|
|
| [1]וַיְהִי הַגֹּורָל לְמַטֵּה בְּנֵי יְהוּדָה לְמִשְׁפְּחֹתָם אֶל־גְּבוּל אֱדֹום מִדְבַּר־צִן נֶגְבָּה מִקְצֵה תֵימָן׃ |
[No book] |
| [2]וַיְהִי לָהֶם גְּבוּל נֶגֶב מִקְצֵה יָם הַמֶּלַח מִן־הַלָּשֹׁן הַפֹּנֶה נֶגְבָּה׃ |
[No book] |
| [3]וְיָצָא אֶל־מִנֶּגֶב לְמַעֲלֵה עַקְרַבִּים וְעָבַר צִנָה וְעָלָה מִנֶּגֶב לְקָדֵשׁ בַּרְנֵעַ וְעָבַר חֶצְרֹון וְעָלָה אַדָּרָה וְנָסַב הַקַּרְקָעָה׃ |
[No book] |
| [4]וְעָבַר עַצְמֹונָה וְיָצָא נַחַל מִצְרַיִם וְהָיָה [Q: וְהָיוּ] תֹצְאֹות הַגְּבוּל יָמָּה זֶה־יִהְיֶה לָכֶם גְּבוּל נֶגֶב׃ |
[No book] |
| [5]וּגְבוּל קֵדְמָה יָם הַמֶּלַח עַד־קְצֵה הַיַּרְדֵּן וּגְבוּל לִפְאַת צָפֹונָה מִלְּשֹׁון הַיָּם מִקְצֵה הַיַּרְדֵּן׃ |
[No book] |
| [6]וְעָלָה הַגְּבוּל בֵּית חָגְלָה וְעָבַר מִצְּפֹון לְבֵית הָעֲרָבָה וְעָלָה הַגְּבוּל אֶבֶן בֹּהַן בֶּן־רְאוּבֵן׃ |
[No book] |
| [7]וְעָלָה הַגְּבוּל דְּבִרָה מֵעֵמֶק עָכֹור וְצָפֹונָה פֹּנֶה אֶל־הַגִּלְגָּל אֲשֶׁר־נֹכַח לְמַעֲלֵה אֲדֻמִּים אֲשֶׁר מִנֶּגֶב לַנָּחַל וְעָבַר הַגְּבוּל אֶל־מֵי־עֵין שֶׁמֶשׁ וְהָיוּ תֹצְאֹתָיו אֶל־עֵין רֹגֵל׃ |
[No book] |
| [8]וְעָלָה הַגְּבוּל גֵּי בֶן־הִנֹּם אֶל־כֶּתֶף הַיְבוּסִי מִנֶּגֶב הִיא יְרוּשָׁלִָם וְעָלָה הַגְּבוּל אֶל־רֹאשׁ הָהָר אֲשֶׁר עַל־פְּנֵי גֵי־הִנֹּם יָמָּה אֲשֶׁר בִּקְצֵה עֵמֶק־רְפָאִים צָפֹנָה׃ |
[No book] |
| [9]וְתָאַר הַגְּבוּל מֵרֹאשׁ הָהָר אֶל־מַעְיַן מֵי נֶפְתֹּוחַ וְיָצָא אֶל־עָרֵי הַר־עֶפְרֹון וְתָאַר הַגְּבוּל בַּעֲלָה הִיא קִרְיַת יְעָרִים׃ |
[No book] |
| [10]וְנָסַב הַגְּבוּל מִבַּעֲלָה יָמָּה אֶל־הַר שֵׂעִיר וְעָבַר אֶל־כֶּתֶף הַר־יְעָרִים מִצָּפֹונָה הִיא כְסָלֹון וְיָרַד בֵּית־שֶׁמֶשׁ וְעָבַר תִּמְנָה׃ |
[No book] |
| [11]וְיָצָא הַגְּבוּל אֶל־כֶּתֶף עֶקְרֹון צָפֹונָה וְתָאַר הַגְּבוּל שִׁכְּרֹונָה וְעָבַר הַר־הַבַּעֲלָה וְיָצָא יַבְנְאֵל וְהָיוּ תֹּצְאֹות הַגְּבוּל יָמָּה׃ |
[No book] |
| [12]וּגְבוּל יָם הַיָּמָּה הַגָּדֹול וּגְבוּל זֶה גְּבוּל בְּנֵי־יְהוּדָה סָבִיב לְמִשְׁפְּחֹתָם׃ |
[No book] |
| [13]וּלְכָלֵב בֶּן־יְפֻנֶּה נָתַן חֵלֶק בְּתֹוךְ בְּנֵי־יְהוּדָה אֶל־פִּי יְהוָה לִיהֹושֻׁעַ אֶת־קִרְיַת אַרְבַּע אֲבִי הָעֲנָק הִיא חֶבְרֹון׃ |
