ ܚܲܕ݂ ܕܢܸܫܪܘܿܢ. |
| [No book] |
[19]ܡܲܠܟܵܐ ܚܲܕ݂ ܕܡܵܕ݂ܘܿܢ: ܡܲܠܟܵܐ ܚܲܕ݂ ܕܚܵܨܘܿܪ. |
| [No book] |
[20]ܡܲܠܟܵܐ ܚܲܕ݂ ܕܫܵܡܪܹܝܢ ܘܲܕ݂ܡܸܪܘܿܢ: ܡܲܠܟܵܐ ܚܲܕ݂ ܕܐܲܟ݂ܫܵܦ. |
| [No book] |
[21]ܡܲܠܟܵܐ ܚܲܕ݂ ܕܬܲܥܢܵܟ݂: ܡܲܠܟܵܐ ܚܲܕ݂ ܕܡܲܓܕ̇ܘܿ. |
| [No book] |
[22]ܡܲܠܟܵܐ ܚܲܕ݂ ܕܲܪܩܸܡ: ܡܲܠܟܵܐ ܚܲܕ݂ ܕܲܢܩܸܡܥܲܡ ܘܲܕ݂ܟܲܪܡܠܵܐ. |
| [No book] |
[23]ܡܲܠܟܵܐ ܚܲܕ݂ ܕܕ݂ܘܿܪ ܘܕܲܢܦܸܬ̇ܕ̇ܘܿܪ: ܡܲܠܟܵܐ ܚܲܕ݂ ܕܥܘܼܡܩܵܐ ܘܲܕ݂ܓܲܠܓܵܠܵܐ. |
| [No book] |
[24]ܡܠܟܵܐ ܚܲܕ݂ ܕܬܲܪܨܵܐ. ܟܠܗܘܿܢ ܡܲܠܟܹ̈ܐ ܕܚܪܲܒ̣ ܝܼܫܘܿܥ ܬܠܵܬ̣ܝܼܢ ܘܚܲܕ݂. |