|
|
| [1]ܘܲܗܘ̤ܵܬ̣ ܓܸܠܥܵܕ݂ ܡܢܵܬܵܐ ܕܫܲܒ̣ܛܵܐ ܕܲܡܢܲܫܹܐ: ܡܸܛܠ ܕܗ̤ܘܝܘܼ ܗ̄ܘ̣ܵܐ ܒܘܼܟ݂ܪܹܗ ܕܝܵܘܣܸܦ: ܘܲܠܡܵܟ݂ܝܼܪ ܒܘܼܟ݂ܪܹܗ ܕܲܡܢܲܫܹܐ: ܐܲܒ̣ܘܼܗܝ ܕܓܸܠܥܵܕ݂: ܡܸܛܠ ܕܗ̤ܘ ܗܘ̤ܵܐ ܒܘܼܟ݂ܪܵܐ ܓܲܒ̣ܪܵܐ ܩܪܲܒ̣ܬ̣ܵܢܵܐ: ܘܲܗܘ̤ܵܬ̣ ܕܝܼܠܹܗ ܓܸܠܥܵܕ݂ ܘܡܲܬ̣ܢܝܼܢ. |
[No book] |
| [2]ܘܲܗܘ̤ܵܬ̣ ܕܲܒ̣̈ܢܲܝ ܡܢܲܫܹܐ ܕܐܸܫܬ̇ܚܲܪܘ ܠܫܲܪ̈ܒ̣ܵܬ̣ܗܘܿܢ: ܘܠܲܒ̣̈ܢܲܝ ܐܲܒ̣ܝܼܥܵܙܲܪ: ܘܠܲܒ̣̈ܢܲܝ ܚܵܠܵܩ: ܘܠܲܒ̣̈ܢܲܝ ܢܸܫܪܵܐܹܝܠ: ܘܠܲܒ̣̈ܢܲܝ̈ ܫܘܿܦܵܡ: ܘܠܲܒ̣̈ܢܲܝ ܚܵܦܵܪ: ܘܠܲܒ̣̈ܢܲܝ ܫܡܕ݂ܵܥ ܗܵܠܹܝܢ ܒܢܵܘ̈ܗܝ ܕܲܡܢܲܫܹܐ ܒܲܪ ܝܵܘܣܸܦ ܕܸܟ݂ܪܹ̈ܐ ܠܫܲܪ̈ܒ݂ܵܬ̣ܗܘܿܢ. |
[No book] |
| [3]ܘܠܲܨܠܸܦܚܲܕ݂ ܒܲܪ ܚܵܦܵܪ: ܒܲܪ ܓܸܠܥܵܕ݂: ܒܲܪ ܡܵܟ݂ܝܼܪ: ܒܲܪ ܡܢܲܫܹܐ: ܠܵܐ ܗܘ̤ܵܘ ܠܹܗ ܒ̈ܢܲܝܵܐ: ܐܸܠܵܐ ܒ̈ܢܵܬ̣ܵܐ ܘܗܵܠܹܝܢ ܫܡܵܗܹ̈ܐ ܕܲܒ̣̈ܢܵܬܹܗ: ܡܲܚܠܵܐ: ܘܝܲܥܵܐ: ܘܚܸܓ̣ܠܵܐ: ܘܡܸܟܵܐ: ܘܬܲܪܨܵܐ. |
[No book] |
| [4]ܘܲܩܪܸܒ̣ ܩܕ݂ܵܡ ܐܹܠܝܼܥܵܙܲܪ ܟܵܗܢܵܐ: ܘܲܩܕ݂ܵܡ ܝܼܫܘܿܥ ܒܲܪܢܘܿܢ: ܘܲܩܕ݂ܵܡ ܪܵܘ̱ܪ̈ܒ̣ܵܢܹܐ ܕܝܼܣܪܵܝܹܠ: ܘܐܵܡܪ̈ܵܢ: ܡܵܪܝܵܐ ܦܲܩܸܕ݂ ܠܡܘܼܫܹܐ ܕܢܸܬܸ̇ܠ ܠܲܢ ܝܵܪܬ̇ܘܼܬ̣ܵܐ ܒܲܝܢܵܬ̣ ܐܲܚܲܝ̈ܢ: ܘܝܲܗ̄ܒ̣ ܠܲܢ ܥܲܠ ܡܸܠܲܬ̣ ܦܘܼܡܹܗ ܕܡܵܪܝܵܐ: ܒܲܝܢܵܬ̣ ܐܲܚܹ̈ܐ ܕܐܲܒ̣ܘܼܢ: ܘܝܲܗ̄ܒ̣ ܠܗܹܝܢ ܝܼܫܘܿܥ ܝܵܪܬ̇ܘܼܬ̣ܵܐ ܘܦܵܠܓܘܼܬ̣ܵܐ ܒܲܝܢܵܬ̣ ܐܲܚܹ̈ܐ ܕܐܲܒ̣ܘܼܗܹܝܢ. |
[No book] |
| [5]ܘܲܢܦܲܠܘ ܚܲܒ̣ܠܵܘ̈ܗܝ ܕܲܡܢܲܫܹܐ ܥܸܣܪܵܐ: ܠܒܲܪ ܡ̣ܢ ܐܲܪܥܵܐ ܕܓܸܠܥܵܕ݂: ܘܲܕ݂ܡܲܬ̣ܢܹܝܢ ܕܐܝܼܬ̣ ܒܥܸܒ̣ܪܵܐ ܕܝܘܿܪܕ̇ܢܵܢ. |
[No book] |
| [6]ܡܸܛܠ ܕܲܒ̣̈ܢܵܬܹܗ ܕܲܡܢܲܫܹܐ ܝܼܪܬ̣ ܝܵܪܬ̇ܘܼܬ̣ܵܐ ܥܲܡ ܐܲܚܲܝ̈ܗܹܝܢ: ܘܐܲܪܥܵܐ ܕܓܸܠܥܵܕ݂ ܗܘ̤ܵܬ̣ ܠܲܒ̣ܢܵܘ̈ܗܝ ܕܲܡܢܲܫܹܐ ܕܐܸܫܬ̇ܚܲܪܘ. |
[No book] |
| [7]ܘܲܗܘ̤ܵܐ ܬܚܘܼܡܵܐ ܕܲܒ̣̈ܢܲܝ ܡܢܲܫܹܐ: ܡ̣ܢ ܬܚܘܼܡܵܐ ܕܡܲܟ݂ܡܲܬ̣ ܕܐܝܼܬ̣ ܥܲܠ ܝܲܡܝܼܢܵܐ ܕܝܵܬ̣ܒܲܝ̈ ܥܹܝܢ ܬܲܦܘܿܚ. |
[No book] |
| [8]ܘܲܗܘ̤ܵܬ̣ ܐܲܪܥ̱ܗܘܿܢ ܒܬܲܦܘܿܚ ܘܲܦܬܲܚ. ܘܲܗܘ̤ܵܐ ܬܚܘܼܡܵܐ ܠܲܒ̣̈ܢܲܝ ܡܢܲܫܹܐ ܒܲܪ ܝܵܘܣܸܦ: ܘܲܠܒܹܝܬ̣ ܒ̈ܢܲܝ ܐܲܦܪܹܝܡ. |
[No book] |
| [9]ܘܢܵܚܹ̇ܬ̣ ܬܚܘܼܡܗܘܿܢ ܠܢܲܚܠܵܐ ܕܝܲܡܵܐ ܡ̣ܢ ܬܲܝ̱ܡܢܵܐ ܕܢܲܚܠܵܐ ܕܩܘܼܪ̈ܝܵܐ ܗܵܠܹܝܢ ܕܐܲܦܪܹܝܡ ܠܒܹܝܬ̣ ܩܘܼܪ̈ܝܵܐ ܕܲܡܢܲܫܹܐ. ܘܲܬ̣ܚܘܼܡܵܐ ܕܲܡܢܲܫܹܐ ܡ̣ܢ ܓܲܪܒ̇ܝܵܐ ܕܢܲܚܠܵܐ. ܘܲܗܘ̤ܵܘ ܡܲܦܩܵܢܵܘ̈ܗܝ ܠܡܲܥ̱ܪܒ̣ܵܐ. |