[No book] |
| [14]וַיֹּרֶשׁ מִשָּׁם כָּלֵב אֶת־שְׁלֹושָׁה בְּנֵי הָעֲנָק אֶת־שֵׁשַׁי וְאֶת־אֲחִימַן וְאֶת־תַּלְמַי יְלִידֵי הָעֲנָק׃ |
[No book] |
| [15]וַיַּעַל מִשָּׁם אֶל־יֹשְׁבֵי דְּבִר וְשֵׁם־דְּבִר לְפָנִים קִרְיַת־סֵפֶר׃ |
[No book] |
| [16]וַיֹּאמֶר כָּלֵב אֲשֶׁר־יַכֶּה אֶת־קִרְיַת־סֵפֶר וּלְכָדָהּ וְנָתַתִּי לֹו אֶת־עַכְסָה בִתִּי לְאִשָּׁה׃ |
[No book] |
| [17]וַיִּלְכְּדָהּ עָתְנִיאֵל בֶּן־קְנַז אֲחִי כָלֵב וַיִּתֶּן־לֹו אֶת־עַכְסָה בִתֹּו לְאִשָּׁה׃ |
[No book] |
| [18]וַיְהִי בְּבֹואָהּ וַתְּסִיתֵהוּ לִשְׁאֹול מֵאֵת־אָבִיהָ שָׂדֶה וַתִּצְנַח מֵעַל הַחֲמֹור וַיֹּאמֶר־לָהּ כָּלֵב מַה־לָּךְ׃ |
[No book] |
| [19]וַתֹּאמֶר תְּנָה־לִּי בְרָכָה כִּי אֶרֶץ הַנֶּגֶב נְתַתָּנִי וְנָתַתָּה לִי גֻּלֹּת מָיִם וַיִּתֶּן־לָהּ אֵת גֻּלֹּת עִלִּיֹּות וְאֵת גֻּלֹּת תַּחְתִּיֹּות׃ |
[No book] |
| [20]זֹאת נַחֲלַת מַטֵּה בְנֵי־יְהוּדָה לְמִשְׁפְּחֹתָם׃ |
[No book] |
| [21]וַיִּהְיוּ הֶעָרִים מִקְצֵה לְמַטֵּה בְנֵי־יְהוּדָה אֶל־גְּבוּל אֱדֹום בַּנֶּגְבָּה קַבְצְאֵל וְעֵדֶר וְיָגוּר׃ |
[No book] |
| [22]וְקִינָה וְדִימֹונָה וְעַדְעָדָה׃ |
[No book] |
| [23]וְקֶדֶשׁ וְחָצֹור וְיִתְןָן׃ |
[No book] |
| [24]זִיף וָטֶלֶם וּבְעָלֹות׃ |
[No book] |
| [25]וְחָצֹור חֲדַתָּה וּקְרִיֹּות חֶצְרֹון הִיא חָצֹור׃ |
[No book] |
| [26]אֲםָם וּשְׁמַע וּמֹולָדָה׃ |
[No book] |
| [27]וַחֲצַר גַּדָּה וְחֶשְׁמֹון וּבֵית פָּלֶט׃ |
[No book] |
| [28]וַחֲצַר שׁוּעָל וּבְאֵר שֶׁבַע וּבִזְיֹותְיָה׃ |
[No book] |
| [29]בַּעֲלָה וְעִיִּים וָעָצֶם׃ |
[No book] |
| [30]וְאֶלְתֹּולַד וּכְסִיל וְחָרְמָה׃ |
[No book] |
| [31]וְצִקְלַג וּמַדְמַנָּה וְסַנְסַנָּה׃ |
[No book] |
| [32]וּלְבָאֹות וְשִׁלְחִים וְעַיִן וְרִמֹּון כָּל־עָרִים עֶשְׂרִים וָתֵשַׁע וְחַצְרֵיהֶן׃ |
[No book] |
| [33]בַּשְּׁפֵלָה אֶשְׁתָּאֹול וְצָרְעָה וְאַשְׁנָה׃ |
[No book] |
| [34]וְזָנֹוחַ וְעֵין גַּנִּים תַּפּוּחַ וְהָעֵינָם׃ |
[No book] |
| [35]יַרְמוּת וַעֲדֻלָּם שֹׂוכֹה וַעֲזֵקָה׃ |
[No book] |
| [36]וְשַׁעֲרַיִם וַעֲדִיתַיִם וְהַגְּדֵרָה וּגְדֵרֹתָיִם עָרִים אַרְבַּע־עֶשְׂרֵה וְחַצְרֵיהֶן׃ |
[No book] |
| [37]צְןָן וַחֲדָשָׁה וּמִגְדַּל־גָּד׃ |
[No book] |
| [38]וְדִלְעָן וְהַמִּצְפֶּה וְיָקְתְאֵל׃ |
[No book] |
| [39]לָכִישׁ וּבָצְקַת וְעֶגְלֹון׃ |
[No book] |
| [40]וְכַבֹּון וְלַחְמָס וְכִתְלִישׁ׃ |
[No book] |
| [41]וּגְדֵרֹות בֵּית־דָּגֹון וְנַעֲמָה וּמַקֵּדָה עָרִים שֵׁשׁ־עֶשְׂרֵה וְחַצְרֵיהֶן׃ |
[No book] |
| [42]לִבְנָה וָעֶתֶר וְעָשָׁן׃ |
[No book] |
| [43]וְיִפְתָּח וְאַשְׁנָה וּנְצִיב׃ |
[No book] |
| [44]וּקְעִילָה וְאַכְזִיב וּמָרֵאשָׁה עָרִים תֵּשַׁע וְחַצְרֵיהֶן׃ |
[No book] |
| [45]עֶקְרֹון וּבְנֹתֶיהָ וַחֲצֵרֶיהָ׃ |
[No book] |
| [46]מֵעֶקְרֹון וָיָמָּה כֹּל אֲשֶׁר־עַל־יַד אַשְׁדֹּוד וְחַצְרֵיהֶן׃ |
[No book] |
| [47]אַשְׁדֹּוד בְּנֹותֶיהָ וַחֲצֵרֶיהָ עַזָּה בְּנֹותֶיהָ וַחֲצֵרֶיהָ עַד־נַחַל מִצְרָיִם וְהַיָּם הַגָּבֹול [Q: הַגָּדֹול] וּגְבוּל׃ |
[No book] |
| [48]וּבָהָר שָׁמִיר וְיַתִּיר וְשֹׂוכֹה׃ |
[No book] |
| [49]וְדַנָּה וְקִרְיַת־סַנָּה הִיא דְבִר׃ |
[No book] |
| [50]וַעֲנָב וְאֶשְׁתְּמֹה וְעָנִים׃ |
[No book] |
| [51]וְגֹשֶׁן וְחֹלֹן וְגִלֹה עָרִים אַחַת־עֶשְׂרֵה וְחַצְרֵיהֶן׃ |
[No book] |
| [52]אֲרַב וְרוּמָה וְאֶשְׁעָן׃ |
[No book] |
| [53]וְיָנִים [Q: וְיָנוּם] וּבֵית־תַּפּוּחַ וַאֲפֵקָה׃ |
[No book] |
| [54]וְחֻמְטָה וְקִרְיַת אַרְבַּע הִיא חֶבְרֹון וְצִיעֹר עָרִים תֵּשַׁע וְחַצְרֵיהֶן׃ |
[No book] |
| [55]מָעֹון כַּרְמֶל וָזִיף וְיוּטָּה׃ |
[No book] |
| [56]וְיִזְרְעֶאל וְיָקְדְעָם וְזָנֹוחַ׃ |
[No book] |
| [57]הַקַּיִן גִּבְעָה וְתִמְנָה עָרִים עֶשֶׂר וְחַצְרֵיהֶן׃ |
[No book] |
| [58]חַלְחוּל בֵּית־צוּר וּגְדֹור׃ |
[No book] |
| [59]וּמַעֲרָת וּבֵית־עֲנֹות וְאֶלְתְּקֹן עָרִים שֵׁשׁ וְחַצְרֵיהֶן׃ |
[No book] |
| [60]קִרְיַת־בַּעַל הִיא קִרְיַת יְעָרִים וְהָרַבָּה עָרִים שְׁתַּיִם וְחַצְרֵיהֶן׃ |
[No book] |
| [61]בַּמִּדְבָּר בֵּית הָעֲרָבָה מִדִּין וּסְכָכָה׃ |
[No book] |
| [62]וְהַנִּבְשָׁן וְעִיר־הַמֶּלַח וְעֵין גֶּדִי עָרִים שֵׁשׁ וְחַצְרֵיהֶן׃ |
[No book] |
| [63]וְאֶת־הַיְבוּסִי יֹושְׁבֵי יְרוּשָׁלִַם לֹא־יוּכְלוּ [Q: יָכְלוּ] בְנֵי־יְהוּדָה לְהֹורִישָׁם וַיֵּשֶׁב הַיְבוּסִי אֶת־בְּנֵי יְהוּדָה בִּירוּשָׁלִַם עַד הַיֹּום הַזֶּה׃ |
[No book] |