[No book] |
| [10]ܘܬܲܝ̱ܡܢܵܐ ܠܐܲܦܪܹܝܡ: ܘܓܲܪܒ̇ܝܵܐ ܠܲܡܢܲܫܹܐ: ܘܝܲܡܵܐ ܬܚܘܼܡܗܘܿܢ ܘܒ̣ܵܐܫܹܝܪ ܦܵܓ̣ܥܝܼܢ ܡ̣ܢ ܓܲܪܒ̇ܝܵܐ: ܘܒ̣ܐܝܼܣܵܟ݂ܵܪ ܡ̣ܢ ܡܲܕ݂ܢ̱ܚܵܐ. |
[No book] |
| [11]ܘܲܗܘ̤ܵܬ̣ ܕܲܡܢܲܫܹܐ ܠܩܘܼܒ̣ܠܹܗ ܕܐܝܼܣܵܟ݂ܵܪ: ܒܹܝܬ̣ ܝܵܫܵܢ ܘܟܲܦܪ̈ܘܿܢܹܝܗ̇: ܘܲܢܒܸܠܥܵܡ ܘܟܲܦܪ̈ܘܿܢܹܝܗ̇: ܘܥܝܼܢܕ̇ܘܿܪ ܘܟܲܦܪ̈ܘܿܢܹܝܗ̇: ܘܬܲܥܢܵܟ݂ ܘܟܲܦܪ̈ܘܿܢܹܝܗ̇: ܘܡܲܓܕ̇ܘܿ ܘܟܲܦܪ̈ܘܿܢܹܝܗ̇: ܬܠܵܬ̣ ܙܵܘ̈ܝܵܢ. |
[No book] |
| [12]ܘܠܵܐ ܚܪܲܒ̣ܘ ܒ̈ܢܲܝ ܝܼܣܪܵܝܹܠ ܠܩܘܼܪ̈ܝܵܐ ܗܵܠܹܝܢ: ܡܸܛܠ ܕܐܸܬ̇ܛܦܝܼܣܘ ܟܢܲܥܢܵܝܹ̈ܐ ܠܡܸܬܲܒ̣ ܒܩܘܼܪ̈ܝܵܐ ܗܵܠܹܝܢ. |
[No book] |
| [13]ܘܟܲܕ݂ ܥܫܸܢܘ ܒ̈ܢܲܝ ܝܼܣܪܵܝܹܠ: ܟܒܲܫܘ ܐܸܢܘܿܢ ܠܲܟ݂ܢܲܥܢܵܝܹ̈ܐ ܒܡܲܕܲܐܬ̣ܵܐ: ܘܡܸܚܪܲܒ̣ ܠܵܐ ܚܪܲܒ̣ܘ ܐܸܢܘܿܢ. |
[No book] |
| [14]ܘܐܸܡܲܪ ܒ̈ܢܲܝ ܝܵܘܣܸܦ ܠܝܼܫܘܿܥ: ܠܡܵܢܵܐ ܝܲܗ̄ܒ̣ܬ̇ ܠܲܢ ܝܵܪܬ̇ܘܼܬ̣ܵܐ ܡܢܵܬ̣ܵܐ ܚܕ݂ܵܐ: ܘܚܲܒ̣ܠܵܐ ܚܲܕ݂: ܘܲܚܢܲܢ ܥܲܡܵܐ ܣܲܓ̇ܝܼܵܐܐ ܥܕܲܡܵܐ ܗ̄ܘ̣ ܠܗܵܪܟܵܐ ܒܲܪܟܲܢ ܡܵܪܝܵܐ. |
[No book] |
| [15]ܐܵܡܲܪ ܠܗܘܿܢ ܝܼܫܘܿܥ: ܐܸܢ ܥܲܡܵܐ ܐܲܢ̄ܬ̇ܘܿܢ ܣܲܓ̇ܝܼܵܐܐ: ܣܲܩܘ ܠܟ݂ܘܿܢ ܠܓܲܒܵܐ ܕܛܘܼܪܵܐ: ܘܲܓ̣ܒ̣ܵܘ ܠܟ݂ܘܿܢ ܬܲܡܵܢ ܒܐܲܪܥܵܐ ܕܦܲܪ̈ܙܵܝܹܐ ܘܲܕ݂ܓܲܢ̄ܒܵܪܹ̈ܐ: ܡܸܛܠ ܕܐܲܠܝܼܨ ܗ̄ܘ̣ ܠܟ݂ܘܿܢ ܛܘܼܪܵܐ ܕܐܲܦܪܹܝܡ. |
[No book] |
| [16]ܘܐܸܡܲܪܘ ܒ̈ܢܲܝ ܝܵܘܣܸܦ: ܠܵܐ ܣܵܦܹ̇ܩ ܠܲܢ ܛܘܼܪܵܐ ܘܲܡܕ݂ܝܼ̈ܢܵܬ̣ܵܐ ܕܦܲܪ̈ܙܵܝܹܐ: ܡܸܛܠ ܕܲܟ݂ܢܲܥܢܵܝܹ̈ܐ ܝܵܬ̣ܒ̇ܝܼܢ ܒܐܲܪܥܵܐ ܕܥܘܼܡܩܵܐ: ܘܒܹܝܬ̣ ܝܵܫܵܢ ܘܲܒ̣ܟܲܦܪ̈ܘܿܢܹܝܗ̇: ܘܲܒ̣ܥܘܼܡܩܵܐ ܕܐܝܼܙܲܪܥܹܝܠ. |
[No book] |
| [17]ܘܐܸܡܲܪ ܝܼܫܘܿܥ ܠܲܕ݂ܒܹܝܬ̣ ܝܵܘܣܸܦ ܠܲܒ̣̈ܢܲܝ ܐܲܦܪܹܝܡ ܘܲܡܢܲܫܹܐ: ܥܲܡܵܐ ܣܲܓ̇ܝܼܵܐܐ ܐܲܢ̄ܬ̇ܘܿܢ: ܘܚܲܝܠܵܐ ܪܲܒܵܐ ܠܟ݂ܘܿܢ. ܐܸܢ ܠܵܐ ܣܵܦܩܵܐ ܠܟ݂ܘܿܢ ܡܢܵܬ̣ܵܐ ܚܕ݂ܵܐ. |
[No book] |
| [18]ܓܒ̣ܵܘ ܠܟ݂ܘܿܢ ܛܘܼܪܵܐ: ܘܣܵܦܹ̇ܩ ܠܟ݂ܘܿܢ. ܘܓܲܒܵܘ̈ܗܝ ܕܛܘܼܪܵܐ ܢܸܗܘܘܿܢ ܠܟ݂ܘܿܢ ܡܲܦܩܵܢܵܘ̈ܗܝ. ܘܲܚܪܘܿܒ̣ܘ ܠܲܟ݂ܢܲܥܢܵܝܹ̈ܐ ܘܲܠܦܲܪ̈ܙܵܝܹܐ: ܡܸܛܠ ܕܡܲܪ̈ܟ̇ܒ̣ܵܬ̣ܵܐ ܪܵܘ̱ܪ̈ܒ̣ܵܬ̣ܵܐ ܕܥܲܫܝܼ̈ܢܵܢ ܕܦܲܪܙܠܵܐ ܐܝܼܬ̣ ܠܗܘܿܢ ܘܥܲܫܝܼܢܝܼܢ ܐܸܢܘܿܢ. |
[No book] |